ڢَارَوَ 46
46
يَعْڧُوبَ دَ عِيَلِنْسَ سُنْ تَڢِے مَصَرْ
1إِسْرَٰٓءِيلَ يَتَاشِ يَكَامَ حَنْيَ تَرٜىٰدَ دُكَنْ أَبِنْدَ يَكٜىٰدَشِ؞ دَ يَ إِسُواْ بٜىٰيٜىٰرْشٜىٰبَ، سَيْ يَمِيڧَ هَدَايُ غَ اللَّهْ نَبَابَنْسَ إِسْحَٰڧَ؞ 2سَيْ اللَّهْ يَيِ مَغَنَ دَ إِسْرَٰٓءِيلَ ثِكِنْ رُعُيَ دَ دَرٜىٰ، يَثٜىٰ «يَعْڧُوبَ، يَعْڧُوبَ!»
سَيْ يَأَمْسَ «غَا نِے نَنْ؞»
3سَيْ اللَّهْ يَثٜىٰ «نِنٜىٰ اللَّهْ، اللَّهْ نَبَابَنْكَ؞ كَدَ كَجِڟُواْرُوانْ غَنْ‌غَرُواْوَ مَصَرْ؞ غَمَا أَوُرِنْ ذَنْسَا ذُرِيَرْكَ تَذَمَ بَبَّرْ أَلْعُمَّ؞ 4نِے ذَنْ غَنْ‌غَرَ تَرٜىٰدَكُو ذُوَا مَصَرْ، إِنْكُمَ هَوْرُواْ دَكُو ذُوَا كَنْعَنَ كُمَ؞ أَ لُواْكَثِنْ مُتُوَرْكَ كُمَ حَنُّنْ يُوسُڢَ نٜىٰ ذَيْ رُڢٜىٰ عِدَنُونْكَ؞»
5سَعَنً يَعْڧُوبَ يَتَاشِ دَغَ بٜىٰيٜىٰرْشٜىٰبَ، یَیَنْسَ مَظَا كُوَ سُكَ طَوْكِ بَابَنْسُ يَعْڧُوبَ دَ يَارَنْسُ ڧَنَانَا دَ مَاتَنْسُ عَثِكِنْ كٜىٰكُنَنْ شَانُنْ دَ ڢِرْعَوْنَ يَعَيْكَ أَطَوْكُواْ شِ؞ 6سُكَ كُمَ طَوْكِ شَانُنْسُ دَ كَايَيَّكِنْسُ وَطَنْدَ سُكَ سَامُ عَڧَسَرْ كَنْعَنَ، سُكَ تَڢِے مَصَرْ؞ يَعْڧُوبَ دَ دُكَنْ ذُرِيَرْسَ،#أَيُّكَنْ 7.15 7دَ یَیَنْسَ مَظَا دَ جِيكُواْكِنْسَ مَظَا دَ یَیَنْسَ مَاتَادَ جِيكُواْكِنْسَ مَاتَا، دُكَنْ ذُرِيَرْسَ يَكَيْسُ ڧَسَرْ مَصَرْ؞
ذُرِيَرْ يَعْڧُوبَ
8غَا سُونَيٜىٰنْ یَیَ مَظَا نَ إِسْرَٰٓءِيلَ، وَتُواْ يَعْڧُوبَ دَ ذُرِيَرْسَ، وَطَنْدَ سُكَ شِغُواْ مَصَرْ؞
رَعُبَيْنُ، طَنْ ڢَضٍ يَعْڧُوبَ؞
9یَیَ مَظَا نَ رَعُبَيْنُ سُونٜىٰ هَنُواكْ دَ ڢَلُّ دَ هٜىٰظْرُوانْ دَ كَرْمِ؞
10یَیَ مَظَا نَ سِمٜىٰيُوانْ سُونٜىٰ يٜىٰمُيٜىٰلْ دَ يَمِنْ دَ عُواْهَدْ دَ يَكِنْ دَ ذُواْهَرْ دَ طَالُوتَ، وَنْدَ یَرْ ڧَسَرْ كَنْعَنَ تَحَيْڢَ؞
11یَیَ مَظَا نَ لَوِ سُونٜىٰ غٜىٰرْشُوانْ دَ كُواْهَتْ دَ مٜىٰرَرِ؞
