ڢَارَوَ 41
41
يُوسُڢَ يَا ڢَسَّرَ مَڢَرْكِنْ ڢِرْعَوْنَ
1بَايَنْ شٜىٰكَرَا بِيُ ثِڢْ، سَيْ ڢِرْعَوْنَ يَيِ مَڢَرْكِ ثٜىٰوَ يَنَ ڟَيٜىٰ عَبَاكِنْ كُواْغِنْ نِلُ، 2سَيْغَا وَطَنْسُ شَانُو بَݣَويْ ݣَوَوَ مَاسُ ڧِبَ سُكَ ڢِتُواْ دَغَ كُواْغِنْ نِلُ سُنَثِنْ ثِيَوَرْ بَاكِنْ كُواْغِنْ؞ 3سَعَنً غَا وَطَنْسُ شَانُو بَݣَويْ، مَرَسَ ݣَوْ كُمَ مَرَسَ ڧِبَ، سُكَ ڢِتُواْ دَغَ كُواْغِنْ نِلُ عَبَايَنْ ݣَوَوَنْ شَانُنْ، سُكَ ڟَيَ كُسَدَسُو؞ 4سَيْ شَانُنَّنْ مَرَسَ ݣَوْ، كُمَ مَرَسَ ڧِبَ، سُكَ ثِنْيٜىٰ ݣَوَوَنْ شَانُو مَاسُ ڧِبَنَّنْ؞ سَعَنً ڢِرْعَوْنَ يَڢَرْكَ؞ 5سَيْ بَرْثِ يَݣُوشٜىٰشِ يَسَاكٜىٰيِنْ وَنِ مَڢَرْكِ نَبِيُ؞ سَيْغَاشِ عَكَنْ كَرَ طَيَ نَ أَلْكَمَ، كَوُنَنْ أَلْكَمَ بَݣَويْ ݣَوَوَ كُمَ ثِكٜىٰ دَ حَڟِ؞ 6سَيْغَاشِ عَبَايَنْسُ، وَطَنْسُ كَوُنَ بَݣَويْ سُكَ ڟِيرَا، مَرَسَ ڧِبَ وَطَنْدَ إِسْكَرْ غَبَسْ تَشَنْيٜىٰسُ؞ 7سَيْ كَوُنَ مَرَسَ ڧِبَنَّنْ سُكَ حَطِيٜىٰ كَوُنَ بَݣَويْ ݣَوَوَ مَاسُثِكٜىٰ دَ حَڟِنَّنْ؞ سَيْ ڢِرْعَوْنَ يَسَاكٜىٰ ڢَرْكَ، يَغَانٜىٰ أَشٜىٰ مَڢَرْكِ نٜىٰ؞ 8سَيْ كُوَ دَ سَڢٜىٰ ذُوثِيَارْسَ تَا دَامُ؞ يَعَيْكَ عَكَ كِرَا دُكَنْ مَاسُ دَبُواْ نَ مَصَرْ دَ دُكَنْ مَاسُ حِكِمَ، سَيْ يَڢَطَا مُسُ مَڢَرْكَنْسَ بِيُنْ، عَمَّا بَابُوَنْدَ يَ عِيَ ڢَسَّرْتَ مَسَ سُو؞#دَانْ 2.2
9سَيْ وَنَّنْ شُوغَبَنْ مَاسُ مِيڧَا وَسَرْكِے أَبِنْ شَا يَثٜىٰ «يَوْ نَتُنَ دَ لَيْڢِينَ؞ 10لُواْكَثِنْدَ كَيِ ڢُشِے دَ بَايِنْكَ، كَسَانِ دَ شُوغَبَنْ مَاسُ غَسَ وَسَرْكِے غُرَاسَ عَكُرْكُكُ ثِكِنْ غِدَنْ شُوغَبَنْ یَنْ غَادِنْ سَرْكِے؞ 11مُنْيِ مَڢَرْكِ أَدَرٜىٰ طَيَ، نِے دَشِ، كُواْوَنٜىٰ مُتُمْ دَ نَاسَ مَڢَرْكِنْ؞ 12أَݣَويْ وَنِ سَوْرَيِ، مُتُمِنْ إِبْرَانِيَاوَا تَرٜىٰ دَمُو، بَاوَنْ شُوغَبَنْ یَنْ غَادِنْ سَرْكِے؞ لُواْكَثِنْ دَ مُكَ ڢَطَا مَسَ، سَيْ يَيِ مَنَ ڢَسَّرَرْ مَڢَرْكَنْمُ دُكَ، كُواْوَ بِسَغَ إِرِنْ مَڢَرْكِنْسَ؞ 13دَيْدَيْ يَدَّ يَڢَسَّرَ مَنَ، حَكَ كُوَ يَكَسَنْثٜىٰ؞ عَكَ مَيَرْ دَنِے أَمَڟَيِنَ، طَيَنْ كُمَ مَيْ غَسَ وَسَرْكِے غُرَاسَ، عَكَ رَاتَيٜىٰشِ؞»
14سَيْ ڢِرْعَوْنَ يَعَيْكَ عَكَٰوُاْ يُوسُڢَ، سَيْ عَكَ ڢِتَرْدَشِ دَ غَغَّاوَا دَغَ كُرْكُكُ؞ بَايَنْدَ يَيِ أَسْكِ يَثَنْجَ رِيغُنَنْسَ، سَيْ يَذُواْ غَبَنْ ڢِرْعَوْنَ؞ 15سَيْ ڢِرْعَوْنَ يَثٜىٰ وَ يُوسُڢَ «نَايِ مَڢَرْكِ كُمَ بَابُوَنْدَ يَ عِيَ ڢَسَّرْتَشِ؞ نَاكُمَجِ ثٜىٰوَ عِدَنْ كَاجِ مَڢَرْكِ كَكَنْيِ ڢَسَّرَ؞»
16سَيْ يُوسُڢَ يَأَمْسَا وَ ڢِرْعَوْنَ يَثٜىٰ «رَنْكَيَدَطٜىٰ! بَ نِنٜىٰ دَ عِيَوَرْ بَ، عَمَّا اللَّهْ ذَيْبَا ڢِرْعَوْنَ ثِكَكّٜىٰنْ ڢَسَّرَ؞»
17سَيْ ڢِرْعَوْنَ يَثٜىٰ وَ يُوسُڢَ «أَ مَڢَرْكِنَ، إِنَ ڟَيٜىٰ عَبَاكِنْ كُواْغِنْ نِلُ؞ 18سَيْغَا شَانُو بَݣَويْ ݣَوَوَ كُمَ مَاسُ ڧِبَ سُكَ ڢِتُواْ دَغَ كُواْغِنْ سُنَ ثِنْ ثِيَوَرْ بَاكِنْ كُواْغِنْ؞ 19سَعَنً غَا وَطَنْسُ شَانُو بَݣَويْ سُكَ ڢِتُواْ بَايَنْسُ ظَلَّرْ ڧَسُسُوَ، مَرَسَ ݣَوْ كُمَ مَرَسَ ڧِبَ، إِرِنْ وَنْدَ بَنْ تَٻَ غَنِ أَدُكَنْ ڧَسَرْ مَصَرْ بَ؞ 20سَيْ شَانُنَّنْ مَرَسَ ݣَوْ، كُمَ مَرَسَ ڧِبَ، سُكَ ثِنْيٜىٰ شَانُو بَݣَويْ مَاسُ ڧِبَنَّنْ نَڢَرْكُواْ؞ 21عَمَّا بَايَنْدَ سُكَ ثِنْيٜىٰسُ، بَاوَنْدَ ذَيْغَانٜىٰ سُنْثِ وَنِ أَبُ، دُواْمِنْ حَرْ يَنْذُ سُنَانَنْ دَ ظَلَّرْ ڧَسُسُوَنْسُ كَمَرْ دَا؞ سَعَنً نَڢَرْكَ؞ 22نَكُمَ غَنِ أَوَنِ مَڢَرْكِ سَيْغَاشِ عَكَنْ كَرَ طَيَ نَ أَلْكَمَ كَوُنَنْ أَلْكَمَ بَݣَويْ ݣَوَوَ كُمَ ثِكٜىٰ دَ حَڟِ؞ 23سَيْغَاشِ عَبَايَنْسُ، وَطَنْسُ كَوُنَ بَݣَويْ مَرَسَ ڧِبَ سُكَ ڟِيرَا، بَابُ حَڟِ عَكَنْسُ وَطَنْدَ إِسْكَرْ غَبَسْ تَشَنْيٜىٰ؞ 24سَيْ كَوُنَ مَرَسَ ڧِبَنَّنْ سُكَ حَطِيٜىٰ كَوُنَ بَݣَويْ ݣَوَوَ مَاسُثِكٜىٰ دَ حَڟِنَّنْ؞ نَا كُوَ ڢَطَا وَمَاسُ دَبُواْ نَوَ، عَمَّا بَابُوَنْدَ يَ عِيَ ڢَسَّرْتَ مِنِ؞»
25سَعَنً يُوسُڢَ يَأَمْسَ مَسَ يَثٜىٰ «مَڢَرْكَنْ ڢِرْعَوْنَ سُنَ نُڢِنْ أَبُ طَيَ نٜىٰ؞ اللَّهْ يَا بَيَّنَوَ ڢِرْعَوْنَ أَبِنْدَ يَكٜىٰ شِرِنْ عَيْكَتَاوَا نٜىٰ؞ 26شَانُنَّنْ ݣَوَوَ غُدَا بَݣَويْ، شٜىٰكَرُ بَݣَويْ نٜىٰ؞ ݣَوَوَنْ كَوُنَنْ أَلْكَمَنَّنْ بَݣَويْ كُمَ، شٜىٰكَرُ بَݣَويْ نٜىٰ؞ مَڢَرْكَنْ سُنَ نُڢِنْ أَبُ طَيَنٜىٰ؞ 27شَانُنَّنْ مَرَسَ ݣَوْ مَاسُ ظَلَّرْ ڧَسُسُوَ وَطَنْدَ سُكَ ڢِتُواْ دَغَ بَايَ دَ كُمَ كَوُنَنْ أَلْكَمَنَّنْ مَرَسَ حَڟِ وَطَنْدَ إِسْكَرْ غَبَسْ تَشَنْيٜىٰ، دُكَنْسُ شٜىٰكَرُ بَݣَويْ نٜىٰ نَيُنْوَ؞ 28حَكَ يَكٜىٰ كَمَرْ يَدَّ نَڢَطَا وَ ڢِرْعَوْنَ، اللَّهْ يَا نُونَاوَ ڢِرْعَوْنَ نٜىٰ أَبِنْدَ يَكٜىٰ شِرِنْ عَيْكَتَاوَا؞ 29غَاشِ، ذَاعَيِ شٜىٰكَرَا بَݣَويْ أَنَ سَامُنْ عَبِنْثِ عَيَلْوَثٜىٰ أَدُكَنْ ڧَسَرْ مَصَرْ؞ 30عَمَّا بَايَنْسُ ذَاعَيِ شٜىٰكَرَا بَݣَويْ نَيُنْوَ؞ ڟَنَنِنْ يُنْوَ ذَاتَسَا أَمَنْتَادَ دُكَنْ عَبِنْثِنَّنْ دَ عَكَ سَامُ عَيَلْوَثٜىٰ نَڧَسَرْ مَصَرْ؞ يُنْوَ كُوَ ذَاتَ ثِنْيٜىٰ ڧَسَرْ؞ 31ذَيْ كُوَ ذَمَ كَمَرْ بَعَتَٻَ سَامُنْ عَبِنْثِ عَيَلْوَثٜىٰبَ، غَمَا ذَاتَيِ ڟَنَنِ سُواْسَيْ؞ 32مَيْمَيْتَاوَرْ مَڢَرْكِنَّنْ نَ ڢِرْعَوْنَ كُوَ، يَا نُونَ ثٜىٰوَ اللَّهْ يَا رِغَا يَا تَبَّتَرْ دَ ذَنْثٜىٰنْ، كُمَ اللَّهْ ذَيْسَا يَڢَرُ بَادَ جِمَاوَا بَ؞
