Maku 16

Kusaŋuka kwaYesu

(Mat 28:1-8; Luk 24:1-10; Yow 20:1-8)

1Sabata chiyinahiti, Mariya Mandaleni, niMariya mama yaYakoba, niSalomi, alandili nyitondu yamavumba amawahi, kulonda enzi #Luk 23:56; Yow 19:39nakumuwayisha.

2Habudidi yayeni hefuku damulungu damuchimu, hiyakwinza kwijamu itaŋwa datuntuka dehi.

3Hiyakuhoshahosha mukachi kawu nawu, Wukutulaŋumwina ilola difumi kuchisu chejamu hinyi?

4Chataliluwu, hiyakumona odu ilola deneni nankashi anadilaŋumunuku dehi.

5Chaneŋiluwu #Yow 20:11-12mwijamu hiyakumona mukwenzi weyala nashakami kumbadi yachidiilu, navwali chikowelu chitooka; hiyakutiya woma.

6Yena hakuyila nindi, Bayi mutiya womaku; mudi nakukeŋa Yesu kaNazareta apopeleluwu hakulusu; wasaŋuka dehi mudi afu; hadi munuku, talenu hamukamikiluwu!

7Ilaŋa yenu mwakaleji atumbanji twindi, niPetulu, nenu hakuyaŋahu dehi #14:28; Mat 26:32kuŊaliliya; diku kumwakamumwena, mwomwayilejelaŋayi.

8Hiyakwidikamu, hiyakufuma kwijamu lufuchi, kunayiwani dehi nikuzaala nikuhayama; hiyahosheli chuma namuntuku, muloŋa atiyili woma.

9[Cheliliyi nasaŋuki dehi habudidi hamulungu, dodifuku datachi, wasambilili kumwekana kudi #Yow 20:11-18Mariya Mandaleni afumishiliyi andemoni atanu nayedi.

10Yena hakuya nakuleja adiŋiyi nawu, chadiŋuwu nakuneŋa nikudila.

11Wena chatiyiluwu nawu wamumi, niyena Mariya namumoni dehi, #13-14; Mat 28:17; Luk 24:11; Yow 20:25hiyakuhweleleli kwawuku.

12Kulondela hayumiyi, wamwekeni mwacheŋi kudi akwawu #Luk 24:13-52ayedi chadiŋi nakufumawu kuŋanda nakuya kumukala wawu.

13Niwena ayili nakuyileja akwawu; hela wena nawa kuyikuhwelela nehi.

14Nkumininaku wamwekeni kudi awenawu ikumi nawumu (11) chashakaminuwu nakudya; hakuyihoshola nansaŋu jantadi jawu nikuchinchika kwanyichima yawu, nanochu chabuliluwu #Luk 24:36; Yow 20:19, 26; 1 Kor 15:5kukuhwelela wena amumweni heliliyi nasaŋuki dehi.

15Hakuyila nindi, #Mat 28:19Yenu mumatuŋa ejima ampata yamunu mwishina nakushimuna nsaŋu yayiwahi kudi ejima aleŋawu.

16Muntu #Yow 3:18, 36; Yil 16:31wukukuhwelela, wukujimikewa, wakahanda; ilaŋa wúkubula kukuhwelela wakatanya.

17Tiyenu yinjikijilu yakalondela mudi wena akukuhwelela; akafumisha #9:38; Luk 10:17; Yil 5:16; 8:7; 16:18; 19:12andemoni mwijina dami; akahosha #Yil 2:4; 10:46; 19:6; 1 Kor 12:10namadimi amaha;

18akanyamuna #Luk 10:19; Yil 28:3-5tupela; neyi akanwa yafwana hiyakayikatisha nihantuku; #5:23akanaŋika akata makasawu, akakola.

19Dichi Mwanta Yesu cheliliyi #Yil 1:3nahoshi dehi nawu, #Luk 9:51; 24:51; Yow 6:62; 20:17; Yil 1:2; 1 Tim 3:16hiyakumutambula mwiwulu, hakushakama #Luk 22:69; Yil 7:55-56; Rom 8:34; Efw 1:20; Kol 3:1; Heb 1:3; 8:1; 10:12; 12:2; 1 Pet 3:22kuchikasa chaNzambi chachidiilu.

20Wena hiyakuya nakushimuna kwejima, Mwanta hakukoŋa nawu chimu, hakukolesha mazu nayinjikijilu yalondelumu. Amena.]

Currently Selected:

Maku 16: MWW04

Highlight

Copy