12یَیَ مَظَا نَ يَهُودَ سُونٜىٰ عٜىٰرْ دَ عُواْنَنْ دَ شٜىٰلَ دَ ڢٜىٰرٜىٰظْ دَ ظٜىٰرَ؞ عَمَّا عٜىٰرْ دَ عُواْنَنْ سُنْ مُتُ عَڧَسَرْ كَنْعَنَ؞ یَیَنْ ڢٜىٰرٜىٰظْ سُونٜىٰ، هٜىٰظْرُوانْ دَ هَمُلْ؞
13یَیَ مَظَا نَ إِسَّكَرْ سُونٜىٰ تُواْلَ دَ ڢُوَ دَ يَشُبْ دَ شِمْرُوانْ؞
14یَیَ مَظَا نَ ظٜىٰبُلُنْ سُونٜىٰ سٜىٰرٜىٰدْ دَ عٜىٰلُوانْ دَ يَلٜىٰيٜىٰلْ؞
15وَطَنَّنْ سُونٜىٰ یَیَ مَذَنْ دَ لَيْعَتُ تَحَيْڢَ وَ يَعْڧُوبَ أَ ڢَدَّنْ أَرَمْ، تَرٜىٰدَ طِيَرْ تَاسَ كُمَ دِنَتُ؞ یَیَنْسَ مَظَا دَ مَاتَا دُكَ، مُتُمْ تَلَاتِنْ دَ عُكُنٜىٰ؞
16یَیَ مَظَا نَ غَدْ سُونٜىٰ ظِڢِيُوانْ دَ هَغِّ دَ شُنِ دَ عٜىٰظْبُوانْ دَ عٜىٰرِ دَ أَرُواْدِ دَ أَرٜىٰلِ؞
17یَیَ مَظَا نَ أَشٜىٰرْ سُونٜىٰ إِمْنَ دَ إِشْبَ دَ إِشْبِے دَ بٜىٰرِيَ؞ یَرْعُوَرْسُ سٜىٰرَ ثٜىٰ؞ یَیَ مَظَا نَ بٜىٰرِيَ سُونٜىٰ هٜىٰبٜىٰرْ دَ مَلْكِيٜىٰلْ؞
18وَطَنَّنْ سُونٜىٰ یَیَنْ دَ ظِلْڢَ تَحَيْڢَ وَ يَعْڧُوبَ؞ ظِلْڢَ ثٜىٰ بَيْوَرْ دَ لَبَنْ يَبَا یَرْسَ لَيْعَتُ أَ لُواْكَثِنْ عَوْرٜىٰنْتَ؞ یَیَنْتَ دُكَ، مُتُمْ غُواْمَشَا شِدَ نٜىٰ؞
19یَیَ مَظَا نَ رَحِيلَةُ مَاتَرْ يَعْڧُوبَ سُونٜىٰ يُوسُڢَ دَ بِلِيَامِنُ؞ 20أَسٜىٰنَتْ یَرْ ڢُواْتِڢٜىٰرَ ڢِرِسْتِ نَهَيْكَلِنْ عُوانْ، تَا حَيْڢَ وَ يُوسُڢَ مَنَسّٜىٰ دَ إِڢْرَيِمْ عَڧَسَرْ مَصَرْ؞#ڢَارْ 41.50-52
21یَیَ مَظَا نَ بِلِيَامِنُ سُونٜىٰ بٜىٰلَ دَ بٜىٰكٜىٰرْ دَ أَشْبٜىٰلْ دَ غٜىٰرَ دَ نَعَمَنْ دَ عٜىٰهِ دَ رُواشْ دَ مُڢِّمْ دَ هُڢِّمْ دَ أَرِدْ؞
22وَطَنَّنْ سُونٜىٰ یَیَ مَذَنْ دَ رَحِيلَةُ تَحَيْڢَ وَ يَعْڧُوبَ؞ یَیَنْتَ دُكَ، مُتُمْ غُواْمَشَا حُطُ؞
23طَا نَ دَنْ شِينٜىٰ هُشِمْ؞
24یَیَ مَظَا نَ نَڢْتَلِ سُونٜىٰ يَظٜىٰيٜىٰلْ دَ غُنِ دَ يٜىٰظٜىٰرْ دَ شِلّٜىٰمْ؞
25وَطَنَّنْ سُونٜىٰ یَیَ مَذَنْ دَ بِلْهَ تَحَيْڢَا وَ يَعْڧُوبَ؞ بِلْهَ ثٜىٰ بَيْوَرْ دَ لَبَنْ يَبَا رَحِيلَةُ أَ لُواْكَثِنْ عَوْرٜىٰنْتَ؞ یَیَنْتَ دُكَ، مُتُمْ بَݣَويْ نٜىٰ؞
