ڢَارَوَ 40
40
يُوسُڢَ يَا ڢَسَّرَ مَڢَرْكَيْ بِيُ نَ یَنْ كُرْكُكُ
1وَنِ لُواْكَثِ بَايَنْدَ أَبُبُوَنَّنْ سُكَ ڢَرُ، سَيْ شُوغَبَنْ مَاسُ مِيڧَا وَسَرْكِے أَبِنْ شَا دَ شُوغَبَنْ مَاسُ غَسَ وَسَرْكِے غُرَاسَ سُكَيِ وَمَيْغِدَنْسُ سَرْكِنْ مَصَرْ لَيْڢِے؞ 2سَيْ سَرْكِے ڢِرْعَوْنَ يَيِ ڢُشِے دَ مَاسُ عَيْكِنَّنْ بِيُ سُواْسَيْ؞ 3يَكُلّٜىٰسُ أَغِدَنْ شُوغَبَنْ یَنْ غَادِنْ سَرْكِے، عَكُرْكُكُنْ دَ عَكَ كُلّٜىٰ يُوسُڢَ؞ 4سُكَ كَسَنْثٜىٰ عَكُرْكُكُ نَطَنْ ڟَوُانْ لُواْكَثِ، شُوغَبَنْ یَنْ غَادِنْ كُوَ يَسَاسُ عَڧَرْڧَشِنْ يُوسُڢَ؞
5أَ دَرٜىٰ طَيَ، سَيْ مَيْ مِيڧَا وَسَرْكِے أَبِنْ شَا دَ مَيْ غَسَ وَسَرْكِے غُرَاسَ، دُكَنْسُ بِيُ سُكَيِ مَڢَرْكِ لُواْكَثِنْ دَسُكٜىٰ ثِكِنْ كُرْكُكُ؞ كُواْوَنّٜىٰنْسُ كُوَ دَ مَڢَرْكِنْسَ دَبَمْ دَ كُمَ ڢَسَّرَرْسَ؞ 6سَعَدَّ يُوسُڢَ يَذُواْ وُرِنْسُ دَ سَڢٜىٰ، يَغَنْسُ سُنْ دَامُ سُواْسَيْ؞ 7سَيْ يَتَمْبَيِ مَاسُ عَيْكِنَّنْ بِيُ نَ ڢِرْعَوْنَ، وَطَنْدَ سُكٜىٰ تَرٜىٰ دَشِ عَكُرْكُكُنْ مَيْغِدَنْسَ، يَثٜىٰ «دُوانْمٜىٰ كُكَ ٻَاتَ ڢُسْكُواْكِنْكُ يَوْ حَكَ؟»
8سُكَثٜىٰ مَسَ «مُنْيِ مَڢَرْكَيْ نٜىٰ، كُمَ بَابُوَنْدَ ذَيْ يِمَنَ ڢَسَّرَرْسُ؞»
سَيْ يُوسُڢَ يَأَمْسَ يَثٜىٰ «شِنْ، بَ أَوُرِنْ اللَّهْ نٜىٰ عَكَنْ سَامِ ڢَسَّرُواْرِ بَ؟ كُڢَطَا مِنِسُ، إِنَضُواْڧُوانْكُ؞»
9سَبُواْدَ حَكَ سَيْ شُوغَبَنْ مَاسُ مِيڧَا وَسَرْكِے أَبِنْ شَا يَڢَطَا وَ يُوسُڢَ مَڢَرْكِنْسَ؞ يَثٜىٰ مَسَ «أَ مَڢَرْكِنَ نَغَ إِتَاثٜىٰنْ إِنَبِے أَغَبَنَ؞ 10عَ إِتَاثٜىٰنْ أَݣَويْ رٜىٰشٜىٰ عُكُ؞ دَظَرَرْ سُكَ ڢَارَ ڢِتَرْدَ غَنْيٜىٰ، سَيْ ڢُلَوَ سُكَ بَيَّنَ، كُمَ بَعَجِمَبَ سَيْغَا یَیَنْ إِنَبِے سُكَ نُونَ عَكَيْ؞ 11نِے كُوَ، إِنَرِڧٜىٰ دَ ݣُوڢْ نَ ڢِرْعَوْنَ أَ هَنُّونَ؞ سَيْ نَطَوْكِ یَیَنْ إِنَبِنْ نَامَڟٜىٰ عَݣُوڢْ طِنْ، نَسَاوَ ڢِرْعَوْنَ أَ حَنُّ؞»
