ڢِتُواْوَ 36
36
1«بٜىٰظَلٜىٰلْ دَ عُواْهُواْلِيَبْ دَ كُواْوَنٜىٰ مُتُمْ مَيْ عِيَوَرْ عَيْكِنْ حَنُّ، وَنْدَ يَهْوٜىٰهْ يَبَا شِ عِيَوَ دَ حِكِمَ غَمٜىٰدَ يِنْ كُواْوَنٜىٰ إِرِنْ عَيْكِ، ذَاسُيِ وُرِے مَيْ ڟَرْكِے بِسَغَ يَدَّ يَهْوٜىٰهْ يَعُمَرْتَ؞»
أَنْ ڟَيْ دَ بَيٜىٰ بَيٜىٰنْ جَمَعَ
2مُوسَٰى كُوَ يَكِرَا بٜىٰظَلٜىٰلْ دَ عُواْهُواْلِيَبْ دَ كُواْوَنٜىٰ مُتُمِنْ دَ يَهْوٜىٰهْ يَثِكَشِ دَ عِيَوَرْ عَيْكِنْ حَنُّ دَ دُكْ وَنْدَ ذُوثِيَارْسَ يَمُواْڟَ شِ يَذُواْ يَيِ عَيْكِنْ؞ 3سُكَ كَرْٻِ دَغَ حَنُّنْ مُوسَٰى دُكَنْ بَيٜىٰ بَيٜىٰ نَيَرْدَرْ رَيْ، وَطَنْدَ إِسْرَٰٓءِيلَاوَا سُكَ كَٰوُاْ دُواْمِنْ يِنْ عَيْكِنْ وُرِے مَيْ ڟَرْكِے؞ كُواْوَثٜىٰ سَاڢِيَ سُكَيِ تَكَٰوُاْ بَيٜىٰ بَيٜىٰنْسُ نَيَرْدَرْ رَيْ؞ 4سَيْ دُكَنْ مَاسُ عِيَيِنْ عَيْكِنْ حَنُّ وَطَنْدَ سُكٜىٰيِنْ كُواْوَنٜىٰ إِرِنْ عَيْكِ نَوُرِ مَيْ ڟَرْكِے، سُكَ طَنْ ڟَيَرْ دَ عَيْكِنْ سُكَ تَڢِے وُرِنْ مُوسَٰى؞ 5سُكَثٜىٰ مَسَ «جَمَعَ سُنَ تَكَٰوُاْ بَيٜىٰ بَيٜىٰ ڢِيٜىٰدَ أَبِنْدَ عَكٜىٰ بُڧَاتَ دُواْمِنْ يِنْ عَيْكِنْ دَ يَهْوٜىٰهْ يَعُمَرْتَ عَيِ؞»
6عَكَنْ وَنَّنْ نٜىٰ مُوسَٰى يَسَا سُكَيِ شٜىٰلَ عَكُواْعِنَ ثِكِنْ ذَنْغُوانْ ثٜىٰوَ «كَدَ وَتَ مَثٜىٰ كُواْ وَنِ نَمِجِ يَسَاكٜىٰ كَٰوُاْ وَنِ أَبُ نَبَيْكُوانْ يِنْ عَيْكِنْ وُرِے مَيْ ڟَرْكِے؞» تَهَكَ عَكَ حَنَ مُتَنٜىٰ سُكَٰوُاْ بَيٜىٰ بَيٜىٰ؞ 7غَمَا أَبِنْدَ سُكَ كَٰوُاْ يَيِيَوَ حَرْ مَا يَڢِ أَبِنْدَ عَكٜىٰ بُڧَاتَ دُواْمِنْ عَكَمَّلَ عَيْكِنْ؞
يِنْ تٜىٰنْتِنْ كَسَنْثٜىٰوَرْ يَهْوٜىٰهْ
﴿ڢِتْ 26.1-37﴾
