ڢِتُواْوَ 37
37
يِنْ عَݣُوتِنْ يَرْجٜىٰجٜىٰنِيَ
﴿ڢِتْ 25.10-22﴾
1بٜىٰظَلٜىٰلْ يَيِ عَݣُوتِنْ دَ إِتَاثٜىٰنْ عَكَشِيَ؞ ڟَوُانْسَ يَكَيْ ڧَڢَا عُكُ دَ طِغُواْ سَبَعِنْ دَ بِيَرْ، ڢَاطِنْسَ كُمَ يَكَيْ ڧَڢَا بِيُ دَ طِغُواْ عَشِرِنْ دَ بِيَرْ، ڟَيِنْسَ كُمَ يَكَيْ ڧَڢَا بِيُ دَ طِغُواْ عَشِرِنْ دَ بِيَرْ؞ 2يَرُڢٜىٰ جِكِنْسَ ثِكِ دَ وَجٜىٰ دَ ظِينَارِيَ ظَلَّ؞ يَيِ وَدُكَنْ بَاكِنْ غٜىٰڢٜىٰ غٜىٰڢٜىٰنْسَ أَدُوانْ ظِينَارِيَ؞ 3يَيِ وَ عَݣُوتِنْ ذُواْبٜىٰ نَظِينَارِيَ غُدَا حُطُ، يَكُمَسَاسُ عَكُواْوَثٜىٰ ڧَڢَرْ عَݣُوتِنْ، وَتُواْ ذُواْبٜىٰ بِيُ عَكُواْوَنٜىٰ غٜىٰڢٜىٰ؞ 4يَيِ دُواْغَيٜىٰنْ سَنْدُنَ بِيُ دَ إِتَاثٜىٰنْ عَكَشِيَ، يَرُڢٜىٰسُ دَ ظِينَارِيَ؞ 5يَسَا كُواْوَنٜىٰ سَنْدَا يَشِغَ ڟَكِيَرْ رَامِنْ ذُواْبٜىٰنْ بِيُ أَغٜىٰڢٜىٰنْ عَݣُوتِنْ دُواْمِنْ طَوْكَوَ؞ 6يَيِ مُرْڢِنْ عَݣُوتِنْ، وَنْدَ شِينٜىٰ وُرِنْ طَوْكَرْ أَلْحَكِنْ ذُنُوبِ، نَظِينَارِيَ ظَلَّ؞ ڟَوُانْسَ يَكَيْ ڧَڢَا عُكُ دَ طِغُواْ سَبَعِنْ دَ بِيَرْ، ڢَاطِنْسَ كُمَ ڧَڢَا بِيُ دَ طِغُواْ عَشِرِنْ دَ بِيَرْ؞ 7يَيِ صِڢُّواْڢِنْ حَلِتُّو مَاسُ ڢِكَڢِكَيْ غُدَا بِيُ نَظِينَارِيَرْ دَ عَكَ ڧٜىٰرَ، كُواْوَنٜىٰ طَيَ أَغٜىٰڢٜىٰ غُدَا؞ 8يَيِ صِڢَّرْ حَلِتَّ طَيَ أَغٜىٰڢٜىٰ طَيَ، طَيَ كُمَ أَوَنْثَنْ غٜىٰڢٜىٰ، يَڧٜىٰرَسُ أَ حَطٜىٰ دَ مُرْڢِنْ؞ 9صِڢُّواْڢِنْ حَلِتُّنْ سُكَ ڢُسْكَنْثِ جُونَ، سُنَ دُوبَنْ مُرْڢِنْ، ڢِكَڢِكَنْسُ كُمَ سُنَ أَ مِيڧٜىٰ سُنَ إِنُوَنْتَرْ دَ مُرْڢِنْ، وَنْدَ شِينٜىٰ وُرِنْ طَوْكَرْ أَلْحَكِنْ ذُنُوبِ؞
يِنْ تٜىٰبُرْ نَغُرَاسَرْ دَ عَكَ كٜىٰٻٜىٰ
﴿ڢِتْ 25.23-30﴾
