Luka 7
7
Kukuhwelela kwamukulumpi wamashidika
(Mat 8:5-13)
1Chelili nakumishi dehi kuhosha yihosha yindi yejima kumatu awantu, hakuya #Yow 4:46-53muKaperinamu.
2Mukulumpi wamashidika wumu wadiŋi nanduŋu yindi aswejeliyi kukeŋayi nankashi, wakatili hakukeŋa kufwa.
3Chanatiyiyi mpuhu yaYesu, hakumutemeshela akulumpi jawaYudeya, kulonda enzi nakuhandisha nduŋu yindi.
4Wena chanashikuwu kudi Yesu, hiyakumulembelela nankashi nawu, Himuntu watela kumwilila chumichi kudeyi;
5muloŋa wakeŋa munza wetu, diyi nawa watutuŋilili shikola yetu.
6Yesu hakuya nawu. Chanashikiyi kwakwihi netala, owu mukulumpi wamashidika hakutemeshaku amabwambu jindi akamwili nawu, Eyi Mwanta, bayi wudikabakeshaku, muloŋa ami hinimuntu wakutela kwiŋileyi mwitala damuku.
7Dichi chinabuli kwinza ami aweni kudeyi, nadimoni nami ami hinimuntu wakutela kwinza kudeyuku; dichi ahoshi mwani kwezu hohu, mukwenzi wami wukukola.
8Muloŋa ninami nawa nimuntu nikweti anyanta jami, hela ami aweni nikweti mashidika aŋovwahilaŋa. Nelaŋa iwu nami, Yaŋa; hakuya. Mukwawu nami, Inzaŋa; hakwinza. Nduŋu yami nami, Ilaku chumichi; hakuchila.
9Yesu chanatiyiyi yumiyi hakumuhayama, hakushetumuka, hakwila izaza dadiŋi nakumulondela nindi, Nayileji nami, kanda nimonaŋahu dehi #Mat 15:28kukuhwelela kwasweja chikumahichuku, chalala hela muIsarela mwamweni.
10Owu atemesheluwu, chanafuntuwu kwitala, hiyakuwana owu nduŋu nakoli dehi.
Yesu hakusaŋula mwana kamfwila
11Chihanalehi chanti, hakuya kumukala wumu ijina dawu Nena; wayili niatumbanji twindi, niizaza deneni.
12Chanashikiyi kwakwihi nachisu chamukala, kutala anatembeki mufu, himwana weyala wasemuka kankawindi, mama yindi wadiŋi mfwila nawa; hiyakumutwalaku kudi antu amavulu ahamukalowu.
13Mwanta chanamumoniyi, #Heb 4:15hakumutiyila wushona, hakumwila nindi, Bayi wudilaku.
14Hakuswila kwakwihi hakukunka kumutembu; átembekeli hiyakwimana ku-ka. Hakwila nindi, Eyi mukwenzi, nakwili nami hindukaku.
15Owu wafwili ashakama nikushakama, atachika nikuhosha; hakumwinkayi mama yindi.
16Woma wuyikwata niwejima wawu; hiyakumuhameka Nzambi nawu, Mukachi ketu munamwekani dehi #v39; 24:19; Mat 21:11; Yow 6:14kaprofwetu muneni. Cheŋi nawa nawu, Nzambi nenzi dehi nakutala antu indi.
17Mpuhu yindi yitiyakana nimwahita Yudeya yejima, nikumutamba wejimowu.
Yesu naYowanu Njimiki
(Mat 11:2-19)
18Atumbanji twaYowanu hiyakumuleja Yowanu yuma yejimiyi.
19Yowanu hakutambika atumbanji twindi ayedi, hakuyitemesha kudi Mwanta amwihuli nawu, Eyi yeyi elaŋawu nawu wakenza, tahindi tutalili wacheŋi?
20Wenowu amayala chanashikuwu kudi Yesu, hiyakumwila nawu, Yowanu Njimiki natutemeshi nakukwihuleyi nindi, Yeyi elaŋawu nawu wakenza, tahindi tutalili wacheŋi?
21Yena mpinji oyu #Mat 4:23; Mak 3:10hakukolesha niantu amavulu adiŋi nanyisoŋu, niadiŋi nayipupu, niadiŋi nawaspiritu atama, hakutonesha niamputamesu amavulu.