8سَيْ دُكَنْ مُتَنٜىٰ مَڢِے ڠُونِنْتَ دَغَ ثِكِنْ مَاسُ عَيْكِنْ، سُكَيِ تٜىٰنْتِنْ دَ لَبُلٜىٰ غُواْمَ، وَطَنْدَ عَكَيِسُ دَ ظَرٜىٰنْ سَاڧَ نَلِيلِنْ مَيْݣَوْ دَ ظَرٜىٰنْ سَاڧَ مَيْ كَلَرْ ضُوً بُلَ دَ مَيْ كَلَرْ جَرْ غَرُورَا دَ مَيْ كَلَرْ جَ؞ وَطَنَّنْ لَبُلٜىٰ سُكَيِ مُسُ أَدُوانْ ذَانِ ذَانِ نَحَلِتُّو مَاسُ ڢِكَڢِكَيْ، عَيْكِنْ ڠُونِ؞ 9ڟَوُانْ كُواْوَنٜىٰ لَبُلٜىٰ يَكَيْ ڧَڢَا أَرْبَعِنْ دَ بِيُ، ڢَاطِنْسَ كُمَ يَكَيْ ڧَڢَا شِدَ؞ دُكَنْ لَبُلٜىٰنْ غِرْمَنْسُ يَكَسَنْثٜىٰ دَيْدَيْ؞ 10عَكَ حَطَ لَبُلٜىٰ بِيَرْ عَكَ طِنْكَسُ تَرٜىٰ سُنْ ذَمَ غُدَا، حَكَمَا عَكَيِ دَ سَوْرَنْ بِيَرْ طِنْ؞ 11عَكَيِ وَكُواْوَنٜىٰ لَبُلٜىٰ أَبِنْ رَاتَيَ مَيْ كَلَرْ بُلَ، عَكَ طِنْكَسُ عَبَاكِ بَاكِنْ لَبُلٜىٰ نَڢَرْكُوانْ دَ عَكَ حَطَ، حَكَمَا سُكَيِ دَ نَبِيُنْ؞ 12عَكَ طِنْكَ وَكُواْوَنٜىٰ لَبُلٜىٰ أَبِنْ رَاتَيَ غُدَا حَمْسِنْ؞ إِنْ أَنْ نَطَسُ دُواْمِنْ أَڠُودَاسُ، أَبُبُوَنْ رَاتَيَ نَطَيَنْ غٜىٰڢٜىٰنْ ذَاسُيِ دَيْدَيْ دَ نَغٜىٰڢٜىٰنْ وَنْثَنْ؞ 13عَكَيِ مَطَوْرِ حَمْسِنْ نَظِينَارِيَ، عَكَ حَطَ لَبُلٜىٰنْ دَ جُونَنْسُ تَوُرِنْ مَطَوْرِنْ دُواْمِنْ تٜىٰنْتِنْ يَذَمَ أَبُ طَيَ؞
14عَكَيِ لَبُلٜىٰ غُدَا غُواْمَشَا طَيَ نَغَاشِنْ أَوَكِ وَطَنْدَ ذَاسُ ذَمَ مُرْڢِنْ تٜىٰنْتِنْ؞ 15ڟَوُانْ كُواْوَنٜىٰ لَبُلٜىٰنْ يَكَيْ ڧَڢَا أَرْبَعِنْ دَ بِيَرْ، ڢَاطِنْسَ كُمَ يَكَيْ ڧَڢَا شِدَ؞ دُكَنْ لَبُلٜىٰنْ غُواْمَشَا طَيَنَّنْ سُنْ كَسَنْثٜىٰ دَيْدَيْ؞ 16عَكَ حَطَ لَبُلٜىٰ بِيَرْ عَكَ طِنْكَسُ تَرٜىٰ سُكَ ذَمَ لَبُلٜىٰ طَيَ؞ حَكَكُمَ عَكَيِ دَ سَوْرَنْ لَبُلٜىٰ شِدَ؞ 17عَكَ طِنْكَ وَبَاكِ بَاكِنْ كُواْوَنٜىٰ لَبُلٜىٰ أَبِنْ رَاتَيَ غُدَا حَمْسِنْ؞ 18عَكَيِ مَطَوْرِ نَتَغُلَّ غُدَا حَمْسِنْ دُواْمِنْ أَ هَرْهَطَسُ دَ أَبُبُوَنْ رَاتَيَ دُواْمِنْ تٜىٰنْتِنْ يَذَمَ طَيَ؞ 19عَكَيِ أَبِنْ رُڢٜىٰ تٜىٰنْتِنَّنْ دَ ڢَتُنْ رَغُنَنْ دَ عَكَيِسُ دَ جَرْ كَلَ؞ عَكَ كُمَيِ وَنِ أَبِنْ رُڢٜىٰوَ نَوَجٜىٰ دَ ڢَتُ مَاسُ ݣَوْ؞
