ڢِتُواْوَ 2

حَيْڢُوَرْ مُوسَٰى

1أَنَانً سَيْ وَنِ مُتُمْ دَغَ ذُرِيَرْ لَوِ يَا عَوْرِ مَتَ دَغَ ثِكِنْ وَنَّنْ ذُرِيَرْ لَوِ؞ 2مَاتَرْ كُوَ تَايِ ثِكِ تَحَيْڢِ طَا؞ سَعَدَّ تَغَ جَرِرِنْ يَنَدَ ݣَوْ، سَيْ تَٻُواْيٜىٰشِ حَرْ وَتَا عُكُ؞#أَيُّكَنْ 7‏.20؛ إِبْرَ 11‏.23 3عَمَّا سَعَدَّ تَغَ بَذَاتَ عِيَ ڧَارَ ٻُواْيٜىٰشِ أَغِدَابَ، سَيْ تَسَاڧَ ݣُونْدُواْ نَثِيَوَرْ إِوَ، تَشَاڢٜىٰ ݣُونْدُوانْ دَ مَنْݣُولْتَ، دُواْمِنْ كَدَ يَنُڟٜىٰ عَثِكِنْ ضُوَ؞ سَيْ تَسَ جَرِرِنْ عَثِكِنْ ݣُونْدُوانْ، تَجٜىٰ تَأَجِيٜىٰ شِ عَثِكِنْ ثِيَوَ مَاسُ ڟَيِ عَبَاكِنْ كُواْغِنْ نِلُ؞ 4یَرْعُوَرْ جَرِرِنْ كُوَ تَا ڟَيَ ثَنْ دَنِيسَ، تَنَ جِرَا تَغَ أَبِنْدَ ذَيْ ڢَرُ دَشِ؞

5سَيْ یَرْ سَرْكِے ڢِرْعَوْنَ تَغَنْ‌غَرَ دُواْمِنْ تَيِ وَنْكَ أَ كُواْغِنْ نِلُ، یَنْ مَاتَا مَاسُيِمَتَ حِدِمَ كُوَ سُنَ يَٰوُاْ عَبَاكِنْ كُواْغِنْ؞ دَ تَغَ ݣُونْدُواْ عَثِكِنْ ثِيَوَ مَيْ ڟَيِ، سَيْ تَ عَيْكِ طَيَ دَغَ ثِكِنْ یَنْ مَاتَنَّنْ تَجٜىٰ تَطَوْكُواْ شِ؞ 6سَعَدَّ تَبُوطٜىٰ ݣُونْدُوانْ، تَغَ جَرِرِ يَنَ كُوكَا؞ سَيْ تَجِ تَوْسَيِنْسَ تَثٜىٰ ‏«‏أَيَّ!‏ وَنَّنْ جَرِرِ طَيَ دَغَ ثِكِنْ یَیَنْ إِبْرَانِيَاوَا نٜىٰ؞»‏

7سَيْ یَرْعُوَرْ جَرِرِنْ تَذُواْ تَثٜىٰ وَ یَرْ سَرْكِے ‏«‏إِنْ تَڢِے إِنْ كِرَوُاْ مِكِ وَتَ مَتَادَغَ ثِكِنْ مَاتَانْ إِبْرَانِيَاوَا وَدَّ ذَاتَيِ مِكِ رٜىٰنُوانْ طَنَّنْ؟»‏

8سَيْ یَرْ سَرْكِنْ تَأَمْسَ مَتَ تَثٜىٰ ‏«‏عِ، كِتَڢِے؞»‏ يَارِنْيَرْ كُوَ تَجٜىٰ تَكِرَا مَامَرْ جَرِرِنْ؞ 9دَ مَامَرْ تَذُواْ، سَيْ یَرْ سَرْكِے تَثٜىٰمَتَ ‏«‏كِطَوْكِ جَرِرِنَّنْ كِيِمِنِ رٜىٰنُوانْسَ، نِے كُوَ ذَنْبِيَكِ لَادَنْكِ؞»‏ سَيْ مَاتَرْ تَطَوْكِ جَرِرِنْ تَيِ رٜىٰنُوانْسَ؞ 10دَغَ بَايَ، سَعَدَّ يَرُوانْ يَيِ غِرْمَ، سَيْ تَكَيْشِ وُرِنْ یَرْ سَرْكِے ڢِرْعَوْنَ؞ يَرُوانْ كُوَ يَا ذَمَ طَنْ یَرْ سَرْكِے؞ تَا كِرَا سُونَنْسَ مُوسَٰى،#2‏.10 مُوسَٰى: دَ إِبْرَانِيَنْثِ يَدَّ عَكٜىٰ ڢَطِنْ وَنَّنْ سُونَ، عَكَنْ جِيشِ كَمَرْ كَلْمَ مَيْ مَعَنَ ‏«‏ثِرٜىٰوَ»‏؞ تَثٜىٰ ‏«‏غَمَا نَا ثِرُواْشِ دَغَ ثِكِنْ ضُوَ؞»‏#أَيُّكَنْ 7‏.21