33«يَنْذُ بَرِ ڢِرْعَوْنَ يَنٜىٰمِ مُتُمْ مَيْ غَانٜىٰوَ دَ حِكِمَ، يَسَا شِ بِسَ ڧَسَرْ مَصَرْ؞ 34بَرِ ڢِرْعَوْنَ يَنَطَ شُوغَبَنِّ عَبِسَ ڧَسَرْ، دُواْمِنْ سُتَتَّارَ طَيَ ثِكِنْ بِيَرْ نَأَمْڢَانِنْ غُواْنَ نَ مَصَرْ أَ لُواْكَثِنْ شٜىٰكَرُ بَݣَويْ نَ عَبِنْثِ عَيَلْوَثٜىٰ؞ 35بَرِ شُوغَبَنِّنْ سُتَتَّارَ دُكَنْ عَبِنْثِ أَ شٜىٰكَرُنَّنْ بَݣَويْ نَأَلْبَرْكَ مَاسُ ذُوَا، سُتَتَّارَ حَڟِ عَڧَرْڧَشِنْ إِيكُوانْ ڢِرْعَوْنَ، عَيِ أَجِيَرْ عَبِنْثِ عَبِرَنٜىٰ؞ 36وَنَّنْ عَبِنْثِ ذَيْذَمَ أَجِيَ دُواْمِنْ ڧَسَرْ؞ ذَاعَيِ أَمْڢَانِ دَ عَبِنْثِنْ أَ لُواْكَثِنْ شٜىٰكَرُ بَݣَويْ نَيُنْوَ وَطَنْدَ ذَاسُذُواْ وَ مَصَرْ، دُواْمِنْ كَدَ ڧَسَرْ تَهَلَّكَ سَبُواْدَ يُنْوَ؞»
يُوسُڢَ يَا ذَمَ ڠُومْنَ نَ ڧَسَرْ مَصَرْ
37شَوَرَرْ نَنْ تَايِ وَ ڢِرْعَوْنَ دَ دَتَّاوَنْسَ ݣَوْ؞ 38سَيْ ڢِرْعَوْنَ يَثٜىٰ وَدَتَّاوَنْسَ «ذَامُ عِيَ سَامُنْ مُتُمْ إِرِنْ وَنَّنْ وَنْدَ رُوحٌ اللَّهْ يَكٜىٰ عَثِكِنْسَ حَكَ؟» 39سَيْ ڢِرْعَوْنَ يَثٜىٰ وَ يُوسُڢَ «دَيَكٜىٰ اللَّهْ يَا نُونَ مَكَ دُكَنْ وَنَّنْ، أَيْ، بَابُوَنِ مَيْ غَانٜىٰوَ دَ كُمَ مَيْ حِكِمَ كَمَرْكَ؞ 40كَيْ، ذَاكَ ذَمَ شُوغَبَنْ غِدَانَ، كُمَ دُكَنْ مُتَنٜىٰنَ ذَاسُ كَرْٻِ عُمَرْنِ دَغَ غَرٜىٰكَ؞ غَمٜىٰ دَ كُجٜىٰرَرْ مُلْكِ كَطَيْ ذَنْڢِيكَ؞»#أَيُّكَنْ 7.10 41ڢِرْعَوْنَ يَثٜىٰ وَ يُوسُڢَ «غَاشِ، نَا مَيْدَكَيْ ڠُومْنَ نَدُكَنْ ڧَسَرْ مَصَرْ؞» 42سَيْ ڢِرْعَوْنَ يَثِرٜىٰ ذُواْبٜىٰنْسَ مَيْ هَاتِمِ دَغَ يَڟَرْ حَنُّنْسَ يَسَا عَيَڟَرْ حَنُّنْ يُوسُڢَ؞ يَكُمَسَا مَسَ رِيغُنَنْ لِيلِنْ مَاسُ ݣَوْ، يَرَاتَيَ مَسَ سَرْڧَرْ ظِينَارِيَ أَوُيَ؞#دَانْ 5.29 43ڢِرْعَوْنَ يَا سَا يُوسُڢَ يَهَوْ كٜىٰكٜىٰنْ دُواْكِنْسَ أَمَڟَيِنْسَ نَمَيْ مُلْكِ نَبِيُ؞ دُواْغَضَيْ سُكَيِ تَشٜىٰلَ أَغَبَنْسَ «كُبَادَ حَنْيَ!» تَهَكَ يَسَا يُوسُڢَ عَكَنْ دُكَنْ ڧَسَرْ مَصَرْ؞ 44سَيْ ڢِرْعَوْنَ يَثٜىٰ وَ يُوسُڢَ «نِنٜىٰ سَرْكِے، عَمَّا إِنْ بَاتَرٜىٰدَ يَرْدَرْكَ بَ، بَابُوَنْدَ ذَيْ طَغَ حَنُّ كُواْ ڧَڢَا ثِكِنْ دُكَنْ ڧَسَرْ مَصَرْ؞» 45ڢِرْعَوْنَ يَا كِرَا يُوسُڢَ دَ سُونَ ظَڢٜىٰنَتْ ڢَنٜىٰيَ؞ يَا بَا يُوسُڢَ أَسٜىٰنَتْ یَرْ ڢُواْتِڢٜىٰرَ ڢِرِسْتِ نَهَيْكَلِنْ عُوانْ تَذَمَ مَاتَرْسَ؞ يُوسُڢَ كُوَ يَا ذَمَ مَيْ إِيكُواْ كُواْعِنَ عَڧَسَرْ مَصَرْ؞
46يُوسُڢَ يَنَدَ شٜىٰكَرَا تَلَاتِنْ لُواْكَثِنْ دَ يَكَامَ عَيْكِ أَوُرِنْ سَرْكِے ڢِرْعَوْنَ نَ مَصَرْ؞ يُوسُڢَ كُوَ يَا ڢِتَ دَغَ وُرِنْ ڢِرْعَوْنَ يَا شِشِغَ كُواْعِنَ عَڧَسَرْ مَصَرْ؞ 47عَثِكِنْ شٜىٰكَرُ بَݣَويْ طِنَّنْ نَعَّبِنْثِ عَيَلْوَثٜىٰ، ڧَسَرْ تَا بَادَ أَمْڢَانِ مَيْ يَوَنْ غَسْكٜىٰ؞ 48سَيْ يُوسُڢَ يَتَتَّارَ عَبِرَنٜىٰ دُكَنْ عَبِنْثِ نَشٜىٰكَرُنَّنْ بَݣَويْ عِنْدَ عَكٜىٰ دَ عَبِنْثِ عَيَلْوَثٜىٰ؞ عَكُواْوَنٜىٰ بِرْنِ يَا تَتَّارَ يَا أَجِيٜىٰ عَبِنْثِ دَغَ غُواْنَكِنْ دَسُكٜىٰ كٜىٰوَيٜىٰ دَ بِرْنِنْ؞ 49تَهَكَ يُوسُڢَ يَتَارَ حَڟِ مَيْ يَوَنْ غَسْكٜىٰ، كَمَرْ يَشِ عَبَاكِنْ تٜىٰكُ، حَرْ سَيْ دَ يَدَيْنَ عَوْنَشِ، غَمَا بَعَ عِيَ عَوْنَاوَا سَبُواْدَ يَوَنْسَ؞