20عَكَيِ ڢِرَمْ نَتٜىٰنْتِنْ دَ كَتَكُوانْ إِتَاثٜىٰنْ عَكَشِيَ، عَكَ كَكَّڢَسُ أَڟَيٜىٰ؞ 21كُواْوَنٜىٰ ڢِرَمْ ڟَيِنْسَ يَكَيْ ڧَڢَا غُواْمَشَا بِيَرْ، ڢَاطِنْسَ كُمَ يَكَيْ ڧَڢَا بِيُ دَ طِغُواْ عَشِرِنْ دَ بِيَرْ؞ 22عَثِكِنْ كُواْوَنٜىٰ ڢِرَمْ عَكَيِ مَسَ يَڟُ بِيُ دُواْمِنْ حَطَاوَا؞ حَكَ كُوَ عَكَيِ وَكُواْوَنٜىٰ ڢِرَمْ نَتٜىٰنْتِنْ؞ 23غَا يَدَّ عَكَ شِرْيَ ڢِرَمْ نَتٜىٰنْتِنْ، عَكَيِ ڢِرَمْ غُدَا عَشِرِنْ دُواْمِنْ غٜىٰڢٜىٰنْ كُدُ؞ 24عَكَيِ غِنْدِنْ ذَمَنْ ڢِرَمْ غُدَا أَرْبَعِنْ نَأَظُرْڢَا، كُواْوَنٜىٰ دَ رَامِ، دُواْمِنْ أَسَاسُ عَڧَرْڧَشِنْ ڢِرَمْ عَشِرِنْ طِنْ؞ عَكَسَا غِنْدِنْ ذَمَ بِيُ عَڧَرْڧَشِنْ كُواْوَنٜىٰ ڢِرَمْ، عَكَسَا يَڟُ بِيُ نَڢِرَمْ عَثِكِنْ رَامِ نَغِنْدِنْ ذَمَنْسَ؞ 25عَكَيِ ڢِرَمْ عَشِرِنْ دُواْمِنْ غٜىٰڢٜىٰنْ أَرٜىٰوَ نَتٜىٰنْتِنْ، 26تَرٜىٰدَ غِنْدِنْ ذَمَنْسُ أَرْبَعِنْ نَأَظُرْڢَا، غِنْدِنْ ذَمَ بِيُ عَڧَرْڧَشِنْ كُواْوَنٜىٰ ڢِرَمْ؞ 27عَكَيِ ڢِرَمْ غُدَا شِدَ دُواْمِنْ بَايَنْ تٜىٰنْتِنْ أَغٜىٰڢٜىٰنْ يَمَّ؞ 28عَكَيِ ڢِرَمْ بِيُ دُواْمِنْ كُواْوَثٜىٰ ݣُونَ تَتٜىٰنْتِ أَغٜىٰڢٜىٰنْ بَايَ؞ 29وَطَنَّنْ ڢِرَمْ نَݣُونَ عَكَ حَطَ كَوُنَنْسُ عَتَسَمَ أَوُرِنْ ذُواْبٜىٰ نَڢَرْكُواْ؞ عَمَّا عَتَڧَسَا عَكَ بَرْسُ أَرَبٜىٰ؞ حَكَ ڢِرَمْ بِيُنْ دَ عَكَيِ ݣُونَرْ نَنْ بِيُ سُكَ كَسَنْثٜىٰ؞ 30عَكَيِ ڢِرَمْ غُدَا تَݣُوسْ دَ غِنْدِنْ ذَمَنْسُ نَأَظُرْڢَا غُدَا غُواْمَشَا شِدَ، كُواْوَنٜىٰ ڢِرَمْ دَ غِنْدِنْ ذَمَنْسَ بِيُ؞