22Yesu hakuyakula nindi, Yenu mwakamuleji Yowanu yuma yimunamoni niniyi yimunatiyi; #Isa 29:18-19; 35:5-6amputamesu hiyakutona, akwakubalakata hiyakwenda chachiwahi, akwambumba hiyakutooka, ajika matu hiyakutiya, afu hiyakuyisaŋula, #4:18-19; Isa 61:1atuzweŋi hiyakuyishimwina nsaŋu yayiwahi.
23Muntu nabuli kumona mudami nsaŋu yakumudimbwisha nakooleki.
24Chineli antemesha jaYowanu anayi dehi, hakutachika kuhosha namazaza awantu nsaŋu yaYowanu nindi, Mwayili nakutaladi muchinkalampata? Iteti datepokaŋa nampepela, tahindi?
25Mwayili nenu mwakamonidi? Muntu navwali mahina amawahi, tahindi? Ávwalaŋa yawanta, áluŋaŋa, wowu ekalaŋa muyipaŋu yawanyanta ankanu.
26Mwayili nenu mwakamonidi? Kaprofwetu, tahindi? Eŋa, nayileji nami hikaprofwetu wabadika nankashi atuprofwetu ejima.
27Diyi yeniwu #Mal 3:1; Mat 11:10; Mak 1:2asonekeluwu nawu,
Tiya, nukutemesha ntemesha yami kuwukuya,
Akaloŋeshaŋahu dehi njila yeyi kumbidi kuwakaya.
28Tiyenu niyileji, ánavwaliki kudi ambanda, hosi niwumu wamubadika Yowanuku; ilaŋa muntu nakehi muwanta waNzambi namubadiki yena.
29Chanachitiyuwu, antu ejima #3:12; Mat 21:32niansonkeshi ajimikawu dehi nachijimikilu chaYowanu, hiyakumwiteja Nzambi nawu waloŋa.
30Hakwila aFwarisewu #Mat 22:35nawakwanshimbi, chalekeluwu kuyijimika kudi Yowanu, alekeli mpúŋa yayifuukwililuwu kudi Nzambi.
31Yena nindi, Awa antu achisakichi nukuyifwikija neyi anyi? Anafwani neyi anyi?
32Anafwani neyi atwansi ashakama kuwulandilu akuditambeka nawu,
Tunayimbili mahululu, enu kuhaŋana nehi;
Tunatumpi, enu kudila nehi.
33Muloŋa Yowanu Njimiki nenzi chakadi kudya mankendi, hela #1:15kunwa vinyu, enu nenu wukweti ndemoni.
34Mwana kaMuntu nenzi nakudya nakunwa, enu nenu, Talenu, muntu wafwa hakudya, wanwaŋa vinyu, ibwambu #5:29-30; 15:1-2; Mat 9:11dawansonkeshi nawakwanshidi.
35Dichi maana amuyiŋishaŋa nawanyanindi ejima.
Kumuwayisha Yesu kudi mumbanda mukwanshidi
(Mat 26:6-13; Mak 14:3-9; Yow 12:1-8)
36KaFwarisewu wumu wamwilili Yesu nindi enzi #11:37; 14:1nakudya kwitala dindi. Yesu hakwiŋila mwitala danowu kaFwarisewu, hakushakama nakudya.
37Kumukalowu kwadiŋi mumbanda mukwanshidi, chelukiliyi nindi Yesu nashakami nakudya mwitala dakaFwarisewu, hakuleta #Yow 11:2manji evumba dadiwahi amuchipunda chelola dalubanji.
38Hakwimana kunyima nakudila kumadatilu aYesu, hakuwelesha madatilu aYesu namadilu indi, hakuyikombola nansuki jindi, hakupwepujola kumadatilu indi, hakuyiwayisha wenowu manji.
39Chanachimoniyi owu kaFwarisewu wamutambikili kwitala dindi, hakuhosha mumuchima windi nindi, Iwu neyi #v16hikaprofwetu, mutenowu neluki chadiyi iwu mumbanda mukwanshidi namukunki.
40Yesu hakumwakula nindi, Eyi Shimona, nidi nakadizu kakuhosha naneyi. Yena nindi, Hoshaŋa Nkuluŋaŋa.
