Maku 13
13
Yinjikijilu yanyaka yakukuminina
(Mat 24; Luk 21:5-36)
1Chanedikiyi muTembeli, kambanji kindi wumu hakumwila nindi, Eyi Nkuluŋaŋa, tala owu malola, ninowu matala!
2Yesu hakumwila nindi, Wunamoni awa matala amaneni? #Luk 19:43-44Hikwakashala ilola nidimu dakanaŋamana helola dikwawu, dakabula kunatika hesekuku.
3Chashakaminiyi hampidi yaOliveta yatalaŋana naTembeli, #5:37; 9:2; Mat 17:1aPetulu naYakoba naYowanu niAnderi, hiyakumwihula kwakankawawu,
4nawu, #Luk 17:20; 21:7Atuleji mwani, yumiyi yamba kamwekana mwaakanyi? Hakakeŋa kumana yuma yejimiyi kwakekala chinjikijilu chanka?
5Yesu hakutachika kuyila nindi, Babalenu, akenda kayiluwaŋesha kudi muntu.
6Muloŋa antu amavulu akenza mwijina dami, akela nawu, Diyi ami; akaluwaŋesha amavulu.
7Chimwakatiya jamajita nimbonji jamajita, bayi mwakaakamaku. Yumiyi chiŋa yakashika, ilaŋa kukumisha kanda.
8Muloŋa munza wakanyamuka nakulwa namunza, wanta nawanta; kwakekala ninyitentanshi kwacheŋi nakwacheŋi; kwakaholoka nzala yakapwelendendi. Yumiyi diyi yihuŋu yakutachika.
9Ilaŋa enu #Mat 10:17-22; Luk 21:12-17babalenu enu aweni, muloŋa akayitwala muyota, akayetela nimumashikola; mwakemana kumesu awanyuuli hansaŋu yamami, kulonda kuyilila wunsahu.
10Ninsaŋu yayiwahi chiŋa akasambila kuyishimuna kunyunza yejima.
11 #
Luk 12:11-12
Chakayikwatawu, nakuyitwala kudi ansompeshi, bayi mwakaakamaŋahu dehi yimwakahoshaku; mwakahosha yakayinkawu kuhosha mpinji oyu, muloŋa hiyenu mwakahoshaku, #Yow 14:26; 16:7-11Spiritu Wajila diyi wakahosha.
12Iyala wakajahisha manakwindi, nitata yawantu wakajahisha mwanindi; anyana akafumbukila anvwali jawu, akayijahisha.
13 #
Yow 15:21
Akayihela kudi antu ejima hansaŋu yejina dami; ilaŋa muntu wakakakela nikunsa diyi wakahanda.
14Ilaŋa chimwakamona
#
Dan 9:27; 11:31; 12:11; Mat 24:15 chishimashima chakaletesha mahembi,
hichikwimana kuchabula kutelela, yowu wukutaŋa ashinshiki, henohu owu akekala muYudeya akatemukili kwawu kumapidi;
15niwákekala hewulu detala, chakasulukayi bayi eŋila nakunona chuma mwitala dinduku;
16wákekala mwiha, bayi akafunta nakunona kahuma kinduku.
17Ilaŋa oyu yihuŋu yakamonawu ákekala namavumu, niákaamwisha hamafuku owu!
18Lombelenu chakabuli kwikala hachilaaka chamashika.
19Muloŋa hamafuku owu hakekala yihuŋu yakadi kwikalaŋahu dehi, kufumisha hatachi haleŋeliyi Nzambi yuma, kushika nikulelu, hiyamba kekalaku nawa cheŋuku.
20Neyi MWANTA kukehesha mafuku owu nehi, hikwakekala antu akahandaku; ilaŋa nayikehesheli hanyijimba yawátondewa atondeliyi.
21Henohu neyi hakekala muntu wakayila nindi, Talenu Kristu iwu; hela nindi, Talenu owu; bayi mwakamukuhwelelaku.
22Muloŋa hakanyamuka aKristu akutwamba, #Mat 7:15niatuprofwetu akutwamba, akamwekesha yinjikijilu #Mat 24:24; Yow 4:48nayihayamisha, kulonda nawu akaluwaŋeshi atondewa, neyi chinatwesheki.
23Kwinzenu kwenu kababalenu; talenu nayilejaŋahu dehi yuma yejima.
24 #
Isa 13:10; 34:4 Ilaŋa hamafuku akalondela yihuŋu oyu, itaŋwa dakeyila, nikakweji hikakatoŋeka mwejuku,
25nitutumbwa twakaholoka mwiwulu, niŋovu jidi mumawulu jakakanka.
26Henohu akamona #8:38; Mat 16:27; Dan 7:13Mwana kaMuntu hakwinza mumavu naŋovu yeneni nilubanji lwakulema.
27Henohu wakatemesha aŋelu jindi, wakapompesha indi atondewa kumpepela jiwana, kufumisha kunsa yamaseki, ndo-o nikunsa yewulu.
28Kwatilenu maana kuchishimu chamutondu wachikuyu. Neyi mutayi wawu wukutachika kwovwaha, hiwukusapuka mafu, enu himukwiluka nenu nkanza yidi kwakwihi.
29Dichi ninenu nawa chimukumona yumiyi hiyikwinza, ilukenu nenu wudi kwakwihi, kwoku kuyisu kachi.
30Nukuyileja chalala nami, chisakichi hichakahitaku, chiŋa yuma yejimiyi yakamana.
31 #
Mat 5:18; Luk 16:17 Iwulu niiseki akahita, ilaŋa mazu ami hiyakahitaku.
Kwosi weluka ifuku hela mpinjuku
(Mat 24:36; Yil 1:7)
32Ilaŋa ifuku odu hela mpinji oyu kwosi wayilukaku, chalala hela aŋelu amwiwulu hela Mwana, chiŋa Tata.
33Babalenu, tonenu, #Efw 6:18; Kol 4:2lombelenu; muloŋa himuneluki mpinji oyuku.
34Chidi neyi muntu nayi #Mat 25:14njila yayilehi kumpata yacheŋi, nashiyi itala dindi, nenki anduŋu jindi wanta, ninyidimu yawu, iwu nawindi iwu nawindi, naleji mukwakuhemba chisu nindi akatoni.
35Dichi #Mat 24:42; Luk 12:35-40tonenu; muloŋa himuneluki hakenza mwenitalaku, kwiji melela, kwiji mukachi kawufuku, kwiji hetiyilaŋa ikombu, kwiji budidi;
36akabuli #Rom 13:11kuyikasumwisha chakenzayi nakuyiwana mutulu.
37Chinukuyilenu, nayili niantu ejima, nami, Tonenu.
Currently Selected:
Maku 13: MWW04
Highlight
Share
Copy
Want to have your highlights saved across all your devices? Sign up or sign in
The Holy Bible in Lunda Ndembu © United Bible Societies, 2003.