10يَيِ تٜىٰبُرْ دَ إِتَاثٜىٰنْ عَكَشِيَ، ڟَوُانْسَ يَكَيْ ڧَڢَا عُكُ، ڢَاطِنْسَ كُمَ يَكَيْ ڧَڢَا طَيَ دَ رَبِے، ڟَيِنْسَ كُمَ ڧَڢَا بِيُ دَ طِغُواْ عَشِرِنْ دَ بِيَرْ؞ 11يَرُڢٜىٰ دَ ظِينَارِيَ ظَلَّ، يَيِ وَدُكَنْ بَاكِنْ غٜىٰڢٜىٰ غٜىٰڢٜىٰنْسَ أَدُوانْ ظِينَارِيَ؞ 12يَيِ وَتٜىٰبُرْ ڢِرَمْ مَيْ ڢَاطِنْ تَڢِنْ حَنُّ، كُمَ يَبِے بَاكِنْ غٜىٰڢٜىٰ غٜىٰڢٜىٰنْ ڢِرَمْ طِنْ دَ أَدُوانْ ظِينَارِيَ؞ 13يَيِ ذُواْبٜىٰ حُطُ دَ ظِينَارِيَ، يَكُمَ سَاسُ عَكُواْوَثٜىٰ ڧَڢَرْ تٜىٰبُرِنْ أَوَجٜىٰنْ ݣُونَ؞ 14ذُواْبَّنْدَ سُكٜىٰ رِڧٜىٰ دَ سَنْدُنَنْ طَوْكَرْ تٜىٰبُرِنْ، يَكَڢَسُ كُسَدَ ڢِرَمْ نَتٜىٰبُرِنْ؞ 15يَيِ سَنْدُنَنْ دَ إِتَاثٜىٰنْ عَكَشِيَ، سَعَنً يَرُڢٜىٰسُ دَ ظِينَارِيَ؞ دَسُو عَكَ دِنْغَ طَوْكَرْ تٜىٰبُرِنْ؞ 16دَ ظِينَارِيَ ظَلَّ يَيِ ڢَرَنْتَنْسَ دَ تَاسُواْشِنْسَ نَرِڧٜىٰ تُرَارٜىٰ دَ كُمَ بُتُواْثِنْسَ دَ ݣُونُواْنِنْسَ، دُواْمِنْ يِنْ هَدَايُ نَأَبِنْ شَا؞
يِنْ سَنْدَا مَيْ رِڧٜىٰ ڢِتِلَ
﴿ڢِتْ 25.31-40﴾
17دَ ظِينَارِيَ ظَلَّ يَيِ سَنْدَا مَيْ رِڧٜىٰ ڢِتِلُ؞ سَنْدَنْ دَ غِنْدِنْ ذَمَنْسَ دَ ݣُوڢُنَنْسَ وَطَنْدَ يَيِسُ ثِكِنْ صِڢَّرْ ڢُلَوَرْ أَلْمُوانْ تَرٜىٰدَ كُنّٜىٰنْ ڢُلَوَرْسَ دَ تُواْهُوانْسَ، يَڧٜىٰرَسُ أَ حَطٜىٰ؞ 18سَنْدَنْ ڢِتِلُنْ يَكَسَنْثٜىٰ دَ حَنُّوَ شِدَ، حَنُّوَ عُكُ أَغٜىٰڢٜىٰ طَيَ، حَنُّوَ عُكُ كُمَ أَطَيَنْ غٜىٰڢٜىٰنْ؞ 19كُواْوَنٜىٰ حَنُّ نَسَنْدَ مَيْ رِڧٜىٰ ڢِتِلُنْ كُوَ ذَيْ كَسَنْثٜىٰ دَ ݣُوڢُنَ عُكُ وَطَنْدَ عَكَيِسُ ثِكِنْ صِڢَّرْ ڢُلَوَرْ أَلْمُوانْ تَرٜىٰدَ كُنّٜىٰنْ ڢُلَوَرْسَ دَ تُواْهُوانْسَ؞ 20أَجِكِنْ سَنْدَنْ ڢِتِلُنْ يَيِ ݣُوڢُنَ حُطُ وَطَنْدَ عَكَيِسُ ثِكِنْ صِڢَّرْ ڢُلَوَرْ أَلْمُوانْ تَرٜىٰدَ كُنّٜىٰنْ ڢُلَوَرْسَ دَ تُواْهُوانْسَ؞ 21يَيِ تُواْهُوانْ ڢُلَوَ طَيَ أَغِنْدِنْ كُواْوَنٜىٰ حَنُّ بِيُ نَسَنْدَنْ، حَرْ كَشِ عُكُ؞ 22دَ تُواْهُوانْ دَ حَنُّوَنْ دَ سَنْدَا مَيْ رِڧٜىٰ ڢِتِلُ يَڧٜىٰرَسُ دَغَ ظِينَارِيَ ظَلَّ أَ حَطٜىٰ؞ 23يَيِ ڢِتِلُ بَݣَويْ دُواْمِنْ سَنْدَا مَيْ رِڧٜىٰ ڢِتِلُنْ دَ أَبُبُوَنْ كَشٜىٰ ڢِتِلُ دَ مَنْيَنْ ڢَرَنْتَيْ، دُكَنْسُ يَيِ دَ ظِينَارِيَ ظَلَّ؞ 24سَنْدَا مَيْ رِڧٜىٰ ڢِتِلُ دَ دُكَنْ كَايَنْ عَيْكِنْسَ، يَيِسُ دَ ظِينَارِيَ ظَلَّ كِلُواْ تَلَاتِنْ دَ بِيَرْ؞
يِنْ بَغَدٜىٰنْ ڧُواْنَ تُرَارٜىٰ دَ كَايَنْسَ
﴿ڢِتْ 30.1-5﴾
25يَيِ بَغَدٜىٰنْ ڧُواْنَ تُرَارٜىٰ نَ إِتَاثٜىٰنْ عَكَشِيَ؞ ڟَوُانْسَ يَكَيْ ڧَڢَا طَيَ دَ رَبِے، ڢَاطِنْسَ كُمَ ڧَڢَا طَيَ دَ رَبِے، وَتُواْ ڟَوُانْ دَ ڢَاطِنْ دَيْدَيْنٜىٰ؞ ڟَيِنْسَ كُمَ يَكَيْ ڧَڢَا عُكُ؞ عَكُواْوَنٜىٰ ݣُونَ حُطُ نَبَغَدٜىٰنْ، يَيِ ڧَهُواْ حَطٜىٰ دَشِ؞ 26يَرُڢٜىٰ جِكِنْ بَغَدٜىٰنْ دَ ظِينَارِيَ ظَلَّ دَ سَمَنْسَ دَ غٜىٰڢٜىٰ غٜىٰڢٜىٰنْسَ دَ ڧَهُواْنِنْسَ؞ يَيِ وَدُكَنْ بَاكِنْ غٜىٰڢٜىٰ غٜىٰڢٜىٰنْسَ أَدُوانْ ظِينَارِيَ؞ 27يَيِ ذُواْبٜىٰ بِيُ نَظِينَارِيَ دُواْمِنْسَ؞ يَكَڢَسُ عَڧَسَا دَ بَاكِنْ غٜىٰڢٜىٰ غٜىٰڢٜىٰنْسَ أَغٜىٰڢٜىٰ بِيُ نَبَغَدٜىٰنْ؞ ذُواْبَّنَّنْ ذَاسُ رِڧٜىٰ سَنْدُنَنْ دَ ذَاعَ طَوْكِ بَغَدٜىٰنْ دَسُو؞ 28سَنْدُنَنْ يَيِ سُونٜىٰ دَ إِتَاثٜىٰنْ عَكَشِيَ، يَكُمَ رُڢٜىٰ جِكِنْسُ دَ ظِينَارِيَ؞
29سَيْ يَيِ مَنْ كٜىٰٻٜىٰوَ مَيْ ڟَرْكِے دَ كُمَ ظَلَّرْ تُرَارٜىٰ مَيْ ڧَنْشِ، وَنْدَ عَكَ ڠَرَسُ كَمَرْ يَدَّ مَيْيِنْ تُرَارٜىٰ يَكٜىٰيِ؞#ڢِتْ 30.22-38
Currently Selected:
ڢِتُواْوَ 37: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
