Yowanu 11
11
Kufwa kwaLazaru
1Kwadiŋi muntu wakata, Lazaru wakuBetani, wakumukala waMariya namanakwindi wamumbanda #Luk 10:38-39Mata.
2Diyi #12:3Mariya wawayishili Mwanta manji evumba dadiwahi, wakombweli madatilu indi nansuki jindi, diyi wukweti manakwindi Lazaru wakata.
3Dichi ahelindi hiyakumutemeshela Yesu mazu, nawu, Eyi Mwanta, tiya, mukwenu wakeŋa wakata.
4Yesu chanachitiyiyi hakwila nindi, Kukatiku hikwakufwaku; kwakulemesha nachu Nzambi, kulonda akalemeshi nachu Mwana kaNzambi.
5Yesu wakeŋeli Mata nimanakwindi wamumbanda niLazaru.
6Dichi chanatiyiyi nawu wakata, hakushakama kwenoku mafuku ayedi.
7Henohu hakuyila atumbanji twindi nindi, Tuyenu cheŋi muYudeya.
8Atumbanji hiyakumwila nawu, Eyi Rabi, aYudeya mafuku awa akeŋa #8:59kukwasa malola, wuyuku nawa cheŋi?
9Kuchinka Yesu nindi, hikwekala mpinji ikumi najiyedi (12) jamwaanaku, tahindi? Neyi muntu wukwenda #9:4namwaana hakuhukanaku, nanochu chanamoniyi namwaana wamunu mwishina.
10Ilaŋa neyi muntu wukwenda nawufuku wukuhukana, muloŋa nabuli chejeji mudi yomweni.
11Chanahoshiyi mazu awa, hakunuŋaku nindi, Ibwambu detu Lazaru nayi dehi #Mat 27:52; Mak 5:39mutulu; ami hinukuya nakamuhindwishi mutulu.
12Dichi atumbanji hiyakumwila nawu, Eyi Mwanta, neyi nayi mutulu wukuhanda.
13Komana Yesu nateni kufwa kwindi; hakwila wena adiŋi nakutoŋojoka nawu nateni kunooka mutulu.
14Dichi Yesu hakuyileja chalumbuluka chikupu nindi, Lazaru wafwa dehi.
15Chinabuli kwikala kwenoku natiyi kuwaha hansaŋu yenu, kulonda enu mwakakuhweleli. Hela chochu, tuyenu kudi yena.
16Dichi #20:24-28; Mat 10:3Tomasi, atenawu nawu Mpamba, hakuyila akwawu atumbanji nindi, Tuyenu ninetu nawa, twakafwili hamu nindi.
Yesu hakukundeja ahela aLazaru
17Yesu chanashikiyi hakuwana Lazaru wakama dehi mwijamu mafuku awana.
18KuBetani kwadiŋi kwakwihi naYerusalema, kafwampi neyi 3 km.
19Henohu aYudeya amavulu enza dehi nakukundeja Mata naMariya nansaŋu yamanakwawu.
20Dichi Mata chatiyiliyi nawu Yesu wudi nakwinza, hakuya nakumukinkilila, ilaŋa Mariya hakushakama tuhu mwitala.
21Dichi Mata hakumwila Yesu nindi, Eyi Mwanta, neyi eyi wadiŋi kunu, mutenowu manakwami hadi kufwaku.
22Hela katataka neluki nami Nzambi wukukwinka chejima chiwukumulomba.
23Yesu hakumwila nindi, Manakweyi wukusaŋuka mukufwa.
24Mata hakumwila nindi, Neluki nami wamba kasaŋuka, hamba #5:28-29; Dan 12:2kasaŋukawu afu hefuku dakukuminina.
25Yesu hakumwila nindi, Ami yami #6:39-40chisaŋukilu niwumi. Muntu wankuhwelelami, hela wukufwa #Chim 1:18wakahanda.
26Muntu wamumi nankuhwelelami #8:51hamba kafwaku. Eyi wunakuhweleli mwenimu?
27Yena hakumwila nindi, Eŋa Mwanta, nakuhweleli nami yeyi #Mat 16:16Kristu, Mwana kaNzambi, yowu elaŋawu nawu wakenza mumpata yamunu mwishina.
28Chahosheliyi omu hakuya kwindi, hakutambika mwanyikindi Mariya hambadi nindi, Ntaŋishi wudi kunu, nakutambiki.
29Niyena chanachitiyiyi, hakunyamuka swayi, hakuya kudi yena.
30Henohu Yesu kanda ashiki mumukala, wuchidi kwamukinkilililiyi Mata.
31AYudeya adiŋi naMariya mwitala nakumukundeja, chamwenuwu Mariya hakunyamuka swayi hakwidika, hiyakumulondela, atoŋojokeli nawu kwiji wudi nakuya nakudilila kwijamu.