12سَعَنً يُوسُڢَ يَثٜىٰ مَسَ «تُواْ، غَا ڢَسَّرَرْ مَڢَرْكِنْكَ، رٜىٰشٜىٰ عُكُنَّنْ ݣُونَ عُكُنٜىٰ؞ 13بَايَنْ ݣُونَ عُكُ، ڢِرْعَوْنَ ذَيْثِرُواْكَ دَغَ كُرْكُكُ، يَمَيَرْ دَكَيْ أَمَڟَيِنْكَ، ذَاكَ كُمَسَا ݣُوڢْ نَ ڢِرْعَوْنَ أَ حَنُّنْسَ كَمَرْ يَدَّ دَا كَكٜىٰيِ مَسَ؞ 14عَمَّا كَتُنَ دَنِے، سَعَدَّ أَبِنْدَ نَڢَطَا يَثِكَ عَكَنْكَ؞ كَيِ مِنِ أَلْحٜىٰرِ كَيِ وَ ڢِرْعَوْنَ مَغَنَ غَمٜىٰدَنِ، دُواْمِنْ أَ ڢِتَرْ دَنِے دَغَ وَنَّنْ وُرِے؞ 15غَمَا حَڧِيڧَ أَنْسَاثٜىٰنِ نٜىٰ دَغَ ڧَسَرْ إِبْرَانِيَاوَا؞ أَ نَنْ ڧَسَرْ مَصَرْ كُمَ بَنْيِ وَنِ أَبِنْدَ يَ إِسَ أَ سَانِ عَكُرْكُكُبَ؞»
16سَعَدَّ شُوغَبَنْ مَاسُ غَسَ وَسَرْكِے غُرَاسَ يَغَ ڢَسَّرَرْ نَنْ تَايِ ݣَوْ، سَيْ يَڢَطَا وَ يُوسُڢَ نَاسَ يَثٜىٰ «نِے مَا نَيِ مَڢَرْكِ؞ أَ مَڢَرْكِنَ نَغَ ݣُونْدُنَ عُكُ نَوَيْنَ عَكَيْنَ؞ 17عَݣُونْدُوانْ دَيَكٜىٰ بِسَ دُكَ أَݣَويْ عَبِنْثِ إِرِ إِرِ دَ عَكَيِ دُواْمِنْ ڢِرْعَوْنَ، عَمَّا ڟُنْڟَيٜىٰ سُنَ تَثِ دَغَ ثِكِنْ ݣُونْدُوانْ دَيَكٜىٰ عَكَيْنَ؞»
18يُوسُڢَ يَأَمْسَ يَثٜىٰ «غَا ڢَسَّرَرْ مَڢَرْكِنْ، ݣُونْدُنَ عُكُنَّنْ ݣُونَ عُكُنٜىٰ؞ 19عَثِكِنْ ݣُونَ عُكُ ڢِرْعَوْنَ ذَيْثِرٜىٰ كَنْكَ دَغَ جِكِنْكَ، يَرَاتَيٜىٰ جِكِنْكَ عَكَنْ إِتَاثٜىٰ؞ ڟُنْڟَيٜىٰ كُوَ ذَاسُثِ نَامَنْ جِكِنْكَ؞»
20أَ رَانَ تَ عُكُ، وَدَّ عِتَثٜىٰ رَانَرْ تُنَاوَا دَ حَيْڢُوَرْ ڢِرْعَوْنَ، ڢِرْعَوْنَ يَيِ وَدُكَنْ دَتَّاوَنْسَ بِكِ؞ سَيْ يَثِرٜىٰ شُوغَبَنْ مَاسُ مِيڧَا وَسَرْكِے أَبِنْ شَا دَ شُوغَبَنْ مَاسُ غَسَ وَسَرْكِے غُرَاسَ دَغَ كُرْكُكُ، يَكَٰوُاْسُ غَبَنْ دَتَّاوَنْسَ؞ 21سَيْ يَمَيَرْ دَ شُوغَبَنْ مَاسُ مِيڧَا وَسَرْكِے أَبِنْ شَا أَمَڟَيِنْسَ نَدَا، يَا كُوَ بَا ڢِرْعَوْنَ ݣُوڢْ أَ حَنُّنْسَ؞ 22عَمَّا يَا رَاتَيٜىٰ شُوغَبَنْ مَاسُ غَسَ وَسَرْكِے غُرَاسَ دَيْدَيْ يَدَّ يُوسُڢَ يَيِ مُسُ ڢَسَّرَ؞ 23عَمَّا شُوغَبَنْ مَاسُ مِيڧَا وَسَرْكِے أَبِنْ شَا بَيْ كُواْ تُنَدَ يُوسُڢَ بَ، يَا مَنْتَادَشِ؞
Currently Selected:
ڢَارَوَ 40: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
