ڢَارَوَ 32
32
يَعْڧُوبَ يَا يِشِرِنْ سَدُوَ دَ إِسُوَ
1سَعَدَّ يَعْڧُوبَ يَنَ عَكَنْ حَنْيَرْسَ، سَيْ مَلاَىِٕكُنْ اللَّهْ سُكَذُواْ وُرِنْسَ؞ 2دَ يَعْڧُوبَ يَغَنْسُ سَيْيَثٜىٰ «وَنَّنْ سَنْسَنِنْ ضُنْدُنَارْ اللَّهْ نٜىٰ!» سَيْ يَكِرَا سُونَنْ وُرِنْ مَهَنَيِمْ؞#32.2 مَهَنَيِمْ: دَ إِبْرَانِيَنْثِ أَنْطَوْكِ مَعَنَرْ سُونَنَّنْ كَمَرْ سَنْسَنِ بِيُ نٜىٰ؞
3يَعْڧُوبَ يَا عَيْكَ دَ یَنْ عَيْكَ سُرِغَاشِ ذُوَا وُرِنْ إِسُوَ طَنْعُوَنْسَ عَيَنْكِنْ سٜىٰيِرْ عَڧَسَرْ عٜىٰدُوامْ؞ 4يَا عُمَرْثٜىٰسُ ثٜىٰوَ «غَا أَبِنْدَ ذَاكُثٜىٰ وَ إِسُوَ؞ ‹رَنْكَيَدَطٜىٰ! بَاوَنْكَ يَعْڧُوبَ وَنْدَ يَذَوْنَ دَ لَبَنْ كَمَرْ بَڧُواْ حَرْ ذُوَا يَنْذُ، يَا دَاوُاْ؞ 5يَنَ دَ شَانُنْ نُواْمَ دَ جَاكُنَ دَ غَرْكُنَنْ دَبُّواْبِے دَ بَايِ مَظَا دَ مَاتَا؞ رَنْكَيَدَطٜىٰ، يَيِ عَيْكَ نٜىٰ يَنَ نٜىٰمَنْ سَامُنْ ڢَضٍ جِنِ دَغَ غَرٜىٰكَ؞› »
6یَنْ عَيْكَنْ سُكَ تَڢِے سُكَ كُواْمَ، سُكَثٜىٰ وَ يَعْڧُوبَ «مُنْ تَڢِے وُرِنْ طَنْعُوَنْكَ إِسُوَ، يَنَ كُوَ ذُوَا دُواْمِنْ يَمَرَبْثٜىٰكَ تَرٜىٰدَ مُتَنٜىٰنْسَ طَرِے حُطُ؞» 7يَعْڧُوبَ كُوَ يَا جِڟُواْرُواْ سُواْسَيْ يَا كُمَ دَامُ، سَيْ يَرَرَّبَ دُكَنْ مُتَنٜىٰنْ دَسُكٜىٰ تَرٜىٰدَشِ دَ غَرْكُنَنْ تُمَكِ دَ أَوَكِ دَ نَشَانُو دَ نَرَاڧُمَ ڧُنْغِيَ بِيُ؞ 8يَنَ تُنَانِ ثٜىٰوَ «عِدَنْ إِسُوَ يَا هَلَّكَ ڧُنْغِيَ طَيَ، تُواْ، طَيَنْ ڧُنْغِيَرْدَ تَرَغُ ذَاتَ ڟِيرَا؞»
9يَعْڧُوبَ يَيِ أَدُّعَ يَثٜىٰ «يَا اللَّهْ نَكَكَنَ إِبْرَٰهِيمْ، اللَّهْ نَبَابَنَ إِسْحَٰڧَ، كَيْ يَهْوٜىٰهْ كَثٜىٰ مِنِ إِنْ كُواْمَ ڧَسَاتَ وُرِنْ یَنْعُوَنَ، ذَاكَ كُوَيِ مِنِ أَلْحٜىٰرِ؞ 10نِے بَنْ عِسَابَ كَنُونَ مِنِ كُواْ طَنْ كَطَنْ دَغَ يَوَنْ ڧَوْنَرْكَ مَرَرْ ثَنْجَاوَا دَ كُمَ دُكَنْ أَمِنْثِنْكَ وَنْدَ كَنُونَوَ نِے بَاوَنْكَ؞ غَمَا دَ سَنْدَنْ تَڢِيَاتَ كَطَيْ نَڧٜىٰتَرٜىٰ كُواْغِنْ يُواْدَنْ، عَمَّا غَاشِ، نَذَمَ ڧُنْغِيَ بِيُ؞ 11إِنَ ضُواْڧُواْ كَثٜىٰثٜىٰنِ دَغَ حَنُّنْ طَنْعُوَنَ إِسُوَ، غَمَا إِنَ جِنْ ڟُواْرُوانْسَ؞ كَدَ يَذُواْ يَكَكَّشٜىٰمُ دُكَ، یَیَنْ دَ مَامَرْسُ؞ 12دُكْدَهَكَ، كَيْ كَاثٜىٰ مِنِ لَلَّيْ ذَاكَيِ مِنِ أَلْحٜىٰرِ، ذَاكَسَا ظُرِيَاتَ سُيِيَوَ كَمَرْ يَشِنْ بَاكِنْ تٜىٰكُ وَنْدَ بَعَ عِيَ ڧِرْغَوَ سَبُواْدَ يَوَنْسُ؞»#ڢَارْ 22.17
13أَ دَرٜىٰنَّنْ يَݣُونَ أَوُرِنْ؞ وَشٜىٰغَرِ سَيْ يَطَوْكَ دَغَ أَبِنْدَ يَكٜىٰدَشِ دُواْمِنْ يَيِ وَطَنْعُوَنْسَ إِسُوَ ݣَوْتَا؞ 14يَطٜىٰبِے أَوَكِ طَرِے بِيُ دَ بُنْسُرَيْ عَشِرِنْ دَ تُمَكِ طَرِے بِيُ دَ رَغُنَ عَشِرِنْ، 15دَ رَاڧُمَ مَاسُ حَيْڢُوَ تَلَاتِنْ تَرٜىٰدَ یَیَنْسُ دَ شَانُو أَرْبَعِنْ دَ بِجِمَيْ غُواْمَ دَ جَاكُنَ مَاتَا عَشِرِنْ دَ جَاكُنَ مَظَا غُواْمَ؞ 16يَرَرَّبَ وَطَنَّنْ غَ بَايِنْسَ، كُواْوَنٜىٰ كَشِ يَكَسَنْثٜىٰ دَبَمْ؞ سَعَنً يَثٜىٰمُسُ «كُوُثٜىٰ غَبَنَ، كُبَادَ ڢِيلِ ڟَكَانِنْ كُواْوَنٜىٰ كَشِ نَدَبُّواْبِنْ؞» 17سَيْ يَثٜىٰ وَمَكِيَايِ نَكَشِنْ دَيَكٜىٰ جَنْ غَبَ «سَعَدَّ طَنْعُوَنَ إِسُوَ يَسَدُ دَكَيْ حَرْ يَتَمْبَيٜىٰكَ ثٜىٰوَ ‹كَيْ مُتُمِنْ وَنٜىٰنٜىٰ؟ إِنَا ذَاكَ؟ غَرْكٜىٰنَّنْ نَوَنٜىٰنٜىٰ؟› 18سَيْ كَثٜىٰمَسَ، ‹رَنْكَيَدَطٜىٰ! غَرْكٜىٰ نَبَاوَنْكَ يَعْڧُوبَ نٜىٰ، يَعَيْكَسُ ݣَوْتَا ذُوَا غَرٜىٰكَ؞ غَاشِمَا يَنَ بِنْمُ عَبَايَ؞› » 19يَعْڧُوبَ يَا كُوَ عُمَرْثِ نَبِيٜىٰ دَ كُمَ نَعُكُنْ دَ دُكَنْ مَكِيَايَ وَطَنْدَ سُكٜىٰبِنْسُ، سُڢَطَا دَيْدَيْ أَبِنْدَ نَڢَارِنْ يَڢَطَا وَ إِسُوَ؞ 20«دُكَنْكُ ذَاكُثٜىٰ، ‹بَاوَنْكَ يَعْڧُوبَ يَنَ بِنْمُ عَبَايَ؞› » غَمَا يَعْڧُوبَ يَنَ تُنَانِ ثٜىٰوَ «ذَنْ ݣُونْتَرْدَ رَنْ إِسُوَ دَ وَطَنَّنْ ݣَوْتَيْ كَاڢِنْ مُسَدُ ڢُسْكَ دَ ڢُسْكَ؞ وَتَڧِيلَ إِسُوَ ذَيْ كَرْٻٜىٰنِ؞» 21سَيْ ݣَوْتَنْ يَعْڧُوبَ سُكَ وُثٜىٰ غَبَنْسَ، عَمَّا شِے كَنْسَ يَاݣُونَ أَ ذَنْغُواْ أَدَرٜىٰنْ؞
يَعْڧُوبَ يَا يِكُواْكَوَ أَ ڢٜىٰنِيٜىٰلْ
22عَثِكِنْ دَرٜىٰنَّنْ يَعْڧُوبَ يَتَاشِ يَطَوْكِ مَاتَنْسَ بِيُ دَ بَايِنْسَ مَاتَا بِيُنَّنْ دَ یَیَنْسَ غُواْمَشَا طَيَ، يَڧٜىٰتَرٜىٰ كُواْغِنْ يَبُّواكْ؞ 23يَݣُوشٜىٰسُ دُكَ يَتُورَسُ سُڧٜىٰتَرٜىٰ رَاڢِنْ تَرٜىٰدَ دُكَنْ أَبِنْدَ يَكٜىٰدَشِ؞ 24عَكَ بَرْ يَعْڧُوبَ شِ كَطَيْ؞ سَيْغَا وَنِ مُتُمْ يَا ذُواْ يَيِ تَكُواْكَوَ دَشِ حَرْ وَايٜىٰوَرْ غَرِ؞ 25سَعَدَّ مُتُمِنْ يَغَ ثٜىٰوَ بَيْيِ نَصَرَا عَكَنْ يَعْڧُوبَ بَ سَيْ يَبُغِ غَٻَرْ كَنْ ڧَشِنْ ثِنْيَرْ يَعْڧُوبَ، سَيْ كَنْ ڧَشِنْ يَغُسَ دَغَ مَظَوْنِنْسَ؞ 26سَعَنً يَثٜىٰ وَ يَعْڧُوبَ «كَبَرْنِ إِنْتَڢِے غَمَا رَانَ تَنَ تَاسُواْوَ؞»
عَمَّا يَعْڧُوبَ يَثٜىٰمَسَ «بَذَنْ بَرْكَ كَتَڢِبَ، سَيْكَسَا مِنِ أَلْبَرْكَ؞»
27سَيْ مُتُمِنْ يَثٜىٰمَسَ «مٜىٰنٜىٰنٜىٰ سُونَنْكَ؟»
يَأَمْسَ «سُونَنَ يَعْڧُوبَ؞»
28سَيْ مُتُمِنْ يَثٜىٰ مَسَ «دَغَ يَوْ، سُونَنْكَ بَذَيْ سَاكٜىٰ ذَمَ يَعْڧُوبَ بَ؞ ذَاعَكِرَا سُونَنْكَ إِسْرَٰٓءِيلَ،#32.28 إِسْرَٰٓءِيلَ: دَ إِبْرَانِيَنْثِ يَدَّ عَكٜىٰ ڢَطِنْ وَنَّنْ سُونَ، عَكَنْ جِيشِ كَمَرْ «يَيِ كُواْكَوَ دَ اللَّهْ»؞ غَمَا كَايِ كُواْكَوَ دَ اللَّهْ دَ كُمَ مُتَنٜىٰ حَرْ كَا عِيَ؞»
29يَعْڧُوبَ يَثٜىٰ وَمُتُمِنْ «إِنَ ضُواْڧُوانْكَ كَڢَطَا مِنِ سُونَنْكَ؞»
عَمَّا مُتُمِنْ يَثٜىٰ «دُوانْمٜىٰنٜىٰ نٜىٰ كَتَمْبَيِ سُونَنَ؟» أَوُرِنْ، مُتُمِنْ يَسَاوَ يَعْڧُوبَ أَلْبَرْكَ؞ 30سَبُواْدَ حَكَ يَعْڧُوبَ يَكِرَا سُونَنْ وُرِنْ ڢٜىٰنِيٜىٰلْ؞ غَمَا يَاثٜىٰ «غَاشِ، نَغَ اللَّهْ ڢُسْكَ دَ ڢُسْكَ، عَمَّا بَنْ رَسَ رَيْنَبَ؞»#32.30 ڢٜىٰنِيٜىٰلْ: دَ إِبْرَانِيَنْثِ يَدَّ عَكٜىٰ ڢَطِنْ وَنَّنْ سُونَ، عَكَنْ جِيشِ كَمَرْ «ڢُسْكَرْ اللَّهْ»؞ 31رَانَ كُوَ تَا تَاشِ يَايِنْ دَ يَعْڧُوبَ يَنَ بَرِنْ ڢٜىٰنِيٜىٰلْ، يَنَ تَڢِيَ يَنَ طِنْغِشِ سَبُواْدَ كَنْ ڧَشِنْ ثِنْيَرْسَ يَا غُسَ؞ 32هَرْوَيَوْ، ذُرِيَرْ إِسْرَٰٓءِيلَ بَاسَثِنْ جِجِيَرْ دَتَكٜىٰ عَڧَشِنْ ثِنْيَ، سَبُواْدَ أَوَنَّنْ جِجِيَرْ ثٜىٰ عَكَبُغِ يَعْڧُوبَ؞
Currently Selected:
ڢَارَوَ 32: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020