ڢَارَوَ 45
45
يُوسُڢَ يَا بَيَّنَ كَنْسَ غَ یَنْعُوَنْسَ
1يُوسُڢَ كُوَ بَيْ عِيَ كَمٜىٰ كَنْسَ كُمَ أَغَبَنْ دُكَنْ وَطَنْدَ سُكٜىٰ ڟَيٜىٰ كُسَ دَشِيبَ؞ سَيْ يَتَادَ مُرْيَ يَثٜىٰ «كُواْوَ يَبَامُ وُرِے؞» سَبُواْدَ دَ حَكَ، بَا مُتُمِنْ دَيَكٜىٰ أَوُرِنْ سَعَدَّ يُوسُڢَ يَبَيَّنَ كَنْسَ غَ یَنْعُوَنْسَ؞#أَيُّكَنْ 7.13 2يَايِ كُوكَا دَ ڧَرْڢِے حَرْ مَصَرَاوَا سُكَجِ، حَرْ لَابَرِنْ يَكَيْ غِدَنْ ڢِرْعَوْنَ؞ 3سَيْ يُوسُڢَ يَثٜىٰ وَیَنْعُوَنْسَ «نِنٜىٰ يُوسُڢَ؞ بَابَنَ يَنَدَ رَيْ حَرْ يَنْذُ؟» عَمَّا یَنْعُوَنْسَ بَسُ عِيَ بَاشِ أَمْسَبَ غَمَا ڟُواْرُواْ يَا كَامَسُ سُواْسَيْ أَغَبَنْسَ؞ 4سَيْ يُوسُڢَ يَثٜىٰ وَیَنْعُوَنْسَ «كُمَڟُواْ كُسَدَنِے؞» سُكَ مَڟُواْ كُسَ، سَيْيَثٜىٰ «نِنٜىٰ طَنْعُوَنْكُ يُوسُڢَ، وَنْدَ كُكَ سَيَرْ ذُوَا مَصَرْ؞ 5يَنْذُ ڢَا كَدَ كُدَامُ كُواْ كُيِ ڢُشِے دَ جُونَ دُواْمِنْ كُنْ سَيَرْ دَنِے؞ غَمَا اللَّهْ نٜىٰ يَعَيْكُواْ نِے إِنْ رِغَاكُ ذُوَا نَنْ دُواْمِنْ إِنْ ثٜىٰثِ رَايُكَ؞ 6أَنْيِ شٜىٰكَرَا بِيُ كٜىٰنَنْ دَ عَكٜىٰ يُنْوَ عَڧَسَرْ، عَمَّا يَا ضَغٜىٰ شٜىٰكَرَا بِيَرْ دَ بَذَاعَيِ نُواْمَ كُواْ غِرْبِبَ؞ 7اللَّهْ نٜىٰ يَعَيْكُواْنِ إِنْ رِغَاكُ دُواْمِنْ عَتَبَّتَرْ كُنَدَ ضَغُواْوَرْ ذُرِيَ عَدُونِيَا، كُمَ تَوَنَّنْ حَنْيَ اللَّهْ يَسَا رَايُكَ مَاسُيَوَ سُڟِيرَا؞ 8سَبُواْدَ حَكَ، بَ كُونٜىٰ كُكَ عَيْكُواْنِ نَنْبَ، عَمَّا اللَّهْ نٜىٰ؞ شِينٜىٰ كُوَ يَسَا إِنْ ذَمَ كَمَرْ بَابَ مَيْ بَا ڢِرْعَوْنَ شَوَرَا دَ كُمَ شُوغَبَا غَ دُكَنْ غِدَنْسَ، إِنْ كُوَ ذَمَ ڠُومْنَ عَكَنْ دُكَنْ ڧَسَرْ مَصَرْ؞
