ڢِتُواْوَ 29
29
شِرِنْ كٜىٰٻٜىٰوَرْ ڢِرِسْتُواْثِے
﴿لِـ ڢِرْ 8.1-36﴾
1«غَا أَبِنْدَ ذَاكَيِ وَ هَٰرُونَ دَ یَیَنْسَ مَظَا غَمٜىٰدَ كٜىٰٻٜىٰوَرْسُ دُواْمِنْ سُيِ مِنِ حِدِمَ تَڢِرِسْتُواْثِے؞ كَطَوْكِ طَنْ بِجِمِ دَ رَغُنَ بِيُ مَرَرْ تَبُواْ؞ 2سَيْ كَيِ أَمْڢَانِ دَ غَارِنْ أَلْكَمَ مَيْ لَوْشِ عَيِ غُرَاسَرْ مَرَرْ يِسْتِ دَشِ دَ وَيْنَ مَرَرْ يِسْتِ وَنْدَ عَكَ ݣُوٻَ دَ مَنْ ظَيْتُنْ دَ كُمَ بِسْكِتْ وَنْدَ عَكَ شَاڢٜىٰشِ دَ مَنْ ظَيْتُنْ؞ 3كَسَا وَطَنَّنْ أَبُبُوَنْ ثِكِنْ ݣُونْدُواْ طَيَ، كَكَٰوُاْسُ عَڧُواْڢَرْ وُرِے مَيْ ڟَرْكِے تَرٜىٰدَ طَنْ بِجِمِنْ دَ رَغُنَنَّنْ بِيُ؞»
ڟَبْتَثٜىٰوَرْ ڢِرِسْتُواْثِے دَ كٜىٰٻٜىٰوَرْسُ
4«ذَاكَ كَٰوُاْ هَٰرُونَ دَ یَیَنْسَ مَظَا عَڧُواْڢَرْ شِغَ تٜىٰنْتِنْ سَدُوَ، كَيِ مُسُ وَنْكَ دَ ضُوَ؞ 5سَعَنً كَطَوْكِ رِيغُنَنْ كَسَاوَ هَٰرُونَ؞ كَڢَارَ دَ دُواْغُوَرْ رِغَرْ، كَبِدَ غَجٜىٰرِيَرْ رِغَرْ، كَسَا رِغَرْ عٜىٰڢُوادْ، كَسَا أَلْجِهُنْ ڧِرْجِ نَ عٜىٰڢُوادْ عَكَيْ، سَعَنً كَطَوْرَ مَسَ أَبِنْ طَمَرَ وَنْدَ عَكَيِ مَسَ أَدُوانْ سَاڧَ نَهَنُّ؞ 6ذَاكَسَا هُولَرْ ڢِرِسْتِ عَكَنْسَ، كَطَوْرَ مَطَوْرِنْ ظِينَارِيَ عَكَيْ، كَكُمَ كَڢَ طَنْ أَلُّواْ مَيْ ڟَرْكِنَّنْ عَكَنْسَ؞ 7ذَاكَ كُمَ طَوْكِ مَنْ كٜىٰٻٜىٰوَ كَظُبَ مَسَ عَكَيْ دُواْمِنْ كَكٜىٰٻٜىٰشِ؞
8«سَعَنً كَكَٰوُاْ یَیَنْسَ مَظَا كَسَا وَكُواْوَنّٜىٰنْسُ غَجٜىٰرِيَرْ رِغَا؞ 9كَكُمَ طَوْرَ وَكُواْوَنّٜىٰنْسُ أَبِنْ طَمَرَ كَكُمَسَا مَسَ ڧَرَمِنْ هُولَ؞ تَهَكَ ذَاكَكٜىٰٻٜىٰ هَٰرُونَ دَ یَیَنْسَ مَظَا؞ كُمَ عَيْكِنْ ڢِرِسْتِ ذَيْذَمَ نَاسُ بِسَغَ ڧَٰعِدَ تَدِنْدِنْدِنْ؞»
هَدَايُ نَكٜىٰٻٜىٰوَرْ ڢِرِسْتُواْثِے
