ڢِتُواْوَ 16
16
يَهْوٜىٰهْ يَا عَيْكَ دَ مَنَّ دَ كَجِنْ دَاجِ
1سَيْ دُكَنْ جَمَعَرْ إِسْرَٰٓءِيلَ سُكَتَاشِ دَغَ عٜىٰلِمْ سُكَ شِغَ ثِكِنْ دَاجِنْ سِنْ، وَنْدَ يَكٜىٰ ڟَكَانِنْ عٜىٰلِمْ دَ سِنَيْ، أَ رَانَ تَغُواْمَشَا بِيَرْ غَ وَتَنْ بِيُ بَايَنْ تَاشِنْسُ دَغَ ڧَسَرْ مَصَرْ؞ 2أَ دَاجِنَّنْ نٜىٰ دُكَنْ جَمَعَرْ إِسْرَٰٓءِيلَ سُكَيِ وَ مُوسَٰى دَ هَٰرُونَ غُنَغُنِ؞ 3إِسْرَٰٓءِيلَاوَا سُكَثٜىٰ مُسُ «دَمَا مُنْ مُتُ أَ حَنُّنْ يَهْوٜىٰهْ عَثَنْ ڧَسَرْ مَصَرْ! عَثَنْ كُوَ مُكَ ذَوْنَ كُسَدَ تُݣُونٜىٰنْ نَامَ، مُكَثِ عَبِنْثِ حَرْ مُكَ ڧُواْشِ! غَاشِ، كُنْ ڢِتَرْ دَمُو كُنْ كَٰوُاْمُ عَثِكِنْ دَاجِنَّنْ دُواْمِنْ كُكَكَّشٜىٰ دُكَنْ تَارُوانْ جَمَعَ دَ يُنْوَ؞»
4سَيْ يَهْوٜىٰهْ يَثٜىٰ وَ مُوسَٰى «غَاشِ، ذَنْسَا عَبِنْثِ يَظُبَ كَمَرْ ضُوَ دَغَ سَمَ دُواْمِنْكُ؞ كُواْوَثٜىٰ رَانَ مُتَنٜىٰ ذَاسُ ڢِتَ سُتَتَّارَ عَبِنْثِنْ دَ ذَيْ إِشٜىٰسُ نَݣُونَ طَيَ؞ تَهَكَ ذَنْ ڠُودَاسُ إِنْ غَنِ كُواْ ذَاسُ كِيَايٜىٰ مَغَنَاتَ كُواْ بَابُ؞#يَحـ 6.31 5أَ رَانَ تَشِدَ، لُواْكَثِنْ دَسُكٜىٰ تَتَّارَ عَبِنْثِنْ، سَيْ سُتَتَّارَ وَنْدَ يَوَنْسَ ذَيْ يِنَݣُونَ بِيُ؞»
6سَيْ مُوسَٰى دَ هَٰرُونَ سُكَ كِرَا دُكَنْ جَمَعَرْ إِسْرَٰٓءِيلَ سُكَ ثٜىٰمُسُ «أَوَنَّنْ يَمَّ ذَاكُ سَنِ ثٜىٰوَ يَهْوٜىٰهْ نٜىٰ يَڢِتَرْ دَكُو دَغَ ڧَسَرْ مَصَرْ؞ 7دَسَڢٜىٰ ذَاكُغَ حَصْكٜىٰنْ طَوْكَكَرْ يَهْوٜىٰهْ، غَمَا يَاجِ غُنَغُنِنْكُ غَمٜىٰدَشِ؞ غَمَا وَنٜىٰنٜىٰمُو، حَرْ دَ ذَاكُيِ غُنَغُنِ عَكَنْمُ؟» 8مُوسَٰى كُمَ يَثٜىٰ «يَهْوٜىٰهْ ذَيْبَاكُ نَامَ دَ يَمَّ كُثِ، يَكُمَ بَاكُ عَبِنْثِ دَ سَڢٜىٰ كُثِ كُڧُواْشِ دَيَكٜىٰ يَاجِ غُنَغُنِنْكُ عَكَنْسَ؞ أَيْ، غُنَغُنِنْكُ بَعَكَنْمُ بَنٜىٰ؞ وَنٜىٰمُو؟ عَكَنْ يَهْوٜىٰهْ نٜىٰ كُكٜىٰيِنْ غُنَغُنِ!»