32Dichi Mariya chashikiliyi kwadiŋiyi Yesu, chamumweniyi hakudumbila kunyendu yindi, hakumwila nindi, Mwanta, neyi eyi wadiŋi kunu, mutenowu manakwami hadi kufwaku.
33Dichi Yesu chamumweniyi wudi nakudila, niaYudeya enjiliyi nawu adi nakudila, hakudishishimuna muspiritu, atiya nikukala.
34Nindi, Munamukamiki kudihi? Hiyakumwila nawu, Mwanta, inzaŋa wutali.
35Yesu #Luk 19:41hakudila.
36Dichi aYudeya hiyakwila nawu, Talenu chamukeŋeliyi!
37Ilaŋa hadiŋi amakwawu nawu, Yeniwu watonesheli mesu anowu wadiŋi mputamesu, akaŋanyi kulekesha iwu iyala kufwa, tahindi?
Yesu hakusaŋula Lazaru
38Dichi Yesu, iku wudi nakudishishimuna, hakwinza kwijamu. Dadiŋi iyeŋu, #20:1; Mat 27:60akunjikaku niilola.
39Yesu hakuyila nindi, Fumishenuku ilola. Mata, muhelanowu wafwa, hakumwila nindi, Mwanta, hanu hakununka, muloŋa munahiti dehi mafuku awana.
40Yesu hakumwila nindi, Hinakuleja nami, neyi wukukuhwelela wukumona lubanji lwakulema kwaNzambuku, tahindi?
41Afumishaku niilola. Yesu #17:1hakufumbula mesu kwiwulu, hakwila nindi, Tata nakusakilili chiwunantiyi.
42Ninami neluka nami eyi #1 Yow 5:14wantiyaŋa mafuku ejima, ilaŋa natoŋojoki awa antu amavulu anemani kunu, dichi chinahoshi; kulonda wena akuhweleli nawu yeyi wantemesheli.
43Chanahoshiyi mwenomu, hakubidika nezu daŋovu nindi, Eyi Lazaru, idikakumu!
44Muntu wadiŋi wafwa hakwidikamu #19:40chochamujiŋajiŋawu kumakasa nikunyendu namahina akujiika nachu, kumesu ajiŋiluku ihina dacheŋi. Yesu hakuyila nindi, Mukasununenu ayi.
Mpúŋa yakumujaha Yesu
45Dichi amavulu ahadi aYudeya énjili kudi Mariya, ámweni ochu cheliliyi Yesu, #7:31hiyakumukuhwelela.
46Ilaŋa amakwawu hiyakuya kwawu kudi aFwarisewu, hiyakuyileja mwaneliyi Yesu.
47Dichi akulumpi jawatupristu niaFwarisewu hiyakupompesha chota nawu, Tukwila ŋahi? muloŋa iwu muntu hakukoŋa yinjikijilu yayivulu.
48Neyi tukumuleka tuhu chochichi, antu ejima akumukuhwelela, niaRoma akenza nakututambula mpata yetu nimunza wetu.
49Ilaŋa mwinawu wumu ijina dindi #Mat 26:3Kayafwasi, wádiŋi kapristu muneni hamwakowu, hakuyila nindi, Himweluka chuma nichimuku.
50Munabuli kushinshika chakwila nenu chinawahi muntu wumu kufwila awa antu, kulonda munza wejima wubuli kunoŋa.
51Chahosheliyi ochu, hahosheli chakumuchima winduku; wahosheli nanochu chadiŋiyi kapristu muneni hawena mwakowu, hakuprofweta nindi, Yesu akafwili owu munza.
52Hakafwila kwamunzowu hohuku; chiŋa akapompesheli hamu anyana kaNzambi #10:16anapalaŋani.
53Kufumisha kwifuku odu hiyakutiyaŋana nawu amujahi.
54Dichi Yesu hendeli nawa cheŋi hatooka mukachi kawaYudeyaku, wafuminuku, hakuya mumpata yidi kwakwihi nachinkalampata, hakwiŋila mumukala wumu ijina dawu Efweremi, hakulabilaku hamu nawatumbanji twindi.
55Chawija chawaYudeya #Mat 26:1-2; Mak 14:1chaChipandakenu chinashiki dehi kwakwihi, antu amavulu hiyakufumafuma munyikala, hiyakukanduka kuYerusalema, hachidi Chipandakenu kanda, kulonda #2 Kush 30:17-18kudijilika.
56Hiyakukeŋakeŋa Yesu. Hiyakudihujola hadiŋi nakwimajalawu muTembeli, nawu, Munatoŋojoki nenudi? Nenu hakwinza kuchawijaku, tahindi?
57Akulumpi jawatupristu niaFwarisewu aleja dehi antu nawu, neyi muntu neluki kwadiyi amushimuni kulonda amukwati.
Currently Selected:
Yowanu 11: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