10«ذَاكَ كَٰوُاْ طَنْ بِجِمِنْ عَبَاكِنْ ڧُواْڢَرْ تٜىٰنْتِنْ سَدُوَ، كُمَ هَٰرُونَ دَ یَیَنْسَ ذَاسُ طُواْرَ حَنُّوَنْسُ عَكَنْ طَنْ بِجِمِنْ؞ 11سَيْ كَايَنْكَ بِجِمِنْ أَغَبَنْ يَهْوٜىٰهْ عَڧُواْڢَرْ شِغَ تٜىٰنْتِنْ سَدُوَ، كَتَرٜىٰ جِنِنْ؞ 12دَ يَڟَرْكَ كَطِبِے جِنِنْ بِجِمِنْ، كَسَا عَكَنْ ڧَهُواْنِنْ بَغَدٜىٰ؞ سَعَنً كَظُبَ سَوْرَنْ جِنِنْ أَغِنْدِنْ بَغَدٜىٰنْ؞ 13سَيْ كَثِرٜىٰ دُكَنْ كِڟٜىٰنْدَ يَرُڢٜىٰ كَايَنْ ثِكِنْ دَ سَاشٜىٰ مَڢِے ݣَوْ نَهَنْتَ دَ ڧُواْدَ بِيُ دَ كِڟٜىٰنْدَ يَمَنّٜىٰ عَكَنْسُ، كَمِيڧَسُ هَدَايَ تَڧُواْنَاوَا عَكَنْ بَغَدٜىٰنْ؞ 14سَوْرَنْ نَامَنْ بِجِمِنْ دَ ڢَتَرْسَ تَرٜىٰدَ كَاشِنْسَ، ذَاكَ كَيْسُ وَجٜىٰ بَايَنْ ذَنْ‌غُوانْ، سَيْ كَڧُواْنٜىٰسُ دَ وُتَا، هَدَايَ تَذُنُوبِ كٜىٰنَنْ؞
15«سَعَنً كَطَوْكِ طَيَ دَغَ رَغُنَنْ، سَيْ هَٰرُونَ دَ یَیَنْسَ مَظَا سُطُواْرَ حَنُّوَنْسُ عَكَنْ ضَغُوانْ؞ 16ذَاكَ يَنْكَ ضَغُوانْ، كَتَرٜىٰ جِنِنْ، كَطِبِے جِنِنْسَ كَيَيَّڢَا شِ عَكُواْوَنٜىٰ غٜىٰڢٜىٰنْ بَغَدٜىٰنْ؞ 17سَيْ كَيَيَّنْكَ ضَغُوانْ غَٻَ غَٻَ، كَوَنْكٜىٰ كَايَنْ ثِكِنْسَ دَ ڧَڢَاڢُنْسَ، كَسَاسُ تَرٜىٰدَكَيْ نَاسَ دَ سَوْرَنْ غَٻُواْٻِنْسَ عَكَنْ بَغَدٜىٰنْ؞ 18كَمِيڧَ ضَغُوانْ طُنْ‌غُمْ عَكَنْ بَغَدٜىٰنْ هَدَايَ تَڧُواْنَاوَا غَ يَهْوٜىٰهْ، مَيْ دَاطِنْ ڧَنْشِ، هَدَايَرْدَ عَكَ مِيڧَ دَ وُتَا كٜىٰنَنْ؞#أَڢِسْ 5.2؛ ڢِلِبْ 4.18
19«سَيْ كَطَوْكِ طَيَنْ ضَغُوانْ، هَٰرُونَ دَ یَیَنْسَ مَظَا ذَاسُطُواْرَ حَنُّوَنْسُ عَكَنْ ضَغُوانْ؞ 20سَعَنً كَايَنْكَ ضَغُوانْ كَتَرٜىٰ جِنِنْ؞ كَطِبِے جِنِنْ ضَغُوانْ كَسَا أَ لٜىٰٻٜىٰنْ كُنّٜىٰنْ دَامَ نَ هَٰرُونَ دَ نَیَیَنْسَ مَظَا؞ كَكُمَسَا عَكَنْ مَنْيَنْ يَڟُ نَهَنُّوَنْسُ نَدَمَ دَ نَڧَڢَاڢُنْسُ نَدَمَ؞ سَعَنً كَيَيَّڢَا سَوْرَ جِنِنْ عَكُواْوَنٜىٰ غٜىٰڢٜىٰنْ بَغَدٜىٰنْ؞ 21كَطِبِے جِنِ دَغَ بِسَنْ بَغَدٜىٰ كَݣُوٻَ دَ مَنْ كٜىٰٻٜىٰوَ؞ سَعَنً كَيَيَّڢَا وَ هَٰرُونَ دَ رِيغُنَنْسَ، كَكُمَ يَيَّڢَاوَ یَیَنْسَ مَظَا دَ رِيغُنَنْسُ؞ تَهَكَنٜىٰ ذَاعَ كٜىٰٻٜىٰسُ دَ رِيغُنَنْسُ دَ ڟَرْكِے؞»