31عَكَيِ سَنْدُنَنْ إِتَاثٜىٰنْ عَكَشِيَ، سَنْدُنَ بِيَرْ دُواْمِنْ سُو ڢِرَمْ دَ عَكَ شِرْيَ نَغٜىٰڢٜىٰ طَيَ نَتٜىٰنْتِنْ، 32دَ سَنْدُنَ بِيَرْ كُمَ دُواْمِنْ ڢِرَمْ دَ عَكَ شِرْيَ نَطَيَنْ غٜىٰڢٜىٰنْ؞ عَكَيِ سَنْدُنَ بِيَرْ دُواْمِنْ ڢِرَمْ دَ عَكَ شِرْيَ نَبَايَنْ تٜىٰنْتِنْ تَغٜىٰڢٜىٰنْ يَمَّ؞ 33سَنْدَنْ دَيَكٜىٰ ڟَكِيَرْ سُو ڢِرَمْ طِنْ يَبِے دَغَ وَنَّنْ غٜىٰڢٜىٰ ذُوَا ڧَرْشٜىٰنْ وَنْثَنْ غٜىٰڢٜىٰنْ تٜىٰنْتِنْ؞ 34عَكَ رُڢٜىٰسُ ڢِرَمْ دَ ظِينَارِيَ، عَكَ كُمَ شِرْيَ مُسُ ذُواْبَّ نَظِينَارِيَ عِنْدَ سَنْدُنَنْ ذَاسُبِے؞ عَكَ كُمَ رُڢٜىٰ سَنْدُنَنْ دَ ظِينَارِيَ؞ 35عَكَيِ بَبَّنْ لَبُلٜىٰ دَ ظَرٜىٰنْ سَاڧَ مَيْ كَلَرْ ضُوً بُلَ دَ مَيْ كَلَرْ جَرْ غَرُورَا دَ مَيْ كَلَرْ جَا دَ كُمَ ظَرٜىٰنْ لِيلِنْ مَيْݣَوْ؞ عَكَيِ مَسَ أَدُوانْ ذَانِ ذَانِ نَحَلِتُّو مَاسُ ڢِكَڢِكَيْ، عَيْكِنْ ڠُونِ؞ 36عَكَ رَاتَيَ لَبُلٜىٰنَّنْ عَكَنْ غِنْشِڧَنَّنْ حُطُ نَ إِتَاثٜىٰنْ عَكَشِيَ، وَطَنْدَ عَكَ رُڢٜىٰ جِكِنْسُ دَ ظِينَارِيَ، وَطَنْدَ سُكٜىٰ دَ ڧُوغِيُواْيِنْ ظِينَارِيَ؞ عَكَ كَڢَسُ عَكَنْ غِنْدِنْ ذَمَ حُطُ نَأَظُرْڢَا؞ 37عَكَ كُمَيِ لَبُلٜىٰ دُواْمِنْ ڧُواْڢَرْ شِغَ تٜىٰنْتِنْ دَ ظَرٜىٰنْ سَاڧَ مَيْ كَلَرْ ضُوً بُلَ دَ مَيْ كَلَرْ جَرْ غَرُورَا دَ كَلَرْ جَا دَ كُمَ ظَرٜىٰنْ لِيلِنْ مَيْݣَوْ؞ عَكَيِ وَلَبُلٜىٰنْ أَدُوانْ سَاڧَ نَهَنُّ؞ 38عَكَ كُمَيِ غِنْشِڧَنْسَ بِيَرْ دَ ڧُوغِيُواْيِنْسُ؞ عَكَ رُڢٜىٰ كَوُنَنْسُ دَ سَنْدُنَنْسُ دَ ظِينَارِيَ، عَمَّا عَكَيِ غِنْدِنْ ذَمَنْسُ دَ تَغُلَّ؞
Currently Selected:
ڢِتُواْوَ 36: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
