ڢَارَوَ 29
29
يَعْڧُوبَ يَا إِسُواْ غِدَنْ لَبَنْ
1يَعْڧُوبَ يَا ثِيغَبَدَ تَڢِيَ حَرْ يَكَيْ ڧَسَرْ مُتَنٜىٰنْ غَبَسْ؞ 2سَعَدَّ يَدُوبَ، سَيْ يَهَنْغِ وَتَ رِجِيَ أَ ڢِيلِنْ ثِيَوَ دَ غَرْكٜىٰنْ تُمَكِ عُكُ عَݣُونْثٜىٰ كُسَدَ رِجِيَرْ، غَمَا دَغَ رِجِيَرْ نٜىٰ غَرْكُنَ سُكٜىٰ شَنْ ضُوَ؞ دُوڟٜىٰنْ دَ يَرُڢٜىٰ رِجِيَرْ كُوَ ڧَتُواْ نٜىٰ؞ 3سَعَدَّ دُكَنْ غَرْكُنَ سُكَ تَتَّارُ أَوُرِنْ، مَكِيَايَنْسُ سُكَنْ غَنْغَرَرْدَ دُوڟٜىٰنْ دَغَ بَاكِنْ رِجِيَرْ، سُبَا تُمَكِنْسُ ضُوَ؞ عِدَنْ سُنْ كَمَّلَ، سَيْ سُمَيْدَ دُوڟٜىٰنْ عَبَاكِنْ رِجِيَرْ؞
4يَعْڧُوبَ كُوَ يَا تَمْبَيِ مُتَنٜىٰنْ يَاثٜىٰ «یَنْعُوَ دَغَ إِنَانٜىٰ كُكَ ڢِتُواْ؟»
سَيْ سُكَ أَمْسَ «مُو دَغَ هَرَنْ نٜىٰ؞»
5سَيْ يَثٜىٰ مُسُ «كُواْ كُنْ سَنْ لَبَنْ جِيكَنْ نَهُوارْ؟»
سُكَثٜىٰ «عِ، مُنْ سَنْشِ؞»
6يَعْڧُوبَ يَا ثٜىٰ مُسُ «يَنَنً لَاڢِيَ؟»
سُكَ أَمْسَ «يَنَ لَاڢِيَ لَوْ؞ غَاشِمَا، یَرْسَ رَحِيلَةُ تَنَ ذُوَا دَ تُمَكِ؞»
7سَيْ يَعْڧُوبَ يَثٜىٰ «تُنْدَيَكٜىٰ حَرْ يَنْذُ أَݣَويْ سَوْرَنْ رَانَ، لُواْكَثِنْ مَيْدَ تُمَكِ بَيْيِبَ، أَيْ، سَيْ كُبَا تُمَكِنْ ضُوَ كُكُواْمَ كِيوُاْ؞»
8عَمَّا سُكَثٜىٰ مَسَ «بَذَامُ عِيَبَ، سَيْ دُكَنْ غَرْكُنَنْ تُمَكِنْ سُنْ تَارُ، سَعَنً أَغَنْغَرَرْدَ ڧَتُوانْ دُوڟٜىٰنْ دَغَ بَاكِنْ رِجِيَرْ، كَاڢِنْ مُبَا تُمَكِنْ ضُوَ سُشَا؞»
9تُنْ بَيْ ڧَارٜىٰ مَغَنَ دَسُوبَ، سَيْ رَحِيلَةُ تَشِغُواْ دَ تُمَكِنْ بَابَنْتَ؞ غَمَا عِتَثٜىٰ تَكٜىٰ كِيوُانْسُ؞ 10سَعَدَّ يَعْڧُوبَ يَغَ رَحِيلَةُ، یَرْ لَبَنْ طَنْعُوَنْ مَامَرْسَ دَ تُمَكِنْ لَبَنْ طَنْعُوَنْ مَامَرْسَ، سَيْ يَعْڧُوبَ يَتَاشِ يَغَنْغَرَرْ دَ دُوڟٜىٰنْ دَغَ بَاكِنْ رِجِيَرْ، يَبَا غَرْكٜىٰنْ لَبَنْ طَنْعُوَنْ مَامَرْسَ ضُوَ؞ 11سَعَنً يَعْڧُوبَ يَغَيْشٜىٰتَ دَ سُمْبَ يَطَغَ مُرْيَرْسَ يَيِ كُوكَنْ ڢَضٍ ثِكِ؞ 12سَيْ يَعْڧُوبَ يَڢَطَا وَ رَحِيلَةُ ثٜىٰوَ شِ دَنْغِنْ بَابَنْتَنٜىٰ، كُمَ يَرُوانْ رِڢْكَتُ نٜىٰ؞ سَيْ رَحِيلَةُ تَا غُدُ تَجٜىٰ تَڢَطَا وَبَابَنْتَ؞
13لُواْكَثِنْ دَ لَبَنْ يَسَامِ لَابَرِنْ يَرُوانْ یَرْعُوَرْسَ رِڢْكَتُ، سَيْ يَتَڢِے أَغُجٜىٰ يَتَرْيٜىٰشِ؞ يَضُنْغُمٜىٰ شِ يَيِ مَسَ سُمْبَ، يَكَٰوُاْشِ ثِكِنْ غِدَا؞ سَعَدَّ يَعْڧُوبَ يَڢَطَا وَ لَبَنْ دُكَنْ أَبِنْدَ يَڢَرُ، 14سَيْ لَبَنْ يَثٜىٰ «أَيْ، كَيْ نَامَنَانٜىٰ دَ جِنِنَ!» سَيْ يَعْڧُوبَ يَذَوْنَ أَوُرِنْ حَرْ ڟَوُانْ وَتَ غُدَا؞
يَعْڧُوبَ يَا يِبَوْتَا دُواْمِنْ عَوْرٜىٰ
15سَعَنً لَبَنْ يَثٜىٰ وَ يَعْڧُوبَ «كَيْ دَنْغِنَ نٜىٰ؞ وَنَّنْ ذَيْ ذَمَ دَلِيلِنْ دَ ذَاكَيِ مِنِ عَيْكِ عَكَنْ بَنْظَ؟ أَعَ، كَڢَطَا مِنِ أَبِنْدَ ذَيْ ذَمَ لَادَنْكَ؞» 16لَبَنْ كُوَ يَنَدَ یَیَ مَاتَا بِيُ؞ سُونَنْ بَبَّرْ لَيْعَتُ، سُونَنْ ڧَرَمَرْ رَحِيلَةُ؞ 17لَيْعَتُ تَنَدَ إِدَانُو مَاسُ ݣَوْ نٜىٰ كَوَيْ، عَمَّا رَحِيلَةُ تَنَدَ ݣَكْݣَوَرْ ڢُسْكَ دَ جِكِے مَيْ بَنْ شَعَوَ؞ 18يَعْڧُوبَ كُوَ يَنَ ڧَوْنَرْ رَحِيلَةُ؞ سَبُواْدَ حَكَ يَثٜىٰ وَ لَبَنْ «ذَنْيِ مَكَ عَيْكِ نَشٜىٰكَرُ بَݣَويْ دُواْمِنْ إِنْ عَوْرِ ڧَرَمَرْ یَرْكَ رَحِيلَةُ؞»
19لَبَنْ يَا أَمْسَ يَا ثٜىٰ «أَيْ، ڠُومَّ إِنْ بَاكَ عِتَ دَ إِنْ بَا وَنِ دَبَمْ؞ سَبُواْدَ حَكَ، كَذَوْنَ دَنِے؞» 20سَيْ يَعْڧُوبَ يَيِ عَيْكِنْ شٜىٰكَرَا بَݣَويْ دُواْمِنْ يَ عَوْرِ رَحِيلَةُ، عَمَّا سُنْ ذَمَ مَسَ كَمَرْ یَنْ ݣُونَكِے نٜىٰ، سَبُواْدَ يَوَنْ ڧَوْنَرْ دَ يَكٜىٰيِ وَ رَحِيلَةُ؞
21سَعَنً يَعْڧُوبَ يَثٜىٰ وَ لَبَنْ «كَبَانِ مَاتَتَ، دُواْمِنْ إِنْ شِغَ وُرِنْتَ، سَبُواْدَ ݣُونَكِنْ دَ عَكَ يَنْكَ مِنِ سُنْ ثِكَ؞» 22لَبَنْ كُوَ يَا تَارَ دُكَنْ مُتَنٜىٰنْ وُرِنْ يَيِ بِكِ؞ 23عَمَّا دَ ڢَاطُوَرْ رَانَ، سَيْ يَطَوْكِ یَرْسَ لَيْعَتُ، يَكَٰوُاْ وَ يَعْڧُوبَ؞ شِے كُوَ يَاݣُونَ دَ عِتَ؞ 24لَبَنْ كُوَ يَا بَا یَرْسَ لَيْعَتُ بَيْوَرْسَ ظِلْڢَ، دُواْمِنْ تَذَمَ وَ لَيْعَتُ مَيْيِنْ حِدِمَ؞ 25سَعَدَّ سَاڢِيَ تَيِ يَعْڧُوبَ يَغَانٜىٰ، أَشٜىٰ لَيْعَتُ ثٜىٰ! سَيْ يَتَڢِے وُرِنْ لَبَنْ يَثٜىٰ مَسَ «مٜىٰ كٜىٰنَنْ كَيِمِنِ؟ بَ دُواْمِنْ رَحِيلَةُ ثٜىٰ نَيِ مَكَ عَيْكِبَ؟ تُواْ، دُوانْمٜىٰ كَرُوطٜىٰنِ؟»
26لَبَنْ يَأَمْسَ يَثٜىٰ «بَ أَلْعَادَرْمُ بَثٜىٰ مُڢَارَ عَوْرَرْ دَ ڧَرَمَرْ یَرْمُ كَاڢِنْ مُعَوْرَرْ دَ بَبَّنْ؞ 27بَرِ كَثِكَ وَنَّنْ مَكُواْ نَبِكٍ عَوْرٜىٰنَّنْ، سَعَنً ذَامُ بَاكَ طَيَ يَارِنْيَرْ، عَمَّا ذَاكَيِ مِنِ عَيْكِ شٜىٰكَرُ بَݣَويْ كُمَ دُواْمِنْتَ؞»