نَطَوَرْ ڢِرِسْتُواْثِے
22«ذَاكَ ثِرٜىٰ كِڟٜىٰنْ ضَغُوانْ دَ كِڟٜىٰنْ وُڟِيَرْ دَ كِڟٜىٰنْدَ يَرُڢٜىٰ كَايَنْ ثِكِ دَ سَاشٜىٰ مَڢِے ݣَوْ نَهَنْتَ دَ ڧُواْدَ بِيُ دَ كِڟٜىٰنْدَ يَرُڢٜىٰسُ دَ ثِنْيَرْ دَامَ، تُنْدَيَكٜىٰ وَنَّنْ ضَغُواْ نَنَطَوَرْ ڢِرِسْتِنٜىٰ؞ 23ذَاكَ كُمَ طَوْكِ دُنْڧُلٜىٰنْ غُرَاسَ طَيَ دَ وَيْنَ طَيَنْ دَ عَكَ ݣُوٻَ دَ مَنْ ظَيْتُنْ دَ بِسْكِتْ طَيَ دَغَ وَنَّنْ ݣُونْدُوانْ غُرَاسَرْ مَرَرْ يِسْتِ وَنْدَ عَكَ أَجِيٜىٰ أَغَبَنْ يَهْوٜىٰهْ؞ 24ذَاكَسَا وَطَنَّنْ دُكَ عَتَڢِنْ حَنُّنْ هَٰرُونَ دَ نَیَیَنْسَ مَظَا؞ سُو كُوَ ذَاسُ مِيڧَسُ هَدَايَ تَطَغَوَ أَغَبَنْ يَهْوٜىٰهْ؞ 25بَايَنْ حَكَ، سَيْ كَسَاكٜىٰ كَرْٻَ دَغَ حَنُّوَنْسُ، كَمِيڧَسُ هَدَايَ تَڧُواْنَاوَا عَكَنْ هَدَايَ تَڧُواْنَاوَا مَيْ دَاطِنْ ڧَنْشِ عَكَنْ بَغَدٜىٰنْ، هَدَايَرْدَ عَكَ مِيڧَ دَ وُتَا غَ يَهْوٜىٰهْ كٜىٰنَنْ؞
26«ذَاكَ طَوْكِ ڧِرْجِنْ ضَغُوانْ دَ عَكَ يَنْكَ دُواْمِنْ نَطَوَرْ هَٰرُونَ، كَطَغَشِ سَمَ يَذَمَ هَدَايَ تَطَغَوَ أَغَبَنْ يَهْوٜىٰهْ؞ وَنَّنْ ڧِرْجِنْ ذَيْ ذَمَ رَبُوانْكَ؞
27«ذَاكَ كٜىٰٻٜىٰ غَ يَهْوٜىٰهْ سَاشٜىٰ نَضَغُواْ نَنَطَوَرْ ڢِرِسْتِ دَيَكٜىٰ نَ هَٰرُونَ دَ یَیَنْسَ مَظَا؞ وَنَّنْ يَڧُنْشِ ڧِرْجِنْ ضَغُوانْ دَ كُمَ ثِنْيَرْسَ وَطَنْدَ عَكَ مِيڧَسُ غَ يَهْوٜىٰهْ ثِكِنْ هَدَايَ تَطَغَوَ؞ 28وَنَّنْ ڧَٰعِدَ ثٜىٰ تَدِنْدِنْدِنْ ثٜىٰوَ سَعَدَّ مُتَنٜىٰنْ إِسْرَٰٓءِيلَ سُكَذُواْ مِيڧَ هَدَايُنْسُ نَڠَرَنْ زُمُنْثِ غَ يَهْوٜىٰهْ، ڧِرْجِ دَ ثِنْيَرْ دَبَّ ذَاسُ ذَمَ رَبُوانْ هَٰرُونَ دَ یَیَنْسَ مَظَا؞ وَنَّنْ عِتَثٜىٰ هَدَايَ تَطَغَوَ تَمُتَنٜىٰنْ إِسْرَٰٓءِيلَ ذُوَا غَرٜىٰنِ يَهْوٜىٰهْ؞