مُوسَٰى يَا غُدُ ذُوَا مَدْيَنَ

11أَنَانً وَتَرَانَ سَعَدَّ مُوسَٰى يَيِ غِرْمَ، يَا تَڢِے وُرِنْ مُتَنٜىٰنْسَ، يَكُمَغَا يَدَّ سُكٜىٰ شَنْ وَهَلَ دَ عَيْكِنْ دُواْلٜىٰ؞ سَيْ يَغَ وَنِ مُتُمِنْ مَصَرْ يَنَ دُوكَنْ وَنِ دَغَ إِبْرَانِيَاوَا، طَيَ دَغَ ثِكِنْ یَنْعُوَنْسَ؞#إِبْرَ 11‏.24 #أَيُّكَنْ 7‏.23‏-28 12سَيْ مُوسَٰى يَوَيْوَيَ يَدُوبَ نَنْ دَ ثَنْ دُواْمِنْ يَتَبَّتَرْ بَاوَنْدَ يَكٜىٰ غَنِنْسَ، سَيْ يَكَشٜىٰ مُتُمِنْ مَصَرْ طِنَّنْ، يَٻُواْيٜىٰ غَاوَرْ عَثِكِنْ يَشِ؞ 13وَشٜىٰغَرِ مُوسَٰى يَا سَاكٜىٰ ڢِتَ، سَيْ يَتَرَرْ دَ وَطَنْسُ إِبْرَانِيَاوَا بِيُ سُنَ ڢَطَ دَ جُونَ!‏ يَثٜىٰ وَطَيَنْ دَ يَكٜىٰدَ لَيْڢِے ‏«‏مٜىٰيَسَا كَكٜىٰ بُغُنْ طَنْعُوَنْكَ، طَيَ دَغَ مُتَنٜىٰنْكَ إِبْرَانِيَاوَا؟»‏

14سَيْ مُتُمِنْ يَأَمْسَ يَثٜىٰ ‏«‏وَ يَانَطَكَ سَرْكِے كُواْ مَيْ شَرِيعَ عَكَنْمُ؟ كَنَ نُڢِ كَكَشٜىٰنِ كَمَرْ يَدَّ كَاكَشٜىٰ مُتُمِنْ مَصَرْ نٜىٰ؟»‏ سَيْ مُوسَٰى يَجِڟُواْرُواْ سُواْسَيْ، يَثٜىٰ أَ رَنْسَ ‏«‏أَشٜىٰ!‏ مُتَنٜىٰ سُنْ سَنْ أَبِنْدَ نَعَيْكَتَ؞»‏ 15سَعَدَّ ڢِرْعَوْنَ يَجِ وَنَّنْ لَابَرِ، يَنٜىٰمَ يَكَشٜىٰ مُوسَٰى؞ عَمَّا مُوسَٰى يَا غُدُ دَغَ غَبَنْ ڢِرْعَوْنَ، يَتَڢِے يَذَوْنَ عَڧَسَرْ مَدْيَنَ؞#أَيُّكَنْ 7‏.29

