ڢِتُواْوَ 28
28
رِيغُنَنْ ڢِرِسْتُواْثِے
﴿ڢِتْ 39.1-7﴾
1«كَكِرَا طَنْعُوَنْكَ هَٰرُونَ دَ یَیَنْسَ مَظَا نَدَبْ دَ أَبِهُ دَ عٜىٰلٜىٰيَظَرْ دَ عِتَمَرْ؞ ذَاعَكٜىٰٻٜىٰسُ دَغَ ثِكِنْ جَمَعَرْ إِسْرَٰٓءِيلَ سُذَمَ ڢِرِسْتُواْثِے مَاسُيِمِنِ حِدِمَ؞ 2ذَاكَ طِنْكَوَ هَٰرُونَ طَنْعُوَنْكَ رِيغُنَ نَنُونَ كٜىٰٻٜىٰوَرْسَ دَ ڟَرْكِے غَ يَهْوٜىٰهْ، رِيغُنَ مَاسُ طَوْكَكَ دَ دَرَجَ؞ 3كَيِ مَغَنَ دَ دُكَنْ ڠُونَيٜىٰنْ سَنَعَ، وَطَنْدَ نَبَاسُ عِيَوَرْ طِنْكِ، سُيِ وَ هَٰرُونَ رِيغُنَ دُواْمِنْ عَكٜىٰٻٜىٰشِ يَكَسَنْثٜىٰ ڢِرِسْتِ دَ ذَيْ يِمِنِ حِدِمَ؞ 4غَا رِيغُنَنْ دَ ذَاسُ طِنْكَ، أَلْجِهُنْ ڧِرْجِ نَ عٜىٰڢُوادْ دَ عٜىٰڢُوادْ دَ دُواْغُوَرْ رِغَا دَ غَجٜىٰرِيَرْ رِغَا مَيْ أَدُوانْ سَاڧَ نَهَنُّ دَ هُولَرْ ڢِرِسْتِ دَ أَبِنْ طَمَرَ؞ ذَاسُ طِنْكَ رِيغُنَنَّنْ نَنُونَ كٜىٰٻٜىٰوَرْ طَنْعُوَنْكَ هَٰرُونَ دَ یَیَنْسَ، دُواْمِنْ سُيِ مِنِ حِدِمَرْ ڢِرِسْتِ؞ 5مَاسُ طِنْكِ ذَاسُ طِنْكَ وَطَنَّنْ رِيغُنَنْ دَ ظَرٜىٰنْ سَاڧَ نَظِينَارِيَ دَ نَمَيْ كَلَرْ ضُوً بُلَ دَ مَيْ كَلَرْ جَرْ غَرُورَا دَ مَيْ كَلَرْ جَا دَ كُمَ ظَرٜىٰ نَلِيلِنْ مَيْݣَوْ؞»
يَدَّ ذَاعَيِ عٜىٰڢُوادْ
6«ذَاسُ طِنْكَ عٜىٰڢُوادْ دَ ظَرٜىٰنْ سَاڧَ نَظِينَارِيَ دَ ظَرٜىٰ مَيْ كَلَرْ ضُوً بُلَ دَ مَيْ كَلَرْ جَرْ غَرُورَا دَ مَيْ كَلَرْ جَا دَ كُمَ ظَرٜىٰنْ سَاڧَ نَلِيلِنْ مَيْݣَوْ، عَيْكِنْ ڠُونِ؞ 7ذَاعَيِ عٜىٰڢُوادْ دَ ڢَلّٜىٰ بِيُ، غَبَ دَ بَايَ، سَعَنً ذَاعَ حَطَسُ دَ أَبِنْ رَاتَيَ تَكُواْوَثٜىٰ كَڢَطَ؞ 8أَبِنْ طَمَرَ مَيْ أَدُوانْ ڠُونِنْ طِنْكِ، ذَاعَيِ شِ دَ إِرِنْ طِنْكِ نَ عٜىٰڢُوادْ دَ ظَرٜىٰنْ سَاڧَ إِرِنَّ عٜىٰڢُوادْ، وَتُواْ ظَرٜىٰنْ سَاڧَ نَظِينَارِيَ دَ نَمَيْ كَلَرْ ضُوً بُلَ دَ مَيْ كَلَرْ جَرْ غَرُورَا دَ مَيْ كَلَرْ جَا دَ ظَرٜىٰنْ لِيلِنْ مَيْݣَوْ؞ 9ذَاكَ طَوْكِ دُوَڟُو مَاسُ دَرَجَ بِيُ نَ عُواْنِسْ، كَظَانَ سُونَيٜىٰنْ یَیَنْ إِسْرَٰٓءِيلَ عَكَنْسُ؞ 10ذَاكَ ذَانَ سُونَيٜىٰ شِدَ عَكَنْ كُواْوَنٜىٰ طَيَنْسُ، بِيدَبِے بِسَغَ حَيْڢُوَرْسُ؞ 11ذَاكَ ذَانَ سُونَيٜىٰنْ یَیَنْ إِسْرَٰٓءِيلَ عَكَنْ وَطَنَّنْ دُوَڟُو بِيُنْ، يَدَّ مَيْ سَسَّڧَ دُوَڟُو مَاسُ دَرَجَ يَكَنْ ذَانَ هَاتِمِ عَكَنْسُ؞ ذَاكَسَا كُواْوَنٜىٰ دُوڟٜىٰ ثِكِنْ ڧَرَمِنْ ڢِرَمْ نَظِينَارِيَ؞ 12ذَاكَ مَنَّ دُووَڟُنَّنْ بِيُ عَكَنْ أَبِنْ رَاتَيَ عٜىٰڢُوادْ عَكَڢَطَ، دُواْمِنْ سُذَمَ دُووَڟُنْ تُنَاوَا دَ یَیَنْ إِسْرَٰٓءِيلَ؞ تَهَكَ هَٰرُونَ ذَيْ شِغَ غَبَنْ يَهْوٜىٰهْ دَ وَطَنَّنْ سُونَيٜىٰ أَ رَاتَيٜىٰ عَكَڢَطُنْسَ دُواْمِنْ سُذَمَ مِنِ أَبِنْ تُنَاوَا دَسُو؞ 13ذَاكَيِ ڢِرَمْ بِيُ نَظِينَارِيَ، 14دَ إِغِيُواْيِنْ سَرْڧَ بِيُ نَظِينَارِيَ ظَلَّ؞ ذَاكَ مَنَّ إِغِيُواْيِنْ سَرْڧَرْ نَنْ بِيُ عَكَنْ ڢِرَمْ طِنْ؞»
يَدَّ ذَاعَيِ أَلْجِهُنْ ڧِرْجِ نَ عٜىٰڢُوادْ
﴿ڢِتْ 39.8-21﴾
15«ذَاكَيِ أَلْجِهُنْ ڧِرْجِ نَ عٜىٰڢُوادْ، وَتُواْ عٜىٰڢُوادْ نَنٜىٰمَنْ سَنِنْ نُڢِنْ يَهْوٜىٰهْ؞ ذَاعَيِشِ دَ ظَرٜىٰ إِرِنَّ عٜىٰڢُوادْ، وَتُواْ ظَرٜىٰنْ سَاڧَ نَظِينَارِيَ دَ نَمَيْ كَلَرْ ضُوً بُلَ دَ مَيْ كَلَرْ جَرْ غَرُورَا دَ مَيْ كَلَرْ جَا دَ ظَرٜىٰنْ لِيلِنْ مَيْݣَوْ، عَيْكِنْ ڠُونِ؞ 16ڨَلّٜىٰنْ دَ ذَاعَ سَاڧَ، كُواْوَنٜىٰ غٜىٰڢٜىٰنْسَ ذَيْ كَسَنْثٜىٰ دَيْدَيْ دَ سَوْرَنْ، وَتُواْ إِنْثِ تَرَ، كُمَ ذَاعَ نَطَشِ بِيُ دُواْمِنْ يَذَمَ أَلْجِهُنْ ڧِرْجِ نَ عٜىٰڢُوادْ؞ 17ذَاكَ جٜىٰرَ لَيِ حُطُ نَدُوَڟُو مَاسُ دَرَجَ عَكَنْتَ؞ غَا يَدَّ ذَاعَ مَنَّ دُووَڟُنْ،
«أَ لَيِ نَڢَرْكُواْ، كَرْنٜىٰلِيَنْ دَ تُواْڢَسْ دَ ظُمُرُّدُ،