9سَيْ مُوسَٰى يَثٜىٰ وَ هَٰرُونَ «كَڢَطَا وَدُكَنْ جَمَعَرْ إِسْرَٰٓءِيلَ، ‹كُمَڟُواْ كُسَ أَغَبَنْ يَهْوٜىٰهْ، غَمَا يَا جِ غُنَغُنِنْكُ؞› » 10يَايِنْ دَ هَٰرُونَ يَكٜىٰيِ وَدُكَنْ جَمَعَرْ إِسْرَٰٓءِيلَ مَغَنَ، سُكَ جُويَا سُكَ ڢُسْكَنْثِ دَاجِ، بَا لَابَرِ سَيْ سُكَغَ حَصْكٜىٰنْ طَوْكَكَرْ يَهْوٜىٰهْ يَنَ بَيَّنَ عَثِكِنْ ڧُنْشِنْ غِرْغِجٜىٰنْ؞ 11يَهْوٜىٰهْ كُوَ يَثٜىٰ وَ مُوسَٰى، 12«نَاجِ غُنَغُنِنْ إِسْرَٰٓءِيلَاوَا؞ يَنْذُ كَثٜىٰمُسُ، ‹دَيَمَّ ذَاكُثِ نَامَ دَ سَڢٜىٰ كُمَ ذَاكُثِ عَبِنْثِ كُڧُواْشِ؞ سَعَنً ذَاكُ سَنِ ثٜىٰوَ نِنٜىٰ يَهْوٜىٰهْ اللَّهْ نْكُ؞› »
13دَ يَمَّ، سَيْغَا كَجِنْ دَاجِ مَاسُيَوَ سُكَ رُڢٜىٰ وُرِنْ دَ مُتَنٜىٰنْ إِسْرَٰٓءِيلَ سُكَيِ ذَنْغُواْ؞ وَشٜىٰغَرِ دَ سَڢٜىٰ كُمَ رَٻَ تَرُڢٜىٰ ڢِيلِنْ دَيَكٜىٰ كٜىٰوَيٜىٰ دَ ذَنْغُوانْ؞ 14سَعَدَّ رَٻَرْ تَبُوشٜىٰ، سَيْغَا وَنِ أَبُ ڢَلّٜىٰ ڢَلّٜىٰ مَرَرْ كَوْرِ كَمَرْ دُوسَرْ ڧَنْڧَرَ يَرُڢٜىٰ ڢُسْكَرْ دَاجِنْ؞ 15سَعَدَّ مُتَنٜىٰنْ إِسْرَٰٓءِيلَ سُكَغَ وَنَّنْ، سُكَ تَمْبَيِ جُونَ سُكَثٜىٰ «مَنَّ؟» وَتُواْ «مٜىٰنٜىٰنٜىٰ وَنَّنْ؟» غَمَا بَسُ تَٻَ غَنِنْ إِرِنْتَبَ؞#1 كُوارْ 10.3
مُوسَٰى كُوَ يَثٜىٰ مُسُ «وَنَّنْ شِينٜىٰ عَبِنْثِنْ دَ يَهْوٜىٰهْ يَبَاكُ كُثِ؞ 16غَا أَبِنْدَ يَهْوٜىٰهْ يَعُمَرْثٜىٰكُ، ‹كُواْوَنّٜىٰنْكُ يَتَارَ إِيَاكَثِنْ أَبِنْدَ ذَيْ عِيَثِ، مُودُ بِيُ غَ كُواْوَنٜىٰ طَيَنْكُ بِسَغَ يَوَنْ مُتَنٜىٰنْ دَسُكٜىٰ عَكُواْوَنٜىٰ تٜىٰنْتِ؞› » 17حَكَ كُوَ إِسْرَٰٓءِيلَاوَا سُكَيِ، وَطَنْسُ سُكَ تَتَّارَ دَيَوَ، وَطَنْسُ كُمَ كَطَنْ؞ 18عَمَّا دَ سُكَ عَوْنَ دَ مُودُ، وَنْدَ يَتَارَ مَيْ يَوَ، بَيْيِ مَسَ يَوَ بَ، وَنْدَ يَتَارَ كَطَنْ كُوَ، بَيْ كَاسَ مَسَبَ؞ كُواْوَنّٜىٰنْسُ يَتَتَّارَ دَيْدَيْ أَبِنْدَ يَكٜىٰ بُڧَاتَ؞#2 