أَنَانً وَتَرَانَ عَڧَسَرْ مَدْيَنَ، مُوسَٰى يَنَ ظَوْنٜىٰ عَبَاكِنْ وَتَ رِجِيَ، 16سَيْ یَیَ مَاتَا غُدَا بَݣَويْ نَ يِتْرُواْ ڢِرِسْتِ نَ مَدْيَنَ سُكَذُواْ سُطِبَ ضُوَ دَغَ رِجِيَرْ، سُثِكَ وُرِنْ دَ عَكٜىٰسَا وَدَبُّواْبِے ضُوَ دُواْمِنْ غَرْكٜىٰنْ بَابَنْسُ يَشَا؞ 17عَمَّا وَطَنْسُ مَكِيَايَ سُكَذُواْ سُكَ كُواْرِ یَنْ مَاتَانْدَ غَرْكٜىٰنْسُ؞ سَيْ مُوسَٰى يَتَاشِ يَتَيْمَكٜىٰسُ، يَطِبَ ضُوَ يَبَا غَرْكٜىٰنْسُ يَشَا؞ 18سَعَدَّ سُكَ كُواْمَ وُرِنْ بَابَنْسُ، رٜىٰيُوٜىٰلْ، وَتُواْ يِتْرُواْ كٜىٰنَنْ، شِيكُوَ يَا تَمْبَيٜىٰسُ يَثٜىٰ ‏«‏يَيَ عَكَيِ يَوْ كُكَ دَاوُاْ دَ سَوْرِ حَكَ؟»‏

19سُكَ أَمْسَ سُكَثٜىٰ ‏«‏وَنِ مُتُمِنْ مَصَرْ نٜىٰ يَثٜىٰثٜىٰمُ دَغَ حَنُّنْ مَكِيَايَ، حَرْ مَا يَا طٜىٰبُواْ مَنَ ضُوَ يَكُمَ بَا غَرْكٜىٰنْ يَشَا؞»‏

20رٜىٰيُوٜىٰلْ يَثٜىٰ وَیَیَنْسَ یَنْ مَاتَنَّنْ ‏«‏إِنَا مُتُمِنْ يَكٜىٰ؟ مٜىٰيَسَا بَكُذُواْ دَشِيبَ؟ كُتَڢِے كُكِرَشِ يَذُواْ، مُثِ عَبِنْثِ تَرٜىٰ؞»‏

21مُوسَٰى كُوَ يَا يَرْدَ يَذَوْنَ تَرٜىٰدَسُو؞ سَيْ رٜىٰيُوٜىٰلْ يَبَا مُوسَٰى یَرْسَ ظِڢُّواْرَ يَ عَوْرَ؞ 22ظِڢُّواْرَ تَا حَيْڢَ مَسَ طَا، سَيْ مُوسَٰى يَكِرَا سُونَنْسَ غٜىٰرْشُوامْ،#2‏.22 غٜىٰرْشُوامْ: دَ إِبْرَانِيَنْثِ يَدَّ عَكٜىٰ ڢَطِنْ وَنَّنْ سُونَ، عَكَنْ جِيشِ كَمَرْ كَلْمَ مَيْ مَعَنَ ‏«‏بَڧُواْ عَثَنْ»‏؞ غَمَا يَا ثٜىٰ ‏«‏نِے بَڧُواْ نٜىٰ عَڧَسَرْدَ بَنَوَبَ؞»‏

23بَايَنْ شٜىٰكَرُ دَيَوَ، سَيْ سَرْكِنْ مَصَرْ يَمُتُ؞ إِسْرَٰٓءِيلَاوَا سُكَيِ تَنِيشِ ثِكِنْ بَوْتَرْسُ، سُكَيِ كُوكَا دُواْمِنْ نٜىٰمَنْ تَيْمَكُواْ؞ كُوكَنْسُ نَنٜىٰمَنْ تَيْمَكُواْ يَا كَيْ وُرِنْ اللَّهْ؞ 24اللَّهْ كُوَ يَا جِ نِشٜىٰ نِشٜىٰنْسُ يَا كُمَ تُنَ دَ يَرْجٜىٰجٜىٰنِيَرْسَ دَ إِبْرَٰهِيمْ دَ إِسْحَٰڧَ دَ يَعْڧُوبَ؞#ڢَارْ 15‏.13‏-14 25اللَّهْ يَا دُوبِے مُتَنٜىٰنْ إِسْرَٰٓءِيلَ، يَا كُوَ لُورَ دَ أَبِنْدَ يَكٜىٰ ڢَرُوَ دَسُو؞

Currently Selected:

ڢِتُواْوَ 2: hauAS

Highlight

Copy