ڢَارَوَ 30
30
1سَعَدَّ رَحِيلَةُ تَغَ ثٜىٰوَ بَتَحَيْڢَ وَ يَعْڧُوبَ یَیَ بَ، سَيْ تَيِ كِيشِنْ یَرْعُوَرْتَ؞ تَثٜىٰ وَ يَعْڧُوبَ «كَبَانِ یَیَ كُواْ كُوَ إِنْمُتُ!»
2يَعْڧُوبَ يَيِ ڢُشِے دَ رَحِيلَةُ يَثٜىٰ «إِنَ أَمَڟَيِنْ اللَّهْ نٜىٰ، وَنْدَ يَهَنَكِ سَامُنْ حَيْڢُوَ؟»
3سَيْ تَثٜىٰمَسَ «تُواْ، غَا بَيْوَتَ بِلْهَ، كَشِغَ وُرِنْتَ، دُواْمِنْ تَحَيْڢَ مِنِ طَا أَڠُوِوُاْيِنَ؞ تَوُرِنْتَ كُمَ نِے مَا ذَنْسَامِ یَیَ؞» 4دُواْمِنْ حَكَ تَا بَاشِ بَيْوَرْتَ بِلْهَ، تَذَمَ مَاتَرْسَ، يَعْڧُوبَ كُوَ يَݣُونَ دَ عِتَ؞ 5بِلْهَ تَايِ ثِكِ تَا حَيْڢَ وَ يَعْڧُوبَ طَا؞ 6سَيْ رَحِيلَةُ تَثٜىٰ «اللَّهْ يَايِ مِنِ شَرِيعَرْ غَسْكِيَ، يَاكُمَجِ مُرْيَتَ يَابَانِ طَا؞» سَيْ تَكِرَا سُونَنْسَ دَنْ؞#30.6 دَنْ: دَ إِبْرَانِيَنْثِ مَعَنَرْ سُونَنَّنْ عِتَثٜىٰ يَيِ شَرِيعَرْ غَسْكِيَ؞ 7بِلْهَ بَيْوَرْ رَحِيلَةُ تَسَاكٜىٰيِنْ ثِكِ تَحَيْڢَا وَ يَعْڧُوبَ طَا نَبِيُ؞ 8سَيْ رَحِيلَةُ تَثٜىٰ «نَيِ بَبَّرْ كُواْكَوَ دَ یَرْعُوَتَ، نَكُمَيِ نَصَرَا؞» دُواْمِنْ حَكَ تَاكِرَا سُونَنْسَ نَڢْتَلِ؞#30.8 نَڢْتَلِ: دَ إِبْرَانِيَنْثِ يَدَّ عَكٜىٰ ڢَطِنْ وَنَّنْ سُونَ، عَكَنْ جِيشِ كَمَرْ كَلْمَرْ دَ تَكٜىٰدَ مَعَنَرْ كُواْكَوَ نٜىٰ؞
9سَعَدَّ لَيْعَتُ تَغَ ثٜىٰوَ تَادَكَتَ دَغَ حَيْڢُوَ، سَيْ تَطَوْكِ بَيْوَرْتَ ظِلْڢَ تَبَا يَعْڧُوبَ تَذَمَ مَاتَرْسَ؞ 10سَعَنً ظِلْڢَ بَيْوَرْ لَيْعَتُ تَحَيْڢَا وَ يَعْڧُوبَ طَا؞ 11سَيْ لَيْعَتُ تَثٜىٰ «نَيِسَعَ!» سَيْ تَكِرَا سُونَنْسَ غَدْ؞#30.11 غَدْ: دَ إِبْرَانِيَنْثِ مَعَنَرْ سُونَنَّنْ عِتَثٜىٰ سَعَ؞ 12ظِلْڢَ بَيْوَرْ لَيْعَتُ تَا حَيْڢَ وَ يَعْڧُوبَ طَا نَبِيُ؞ 13سَيْ لَيْعَتُ تَثٜىٰ «إِنَدَ مُرْنَ! غَمَا مَاتَا ذَاسُ كِرَنِ مَيْ مُرْنَ؞» سَيْ تَكِرَا سُونَنْسَ أَشٜىٰرْ؞#30.13 أَشٜىٰرْ دَ إِبْرَانِيَنْثِ مَعَنَرْ سُونَنَّنْ عِتَثٜىٰ مُرْنَ؞
14عَݣُونَكِنْ غِرْبِنْ أَلْكَمَ، سَيْ رَعُبَيْنُ يَتَڢِے يَسَامِ سَيْوَرْ طَوْكَرْ ثِكِ دَغَ دَاجِ، يَكَٰوُاْوَ مَامَرْسَ لَيْعَتُ أَغِدَا؞ سَيْ رَحِيلَةُ تَثٜىٰ وَ لَيْعَتُ «إِنَ ضُواْڧُوانْكِ كِطِبَ مِنِ دَغَ ثِكِنْ سَيْوَرْ طَوْكَرْ ثِكِ وَنْدَ طَنْكِ يَكَٰوُاْ؞»