50كَاڢِنْ شٜىٰكَرُنْ يُنْوَ سُإِسُواْ، يُوسُڢَ يَنَدَ یَیَ مَظَا بِيُ وَطَنْدَ أَسٜىٰنَتْ یَرْ ڢُواْتِڢٜىٰرَ ڢِرِسْتِ نَهَيْكَلِنْ عُوانْ تَحَيْڢَ مَسَ؞ 51يُوسُڢَ يَا كِرَا طَنْسَ نَڢَرْكُواْ مَنَسّٜىٰ، غَمَا يَاثٜىٰ أَ ذُوثِيَارْسَ «اللَّهْ يَا سَا نَامَنْتَادَ وَهَلَاتَ دَ غِدَنْ حَيْڢُوَتَ غَبَاطَيَ؞»#41.51 مَنَسّٜىٰ: دَ إِبْرَانِيَنْثِ يَدَّ عَكٜىٰ ڢَطِنْ وَنَّنْ سُونَ، عَكَنْ جِيشِ كَمَرْ «يَا سَا نَامَنْتَا»؞ 52طَا نَبِيُنْ يَا كِرَا شِ إِڢْرَيِمْ، غَمَا يَاثٜىٰ أَ ذُوثِيَارْسَ «اللَّهْ يَا بَانِ یَیَ عَڧَسَرْدَ نَشَا وَهَلَ؞»#41.52 إِڢْرَيِمْ: دَ إِبْرَانِيَنْثِ يَدَّ عَكٜىٰ ڢَطِنْ وَنَّنْ سُونَ، عَكَنْ جِيشِ كَمَرْ «يَا بَانِ یَیَ»؞
53شٜىٰكَرُ بَݣَويْ نَعَّبِنْثِ عَيَلْوَثٜىٰ عَڧَسَرْ مَصَرْ سُكَ وُثٜىٰ؞ 54سَيْ شٜىٰكَرُ بَݣَويْ نَيُنْوَ سُكَ ڢَارَ شِغُواْوَ كَمَرْ يَدَّ يُوسُڢَ يَڢَطَا؞ عَكَيِ يُنْوَ ثِكِنْ سَوْرَنْ ڧَسَاشٜىٰ دُكَ، عَمَّا عَكُواْعِنَ عَڧَسَرْ مَصَرْ أَݣَويْ عَبِنْثِ؞#أَيُّكَنْ 7.11 55سَعَدَّ يُنْوَ تَرُڢٜىٰ دُكَنْ ڧَسَرْ مَصَرْ، مُتَنٜىٰنْ سُكَيِ وَ ڢِرْعَوْنَ كُوكَا دُواْمِنْ عَبِنْثِ؞ سَيْ ڢِرْعَوْنَ يَڢَطَا وَدُكَنْ مَصَرَاوَا سُتَڢِے وُرِنْ يُوسُڢَ سُيِ دُكَنْ أَبِنْدَ يَثٜىٰ مُسُ سُيِ؞ 56سَعَدَّ يُنْوَ تَبَظُو كُواْعِنَ عَڧَسَرْ، يُوسُڢَ يَبُوطٜىٰ ضُمْبُنَنْ أَجِيَرْ حَڟِ، يَسَيَرْ وَ مَصَرَاوَا عَبِنْثِ، غَمَا يُنْوَرْ تَايِ ڟَنَنِ عَڧَسَرْ مَصَرْ؞ 57بَنْدَ حَكَمَا، دُونِيَا دُكَ تَاذُواْ وُرِنْ يُوسُڢَ دُواْمِنْ سُسَيِ حَڟِ، غَمَا يُنْوَ تَايِ ڟَنَنِ ثِكِنْ دُكَنْ دُونِيَا؞
Currently Selected:
ڢَارَوَ 41: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020