Luka 8
8
Chishimu chamukwakukuwa
(Mat 13:2-23; Mak 4:1-20)
1Chihanalehi chanti, Yesu hakuya #Mat 4:23nakuhitahita nimunyikala yamaneni nimunyikala yanyanya, hakuyishimwina nikuyitwela nsaŋu yayiwahi yawanta waNzambi, hamu nekumi nayedi (12),
2 #
23:49; Mat 27:55-56; Mak 15:40-41 niambanda amakwawu okayi dehi aspiritu atama, niyikatu; Mariya atenaŋawu nawu #Mak 16:9; Yow 20:1Mandaleni, mwafumini andemoni atanu nayedi;
3niYowana iŋodaChuza nhembi yaHerodi, niSuzana, niakwawu amavulu adiŋi nakumukalakela namahetawu.
4Chikunapompi izaza dadeni, niantu amunyikala yamaneni ejima chanapompeluwu kudi yena, hakuyitila chishimu, nindi,
5Mukwakukuwa wayili nakukuwa mbutu yindi. Chakuwiliyi, yikwawu yaholokeleli kunsa yanjila, hiyakuyidata nanyendu, hiyakuyidya kudi atuda ahaluzwizu.
6Yikwawu yaholokeleli hamalola, chiyinabaluki hohenohu yuma nikuuma, muloŋa yabulili menji.
7Yikwawu yaholokeleli munyiŋa, nyiŋa hiyikukulila hamu nambutu, hiyikuyijika.
8Yikwawu yaholokeleli hamaseki amawahi, hiyikukula hiyikusoŋa, yadiŋi ihebi dimu hiyikwikala nkulakaji (100). Chanahoshiyi yumiyi hakubidika nindi, Yowu wukweti matu akutiya atiyi.
9Atumbanji twindi hiyakumwihula mwaya chishimu ichi.
10Yena hakuyila nindi, Enu anayiteji kwiluka nsaŋu jawanta waNzambi jajindawu, hakwila kudi acheŋi yidi muyishimu hohu, kulonda
#
Isa 6:9
Hela akumona, abuli kumona jiika,
Kutiya, akutiya kushinshikamu nehi.
11Dichi tiyenu mwaya chishimu ichi. Mbutu #1 Tes 2:13; Heb 4:12; Yak 1:21; 1 Pet 1:23hiizu daNzambi.
12Yákunsa yanjila wowu antu akwila chakuyitiyawu, diyabolu hakwinza nakuhukula mazu munyichima yawu, akenda kukuhwelela hiyakwamwinewa.
13Yáhamalola, wowu antu akwila chakuyitiyawu, hiyakutambula izu namuzaŋalu; wena muji nehi, akwitiya kampinji kanti, chakamonawu yuma yakuyeseka, hiyakusenukamu.
14Yáholokeleli munyiŋa, wowu antu akwila chakutiyawu, hiyakudiyila kwawu; kwakama, #Mat 19:23; 1 Tim 6:9-10, 17; 1 Yow 2:15nimaheta, nikutiya kuwaha nayuma yawumi wunu, hiyikuyijika, kusoŋa chalala nehi.
15Yáhamaseki amawahi, wowu antu atiyaŋa izu namuchima wawu wawuwahi walumbuluka, hiyakudikwata naŋovu, hiyakusoŋa nikutatakenamu chikupu.
Inoŋu hawimenu
16Muntu habutulaŋa #11:33; Mat 5:15; Fwi 2:15inoŋu adisweka mwihebi hela muchaliluku, wadishaŋa hawimenu kulonda antu akwiŋila mwitala akamoni to-o.
17Muloŋa hikwekala chuma #12:2; Mat 10:26-27; Mak 4:22; 1 Kor 4:5chabutaŋawu chikubula kumwekana hatookaku; hela chuma chakujinda chikubula kutiyakanaku, chikwidika hatooka.
18Dichi babelenu chimukutiya; muloŋa muntu #19:26; Mat 13:12; 25:29; Mak 4:24-25wukweti diyi akwinkawu; muntu wabula, akamutambula aka kanamoniyi nindi wudi naku.