15لَيْعَتُ تَاثٜىٰ مَتَ «بَيْ إِشٜىٰكِبَ دَ كِكَ ڨُوثٜىٰ مِجِنَ؟ يَنْذُ كِنَ سُواْ كِڨُوثٜىٰ سَيْوَرْ طَوْكَرْ ثِكِ وَنْدَ طَانَ يَكَٰوُاْ؟»
سَيْ رَحِيلَةُ تَثٜىٰ «تُواْ، مِجِنْمُ ذَيْ ݣُونَ دَكٜىٰ يَوْ عِدَنْ ذَاكِبَانِ سَيْوَرْ طَوْكَرْ ثِكِ وَنْدَ طَنْكِ يَكَٰوُاْ؞»
16لُواْكَثِنْ دَ يَعْڧُوبَ يَدَاوُاْ دَغَ دَاجِ دَ يَمَّ، لَيْعَتُ تَاڢِتَ دُواْمِنْ تَسَدُ دَشِ؞ تَثٜىٰمَسَ «لَلَّيْ نٜىٰ ذَاكَ ݣُونَ دَنِے يَوْ، غَمَا كَاذَمَ سَكَمَكُواْ أَمَدَدِنْ سَيْوَرْ طَوْكَرْ ثِكِ وَطَنْدَ طَانَ يَكَٰوُاْ؞» سَيْ كُوَ يَݣُونَ دَ عِتَ أَدَرٜىٰنَّنْ؞
17 اللَّهْ كُوَ يَاجِ أَدُّعَرْ لَيْعَتُ، تَايِ ثِكِ تَحَيْڢَ وَ يَعْڧُوبَ طَا نَبِيَرْ؞ 18سَيْ لَيْعَتُ تَثٜىٰ «اللَّهْ يَيِ مِنِ سَكَمَكُواْ، غَمَا نَا بَادَ بَيْوَتَ غَ مِجِنَ؞» سَيْ تَكِرَا سُونَنْسَ إِسَّكَرْ؞#30.18 إِسَّكَرْ: دَ إِبْرَانِيَنْثِ يَدَّ عَكٜىٰ ڢَطِنْ وَنَّنْ سُونَ، عَكَنْ جِيشِ كَمَرْ «سَكَمَكُواْ»؞ 19لَيْعَتُ تَسَاكٜىٰيِنْ ثِكِ تَحَيْڢَ وَ يَعْڧُوبَ طَا نَشِدَ؞ 20سَيْ لَيْعَتُ تَثٜىٰ «اللَّهْ يَا بَانِ ݣَوْتَا مَيْݣَوْ؞ يَنْذُ مِجِنَ ذَيْ غِرْمَمَنِ، غَمَا نَحَيْڢَ مَسَ یَیَ مَظَا شِدَ؞» سَيْ تَكِرَا سُونَنْسَ ظٜىٰبُلُنْ؞#30.20 ظٜىٰبُلُنْ: دَ إِبْرَانِيَنْثِ يَدَّ عَكٜىٰ ڢَطِنْ وَنَّنْ سُونَ، عَكَنْ جِيشِ كَمَرْ كَلْمَرْ دَ تَكٜىٰدَ مَعَنَرْ «غِرْمَمَ»؞ 21بَايَنْ حَكَ تَاحَيْڢِ یَرْ مَثٜىٰ، تَكِرَا سُونَنْتَ دِنَتُ؞
22دَغَ نَنْ سَيْ اللَّهْ يَتُنَ دَ رَحِيلَةُ، يَجِ أَدُّعَرْتَ، يَبُوطٜىٰ مَحَيْڢَرْتَ؞ 23سَيْ تَيِثِكِ تَحَيْڢِ طَا؞ تَثٜىٰ «يَنْذُ اللَّهْ يَا كَوَرْ مِنِ دَ كُنْيَا؞» 24تَكِرَا سُونَنْسَ يُوسُڢَ،#30.24 يُوسُڢَ: دَ إِبْرَانِيَنْثِ يَدَّ عَكٜىٰ ڢَطِنْ وَنَّنْ سُونَ، عَكَنْ جِيشِ كَمَرْ «بَرِ يَڧَارَ مِنِ» دَ كُمَ «يَطَوْكٜىٰ؞» دُواْمِنْ تَثٜىٰ أَ ذُوثِيَارْتَ «بَرِ يَهْوٜىٰهْ يَڧَارَ مِنِ وَنِ طَا!»
أَرْزِڧِنْ يَعْڧُوبَ يَا ڧَارُ
25سَعَدَّ رَحِيلَةُ تَحَيْڢِ يُوسُڢَ، سَيْ يَعْڧُوبَ يَثٜىٰ وَ لَبَنْ «كَسَلَّمٜىٰنِ دُواْمِنْ إِنْكُواْمَ غِدَانَ دَ ڧَسَاتَ؞ 26كَبَانِ مَاتَانَ دَ یَیَنَ، وَطَنْدَ عَكَنْسُ نٜىٰ نَيِ مَكَ حِدِمَ؞ كَبَرْمُ مُتَڢِے دَيَكٜىٰ كَيْ مَا كَا سَنْ إِرِنْ حِدِمَرْدَ نَيِ مَكَ؞»
27لَبَنْ يَثٜىٰ مَسَ «دَظَاكَ يَرْدَ مِنِ، سَيْ إِنْثٜىٰ، نَغَانٜىٰ تَوُرِنْ دُوبَا ثٜىٰوَ يَهْوٜىٰهْ يَا أَلْبَرْكَثٜىٰنِ سَبُواْدَكَيْ؞ 28كَڢَطَا مِنِ لَادَنْكَ، ذَنْ كُوَ بَاكَ؞»
29يَعْڧُوبَ يَأَمْسَ مَسَ يَثٜىٰ «كَيْ دَ كَنْكَ مَا كَا سَنْ إِرِنْ حِدِمَرْدَ نَيِ مَكَ دَ يَدَّ غَرْكُنَنْكَ سُكَ ڧَارُ أَ هَنُّونَ؞ 30غَمَا كَاڢِنْ ذُوَانَ دَبُّواْبِنْكَ كَطَنْ نٜىٰ كَوَيْ، عَمَّا يَنْذُ سُنْيِيَوَ سُواْسَيْ؞ يَهْوٜىٰهْ يَيِ مَكَ أَلْبَرْكَ تَكُواْعِنَ عِنْدَ نَسَا حَنُّ؞ عَمَّا يَنْذُ، سَيْ يَوْشٜىٰ ذَنْ تَنَدَ وَغِدَانَ نِے مَا؟»
31لَبَنْ يَثٜىٰ «تُواْ، مٜىٰنٜىٰنٜىٰ ذَنْبَاكَ؟»
يَعْڧُوبَ يَأَمْسَ يَثٜىٰ «بَانَ بُڧَاتَرْ لَادَنْكَ؞ ذَنْ ثِيغَبَدَ لُورَ دَ غَرْكُنَنْكَ، عِدَنْ ذَاكَيَرْدَ دَ وَنَّنْ شَوَرَرْ دَ ذَنْبَاكَ؞ 32وَتُواْ، يَوْ بَرِ إِنْبِے ثِكِنْ دُكَنْ غَرْكُنَنْكَ إِنْوَارٜىٰ دُكَنْ تُمَكِ دَ رَغُنَ مَاسُ كَلَرْ طِغُواْ طِغُواْ دَ كُواْوَنٜىٰ بَڧِنْ طَنْ ضَغُواْ دَ كُمَ أَوَكِ مَاسُ كَلَرْ طِغُواْ طِغُواْ؞ بَرِ إِرِنْ وَطَنَّنْ سُذَمَ لَادَنَ؞ 33نَنْ غَبَ ذَيْ يِمَكَ سَوْڧِنْ غَانٜىٰوَ كُواْ نَيِ غَسْكِيَ؞ سَعَدَّ ذَاكَ دَاوُاْ دُواْمِنْ كَبِنْثِكَ أَبِنْدَ نَتَارَ، عِدَنْ إِنَدَ عَكُيَرْ دَ بَاتَدَ كَلَرْ طِغُواْ طِغُواْ، كُواْ طَنْ ضَغُواْ وَنْدَ بَ كُمَ بَڧِبَ، كَسَنِ ثٜىٰوَ أَنْسَاتَا نٜىٰ؞»