كُوارْ 8.15 19مُوسَٰى كُوَ يَثٜىٰ مُسُ «كَدَ وَنِ يَثِ يَبَرْ سَوْرَ حَرْ وَايٜىٰوَرْ غَرِ؞» 20عَمَّا دُكْدَهَكَ، وَطَنْسُنْسُ بَسُ كَسَ كُنّٜىٰ غَ أَبِنْدَ مُوسَٰى يَڢَطَا مُسُ بَ، سُكَ بَرْ سَوْرَ حَرْ وَايٜىٰوَرْ غَرِ؞ سَيْ أَبِنْ يَيِ ڟُڟُواْڟِ، يَضُٻَ يَنَ وَرِ؞ مُوسَٰى كُوَ يَيِ ڢُشِدَسُو؞ 21كُواْوَثٜىٰ سَاڢِيَ سُكَنْ تَتَّارَ عَبِنْثِ يَدَّ ذَيْ إِشٜىٰسُ؞ سَعَدَّ رَانَ تَهَوْ تَيِ ذَاڢِ، أَبِنْدَ عَكَ بَرِ عَڧَسَا يَكَنْ نَرْكٜىٰ؞
22عَكَنْ رَانَ تَشِدَ، مَنَّرْ دَتَكٜىٰ عَڧَسَا تَڢِے سَوْ بِيُ تَسَوْرَنْ ݣُونَكِنْ، وَتُواْ سُكَ تَتَّارَ مُودُ حُطُ نَمَنَّ أَمَيْمَكُوانْ مُودُ بِيُنْ دَ سُكَنْ تَارَ أَ سَوْرَنْ ݣُونَكِے؞ سَعَدَّ دُكَنْ شُوغَبَنِّنْ جَمَعَرْ إِسْرَٰٓءِيلَ سُكَذُواْ وُرِنْ مُوسَٰى سُكَ ڢَطَا مَسَ أَبِنْدَ يَڢَرُ، 23يَأَمْسَ مُسُ يَثٜىٰ «غَا أَبِنْدَ يَهْوٜىٰهْ يَعُمَرْتَ، ‹غُواْبٜىٰ مُهِمِّيَرْ رَانَرْ هُوتُ ثٜىٰ، رَانَرْ هُوتُ تَمَكُواْ ثٜىٰ، وَدَّ عَكَ كٜىٰٻٜىٰ غَ يَهْوٜىٰهْ؞ دُواْمِنْ حَكَ، يَوْ كُتُواْيَ أَبِنْدَ ذَاكُتُواْيَ، كُكُمَ دَڢَ أَبِنْدَ ذَاكُ دَڢَ؞ دُكَنْ أَبِنْدَ كُكَثِ كُكَ ضَغٜىٰ يَوْ، كُ أَجِيٜىٰ حَرْ وَايٜىٰوَرْ غَرِ؞› »#ڢِتْ 20.8-11 24كَمَرْ يَدَّ مُوسَٰى يَعُمَرْثٜىٰسُ، أَبِنْدَ سُكَثِ سُكَ ضَغٜىٰ، سُكَ أَجِيٜىٰ حَرْ وَايٜىٰوَرْ غَرِ، عَمَّا بَيْ ضُٻَ يَيِ وَرِ بَ، بَيْ كُوَيِ ڟُڟُواْڟِبَ؞ 25مُوسَٰى يَثٜىٰ «وَنَّنْ عَبِنْثِ نٜىٰ ذَاكُثِ يَوْ، غَمَا يَوْ رَانَرْ هُوتُ تَمَكُواْ ثٜىٰ وَدَّ عَكَ كٜىٰٻٜىٰ غَ يَهْوٜىٰهْ؞ يَوْ بَذَاكُ سَامِ عَبِنْثِ أَ ڢِيلِبَ؞ 26ݣُونَكِے شِدَ ذَاكُ تَتَّارَ عَبِنْثِ، عَمَّا أَ رَانَ تَبَݣَويْ، وَتُواْ رَانَرْ هُوتُ تَمَكُواْ ثٜىٰ، بَذَاكُ تَارَ عَبِنْثِبَ؞»