9«يَنْذُ كُكُواْمَ دَ سَوْرِ ذُوَا وُرِنْ بَابَنَ كُثٜىٰ مَسَ، ‹غَا أَبِنْدَ يُوسُڢَ طَنْكَ يَثٜىٰ «اللَّهْ يَا مَيْشٜىٰنِ شُوغَبَنْ مَصَرْ دُكَ، كَغَنْغَرُواْ وُرِينَ، كَدَ كَٻَاتَ لُواْكَثِ؞ 10ذَاكَ ذَوْنَ عَيَنْكِنْ غُواْشٜىٰنْ، كُسَدَنِے، كَيْ دَ یَیَنْكَ دَ جِيكُواْكِنْكَ دَ غَرْكُنَنْ أَوَكِنْكَ دَ نَتُمَكِنْكَ دَ نَشَانُنْكَ دَ دُكَنْ أَبِنْدَ كَكٜىٰ دَشِ؞ 11ذَنْ كُمَ ثِيَرْ دَكَيْ، غَمَا أَݣَويْ سَوْرَنْ شٜىٰكَرَا بِيَرْ مَاسُ ذُوَا نَيُنْوَ؞ كَذُواْ نَنْ دُواْمِنْ كَدَكَيْ دَ عِيَلِنْكَ دَ دُكَنْ أَبِنْدَ يَكٜىٰ تَرٜىٰدَكَيْ سُذَوْنَ ثِكِنْ رَشِ؞» › 12غَاشِ، كُنْ غَنِ دَ عِدَنُونْكُ، بِلِيَامِنُ طَنْعُوَنَ شِے مَا يَغَنِ دَ عِدَنُونْسَ ثٜىٰوَ نِے دَ بَاكِنَ نَكٜىٰ مَغَنَ دَكُو؞ 13كُڢَطَا وَبَابَنَ دُكَنْ دَرَجَتَ أَ مَصَرْ دَ دُكَنْ أَبِنْدَ كُكَ غَنِ؞ كُيِ سَوْرِ كُغَنْغَرُواْ مِنِ دَ بَابَنَ أَنَنْ؞»
14سَيْ يُوسُڢَ يَڢَاطَ أَوُيَنْ طَنْعُوَنْسَ بِلِيَامِنُ، بِلِيَامِنُ شِے مَا يَضُنْغُمٜىٰشِ، سُكَيِ كُوكَا تَرٜىٰ؞ 15سَيْ يُوسُڢَ يَضُنْغُمِ یَنْعُوَنْسَ دُكَ يَسُمْبَثٜىٰسُ يَنَ تَكُوكَا؞ بَايَنْ وَنَّنْ، سَيْ یَنْعُوَنْسَ سُكَيِ هِيرَ دَشِ؞
ڢِرْعَوْنَ يَا غَيَّثِ يَعْڧُوبَ ذُوَا مَصَرْ
16لُواْكَثِنْ دَ لَابَرِنْ يَكَيْ غِدَنْ ڢِرْعَوْنَ ثٜىٰوَ یَنْعُوَنْ يُوسُڢَ سُنْذُواْ، أَبِنْ يَيِ وَ ڢِرْعَوْنَ دَ دَتَّاوَنْسَ دَاطِے ڨُورَيْ؞ 17سَيْ ڢِرْعَوْنَ يَثٜىٰ وَ يُوسُڢَ «كَڢَطَا وَیَنْعُوَنْكَ سُيِ لُواْدِنْ جَاكُنَنْسُ سُكُواْمَ ڧَسَرْ كَنْعَنَ؞ 18سُكَٰوُاْ بَابَنْكَ دَ دُكَنْ مُتَنٜىٰنْ غِدَنْكُ ذُوَا وُرِينَ؞ نِے ذَنْبَاسُ يَنْكِ مَڢِے ݣَوْ نَڧَسَرْ مَصَرْ، ذَاسُ كُمَثِ أَرْزِڧِنْ ڧَسَرْ؞ 19كَكُمَ عُمَرْثٜىٰسُ ثٜىٰوَ سُطَوْكِ كٜىٰكُنَنْ شَانُو دَغَ ڧَسَرْ مَصَرْ دُواْمِنْ يَارَنْسُ ڧَنَانَا دَ مَاتَنْسُ، سُطَوْكُواْ بَابَنْسُ سُذُواْ؞ 20كَدَ سُدَامُ دَ كَايَنْسُ، غَمَا يَنْكِ مَڢِے ݣَوْ نَڧَسَرْ مَصَرْ ذَيْذَمَ نَاسُ؞»