18أَ لَيِ نَبِيُ، كِرِسُواْلَتْ دَ سَڢَّيَ دَ دَيْمُوانْ،
19أَ لَيِ نَعُكُ، يَسِنْ دَ أَغَتْ دَ أَمٜىٰتِسْ،
20أَ لَيِ نَهُطُ، بٜىٰرِلْ دَ عُواْنِسْ دَ يَسْڢَ؞
«كُواْوَنٜىٰ دُوڟٜىٰ ذَاعَ سَا شِ ثِكِنْ ڧَرَمِنْ ڢِرَمْ نَظِينَارِيَ؞»#رُعُيَ 21.19-20 21عَكَنْ دُووَڟُنَّنْ غُواْمَشَا بِيُ، ذَاعَ ذَانَ سُونَيٜىٰنْ یَیَنْ إِسْرَٰٓءِيلَ بِسَغَ ذُرِيَرْسُ غُواْمَشَا بِيُ؞ ذَاعَ ذَانَ سُونَيٜىٰنْسُ عَكَنْ دُووَڟُنْ كَمَرْ هَاتِمِ؞ 22ذَاكَيِ إِغِيُواْيِنْ سَرْڧَ نَظِينَارِيَ ظَلَّ دُواْمِنْ أَ رَاتَيَ أَلْجِهُنْ ڧِرْجِ نَ عٜىٰڢُوادْ؞ 23ذَاكَيِ ذُواْبٜىٰ غُدَا بِيُ نَظِينَارِيَ وَطَنْدَ ذَاكَسَا عَكْوَانَ بِيُ نَسَمَ نَأَلْجِهُنْ ڧِرْجِ نَ عٜىٰڢُوادْ؞ 24ذَاكَسَا إِغِيُواْيِنْ سَرْڧَ بِيُ نَظِينَارِيَ ثِكِنْ ذُواْبَّنْدَ سُكٜىٰ عَݣُونَرْ نَنْ بِيُ نَسَمَ نَأَلْجِهُنْ ڧِرْجِ نَ عٜىٰڢُوادْ؞ 25بَاكِ بِيُ نَ إِغِيُواْيِنْ سَرْڧَ بِيُنَّنْ، ذَاكَ حَطَ عَكَنْ ڢِرَمْ بِيُ نَظِينَارِيَ، دُواْمِنْ أَطَوْرَسُ غَ أَبُبُوَنْ رَاتَيَ بِيُ نَغَبَنْ أَلْجِهُنْ ڧِرْجِ نَ عٜىٰڢُوادْ؞ 26ذَاكَ ڧَارَ يِنْ وَطَنْسُ ذُواْبٜىٰ بِيُ نَظِينَارِيَ، وَطَنْدَ ذَاكَسَا عَكْوَانَ بِيُ تَڧَسَا عَبَايَنْ أَلْجِهُنْ ڧِرْجِنْ؞ 27ذَاكَ ڧَارَ يِنْ وَطَنْسُ ذُواْبٜىٰ بِيُ نَظِينَارِيَ، كَسَا طَيَ عَكَنْ كُواْوَنٜىٰ أَبِنْ رَاتَيَ أَلْجِهُنْ عَتَغَبَ دَيْدَيْ عِنْدَ مَهَطِنْ طَمَرَ مَيْ أَدُواْ يَكٜىٰ؞ 28ذَاكَ طَوْرَ أَلْجِهُنْ ڧِرْجِ نَ عٜىٰڢُوادْ تَوُرِنْ طَوْرَ ذُواْبٜىٰنْسَ دَ إِغِيَرْ ضُوً بُلَ غَ ذُواْبٜىٰنْ عٜىٰڢُوادْ، دُواْمِنْ يَمَنّٜىٰ غَ طَمَرَ مَيْ أَدُواْ، كُمَ يَكَامَ جِكِے دَݣَوْ؞