26دُكَنْ وَطَنْدَ سُكَ شِغَ مَصَرْ تَرٜىٰدَ يَعْڧُوبَ، وَتُواْ وَطَنْدَ سُكٜىٰ ذُرِيَرْسَ، بَنْدَ مَتَنْ یَیَنْسَ، مُتُمْ سِتِّنْ دَ شِدَ نٜىٰ؞ 27یَیَنْ يُوسُڢَ وَطَنْدَ عَكَ حَيْڢَ مَسَ أَ مَصَرْ سُو بِيُنٜىٰ؞ دُكَنْ مُتَنٜىٰنْ غِدَنْ يَعْڧُوبَ وَطَنْدَ سُكَذُواْ مَصَرْ مُتُمْ سَبَعِنْ نٜىٰ؞#أَيُّكَنْ 7.14
يَعْڧُوبَ دَ عِيَلِنْسَ أَ مَصَرْ
28يَعْڧُوبَ يَا عَيْكِ يَهُودَ يَيِ غَبَ يَسَدُ دَ يُوسُڢَ دُواْمِنْ يُوسُڢَ يَنُونَ مُسُ حَنْيَرْ دَ ذَاسُبِے ذُوَا يَنْكِنْ غُواْشٜىٰنْ؞ سَعَدَّ سُكَ إِسُواْ يَنْكِنْ غُواْشٜىٰنْ، 29يُوسُڢَ يَا شِرْيَ كٜىٰكٜىٰنْ دُواْكِنْسَ، يَهَوْرَ غُواْشٜىٰنْ دُواْمِنْ يَسَدُ دَ بَابَنْسَ؞ دَ يَ إِسُواْ وُرِنْ، سَيْ يَڢَاطَ أَوُيَنْ بَابَنْسَ، يَجِمَ يَنَ تَكُوكَا؞ 30سَيْ إِسْرَٰٓءِيلَ يَثٜىٰ وَ يُوسُڢَ «تُواْ، بَرِ إِنْمُتُ يَنْذُ، تُنْدَ نَغَ ڢُسْكَرْكَ نَسَنِ كُمَ كَنَدَ رَيْ هَرْوَيَوْ؞»
31يُوسُڢَ يَثٜىٰ وَیَنْعُوَنْسَ دَ سَوْرَنْ غِدَنْ بَابَنْسَ «ذَنْتَڢِے إِنْڢَطَا وَ ڢِرْعَوْنَ، إِنْثٜىٰمَسَ، ‹یَنْعُوَنَ دَ غِدَنْ بَابَنَ وَطَنْدَ دَا سُكٜىٰ عَڧَسَرْ كَنْعَنَ سُنْذُواْ وُرِينَ؞ 32مُتَنٜىٰنْ كُوَ مَكِيَايَ نٜىٰ، سُنْذُواْ دَ غَرْكُنَنْ أَوَكِنْسُ دَ نَتُمَكِنْسُ دَ نَشَانُنْسُ دَ دُكَنْ أَبِنْدَ سُكٜىٰ دَشِ؞› 33لُواْكَثِنْ دَ ڢِرْعَوْنَ ذَيْ كِرَاكُ يَثٜىٰ، ‹مٜىٰنٜىٰنٜىٰ عَيْكِنْكُ؟› 34سَيْكُ أَمْسَ مَسَ، ‹بَايِنْكَ مَكِيَايَنْ دَبُّواْبِے نٜىٰ تُنْ مُنَ يَارَا حَرْ ذُوَا يَوْ دَ مُو دَ كَاكَنِّنْمُ؞› عِدَنْ كُكَ ڢَطَا مَسَ حَكَ، ذَيْ بَرْكُ كُذَوْنَ عَيَنْكِنْ غُواْشٜىٰنْ، غَمَا مَكِيَايَنْ دَبُّواْبِے أَبِنْ ڨَمَ نٜىٰ غَ مَصَرَاوَا؞»
Currently Selected:
ڢَارَوَ 46: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
