ڢِتُواْوَ 10
10
بَلَعِ نَتَݣُوسْ: ڢَارِ
1سَيْ يَهْوٜىٰهْ يَڢَطَا وَ مُوسَٰى ثٜىٰوَ «كَتَڢِے وُرِنْ ڢِرْعَوْنَ، غَمَا نِنٜىٰ نَا تَوْرَرَ ذُوثِيَارْسَ دَ كُمَ ظُكَاتَنْ دَتَّاوَنْسَ، دُواْمِنْ إِنْ عَيْكَتَ وَطَنَّنْ عَلَمُ نَوَ أَڟَكِيَرْسُ، 2دُواْمِنْ كُمَ كَاعِيَ ڢَطَا وَیَیَنْكَ دَ جِيكُواْكِنْكَ يَدَّ نَسَا مَصَرَاوَا سُنْ ذَمَ أَبِنْ بَعَ تَوُرِنْ وَطَنَّنْ عَلَمُنْ بَنْ مَامَاكِنْدَ نَعَيْكَتَ عَثِكِنْسُ، دُواْمِنْ كُو كُمَ كُسَنِ ثٜىٰوَ نِنٜىٰ يَهْوٜىٰهْ؞»
3سَبُواْدَ حَكَ مُوسَٰى دَ هَٰرُونَ سُكَ تَڢِے وُرِنْ ڢِرْعَوْنَ سُكَثٜىٰ مَسَ «إِنْجِ يَهْوٜىٰهْ اللَّهْ نَ إِبْرَانِيَاوَا، ‹حَرْ يَوْشٜىٰ ذَاكَڧِے كَڧَسْڧَنْتَرْ دَ كَنْكَ أَغَرٜىٰنِ؟ كَبَرْ جَمَعَتَ سُتَڢِے دُواْمِنْ سُيِ مِنِ سُجَّدَ؞ 4عِدَنْ ڢَا بَكَبَرْ جَمَعَتَ سُتَڢِبَ، تُواْ، غُواْبٜىٰ ذَنْعَيْكُواْ دَ ڢَارِ عَثِكِنْ ڧَسَرْكَ؞ 5ڢَرَنْ كُوَ ذَاسُ رُڢٜىٰ ڢُسْكَرْ ڧَسَرْ حَرْ دَ بَذَاعَ عِيَ غَنِنْ ڧَسَابَ؞ ذَاسُ ثِنْيٜىٰ دُكْ ضَغُواْوَرْ أَبُبُوَنْ دَ عَكَ بَرْ مُكُ بَايَنْ ٻَرْنَرْ ڧَنْڧَرَ، حَرْ مَا دَ دُكَنْ عِتَتُوَنْكُ وَطَنْدَ سُكٜىٰ ڟِرُواْوَ أَ ڢِيلَيٜىٰنْ ڧَسَا؞ 6ذَاسُ ثِثِّكَ غِدَاجٜىٰنْكَ دَ غِدَاجٜىٰنْ دَتَّاوَنْكَ دَ كُمَ دُكَنْ غِدَاجٜىٰنْ مَصَرَاوَا؞ وَنَّنْ أَبِنْ كُوَ كُواْ إِيَايٜىٰنْكَ كُواْ كَاكَنِّنْكَ مَا، بَسُتَٻَ غَنِبَ، تُنْدَغَ رَانَرْ دَسُكَ سَامِ كَنْسُ عَثِكِنْ دُونِيَا هَرْوَيَوْ؞› »#10.6 هَرْوَيَوْ: أَنَ نُڢِ حَرْ ذُوَا لُواْكَثِنْ دَ عَكَ رُبُوتَ لِتَّڢِنْ ڢِتُواْوَ؞ سَيْ مُوسَٰى يَجُويَ يَڢِتَ دَغَ غَبَنْ ڢِرْعَوْنَ؞
7سَيْ دَتَّاوَنْ ڢِرْعَوْنَ سُكَذُواْ وُرِنْسَ سُكَثٜىٰ مَسَ «حَرْ يَوْشٜىٰ مُتُمِنَّنْ ذَيْ يِتَجَٰوُاْ مَنَ مَسِيڢَ؟ كَبَرْ مُتَنٜىٰنَّنْ سُتَڢِے سُيِ وَ يَهْوٜىٰهْ اللَّهْ نْسُ سُجَّدَ؞ حَرْ يَنْذُ بَكَغَانٜىٰ ثٜىٰوَ مَصَرْ تَا لَلَثٜىٰ غَبَاطَيَ بَ؟»
8سَيْ عَكَ دَاوُاْ دَ مُوسَٰى دَ هَٰرُونَ وُرِنْ ڢِرْعَوْنَ؞ ڢِرْعَوْنَ يَثٜىٰ مُسُ «تُواْ، شِ كٜىٰنَنْ، كُتَڢِے كُيِ وَ يَهْوٜىٰهْ اللَّهْ نْكُ سُجَّدَ! عَمَّا كُڢَطَا مِنِ، سُو وَ دَ وَ ذَاسُ تَڢِے؟»