29«رِيغُنَ نَنُونَ كٜىٰٻٜىٰوَرْ هَٰرُونَ دَ ڟَرْكِے غَ يَهْوٜىٰهْ ذَاسُ ذَمَ نَیَیَنْسَ مَظَا بَايَنْ مُتُوَرْسَ؞ ثِكِنْ رِيغُنَنَّنْ نٜىٰ ذَاعَ كٜىٰٻٜىٰسُ عَكُمَ نَطَسُ ڢِرِسْتُواْثِے؞ 30طَنْ دَ يَغَاجٜىٰشِ يَذَمَ بَبَّنْ ڢِرِسْتِ، ذَيْسَا وَطَنَّنْ رِيغُنَ يَيِ ݣُونَكِے بَݣَويْ سَعَدَّ ذَيْ شِغَ ثِكِنْ تٜىٰنْتِنْ سَدُوَ دُواْمِنْ يَيِ حِدِمَ ثِكِنْ وُرِے مَيْ ڟَرْكِے؞»
عَبِنْثِنْدَ عَكَ كٜىٰٻٜىٰ دَ ڟَرْكِے
31«ذَاكَ طَوْكِ ضَغُواْ نَنَطَوَرْ ڢِرِسْتِ، كَدَڢَ نَامَنْسَ عَثِكِنْ وَنِ وُرِے مَيْ ڟَرْكِے؞ 32هَٰرُونَ دَ یَیَنْسَ نٜىٰ، ذَاسُثِ وَنَّنْ نَامَ تَرٜىٰدَ غُرَاسَرْ دَيَكٜىٰ ثِكِنْ ݣُونْدُواْ عَڧُواْڢَرْ شِغَ تٜىٰنْتِنْ سَدُوَ؞ 33ذَاسُثِ أَبُبُوَنْ دَ عَكَ مِيڧَ هَدَايَ دُواْمِنْ طَوْكَرْ أَلْحَكِنْ ذُنُبَنْسُ، وَتُواْ أَبُبُوَنْ دَ عَكَ مِيڧَ لُواْكَثِنْ نَطَوَرْسُ؞ بَابُوَنْدَ ذَيْثِ دَغَ ثِكِنْ أَبُبُوَنَّنْ، سَيْدَيْ ڢِرِسْتُواْثِے كَطَيْ، غَمَا أَنْكٜىٰٻٜىٰ أَبُبُوَنَّنْ دَ ڟَرْكِے؞ 34عِدَنْ نَامَنْ كُواْ غُرَاسَ نَنَطَوَ يَرَغُ حَرْ وَايٜىٰوَرْ غَرِ، سَيْ عَڧُواْنٜىٰشِ دَ وُتَا؞ بَذَاعَثِ شِيبَ، غَمَا أَنْكٜىٰٻٜىٰشِ دَڟَرْكِے؞»
كٜىٰٻٜىٰوَرْ بَغَدٜىٰنْ هَدَايَ تَڧُواْنَاوَا
35«حَكَ ذَاكَ نَطَ هَٰرُونَ دَ یَیَنْسَ بِسَغَ دُكَنْ أَبِنْدَ نَعُمَرْثٜىٰكَ؞ ݣُونَكِے بَݣَويْ ذَاكَ طَوْكَ دُواْمِنْ بِكٍ نَطَوَرْسُ؞ 36كُواْوَثٜىٰ رَانَ عَثِكِنْ ݣُونَكِے بَݣَويْ طِنَّنْ، ذَاكَ مِيڧَ بِجِمِ نَهَدَايَ تَطَوْكَرْ أَلْحَكِنْ ذُنُوبِ؞ حَكَ ذَاكَ ڟَبْتَثٜىٰ بَغَدٜىٰنْ، ذَاكَ ظُبَ مَنْ كٜىٰٻٜىٰوَ عَكَنْسَ، ذَاكَ كٜىٰٻٜىٰشِ دَ ڟَرْكِے؞ 37ݣُونَكِے بَݣَويْ ذَاكَ طَوْكَ كَنَ مِيڧَ هَدَايَ تَطَوْكَرْ أَلْحَكِنْ ذُنُوبِ دُواْمِنْ كٜىٰٻٜىٰوَرْ بَغَدٜىٰنْ؞ حَكَ كُوَ بَغَدٜىٰنْ ذَيْ ذَمَ دَ ڟَرْكِے سُواْسَيْ؞ دُكْ أَبِنْدَ يَتَٻَ بَغَدٜىٰنْ ذَيْ كَسَنْثٜىٰ دَ ڟَرْكِے؞»