یَنْعُوَنْ يُوسُڢَ سُنْ سَاكٜىٰ كُواْمَ وَ كَنْعَنَ
21حَكَ كُوَ یَیَنْ إِسْرَٰٓءِيلَ سُكَيِ؞ يُوسُڢَ كُمَ يَا بَاسُ كٜىٰكُنَنْ شَانُو بِسَغَ عُمَرْنِنْ ڢِرْعَوْنَ؞ يُوسُڢَ يَا بَاسُ عَبِنْثِنْ دَ ذَاسُثِ أَ حَنْيَ؞ 22غَ كُواْوَنٜىٰ طَيَنْسُ يَبَاشِ سَابَبِّنْ رِيغُنَ مَاسُ أَدُواْ، عَمَّا غَ بِلِيَامِنُ يَبَاشِ أَظُرْڢَا طَرِے عُكُ دَ سَابَبِّنْ رِيغُنَ مَاسُ أَدُواْ غُدَا بِيَرْ؞ 23غَ بَابَنْسَ يَعَيْكَ دَ أَبُبُوَ كَمَرْ حَكَ، جَاكُنَ غُواْمَ طَوْكٜىٰ كَايَ مَاسُ ݣَوْ نَ مَصَرْ دَ جَاكُنَ مَاتَا غُواْمَ طَوْكٜىٰ دَ حَڟِ دَ غُرَاسَ دَ كَايَنْ عَبِنْثِ دُواْمِنْ تَڢِيَرْ؞ 24سَعَنً يَسَلَّمِ یَنْعُوَنْسَ؞ يَايِنْ دَ یَنْعُوَنْ سُكٜىٰشِرِ سُكَامَ حَنْيَ، سَيْيَثٜىٰمُسُ «كَدَ ڢَا كُيِ ڢَطَ أَ حَنْيَ؞»
25سُكَ هَوْرَ دَغَ مَصَرْ، سُكَذُواْ ڧَسَرْ كَنْعَنَ وُرِنْ بَابَنْسُ يَعْڧُوبَ؞ 26سُكَثٜىٰ مَسَ «حَرْ يَنْذُ يُوسُڢَ يَنَدَ رَيْ! شِ مَيْ مُلْكِ نٜىٰ عَكَنْ دُكَنْ ڧَسَرْ مَصَرْ؞» سَيْ يَعْڧُوبَ يَكَاسَ مُواْڟِ، غَمَا بَيْ غَسْكَتَسُبَ؞ 27عَمَّا بَايَنْدَ سُكَ ڢَطَمَسَ دُكَنْ أَبِنْدَ يُوسُڢَ يَثٜىٰ مُسُ، سَعَدَّ كُمَ يَغَ كٜىٰكُنَنْ شَانُنْ دَ يُوسُڢَ يَعَيْكَ دُواْمِنْ سُكَيْشِ ڧَسَرْ مَصَرْ، سَيْ حَنْكَلِنْسَ يَدَاوُاْ؞ 28سَيْ إِسْرَٰٓءِيلَ يَثٜىٰ «يَا إِسَ! طَانَ يُوسُڢَ يأَنَانً دَ رَيْ حَرْ يَنْذُ؞ لَلَّيْ ذَنْتَڢِے إِنْ غَنْشِ كَاڢِنْ إِنْمُتُ؞»
Currently Selected:
ڢَارَوَ 45: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