41Nindi, Kwadiŋi akwanyikudi ayedi adiili yambala yamukwakusondamisha wumu; iwu wadiili mukudi wankulakaji jitanu (500) jamali, mukwawu wamakumi atanu (50).
42Mwayedi wawu chanakaŋanyuwu jakufuta, hakuyanakena tuhu kwindi. Wukubadika kumukeŋa nankashi wumwodihi?
43Shimona hakumwakula nindi, Natoŋojoki nami owu aanakeneniyi yayivulu. Yesu hakumwila nindi, Wunahoshi mwalala.
44Hakushetumukila kwadiŋi owu mumbanda, hakumwila Shimona nindi, Wunamoni iwu mumbanda? Ami neŋili mwitala deyi, eyi kunyinka #Kutach 18:4menji akunwelesha kunyendu yami nehi, hakwila iwu mumbanda naweleshi madatilu ami namadilu indi, nayikomboli nansuki jindi.
45Eyi #22:47-48; Rom 16:16kumpwepujola nehi, hakwila iwu mumbanda, kufumisha hineŋila hanaleki kupwepujola kumadatilu amuku.
46Eyi #Mas 23:5kunwayisha manji kumutu wami nehi, hakwila iwu mumbanda nawayishi madatilu ami manji evumba dadiwahi.
47Dichi nukukuleja nami nshidi jindi jajivulu #Efw 4:32; 1 Yow 1:9anamwanakeniju; dihu hanafumi kunkeŋa nankashi. Hakwila muntu anaanakenuwu yantesha, wukukeŋa nawa chantesha.
48Hakumwila owu mumbanda nindi, Nshidi jeyi #5:20; Mat 9:2; Mak 2:5anajanakeni.
49Antu ashakamini nakudya, hiyakutachika kuhosha munyichima yawu nawu, Iwu muntu wukwanakena nshidi, diyinyi?
50Yena hakumwila owu mumbanda nindi, #8:48; Mat 9:22; Mak 5:34Kukuhwelela kweyi kunakwamwini dehi; yaŋa nakuwunda.
Currently Selected:
Luka 7: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
Luka 7
7
Kukuhwelela kwamukulumpi wamashidika
(Mat 8:5-13)
1Chelili nakumishi dehi kuhosha yihosha yindi yejima kumatu awantu, hakuya #Yow 4:46-53muKaperinamu.
2Mukulumpi wamashidika wumu wadiŋi nanduŋu yindi aswejeliyi kukeŋayi nankashi, wakatili hakukeŋa kufwa.
3Chanatiyiyi mpuhu yaYesu, hakumutemeshela akulumpi jawaYudeya, kulonda enzi nakuhandisha nduŋu yindi.
4Wena chanashikuwu kudi Yesu, hiyakumulembelela nankashi nawu, Himuntu watela kumwilila chumichi kudeyi;
5muloŋa wakeŋa munza wetu, diyi nawa watutuŋilili shikola yetu.
6Yesu hakuya nawu. Chanashikiyi kwakwihi netala, owu mukulumpi wamashidika hakutemeshaku amabwambu jindi akamwili nawu, Eyi Mwanta, bayi wudikabakeshaku, muloŋa ami hinimuntu wakutela kwiŋileyi mwitala damuku.
7Dichi chinabuli kwinza ami aweni kudeyi, nadimoni nami ami hinimuntu wakutela kwinza kudeyuku; dichi ahoshi mwani kwezu hohu, mukwenzi wami wukukola.
8Muloŋa ninami nawa nimuntu nikweti anyanta jami, hela ami aweni nikweti mashidika aŋovwahilaŋa. Nelaŋa iwu nami, Yaŋa; hakuya. Mukwawu nami, Inzaŋa; hakwinza. Nduŋu yami nami, Ilaku chumichi; hakuchila.
9Yesu chanatiyiyi yumiyi hakumuhayama, hakushetumuka, hakwila izaza dadiŋi nakumulondela nindi, Nayileji nami, kanda nimonaŋahu dehi #Mat 15:28kukuhwelela kwasweja chikumahichuku, chalala hela muIsarela mwamweni.
10Owu atemesheluwu, chanafuntuwu kwitala, hiyakuwana owu nduŋu nakoli dehi.