29«دُكْ سَعَدَّ هَٰرُونَ ذَيْ شِغَ وُرِے مَيْ ڟَرْكِے، عَكَنْ ذُوثِيَارْسَ ذَيْ طَوْكِ سُونَيٜىٰنْ یَیَنْ إِسْرَٰٓءِيلَ أَغَبَنْ يَهْوٜىٰهْ عَكَنْ أَلْجِهُنْ ڧِرْجِ نَ عٜىٰڢُوادْ، وَتُواْ عٜىٰڢُوادْ نَنٜىٰمَنْ سَنِنْ نُڢِنْ يَهْوٜىٰهْ، دُواْمِنْ يَذَمَ أَبِنْ تُنَاوَا كُلُّمْ أَغَبَنْسَ؞ 30ذَاكَسَا أَبُبُوَنْ نٜىٰمَنْ سَنِنْ نُڢِنْ يَهْوٜىٰهْ#28.30 أَبُبُوَنْ نٜىٰمَنْ سَنِنْ نُڢِنْ يَهْوٜىٰهْ: دَ إِبْرَانِيَنْثِ أَنَ كِرَنْسُ عُرِمْ دَ تُمِّمْ؞ عَثِكِنْ أَلْجِهُنْ ڧِرْجِ نَ عٜىٰڢُوادْ دُواْمِنْ سُكَسَنْثٜىٰ عَكَنْ ذُوثِيَارْ هَٰرُونَ سَعَدَّ يَشِغَ غَبَنْ يَهْوٜىٰهْ؞ تَهَكَ كُلُّمْ هَٰرُونَ ذَيْ دِنْغَ كَسَنْثٜىٰوَ دَ عٜىٰڢُوادْ نَنٜىٰمَنْ سَنِنْ نُڢِنْ يَهْوٜىٰهْ دُواْمِنْ مُتَنٜىٰنْسَ إِسْرَٰٓءِيلَ؞»#لِـ ڧِدْ 27.21؛ مَيْ شَـ 33.8؛ عُزَيْرُ 2.63؛ نٜىٰهْ 7.65
سَوْرَنْ رِيغُنَنْ ڢِرِسْتُواْثِے
﴿ڢِتْ 39.22-31﴾
31«ذَاكَيِ دُواْغُوَرْ رِغَا مَيْ كَلَرْ ضُوً بُلَ؞ ذَاعَسَا عٜىٰڢُوادْ عَبِسَ وَنَّنْ رِغَا؞ 32ذَاعَيِ وُيَنْ رِغَرْ نَسَاوَ، عَكُمَ سَاڧَ وُيَنْ رِغَرْ يَيِ كَوْرِ دُواْمِنْ كَدَ يَيَاغٜىٰ؞ 33عَبَاكِنْ رِغَرْ تَڧَسَا، ذَاكَيِ أَدُوانْ صِڢُّواْڢِنْ یَیَنْ رُمَّنْ نَظَرٜىٰنْ سَاڧَ مَيْ كَلَرْ ضُوً بُلَ دَ مَيْ كَلَرْ جَرْ غَرُورَا دَ مَيْ كَلَرْ جَ؞ عَكُمَ طَوْرَ ڧأَنَانً ڧَرَرَّوَ نَظِينَارِيَ أَڟَكَانِنْسُ حَرْ عَكٜىٰوَيٜىٰ بَاكِنْ رِغَرْ؞ 34ذَاعَ جٜىٰرَسُ بِيدَبِے، وَتُواْ بَايَنْ ڧُنْشِنْ أَدُوانْ یَیَنْ رُمَّنْ طَيَ ذَاعَ طَوْرَ یَرْ ڧَرَرَّوَرْ ظِينَارِيَ طَيَ؞ حَكَ ذَاعَيِ تَبِے حَرْ عَكٜىٰوَيٜىٰ رِغَرْ دَسُو؞ 35وَنَّنْ رِغَرْ نٜىٰ، هَٰرُونَ ذَيْسَا سَعَدَّ يَشِغَ وُرِے مَيْ ڟَرْكِے دُواْمِنْ يِوَ يَهْوٜىٰهْ حِدِمَ؞ ذَاعَ جِ ڧَارَرْ ڧَرَرَّوَرْ أَ لُواْكَثِنْ دَيَكٜىٰ شِغُواْوَ دَ لُواْكَثِنْ دَيَكٜىٰ ڢِتُواْوَ دَغَ وُرِے مَيْ ڟَرْكِے أَغَبَنْ يَهْوٜىٰهْ دُواْمِنْ كَدَ يَمُتُ؞