28يَعْڧُوبَ كُوَ يَا عَيْكَتَ حَكَ؞ يَا كَمَّلَ مَكُواْ دُواْمِنْ لَيْعَتُ، سَيْ لَبَنْ يَبَاشِ یَرْسَ رَحِيلَةُ تَذَمَ مَاتَرْسَ؞ 29لَبَنْ كُوَ يَا بَا یَرْسَ رَحِيلَةُ بَيْوَرْسَ بِلْهَ، دُواْمِنْ تَذَمَ وَ رَحِيلَةُ مَيْيِنْ حِدِمَ؞ 30سَيْ يَعْڧُوبَ يَكُمَ ݣُونَ دَ رَحِيلَةُ؞ يَا ڢِے ڧَوْنَرْ رَحِيلَةُ ڢِيٜىٰدَ لَيْعَتُ؞ يَا سَاكٜىٰيِ وَ لَبَنْ عَيْكِ حَرْ ڟَوُانْ شٜىٰكَرَا بَݣَويْ؞
یَیَنْ يَعْڧُوبَ
31سَعَدَّ يَهْوٜىٰهْ يَغَ ثٜىٰوَ يَعْڧُوبَ بَايَڧَوْنَرْ لَيْعَتُ سُواْسَيْ، سَيْ يَبُوطٜىٰ مَحَيْڢَرْتَ، عَمَّا يَكُلّٜىٰ تَ رَحِيلَةُ، بَاتَحَيْڢُوَ؞ 32لَيْعَتُ كُوَ تَايِ ثِكِ تَحَيْڢِ طَا تَكِرَا سُونَنْسَ رَعُبَيْنُ#29.32 رَعُبَيْنُ: دَ إِبْرَانِيَنْثِ يَدَّ عَكٜىٰ ڢَطِنْ وَنَّنْ سُونَ، عَكَنْ جِيشِ كَمَرْ «يَا دُوبِے وَهَلَاتَ»؞ غَمَا تَاثٜىٰ «يَهْوٜىٰهْ يَدُوبِے وَهَلَاتَ يَبَانِ طَا؞ لَلَّيْ يَنْذُ مَيْغِدَانَ ذَيْ ڧَوْنَثٜىٰنِ؞» 33تَا سَاكٜىٰيِنْ ثِكِ تَا حَيْڢِ طَا؞ سَيْ تَثٜىٰ «سَبُواْدَ يَهْوٜىٰهْ يَاجِ ثٜىٰوَ أَنَ ڧِينَ، شِے يَسَا يَسَاكٜىٰ بَا نِے وَنِ طَا؞» سَيْ تَكِرَا سُونَنْسَ سِمٜىٰيُوانْ؞#29.33 سِمٜىٰيُوانْ: دَ إِبْرَانِيَنْثِ يَدَّ عَكٜىٰ ڢَطِنْ وَنَّنْ سُونَ، عَكَنْ جِيشِ كَمَرْ كَلْمَرْ دَ تَكٜىٰدَ مَعَنَرْ «جِ»؞ 34تَا سَاكٜىٰيِنْ ثِكِ تَحَيْڢِ طَا؞ سَيْ تَثٜىٰ «يَنْذُ كَمْ مِجِنَ ذَيْ مَنّٜىٰ مِنِ سُواْسَيْ، دُواْمِنْ نَحَيْڢَ مَسَ مَظَا عُكُ؞» سَيْ تَكِرَا سُونَنْسَ لَوِ؞#29.34 لَوِ: دَ إِبْرَانِيَنْثِ يَدَّ عَكٜىٰ ڢَطِنْ وَنَّنْ سُونَ، عَكَنْ جِيشِ كَمَرْ كَلْمَرْ دَ تَكٜىٰدَ مَعَنَرْ «مَنّٜىٰ»؞ 35تَا سَاكٜىٰيِنْ ثِكِ تَحَيْڢِ طَا؞ سَيْ تَثٜىٰ «أَ لُواْكَثِنَّنْ ذَنْيَبِے يَهْوٜىٰهْ؞» سَبُواْدَ حَكَ تَكِرَا سُونَنْسَ يَهُودَ؞#29.35 يَهُودَ: دَ إِبْرَانِيَنْثِ يَدَّ عَكٜىٰ ڢَطِنْ وَنَّنْ سُونَ، عَكَنْ جِيشِ كَمَرْ كَلْمَرْ دَ تَكٜىٰدَ مَعَنَرْ «يَبُواْ»؞ دَغَ نَنْ تَدَكَتَ دَ حَيْڢُوَ؞
Currently Selected:
ڢَارَوَ 29: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
