ڢِتُواْوَ 11
11
سَنَرْوَرْ مُتُوَرْ یَنْ ڢَارِ
1 يَهْوٜىٰهْ كُوَ يَثٜىٰ وَ مُوسَٰى «حَرْ يَنْذُ دَيْ، ذَنْعَيْكَ دَ وَنِ بَلَعِ كُمَ عَكَنْ ڢِرْعَوْنَ دَ مَصَرْ؞ بَايَنْ حَكَ ذَيْ بَرْكُ كُتَڢِے؞ عِ، سَعَدَّ يَبَرْكُ كُتَڢِے، ذَيْ كُواْرٜىٰكُ غَبَاطَيَ؞ 2كَڢَطَا وَجَمَعَرْ إِسْرَٰٓءِيلَ ثٜىٰوَ كُواْوَنٜىٰ مُتُمْ دَ كُواْوَثٜىٰ مَثٜىٰ سُضُواْڧِ كَايَنْ دَرَجَ نَأَظُرْڢَا دَ ظِينَارِيَ دَغَ مَصَرَاوَا مَڨُوبْتَنْسُ؞» 3يَهْوٜىٰهْ كُوَ يَا سَا إِسْرَٰٓءِيلَاوَا سُكَ سَامِ ڢَضٍ جِنِ أَعِدَانُنْ مَصَرَاوَا؞ مُوسَٰى دَ كَنْسَ كُمَ أَنْغِرْمَمَ شِ سُواْسَيْ أَعِدَانُنْ دَتَّاوَنْ ڢِرْعَوْنَ دَ كُمَ أَعِدَانُنْ دُكَنْ مَصَرَاوَا؞
4كَاڢِنْ مُوسَٰى يَڢِتَ سَيْيَثٜىٰ وَ ڢِرْعَوْنَ «إِنْجِ يَهْوٜىٰهْ، ‹وَجٜىٰنْ ڟَكَرْ دَرٜىٰ ذَنْبِے تَثِكِنْ مَصَرْ؞ 5كُواْوَنٜىٰ طَنْ ڢَارِ عَثِكِنْ ڧَسَرْ مَصَرْ ذَيْ مُتُ دَغَ طَنْ ڢَارِ نَشِے ڢِرْعَوْنَ وَنْدَ يَكٜىٰ ذَمَ عَكُجٜىٰرَرْ مُلْكِ، حَرْ ذُوَا طَنْ ڢَارِ نَبَيْوَ وَدَّ تَكٜىٰنِڧَ، حَرْ مَا ذُوَا یَیَنْ ڢَارِ نَدَبُّواْبِے دُكَ؞ 6ذَاعَيِ كُوكَا مَيْ ڟَنَنِ كُواْعِنَ عَڧَسَرْ مَصَرْ، وَدَّ بَعَتَٻَيِبَ، بَ كُوَ ذَاعَ ڧَارَيِبَ؞ 7عَمَّا غَمٜىٰدَ إِسْرَٰٓءِيلَاوَا، كُواْ كَرٜىٰ مَا بَذَيْ يِوَوَنِ مُتُمْ كُواْ دَبَّ هَوْشِبَ، دُواْمِنْ كُسَنِ ثٜىٰوَ يَهْوٜىٰهْ يَا بَمْبَنْتَ ڟَكَانِنْ مَصَرَاوَا دَ إِسْرَٰٓءِيلَاوَا؞› » 8مُوسَٰى كُمَ يَثٜىٰ «سَعَنً دُكَنْ دَتَّاوَنْكَ ذَاسُذُواْ سُرُسُنَ أَغَبَنَ دَ ڢُسْكَرْسُ حَرْ ڧَسَا، سُنَ ضُواْڧُواْ ثٜىٰوَ ‹كَيِسَوْرِ كَتَڢِے! كَيْ دَ دُكَنْ جَمَعَرْدَ سُكٜىٰبِنْكَ!› سَعَنً نٜىٰ ذَنْتَڢِے؞» سَيْ مُوسَٰى يَڢِتَ دَغَ غَبَنْ ڢِرْعَوْنَ ثِكِنْ ڢُشِے سُواْسَيْ؞
9سَيْ يَهْوٜىٰهْ يَثٜىٰ وَ مُوسَٰى «ڢِرْعَوْنَ بَذَيْ كَسَ كُنّٜىٰ غَرٜىٰكَبَ دُواْمِنْ إِنْڧَارَ عَيْكَتَ أَيُّكَنْ بَنْ مَامَاكِنَ عَڧَسَرْ مَصَرْ؞» 10مُوسَٰى دَ هَٰرُونَ سُكَ عَيْكَتَ دُكَنْ وَطَنَّنْ أَيُّكَنْ بَنْ مَامَاكِ أَغَبَنْ ڢِرْعَوْنَ، عَمَّا يَهْوٜىٰهْ يَا تَوْرَرَ ذُوثِيَارْ ڢِرْعَوْنَ، ڢِرْعَوْنَ كُوَ بَيْبَرْ إِسْرَٰٓءِيلَاوَا سُڢِتَ دَغَ ڧَسَرْسَبَ؞
Currently Selected:
ڢِتُواْوَ 11: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