36«ذَاكَ كُمَيِ طَنْ ڧَرَمِنْ أَلُّواْ نَظِنَرِيَ ظَلَّ، أَ ذَانَ رُبُوتُو إِرِنَّهَاتِمِ عَكَنْسَ حَكَ، ‹أَنْ كٜىٰٻٜىٰ دَ ڟَرْكِے غَ يَهْوٜىٰهْ›؞ 37وَنَّنْ طَنْ ڧَرَمِنْ أَلُّوانْ ظِينَارِيَ، ذَاعَ طَوْرَ شِ دَ إِغِيَ مَيْ كَلَرْ ضُوً بُلَ أَغَبَنْ هُولَرْ ڢِرِسْتِ؞ 38تَهَكَ إِنْ هَٰرُونَ يَسَا هُولَرْ ڢِرِسْتِ، رُبُوتُنْ ذَيْ كَسَنْثٜىٰ أَغُواْشِنْسَ؞ تَهَكَ كُمَ هَٰرُونَ ذَيْ طَوْكِ نَوْيِنْ كُسْكُرُواْرِنْ دَ مُتَنٜىٰنْ إِسْرَٰٓءِيلَ سُنْيِ لُواْكَثِنْ دَ سُكَ مِيڧَ بَيٜىٰ بَيٜىٰنْسُ مَاسُ ڟَرْكِے؞ كُلُّمْ رُبُوتُنْ ذَيْ كَسَنْثٜىٰ أَغُواْشِنْ هَٰرُونَ دُواْمِنْ بَيٜىٰ بَيٜىٰنْ سُذَمَ أَبِنْ كَرْٻَ أَغَبَنْ يَهْوٜىٰهْ؞
39«ذَاكَيِ غَجٜىٰرِيَرْ رِغَا مَيْ أَدُوانْ سَاڧَ نَهَنُّ نَظَرٜىٰنْ لِيلِنْ مَيْݣَوْ؞ ذَاكَ كُمَيِ هُولَرْ ڢِرِسْتِ نَظَرٜىٰنْ لِيلِنْ مَيْݣَوْ دَ كُمَ أَبِنْ طَمَرَ مَيْ أَدُوانْ سَاڧَ نَهَنُّ؞
40«ذَاكُ كُوَيِ وَكُواْوَنٜىٰ طَنْ هَٰرُونَ غَجٜىٰرِيَرْ رِغَا دَ أَبِنْ طَمَرَ دَ ڧَرَمِنْ هُولَ، رِيغُنَ مَاسُ طَوْكَكَ دَ دَرَجَ؞ 41ذَاكَسَا وَ هَٰرُونَ دَ یَیَنْسَ وَطَنَّنْ كَايَ، سَعَنً كَظُبَ مُسُ مَنْ كٜىٰٻٜىٰوَ، كَنَطَسُ، كَڟَرْكَكٜىٰسُ دُواْمِنْ سُيِ مِنِ حِدِمَ تَڢِرِسْتُواْثِے؞ 42ذَاكَيِ مُسُ غَجٜىٰرُنْ وَنْدُنَ نَظَرٜىٰنْ لِيلِنْ، دُواْمِنْ أَ رُڢٜىٰ ڟِرَيْثِنْسُ دَغَ ݣُونْݣُوسُواْ ذُوَا ثِنْيَ؞ 43دُواْلٜىٰ هَٰرُونَ دَ یَیَنْسَ مَظَا سُسَا سَعَدَّ سُكٜىٰ شِغَ وُرِے مَيْ ڟَرْكِے، كُواْ كُوَ سَعَدَّ سُكَيِ كُسَدَ بَغَدٜىٰ عَثِكِنْ وُرِے مَيْ ڟَرْكِے دُواْمِنْ يِنْ حِدِمَرْسُ، دُواْمِنْ كَدَ سُيِ لَيْڢِنْدَ ذَيْ جَٰوُاْ مُسُ مُتُوَ؞ وَنَّنْ يَذَمَ ڧَٰعِدَثٜىٰ تَدِنْدِنْدِنْ غَ هَٰرُونَ دَ ذُرِيَرْسَ؞»
Currently Selected:
ڢِتُواْوَ 28: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