Yesu hakusaŋula mwana kamfwila
11Chihanalehi chanti, hakuya kumukala wumu ijina dawu Nena; wayili niatumbanji twindi, niizaza deneni.
12Chanashikiyi kwakwihi nachisu chamukala, kutala anatembeki mufu, himwana weyala wasemuka kankawindi, mama yindi wadiŋi mfwila nawa; hiyakumutwalaku kudi antu amavulu ahamukalowu.
13Mwanta chanamumoniyi, #Heb 4:15hakumutiyila wushona, hakumwila nindi, Bayi wudilaku.
14Hakuswila kwakwihi hakukunka kumutembu; átembekeli hiyakwimana ku-ka. Hakwila nindi, Eyi mukwenzi, nakwili nami hindukaku.
15Owu wafwili ashakama nikushakama, atachika nikuhosha; hakumwinkayi mama yindi.
16Woma wuyikwata niwejima wawu; hiyakumuhameka Nzambi nawu, Mukachi ketu munamwekani dehi #v39; 24:19; Mat 21:11; Yow 6:14kaprofwetu muneni. Cheŋi nawa nawu, Nzambi nenzi dehi nakutala antu indi.
17Mpuhu yindi yitiyakana nimwahita Yudeya yejima, nikumutamba wejimowu.
Yesu naYowanu Njimiki
(Mat 11:2-19)
18Atumbanji twaYowanu hiyakumuleja Yowanu yuma yejimiyi.
19Yowanu hakutambika atumbanji twindi ayedi, hakuyitemesha kudi Mwanta amwihuli nawu, Eyi yeyi elaŋawu nawu wakenza, tahindi tutalili wacheŋi?
20Wenowu amayala chanashikuwu kudi Yesu, hiyakumwila nawu, Yowanu Njimiki natutemeshi nakukwihuleyi nindi, Yeyi elaŋawu nawu wakenza, tahindi tutalili wacheŋi?
21Yena mpinji oyu #Mat 4:23; Mak 3:10hakukolesha niantu amavulu adiŋi nanyisoŋu, niadiŋi nayipupu, niadiŋi nawaspiritu atama, hakutonesha niamputamesu amavulu.
22Yesu hakuyakula nindi, Yenu mwakamuleji Yowanu yuma yimunamoni niniyi yimunatiyi; #Isa 29:18-19; 35:5-6amputamesu hiyakutona, akwakubalakata hiyakwenda chachiwahi, akwambumba hiyakutooka, ajika matu hiyakutiya, afu hiyakuyisaŋula, #4:18-19; Isa 61:1atuzweŋi hiyakuyishimwina nsaŋu yayiwahi.
23Muntu nabuli kumona mudami nsaŋu yakumudimbwisha nakooleki.
24Chineli antemesha jaYowanu anayi dehi, hakutachika kuhosha namazaza awantu nsaŋu yaYowanu nindi, Mwayili nakutaladi muchinkalampata? Iteti datepokaŋa nampepela, tahindi?
25Mwayili nenu mwakamonidi? Muntu navwali mahina amawahi, tahindi? Ávwalaŋa yawanta, áluŋaŋa, wowu ekalaŋa muyipaŋu yawanyanta ankanu.
26Mwayili nenu mwakamonidi? Kaprofwetu, tahindi? Eŋa, nayileji nami hikaprofwetu wabadika nankashi atuprofwetu ejima.
27Diyi yeniwu #Mal 3:1; Mat 11:10; Mak 1:2asonekeluwu nawu,
Tiya, nukutemesha ntemesha yami kuwukuya,
Akaloŋeshaŋahu dehi njila yeyi kumbidi kuwakaya.
28Tiyenu niyileji, ánavwaliki kudi ambanda, hosi niwumu wamubadika Yowanuku; ilaŋa muntu nakehi muwanta waNzambi namubadiki yena.
29Chanachitiyuwu, antu ejima #3:12; Mat 21:32niansonkeshi ajimikawu dehi nachijimikilu chaYowanu, hiyakumwiteja Nzambi nawu waloŋa.
30Hakwila aFwarisewu #Mat 22:35nawakwanshimbi, chalekeluwu kuyijimika kudi Yowanu, alekeli mpúŋa yayifuukwililuwu kudi Nzambi.