34لَبَنْ يَثٜىٰ «دَݣَوْ، بَرِ يَكَسَنْثٜىٰ كَمَرْ يَدَّ كَڢَطَا؞» 35عَمَّا أَ رَانَرْ نَنْ لَبَنْ يَوَارٜىٰ دُكَنْ بُنْسُرَيْ مَاسُ ذَانِ ذَانِ كُواْ طِغُواْ طِغُواْ؞ يَوَارٜىٰ دُكَنْ أَوَكِ مَاسُ طِغُواْ طِغُواْ، كُواْوَثٜىٰنْ دَ تَكٜىٰدَ طَنْ ڢَضٍ كَلَ دَ كُمَ كُواْوَنٜىٰ بَڧِنْ طَنْ ضَغُواْ، يَطٜىٰبٜىٰسُ يَبَا یَیَنْسَ مَظَا سُيِ كِيوُانْسُ؞ 36سَيْ لَبَنْ يَشِرْيَ يَيِ تَڢِيَرْ ݣُونَكِے عُكُ دَ دَبُّواْبِنْ تَرٜىٰدَ یَیَنْسَ، يَيِ نٜىٰسَ دَ يَعْڧُوبَ؞ يَعْڧُوبَ دَيْ يَلُورَ دَ سَوْرَنْ دَبُّواْبِنْ لَبَنْ طِنْ؞
37يَعْڧُوبَ يَسَامُواْ طَنْيٜىٰنْ رَسَّنْ عِتَتُوَنْ دَرْغَظَ دَ نَأَلْمُوانْ دَ نَأَرْمُوانْ يَٻَٻَّرٜىٰ ٻَوُانْ أَوَطَنْسُ وُرَارٜىٰ دُواْمِنْ يَبَيَّنَ ڢَرَرٜىٰنْ ذَانِ ذَانِ أَجِكِنْسُ؞ 38يَسَ رَسَّنَّنْ أَغَبَنْ غَرْكُنَ أَوُرِنْ دَ عَكٜىٰسَا وَدَبُّواْبِے ضُوَ؞ يَسَاسُ أَوُرِنْ دُواْمِنْ دَبُّواْبِے مَظَا دَ مَاتَا سُكَنْيِ بَرْبَرَ أَوُرِنْ يَايِنْ دَ سُكَذُواْ شَنْ ضُوَ؞ 39سَبُواْدَ حَكَ سَعَدَّ أَوَكِ سُكَيِ بَرْبَرَ أَغَبَنْ رَسَّنَّنْ، سُكَنْ حَيْڢِ یَیَنْ دَسُكٜىٰ دَ ذَانِ ذَانِ دَ طِغُواْ طِغُواْ أَجِكِنْسُ؞ 40يَعْڧُوبَ يَوَارٜىٰ تُمَكِنْ دَغَ أَوَكِنْ؞ يَسَ تُمَكِنْ دَسُكٜىٰ مَاتَا سُكَ ڢُسْكَنْثِ تُمَكِنْ لَبَنْ مَاسُ ذَانِ ذَانِ دَ كُمَ بَڧَڧٜىٰ؞ تَهَكَنٜىٰ يَتَارَ وَكَنْسَ غَرْكٜىٰ يَكُمَ كٜىٰٻٜىٰسُ دَبَمْ دَ نَ لَبَنْ؞
41دُكْ سَعَدَّ دَبُّواْبِنْ مَاسُ ڧُواْشِنْ لَاڢِيَ سُنَ بَرْبَرَ، يَعْڧُوبَ يَكَنْ ݣُونْتَرْدَ رَسَّنْ أَغَبَنْ عِدَنُونْسُ ثِكِنْ وُرِنْ دَ عَكٜىٰبَاسُ ضُوً شَا، دُواْمِنْ سُيِ بَرْبَرَ أَغَبَنْ رَسَّنْ؞ 42عَمَّا غَ دَبُّواْبِے مَرَسَ ڧُواْسَشّٜىٰنْ لَاڢِيَ، بَيْ ݣُونْتَرْدَ رَسَّنْ أَوُرِنْبَ؞ سَبُواْدَ حَكَ، مَاسُ لَاڢِيَ سُنْذَمَ نَ يَعْڧُوبَ، وَتُواْ مَاسُ ذَانِ ذَانِ دَ مَاسُ طِغُواْ طِغُواْ؞ عَمَّا مَرَسَ ڧُواْسَشّٜىٰنْ لَاڢِيَ سُنْذَمَ نَ لَبَنْ؞ 43تَهَكَنٜىٰ، يَعْڧُوبَ يَذَمَ مَيْ أَرْزِڧِ سُواْسَيْ، يَنَدَ غَرْكٜىٰنْ دَبُّواْبِے مَاسُيَوَ، تَرٜىٰدَ بَايِ مَظَا دَ مَاتَادَ رَاڧُمَ دَ جَاكُنَ؞
Currently Selected:
ڢَارَوَ 30: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