27عَمَّا أَ رَانَ تَبَݣَويْ طِنْ وَطَنْسُ مُتَنٜىٰ سُكَ ڢِتَ دُواْمِنْ تَتَّارَ عَبِنْثِنْ، بَسُ كُوَ سَامِ كُواْمٜىٰبَ؞ 28يَهْوٜىٰهْ يَتَمْبَيِ مُوسَٰى «حَرْ يَوْشٜىٰ، كُو مُتَنٜىٰ، ذَاكُڧِ كِيَايٜىٰ دُواْكُواْكِنَ دَ كُواْيَرْوَاتَا؟ 29لُورَ ڢَا! نِے يَهْوٜىٰهْ نَا بَاكُ رَانَرْ هُوتُ تَمَكُواْ تَذَمَ رَانَرْ هُوتُ؞ شِيَسَا نَبَاكُ عَبِنْثِ نَݣُونَ بِيُ أَ رَانَ تَشِدَ؞ كُواْوَنّٜىٰنْكُ يَذَوْنَ أَ عِنْدَ يَكٜىٰ أَ رَانَرْ هُوتُ تَمَكُواْ، كَدَ يَڢِتَ؞» 30سَيْ جَمَعَ سُكَ هُوتَ أَ رَانَ تَبَݣَويْ؞
31عَبِنْثِنَّنْ كُوَ غِدَنْ إِسْرَٰٓءِيلَ سُنْ كِرَا شِ دَ سُونَ مَنَّ؞ مَنَّ وَنِ أَبُ نٜىٰ كَمَرْ ڨُويَرْ ڢَضٍ رِطِ، طَنْطَنُوانْتَ كَمَرْ بِسْكِتْ ثٜىٰ وَدَّ عَكَيِ دَظُمَ؞#لِـ ڧِدْ 11.7-8 32سَيْ مُوسَٰى يَثٜىٰ «يَهْوٜىٰهْ يَبَادَ عُمَرْنِ ثٜىٰوَ عَ أَجِيٜىٰ مُودُ بِيُ نَمَنَّ، عَكِيَايٜىٰشِ دَغَ نَنْ حَرْ إِيَاكَرْ ڟَارَرَّكِنْكُ دُواْمِنْ سُ عِيَ غَنِنْ عَبِنْثِنْ دَ يَهْوٜىٰهْ يَتَنَدَ مُكُ عَثِكِنْ دَاجِ، سَعَدَّ يَڢِتَرْ دَكُو دَغَ ثِكِنْ ڧَسَرْ مَصَرْ؞» 33مُوسَٰى يَثٜىٰ وَ هَٰرُونَ «كَطَوْكِ تُكُنْيَ، كَسَا مُودُ بِيُ نَمَنَّ عَثِكِ، سَعَنً كَأَجِيٜىٰ أَغَبَنْ يَهْوٜىٰهْ، دُواْمِنْ تَذَمَ أَبِنْ تُنَاوَا دَغَ نَنْ حَرْ إِيَاكَرْ ڟَارَرَّكِنْكُ؞»#إِبْرَ 9.4 34هَٰرُونَ كُوَ يَيِ يَدَّ يَهْوٜىٰهْ يَعُمَرْثِ مُوسَٰى؞ يَأَجِيٜىٰ مَنَّ طِنْ أَغَبَنْ أَبِنْ شَيْدَرْ يَرْجٜىٰجٜىٰنِيَ دُواْمِنْ كِيَايٜىٰوَا؞ 35مُتَنٜىٰنْ إِسْرَٰٓءِيلَ كُوَ سُكَيِ شٜىٰكَرَا أَرْبَعِنْ سُنَ ثِنْ مَنَّ، حَرْ سَيْ دَ سُكَ كَيْ ڧَسَرْدَ أَنَ عِيَ ذَمَ عَثِكِ، وَتُواْ إِيَاكَرْ ڧَسَرْ كَنْعَنَ عِنْدَ أَݣَويْ عَبِنْثِ؞#يُواشْ 5.12 36أَنَ كِرَنْ مُودُ بِيُ دَ إِبْرَانِيَنْثِ «عُواْمٜىٰرْ»؞
Currently Selected:
ڢِتُواْوَ 16: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