9مُوسَٰى يَأَمْسَ يَثٜىٰ «دُكَنْمُ ذَامُ تَڢِے دَ يَرُواْ دَ ڟُواْهُواْ دَ یَیَنْمُ مَاتَادَ مَظَا دَ غَرْكُنَنْمُ نَتُمَكِ دَ أَوَكِ دَ نَشَانُو، دُواْمِنْ دُواْلٜىٰنٜىٰ مُيِ بِكٍ سُجَّدَ غَ يَهْوٜىٰهْ؞»
10سَيْ ڢِرْعَوْنَ يَثٜىٰ «دَ إِنْبَرْكُ كُتَڢِے دَ مَاتَنْكُ دَ يَارَنْكُ ڧَنَانَا، سَيْدَيْ كُواْ إِنْ يَهْوٜىٰهْ يَا سَا مُكُ حَنُّ! غَمَا بَاشَكَّ كُنَدَ مُوغُنْ نُڢِ! 11بَذَيْ تَٻَ يِوُوَ بَ! مَذَنْكُ نٜىٰ كَطَيْ ذَاسُ تَڢِے سُيِ وَ يَهْوٜىٰهْ سُجَّدَ، غَمَا أَبِنْدَ كُكٜىٰسُواْ كٜىٰنَنْ؞» سَيْ عَكَ كُواْرٜىٰسُ دَغَ غَبَنْ ڢِرْعَوْنَ؞
12سَيْ يَهْوٜىٰهْ يَثٜىٰ وَ مُوسَٰى «كَمِيڧَ حَنُّنْكَ عَبِسَ ڧَسَرْ مَصَرْ دُواْمِنْ ڢَارِ سُذُواْ؞ ڢَارِنْ كُوَ ذَاسُ ثِنْيٜىٰ كُواْوَنٜىٰ ڟِرٜىٰ ڟِرٜىٰ دَ غَنْيَيٜىٰنْ دَسُكٜىٰ عَڧَسَرْ، وَتُواْ دُكَنْ ضَغُواْوَرْ أَبُبُوَنْ دَ تَڟِيرَا دَغَ ٻَرْنَرْ ڧَنْڧَرَ؞» 13سَيْ مُوسَٰى يَمِيڧَ سَنْدَنْ كِيوُانْسَ بِسَ ڧَسَرْ مَصَرْ؞ يَهْوٜىٰهْ كُوَ يَا سَا إِسْكَرْ غَبَسْ تَيِتَ هُورَاوَ دُكَنْ يِنِ دَ دُكَنْ دَرٜىٰ؞ دَ سَاڢِيَ تَايِ، غَاشِ إِسْكَرْ غَبَسْ تَكَٰوُاْ ڢَارِنْ؞ 14ڢَارِنْ كُوَ سُنْذُواْ كُواْعِنَ عَڧَسَرْ مَصَرْ، سُكَ ثِثِّكَ دُكَنْ ڧَسَرْ؞ إِرِنْ وَنَّنْ بَبَّنْ تُلِنْ ڢَارِ، بَعَتَٻَ غَنِنْسَبَ، كُمَ بَذَاعَ سَاكٜىٰ غَنِنْ إِرِنْسَبَ؞#رُعُيَ 9.2-3 15ڢَرَنْ سُكَ رُڢٜىٰ ڢُسْكَرْ ڧَسَا غَبَاطَيَ، حَرْ ڧَسَرْ تَذَمَ بَڧِ سَبُواْدَ يَوَنْسُ؞ سُكَ ثِنْيٜىٰ دُكَنْ ڟِرٜىٰ ڟِرٜىٰ دَ دُكَنْ یَیَنْ إِتَاثٜىٰنْ دَ سُكَ رَغُ بَايَنْ ٻَرْنَرْ ڧَنْڧَرَ؞ بَابُ طَنْيٜىٰنْ غَنْيٜىٰنْدَ يَرَغُ، كُواْ نَ إِتَاثٜىٰ كُواْ نَڟِرٜىٰ ڟِرٜىٰنْ ڢِيلَيٜىٰ أَدُكَنْ ڧَسَرْ مَصَرْ؞
16دَ سَوْرِ سَوْرِ ڢِرْعَوْنَ يَكِرَا مُوسَٰى دَ هَٰرُونَ يَثٜىٰ «نَيِ وَ يَهْوٜىٰهْ اللَّهْ نْكُ ذُنُوبِ، نَكُمَيِ مُكُ ذُنُوبِ؞ 17يَنْذُ ڢَا كُغَاڢَرْتَا مِنِ ذُنُوبِنَ سَوْ طَيَنَّنْ كَطَيْ، كُكُمَ ضُواْڧِ يَهْوٜىٰهْ اللَّهْ نْكُ يَكَوَرْ مِنِ دَ وَنَّنْ حُكُنْثِنْ مُتُوَ؞» 18سَيْ مُوسَٰى يَڢِتَ دَغَ وُرِنْ ڢِرْعَوْنَ يَا كُوَ ضُواْڧِ يَهْوٜىٰهْ؞ 19سَيْ يَهْوٜىٰهْ يَجُويَ إِسْكَرْ يَسَا تَهُورَ دَ ڧَرْڢِے دَغَ وَجٜىٰنْ يَمَّ؞ إِسْكَرْ تَݣُوشِ ڢَارِنْ تَظُبَرْ دَسُو عَثِكِنْ تٜىٰكُنْ ثِيَوَرْ إِوَ؞#10.19 تٜىٰكُنْ ثِيَوَرْ إِوَ: عَيْنِحِنْ سُونَنْ وَنَّنْ تٜىٰكُ كٜىٰنَنْ، عَمَّا أَنْكُمَ سَنْتَ دَ سُونَنْ جَنْ تٜىٰكُ؞ بَ كُواْ ڢَارَ طَيَنْ دَ تَرَغُ أَدُكَنْ ڧَسَرْ مَصَرْ؞ 20عَمَّا يَهْوٜىٰهْ يَاتَوْرَرَ ذُوثِيَارْ ڢِرْعَوْنَ، ڢِرْعَوْنَ يَاڧِ يَبَرْ إِسْرَٰٓءِيلَاوَا سُتَڢِے؞
بَلَعِ نَتَرَ: دُهُ
21سَيْ يَهْوٜىٰهْ يَثٜىٰ وَ مُوسَٰى «كَمِيڧَ حَنُّنْكَ سَمَ، دُواْمِنْ دُهُ مَيْ ڟَنَنِنْ غَسْكٜىٰ يَسَوْكُواْ عَبِسَ ڧَسَرْ مَصَرْ، إِرِنْ دُهُنْ دَ ذَاعَ عِيَ تَٻَوَ؞» 22مُوسَٰى كُوَ يَمِيڧَ حَنُّنْسَ سَمَ؞ سَيْ عَكَيِ دُهُ بَڧِ ڧِرِنْ حَرْ ݣُونَ عُكُ عَبِسَ دُكَنْ ڧَسَرْ مَصَرْ؞#زَبُو 105.28؛ رُعُيَ 16.10 23مُتَنٜىٰنْ كُوَ بَسُ عِيَ غَنِنْ جُونَبَ؞ عَثِكِنْ ݣُونَكِے عُكُنَّنْ، بَا وَنِنْدَ يَ عِيَ ڢِتُواْوَ دَغَ ثِكِنْ غِدَنْسَ؞ عَمَّا عَيَنْكِنْ دَ مُتَنٜىٰنْ إِسْرَٰٓءِيلَ سُكٜىٰ دَ ذَمَ، أَݣَويْ حَصْكٜىٰ؞
24سَيْ ڢِرْعَوْنَ يَكِرَا مُوسَٰى يَثٜىٰمَسَ «تُواْ، كُتَڢِے كُيِ وَ يَهْوٜىٰهْ سُجَّدَ؞ ذَاكُ عِيَ كُتَڢِے تَرٜىٰدَ مَاتَنْكُ دَ یَیَنْكُ؞ عَمَّا كُبَرْ غَرْكُنَنْكُ نَتُمَكِ دَ أَوَكِ دَ نَشَانُو؞»
25مُوسَٰى كُوَ يَثٜىٰ مَسَ «دُواْلٜىٰنٜىٰ كَبَرْمُ مُتَڢِے دَ دَبُّواْبِنْدَ ذَامُ مِيڧَ هَدَايُ دَ هَدَايُ نَڧُواْنَاوَا غَ يَهْوٜىٰهْ اللَّهْ نْمُ دَسُو؞ 26دُواْلٜىٰنٜىٰ مُتَڢِے دَ دَبُّواْبِنْمُ، كُواْ تَڢِنْ ڧَڢَرْسُ مَا بَذَامُ بَرِ عَبَايَبَ؞ غَمَا دَغَ ثِكِنْسُ ذَامُ ذَاٻَا دُواْمِنْ مُيِ وَ يَهْوٜىٰهْ اللَّهْ نْمُ سُجَّدَ؞ كُمَ يَنْذُ بَذَامُسَنْ كُواْ وَنٜىٰ إِرِنْ دَبَّرْ دَ ذَامُ مِيڧَ تَ هَدَايَ غَ يَهْوٜىٰهْ بَ، سَيْدَيْ مُنْ كَيْ ثَنْ تُكُنَ؞»
27عَمَّا يَهْوٜىٰهْ يَا تَوْرَرَ ذُوثِيَارْ ڢِرْعَوْنَ، بَيْ سُواْ يَبَرْسُ سُتَڢِبَ؞ 28ڢِرْعَوْنَ يَثٜىٰ وَ مُوسَٰى «كَڢِتَ دَغَ نَنْ! كَمَيْدَ حَنْكَلِ، كَدَ كَيَرْدَ إِنْ سَاكٜىٰ غَنِنْكَ! ضَنْدَا نَسَاكٜىٰ غَنِنْكَ تُواْ، لَلَّيْ ذَاكَ مُتُ!»
29مُوسَٰى يَثٜىٰ «مَادَلَّ، كَمَرْ يَدَّ كَڢَطَا، بَذَنْ ڧَارَ غَنِنْ ڢُسْكَرْكَ بَكُمَ؞»
Currently Selected:
ڢِتُواْوَ 10: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020