هَدَايُ نَكُواْوَثٜىٰ رَانَ
﴿لِـ ڧِدْ 28.1-8﴾
38«كُلُّمْ ذَاكَ مِيڧَ عَكَنْ بَغَدٜىٰ كُواْوَثٜىٰ رَانَ یَنْ رَغُنَ بِيُ مَاسُ شٜىٰكَرَا طَيَ طَيَ؞ 39ذَاكَ مِيڧَ هَدَايَ دَ طَنْ ضَغُواْ طَيَ دَ سَڢٜىٰ، طَيَ كُمَ دَ يَمَّ؞ 40حَطٜىٰ دَ طَنْ ضَغُواْ نَڢَرْكُوانْ، ذَاعَ مِيڧَ كِلُواْ طَيَ نَغَارِنْ أَلْكَمَ مَيْ لَوْشِ وَنْدَ عَكَ ݣُوٻَ دَ لِتَ طَيَ#29.40 لِتَ طَيَ: دَ إِبْرَانِيَنْثِ أَنْرُبُوتَ «طَيَ ثِكِنْ حُطُ نَهِنْ» نٜىٰ أَنَنْ؞ نَمَنْ ظَيْتُنْ دَ عَكَ تَاثٜىٰ؞ كُمَ ذَاعَ ظُبَ لِتَ طَيَ نَضُوً إِنَبِے دُواْمِنْ هَدَايَ تَأَبِنْ شَا؞ 41طَيَنْ طَنْ ضَغُوانْ كُمَ سَيْ أَ مِيڧَشِ دَ يَمَّ؞ ذَاعَ مِيڧَشِ تَرٜىٰدَ هَدَايَ تَهَڟِ دَ هَدَايَ تَأَبِنْ شَا، كَمَرْ يَدَّ عَكَيِ دَ سَڢٜىٰ دُواْمِنْ هَدَايَ مَيْ دَاطِنْ ڧَنْشِ غَ يَهْوٜىٰهْ، هَدَايَرْدَ عَكَ مِيڧَ دَ وُتَا كٜىٰنَنْ؞ 42كُلُّمْ وَنَّنْ ذَيْ كَسَنْثٜىٰ هَدَايَ تَڧُواْنَاوَا دَغَ يَوْ حَرْ إِيَاكَرْ ڟَارَرَّكِنْكُ؞ ذَاعَيِ تَمِيڧَ هَدَايَرْ عَڧُواْڢَرْ شِغَ تٜىٰنْتِنْ سَدُوَ أَغَبَنْ يَهْوٜىٰهْ، عِنْدَ ذَنْسَدُ دَكُو، إِنْكُمَيِ مَغَنَ دَكَيْ أَوُرِنْ؞ 43أَوُرِنْ نٜىٰ ذَنْسَدُ دَ مُتَنٜىٰنْ إِسْرَٰٓءِيلَ، حَصْكٜىٰنْ طَوْكَكَتَ كُوَ ذَيْ ڟَرْكَكٜىٰ وُرِنْ؞ 44ذَنْ كُمَ كٜىٰٻٜىٰ تٜىٰنْتِنْ سَدُوَ دَ بَغَدٜىٰنْ دَ ڟَرْكِے؞ هَٰرُونَ دَ یَیَنْسَ مَظَا كُمَ ذَنْكٜىٰٻٜىٰسُ دَ ڟَرْكِے دُواْمِنْ سُيِ مِنِ حِدِمَ تَڢِرِسْتُواْثِے؞ 45ذَنْ ذَوْنَ عَثِكِنْ جَمَعَرْ إِسْرَٰٓءِيلَ، إِنْكُمَ ذَمَ اللَّهْ نْسُ؞ 46ذَاسُسَنِ ثٜىٰوَ نِنٜىٰ يَهْوٜىٰهْ اللَّهْ نْسُ وَنْدَ يَڢِتَرْ دَسُو دَغَ مَصَرْ دُواْمِنْ إِنْذَوْنَ عَثِكِنْسُ؞ نِنٜىٰ يَهْوٜىٰهْ اللَّهْ نْسُ؞»
Currently Selected:
ڢِتُواْوَ 29: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