Mama yaYesu nianakwindi
(Mat 12:46-50; Mak 3:31-35)
19Kudi yena hikukwinza mama yindi nawanakwindi, hiyakukaŋanya kushika kudi yena naluntu lwadiŋuku.
20Hiyakumuleja nawu, Mama yeyi nawanakweyi anemani hanzi, anakukeŋi.
21Hakuyakula nindi, Mama yami nawanakwami wowawa akutiya izu daNzambi #6:47; 11:28; Yow 14:21hiyakwilamu.
Yesu hakuwundisha mankanda
(Mat 8:23-27; Mak 4:36-41)
22Wena mafuku owu, ifuku dimu hakwiŋila muwatu wumu, niyomweni niatumbanji twindi. Hakuyila nindi, Tuzambukenu kwishinadi dejiya; ashinjika niwatu.
23Chadiŋi nakuyendeshawu kudi #Mat 14:24; Mak 6:48; Yow 6:18mpepela yena aya nimutulu; hejiya hihakukunka mpepela yasweja ŋovu, watu hiwukuya nakwinzala menji, hiyakukeŋa kufwa.
24Hiyakwinza nakumuhindwisha nawu, Mwanta, Mwanta, tunafwi! Hakuhinduka, #4:35, 39, 41hakuhoshola mpepela nimenji adiŋi nakubwankaŋila, #Mas 107:29; Yona 1:15amwena ninzo-o, kúwunda nibe-te-te-e.
25Hakuyila nindi, Kukuhwelela kwenu kwokudihi? Atiya niwoma, hiyakudihayamina, hiyakudila wumu namukwawu nawu, Yeniwu akwovwahilawu kudi mpepela nimenji hinyi?
Kuuka kweyala wadiŋi nawandemoni
(Mat 8:28-34; Mak 5:1-20)
26Ashika nikwituŋa dawaGeraseni, domba mesu kuŊaliliya.
27Chanafumiyi muwatu, hiyakumubulakana kudi iyala wudi nakufuma mumukalowu, wukweti andemoni; halekeliyi kuvwala mahina hela kushakama mwitala haleha dehi chacheni, chiŋa kushakama kumajamu hohu.
28Chanamumoniyi Yesu, hakukaluka, hakudinata kumesu indi, hakubidika naŋovu, nindi, Nikweti nsaŋwinyi naneyi Yesu Mwana kaNzambi Mukwakubadika? Nalembi, bayi wunkabishaku.
29Muloŋa henohu wamwila dehi yenowu spiritu wazonda nindi fumaku mudi muntu. Muloŋa wamukwatilaŋa kakavulu; wadiŋi muntu wakuhemba kudi akwawu hohu, wakukasa namaleŋi nimpompa jayikuŋu; chakukotolayi yena yumoyu, hiyakumupwapwila mumasaŋa kudi ndemoni.
30Yesu hakumwihula nindi, Ijina deyi yeyinyi? Nindi, Yami Mazaza; muloŋa mudi yena mweŋila andemoni amavulu.
31Hiyakumulembelela nawu, Bayi wutuhaŋila #Chim 9:2, 11; 11:7; 17:8mwikelaku.
32Kwenoku kwadiŋi izanvu dawaŋulu adiŋi nakudiila hampidi, hiyakumulembelela nawu ayiteji kwiŋila mudi aŋulu. Hakuyiteja.
33Andemoni afuma nimudi muntu, eŋila nimudi aŋulu; izanvu dawaŋulu danduka nikwanduka, hidikuya mwakunkumuka nankashi, nimwijiya chu-u, afwa nimumenji.
34Áyidiishilaŋa chanachimonuwu, hiyakutemuka, hiyakuya nakuleja antu adiŋi mumukala niluŋodu.
35Hiyakuya nawu atali chuma chinamwekani; chanenzuwu kudi Yesu, hiyakuwana owu muntu múnafumi andemoni, nashakami dehi kunyendu yaYesu, navwali chachiwahi, maanindi anamufuntili dehi; atiya niwoma.