31Yena nindi, Awa antu achisakichi nukuyifwikija neyi anyi? Anafwani neyi anyi?
32Anafwani neyi atwansi ashakama kuwulandilu akuditambeka nawu,
Tunayimbili mahululu, enu kuhaŋana nehi;
Tunatumpi, enu kudila nehi.
33Muloŋa Yowanu Njimiki nenzi chakadi kudya mankendi, hela #1:15kunwa vinyu, enu nenu wukweti ndemoni.
34Mwana kaMuntu nenzi nakudya nakunwa, enu nenu, Talenu, muntu wafwa hakudya, wanwaŋa vinyu, ibwambu #5:29-30; 15:1-2; Mat 9:11dawansonkeshi nawakwanshidi.
35Dichi maana amuyiŋishaŋa nawanyanindi ejima.
Kumuwayisha Yesu kudi mumbanda mukwanshidi
(Mat 26:6-13; Mak 14:3-9; Yow 12:1-8)
36KaFwarisewu wumu wamwilili Yesu nindi enzi #11:37; 14:1nakudya kwitala dindi. Yesu hakwiŋila mwitala danowu kaFwarisewu, hakushakama nakudya.
37Kumukalowu kwadiŋi mumbanda mukwanshidi, chelukiliyi nindi Yesu nashakami nakudya mwitala dakaFwarisewu, hakuleta #Yow 11:2manji evumba dadiwahi amuchipunda chelola dalubanji.
38Hakwimana kunyima nakudila kumadatilu aYesu, hakuwelesha madatilu aYesu namadilu indi, hakuyikombola nansuki jindi, hakupwepujola kumadatilu indi, hakuyiwayisha wenowu manji.
39Chanachimoniyi owu kaFwarisewu wamutambikili kwitala dindi, hakuhosha mumuchima windi nindi, Iwu neyi #v16hikaprofwetu, mutenowu neluki chadiyi iwu mumbanda mukwanshidi namukunki.
40Yesu hakumwakula nindi, Eyi Shimona, nidi nakadizu kakuhosha naneyi. Yena nindi, Hoshaŋa Nkuluŋaŋa.
41Nindi, Kwadiŋi akwanyikudi ayedi adiili yambala yamukwakusondamisha wumu; iwu wadiili mukudi wankulakaji jitanu (500) jamali, mukwawu wamakumi atanu (50).
42Mwayedi wawu chanakaŋanyuwu jakufuta, hakuyanakena tuhu kwindi. Wukubadika kumukeŋa nankashi wumwodihi?
43Shimona hakumwakula nindi, Natoŋojoki nami owu aanakeneniyi yayivulu. Yesu hakumwila nindi, Wunahoshi mwalala.
44Hakushetumukila kwadiŋi owu mumbanda, hakumwila Shimona nindi, Wunamoni iwu mumbanda? Ami neŋili mwitala deyi, eyi kunyinka #Kutach 18:4menji akunwelesha kunyendu yami nehi, hakwila iwu mumbanda naweleshi madatilu ami namadilu indi, nayikomboli nansuki jindi.
45Eyi #22:47-48; Rom 16:16kumpwepujola nehi, hakwila iwu mumbanda, kufumisha hineŋila hanaleki kupwepujola kumadatilu amuku.
46Eyi #Mas 23:5kunwayisha manji kumutu wami nehi, hakwila iwu mumbanda nawayishi madatilu ami manji evumba dadiwahi.
47Dichi nukukuleja nami nshidi jindi jajivulu #Efw 4:32; 1 Yow 1:9anamwanakeniju; dihu hanafumi kunkeŋa nankashi. Hakwila muntu anaanakenuwu yantesha, wukukeŋa nawa chantesha.
48Hakumwila owu mumbanda nindi, Nshidi jeyi #5:20; Mat 9:2; Mak 2:5anajanakeni.
49Antu ashakamini nakudya, hiyakutachika kuhosha munyichima yawu nawu, Iwu muntu wukwanakena nshidi, diyinyi?
50Yena hakumwila owu mumbanda nindi, #8:48; Mat 9:22; Mak 5:34Kukuhwelela kweyi kunakwamwini dehi; yaŋa nakuwunda.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.