36Antu achimweni hiyakuleja akwawu chanamukoleshuwu owu wadiŋilaŋa nandemoni.
37Antu adiŋi kumutamba wetuŋa dawaGeraseni ejima hiyakumwila Yesu nawu afumuku; muloŋa woma wunasweji dehi kuyikwata; yena hakwiŋila muwatu hakufunta cheŋi kwafumayi.
38Owu iyala múnafumi andemoni, hakumulembelela nindi niyaŋa neyi; ilaŋa yena hakumufuntisha,
39nindi, Funtaku kumukala weyi wuleji akwenu yuma yanakwililiyi Nzambi kutoha. Hakuya nakutiyakesha mumukala wejima yuma yamwilililiyi Yesu kutoha.
Kusaŋula chaŋadima nikuuka mumbanda
(Mat 9:18-26; Mak 5:22-43)
40Chafuntiliyi Yesu, izaza hidikumushikija chachiwahi, muloŋa wejima wawu adiŋi nakumutalila.
41Kutala hikukwinza iyala ijina dindi Jayirusa nyuuli yashikola, hakudinatila kunyendu yaYesu, hakumulembelela nindi ayi kwitala dindi;
42muloŋa wadiŋi namwanindi wamumbanda wumu hohu, wanyaka kafwampi ikumi nayiyedi (12), hakukeŋa kufwa. Hadiŋi nakuyayi, mazaza awantu hiyakumushinjeka.
43Mumbanda wumu #Lev 15:25-30wapwekelaŋa mashi nyaka ikumi nayiyedi (12), wamanisha dehi yuma yindi yejima kudi ayimbuki, kutwesha kumuuka nehi,
44hakwinza kunyima yaYesu, hakukunka kumukundulu wehina dindi; hohenohu mashi indi apwekelaŋa oma nichawu.
45Yesu hakwihula nindi Anankunki kudinyi? Chadikaliluwu antu ejima, Petulu nawakwawu adiŋi nindi hiyakwila nawu, Mwanta, mazaza enda akushinjeka nikukuhumahuma.
46Yesu hakwila nindi, Hadi muntu nankunki; muloŋa neluki nami, mudami munafumi #5:17; 6:19ŋovu.
47Owu mumbanda, chanamoniyi nakaŋanyi dehi kubatama, hakwinza nakuzaala, hakudinata hamaseki kumesu indi, hakushimuna hatooka kumesu awantu ejima nsaŋu yamukunkililiyi, ninichi chanakoliyi dehi hohenohu.
48Yesu hakumwila nindi, Mwanami, #Mat 9:22kukuhwelela kweyi kunakukoleshi dehi; yaŋa nakuwunda.
49Iku wuchidi kuhosha, kwitala danyuuli yashikola hikukufuma muntu hakumuleja nindi, Mwaneyi nafwi dehi; bayi wumukabisha Nkuluŋaŋaku.
50Yesu chanachitiyiyi, hakumwakula nindi, Bayi wutiya womaku; kuminaku dakukuhwelela hohu, wukukola kwindi.
51Chanashikiyi kwitala, hetejeli kwiŋilamu namuntu wacheŋuku, chiŋa aPetulu naYowanu niYakoba, nitata yamwana namama yindi.
52Adiŋi nakumudila nikutumpa kudi antu ejima; yena hakuyila nindi, Bayi mudilaku; hanafuku, wudi #Yow 11:13mutulu.
53Hiyakumuseha chakumudiwula, muloŋa amumweni nafwi chikupu.
54Yena hakumukwata kuchikasa, hakumutambika nindi, Eyi mwana, nyamukaku.
55Wumi windi wufunta nikufunta, yohinduka nihohenohu; Yesu hakuyila nindi, Mwinkenu yakudya.
56Anvwali jindi hiyakuhayama nankashi; hakuyikonkomwena nindi, #9:21; Mat 8:4; Mak 3:12; 7:36Bayi muleja muntu chumichuku.
Currently Selected:
Luka 8: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
Luka 8
8
Chishimu chamukwakukuwa
(Mat 13:2-23; Mak 4:1-20)
1Chihanalehi chanti, Yesu hakuya #Mat 4:23nakuhitahita nimunyikala yamaneni nimunyikala yanyanya, hakuyishimwina nikuyitwela nsaŋu yayiwahi yawanta waNzambi, hamu nekumi nayedi (12),
2 #
23:49; Mat 27:55-56; Mak 15:40-41 niambanda amakwawu okayi dehi aspiritu atama, niyikatu; Mariya atenaŋawu nawu #Mak 16:9; Yow 20:1Mandaleni, mwafumini andemoni atanu nayedi;
3niYowana iŋodaChuza nhembi yaHerodi, niSuzana, niakwawu amavulu adiŋi nakumukalakela namahetawu.
4Chikunapompi izaza dadeni, niantu amunyikala yamaneni ejima chanapompeluwu kudi yena, hakuyitila chishimu, nindi,
5Mukwakukuwa wayili nakukuwa mbutu yindi. Chakuwiliyi, yikwawu yaholokeleli kunsa yanjila, hiyakuyidata nanyendu, hiyakuyidya kudi atuda ahaluzwizu.
6Yikwawu yaholokeleli hamalola, chiyinabaluki hohenohu yuma nikuuma, muloŋa yabulili menji.
7Yikwawu yaholokeleli munyiŋa, nyiŋa hiyikukulila hamu nambutu, hiyikuyijika.
8Yikwawu yaholokeleli hamaseki amawahi, hiyikukula hiyikusoŋa, yadiŋi ihebi dimu hiyikwikala nkulakaji (100). Chanahoshiyi yumiyi hakubidika nindi, Yowu wukweti matu akutiya atiyi.
9Atumbanji twindi hiyakumwihula mwaya chishimu ichi.
10Yena hakuyila nindi, Enu anayiteji kwiluka nsaŋu jawanta waNzambi jajindawu, hakwila kudi acheŋi yidi muyishimu hohu, kulonda
#
Isa 6:9
Hela akumona, abuli kumona jiika,
Kutiya, akutiya kushinshikamu nehi.
11Dichi tiyenu mwaya chishimu ichi. Mbutu #1 Tes 2:13; Heb 4:12; Yak 1:21; 1 Pet 1:23hiizu daNzambi.
12Yákunsa yanjila wowu antu akwila chakuyitiyawu, diyabolu hakwinza nakuhukula mazu munyichima yawu, akenda kukuhwelela hiyakwamwinewa.
13Yáhamalola, wowu antu akwila chakuyitiyawu, hiyakutambula izu namuzaŋalu; wena muji nehi, akwitiya kampinji kanti, chakamonawu yuma yakuyeseka, hiyakusenukamu.
14Yáholokeleli munyiŋa, wowu antu akwila chakutiyawu, hiyakudiyila kwawu; kwakama, #Mat 19:23; 1 Tim 6:9-10, 17; 1 Yow 2:15nimaheta, nikutiya kuwaha nayuma yawumi wunu, hiyikuyijika, kusoŋa chalala nehi.
15Yáhamaseki amawahi, wowu antu atiyaŋa izu namuchima wawu wawuwahi walumbuluka, hiyakudikwata naŋovu, hiyakusoŋa nikutatakenamu chikupu.
Inoŋu hawimenu
16Muntu habutulaŋa #11:33; Mat 5:15; Fwi 2:15inoŋu adisweka mwihebi hela muchaliluku, wadishaŋa hawimenu kulonda antu akwiŋila mwitala akamoni to-o.
17Muloŋa hikwekala chuma #12:2; Mat 10:26-27; Mak 4:22; 1 Kor 4:5chabutaŋawu chikubula kumwekana hatookaku; hela chuma chakujinda chikubula kutiyakanaku, chikwidika hatooka.
18Dichi babelenu chimukutiya; muloŋa muntu #19:26; Mat 13:12; 25:29; Mak 4:24-25wukweti diyi akwinkawu; muntu wabula, akamutambula aka kanamoniyi nindi wudi naku.
Mama yaYesu nianakwindi
(Mat 12:46-50; Mak 3:31-35)
19Kudi yena hikukwinza mama yindi nawanakwindi, hiyakukaŋanya kushika kudi yena naluntu lwadiŋuku.
20Hiyakumuleja nawu, Mama yeyi nawanakweyi anemani hanzi, anakukeŋi.
21Hakuyakula nindi, Mama yami nawanakwami wowawa akutiya izu daNzambi #6:47; 11:28; Yow 14:21hiyakwilamu.
Yesu hakuwundisha mankanda
(Mat 8:23-27; Mak 4:36-41)
22Wena mafuku owu, ifuku dimu hakwiŋila muwatu wumu, niyomweni niatumbanji twindi. Hakuyila nindi, Tuzambukenu kwishinadi dejiya; ashinjika niwatu.
23Chadiŋi nakuyendeshawu kudi #Mat 14:24; Mak 6:48; Yow 6:18mpepela yena aya nimutulu; hejiya hihakukunka mpepela yasweja ŋovu, watu hiwukuya nakwinzala menji, hiyakukeŋa kufwa.
24Hiyakwinza nakumuhindwisha nawu, Mwanta, Mwanta, tunafwi! Hakuhinduka, #4:35, 39, 41hakuhoshola mpepela nimenji adiŋi nakubwankaŋila, #Mas 107:29; Yona 1:15amwena ninzo-o, kúwunda nibe-te-te-e.
25Hakuyila nindi, Kukuhwelela kwenu kwokudihi? Atiya niwoma, hiyakudihayamina, hiyakudila wumu namukwawu nawu, Yeniwu akwovwahilawu kudi mpepela nimenji hinyi?
Kuuka kweyala wadiŋi nawandemoni
(Mat 8:28-34; Mak 5:1-20)
26Ashika nikwituŋa dawaGeraseni, domba mesu kuŊaliliya.
27Chanafumiyi muwatu, hiyakumubulakana kudi iyala wudi nakufuma mumukalowu, wukweti andemoni; halekeliyi kuvwala mahina hela kushakama mwitala haleha dehi chacheni, chiŋa kushakama kumajamu hohu.
28Chanamumoniyi Yesu, hakukaluka, hakudinata kumesu indi, hakubidika naŋovu, nindi, Nikweti nsaŋwinyi naneyi Yesu Mwana kaNzambi Mukwakubadika? Nalembi, bayi wunkabishaku.
29Muloŋa henohu wamwila dehi yenowu spiritu wazonda nindi fumaku mudi muntu. Muloŋa wamukwatilaŋa kakavulu; wadiŋi muntu wakuhemba kudi akwawu hohu, wakukasa namaleŋi nimpompa jayikuŋu; chakukotolayi yena yumoyu, hiyakumupwapwila mumasaŋa kudi ndemoni.
30Yesu hakumwihula nindi, Ijina deyi yeyinyi? Nindi, Yami Mazaza; muloŋa mudi yena mweŋila andemoni amavulu.
31Hiyakumulembelela nawu, Bayi wutuhaŋila #Chim 9:2, 11; 11:7; 17:8mwikelaku.
32Kwenoku kwadiŋi izanvu dawaŋulu adiŋi nakudiila hampidi, hiyakumulembelela nawu ayiteji kwiŋila mudi aŋulu. Hakuyiteja.
33Andemoni afuma nimudi muntu, eŋila nimudi aŋulu; izanvu dawaŋulu danduka nikwanduka, hidikuya mwakunkumuka nankashi, nimwijiya chu-u, afwa nimumenji.
34Áyidiishilaŋa chanachimonuwu, hiyakutemuka, hiyakuya nakuleja antu adiŋi mumukala niluŋodu.
35Hiyakuya nawu atali chuma chinamwekani; chanenzuwu kudi Yesu, hiyakuwana owu muntu múnafumi andemoni, nashakami dehi kunyendu yaYesu, navwali chachiwahi, maanindi anamufuntili dehi; atiya niwoma.
36Antu achimweni hiyakuleja akwawu chanamukoleshuwu owu wadiŋilaŋa nandemoni.
37Antu adiŋi kumutamba wetuŋa dawaGeraseni ejima hiyakumwila Yesu nawu afumuku; muloŋa woma wunasweji dehi kuyikwata; yena hakwiŋila muwatu hakufunta cheŋi kwafumayi.
38Owu iyala múnafumi andemoni, hakumulembelela nindi niyaŋa neyi; ilaŋa yena hakumufuntisha,
39nindi, Funtaku kumukala weyi wuleji akwenu yuma yanakwililiyi Nzambi kutoha. Hakuya nakutiyakesha mumukala wejima yuma yamwilililiyi Yesu kutoha.
Kusaŋula chaŋadima nikuuka mumbanda
(Mat 9:18-26; Mak 5:22-43)
40Chafuntiliyi Yesu, izaza hidikumushikija chachiwahi, muloŋa wejima wawu adiŋi nakumutalila.
41Kutala hikukwinza iyala ijina dindi Jayirusa nyuuli yashikola, hakudinatila kunyendu yaYesu, hakumulembelela nindi ayi kwitala dindi;
42muloŋa wadiŋi namwanindi wamumbanda wumu hohu, wanyaka kafwampi ikumi nayiyedi (12), hakukeŋa kufwa. Hadiŋi nakuyayi, mazaza awantu hiyakumushinjeka.
43Mumbanda wumu #Lev 15:25-30wapwekelaŋa mashi nyaka ikumi nayiyedi (12), wamanisha dehi yuma yindi yejima kudi ayimbuki, kutwesha kumuuka nehi,
44hakwinza kunyima yaYesu, hakukunka kumukundulu wehina dindi; hohenohu mashi indi apwekelaŋa oma nichawu.
45Yesu hakwihula nindi Anankunki kudinyi? Chadikaliluwu antu ejima, Petulu nawakwawu adiŋi nindi hiyakwila nawu, Mwanta, mazaza enda akushinjeka nikukuhumahuma.
46Yesu hakwila nindi, Hadi muntu nankunki; muloŋa neluki nami, mudami munafumi #5:17; 6:19ŋovu.
47Owu mumbanda, chanamoniyi nakaŋanyi dehi kubatama, hakwinza nakuzaala, hakudinata hamaseki kumesu indi, hakushimuna hatooka kumesu awantu ejima nsaŋu yamukunkililiyi, ninichi chanakoliyi dehi hohenohu.
48Yesu hakumwila nindi, Mwanami, #Mat 9:22kukuhwelela kweyi kunakukoleshi dehi; yaŋa nakuwunda.
49Iku wuchidi kuhosha, kwitala danyuuli yashikola hikukufuma muntu hakumuleja nindi, Mwaneyi nafwi dehi; bayi wumukabisha Nkuluŋaŋaku.
50Yesu chanachitiyiyi, hakumwakula nindi, Bayi wutiya womaku; kuminaku dakukuhwelela hohu, wukukola kwindi.
51Chanashikiyi kwitala, hetejeli kwiŋilamu namuntu wacheŋuku, chiŋa aPetulu naYowanu niYakoba, nitata yamwana namama yindi.
52Adiŋi nakumudila nikutumpa kudi antu ejima; yena hakuyila nindi, Bayi mudilaku; hanafuku, wudi #Yow 11:13mutulu.
53Hiyakumuseha chakumudiwula, muloŋa amumweni nafwi chikupu.
54Yena hakumukwata kuchikasa, hakumutambika nindi, Eyi mwana, nyamukaku.
55Wumi windi wufunta nikufunta, yohinduka nihohenohu; Yesu hakuyila nindi, Mwinkenu yakudya.
56Anvwali jindi hiyakuhayama nankashi; hakuyikonkomwena nindi, #9:21; Mat 8:4; Mak 3:12; 7:36Bayi muleja muntu chumichuku.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.