ڢَارَوَ 47
47
يَعْڧُوبَ يَا ذَوْنَ عَيَنْكِنْ غُواْشٜىٰنْ
1سَعَنً يُوسُڢَ يَذُواْ يَڢَطَا وَ ڢِرْعَوْنَ يَثٜىٰ «بَابَنَ دَ یَنْعُوَنَ دَ غَرْكُنَنْسُ نَأَوَكِ دَ تُمَكِ دَ نَشَانُو دَ دُكَنْ أَبِنْدَ سُكٜىٰ دَشِ، سُنْ ذُواْ دَغَ ڧَسَرْ كَنْعَنَ، يَنْذُ سُنَ عَيَنْكِنْ غُواْشٜىٰنْ؞» 2يُوسُڢَ يَا طَوْكِ مُتُمْ بِيَرْ دَغَ ثِكِنْ یَنْعُوَنْسَ يَغَبَتَرْ دَسُو أَغَبَنْ ڢِرْعَوْنَ؞ 3سَيْ ڢِرْعَوْنَ يَتَمْبَيِ یَنْعُوَنْ يُوسُڢَ يَثٜىٰ «مٜىٰنٜىٰنٜىٰ عَيْكِنْكُ؟»
سُكَ أَمْسَوَ ڢِرْعَوْنَ سُكَثٜىٰ «رَنْكَيَدَطٜىٰ، مُو مَكِيَايَنْ دَبُّواْبِے نٜىٰ كَمَرْ كَاكَنِّنْمُ؞ 4مُنْ ذُواْ ذَمَنْ بَڧُنْثِ نٜىٰ ثِكِنْ وَنَّنْ ڧَسَرْ، غَمَا عَڧَسَرْ كَنْعَنَ بَ وُرِنْ كِيوُاْ دُواْمِنْ دَبُّواْبِنْ بَايِنْكَ، غَمَا يُنْوَ تَايِ ڟَنَنِ أَوُرِنْ؞ يَنْذُ مُنَ ضُواْڧُوانْكَ كَيَرْدَ وَ بَايِنْكَ سُذَوْنَ أَ غُواْشٜىٰنْ؞»
5سَعَنً ڢِرْعَوْنَ يَثٜىٰ وَ يُوسُڢَ «يَنْذُ تُنْدَ بَابَنْكَ دَ یَنْعُوَنْكَ سُكَذُواْ وُرِنْكَ، 6ڧَسَرْ تأَنَانً عَبُوطٜىٰ دُواْمِنْسُ؞ كَذَوْنَرْ دَ بَابَنْكَ دَ یَنْعُوَنْكَ أَوُرِے مَڢِے ݣَوْ نَڧَسَرْ؞ كَسَا سُذَوْنَ عَيَنْكِنْ غُواْشٜىٰنْ؞ عِدَنْ كُمَ كَغَ وَطَنْسُ عَثِكِنْسُ وَطَنْدَ سُكَڢِے عِيَ كِيوُاْ، سَيْ كَسَا سُلُورَ مِنِ دَ دَبُّواْبِنَ؞»
7سَعَنً سَيْ يُوسُڢَ يَكَٰوُاْ بَابَنْسَ يَعْڧُوبَ يَغَبَتَرْ دَشِ وُرِنْ ڢِرْعَوْنَ، سَيْ يَعْڧُوبَ كُوَ يَسَاوَ ڢِرْعَوْنَ أَلْبَرْكَ؞ 8سَيْ ڢِرْعَوْنَ يَتَمْبَيِ يَعْڧُوبَ يَثٜىٰ «بَابَ، نَوَنٜىٰ شٜىٰكَرُنْكَ؟»
9يَعْڧُوبَ يَثٜىٰ «رَنْكَيَدَطٜىٰ! ݣُونَكِنْ ذَمَنْ بَڧُنْثِنَ عَدُونِيَا، شٜىٰكَرَا ثٜىٰ طَرِے دَ تَلَاتِنْ؞ شٜىٰكَرُنَ كَطَنْ نٜىٰ، كُمَ ثِكٜىٰ دَ وَهَلَ؞ بَسُكَيْ يَوَنْ شٜىٰكَرُنْ بَڧُنْثِنْ كَاكَنِّنَ عَدُونِيَابَ؞» 10سَيْ يَعْڧُوبَ يَڧَارَسَا وَ ڢِرْعَوْنَ أَلْبَرْكَ يَيِ بَنْ ݣُونَ دَشِ يَڢِتَ؞ 11سَعَنً يُوسُڢَ يَذَوْنَرْ دَ بَابَنْسَ تَرٜىٰدَ یَنْعُوَنْسَ عَڧَسَرْ مَصَرْ؞ يَبَاسُ وُرِنْ ذَمَ عَثِكِنْ يَنْكِ مَڢِے ݣَوْ نَ رَمَسٜىٰسْ، كَمَرْ يَدَّ ڢِرْعَوْنَ يَعُمَرْتَ؞ 12يُوسُڢَ يَا بَا بَابَنْسَ دَ یَنْعُوَنْسَ دَ دُكَنْ غِدَنْ بَابَنْسَ عَبِنْثِ بِسَغَ يَوَنْ یَیَنْسُ؞
عَيْكِنْ يُوسُڢَ أَ لُواْكَثِنْ يُنْوَ
13عَيَنْظُ ثِكِنْ ڧَسَرْ دُكَ، بَا عَبِنْثِ، غَمَا يُنْوَرْ تَايِ ڟَنَنِ ڨُورَيْ، حَرْ مُتَنٜىٰنْ ڧَسَرْ مَصَرْ دَ تَ كَنْعَنَ سُكَ رَمٜىٰ دَ وَهَلَ؞ 14مُتَنٜىٰنْ ڧَسَرْ مَصَرْ دَ نَڧَسَرْ كَنْعَنَ سُنْكَشٜىٰ دُكَنْ كُطَطٜىٰنْسُ تَوُرِنْ سَيٜىٰنْ حَڟِ دَغَ حَنُّنْ يُوسُڢَ؞ يُوسُڢَ كُوَ يَا كَرْٻِ كُطِنْ يَتَتَّارَ يَكَيْشِ أَغِدَنْ ڢِرْعَوْنَ؞ 15سَعَدَّ كُطِنْ ڧَسَرْ مَصَرْ دَ نَڧَسَرْ كَنْعَنَ دُكَ يَڧَارٜىٰ، سَيْ مَصَرَاوَا سُكَذُواْ وُرِنْ يُوسُڢَ سُكَثٜىٰ «كَبَامُ عَبِنْثِ! دُوانْمٜىٰ ذَامُ مُتُ كَنَ كَلُّواْ؟ أَيْ، كُطِنْمُ يَا ڧَارٜىٰ؞»
16يُوسُڢَ يَأَمْسَ، يَثٜىٰ «تُواْ، كُبَانِ دَبُّواْبِنْكُ، نِے كُوَ ذَنْبَاكُ عَبِنْثِ أَمَدَدِنْ دَبُّواْبِنْكُ إِنْ كُطِنْكُ يَا ڧَارٜىٰ؞» 17دُواْمِنْ حَكَ سُكَ كَيْوَ يُوسُڢَ دَبُّواْبِنْسُ، سَيْ يَبَاسُ عَبِنْثِ أَمَدَدِنْ دَوَكِ دَ غَرْكُنَنْ أَوَكِ دَ نَتُمَكِ دَ نَشَانُو دَ نَجَاكُنَ؞ يَا بَاسُ عَبِنْثِ أَمَدَدِنْ دَبُّواْبِنْسُ دُكَ أَوَنَّنْ شٜىٰكَرَا؞
18لُواْكَثِنْ دَ شٜىٰكَرَرْ تَڧَارٜىٰ، سَيْ سُكَسَاكٜىٰ ذُوَا وُرِنْسَ أَ شٜىٰكَرَا تَبِيٜىٰ، سُكَثٜىٰ مَسَ «بَذَامُٻُواْيٜىٰ مَكَبَ، يَا شُوغَبَنْمُ؞ كُطِنْمُ دُكَ مُنْكَشٜىٰ، غَرْكُنَنْ دَبُّواْبِنْمُ كُمَ سُنْذَمَ نَاكَ؞ بَنْدَ جِكُنَنْمُ دَ غُواْنَكِنْمُ، بَا أَبِنْدَ يَرَغُ دَ ذَاعَ ثٜىٰ نَامُنٜىٰ؞ 19كَدَ كَبَرْمُ مُمُتُ، غُواْنَكِنْمُ كُمَ سُكُواْمَ بَا أَمْڢَانِ كَنَ كَلُّواْ؞ بَرِ كَسَيٜىٰمُ، مُو دَ غُواْنَكِنْمُ أَمَدَدِنْ عَبِنْثِ؞ سَعَنً مُو دَ غُواْنَكِنْمُ ذَامُ ذَمَ بَايِنْ ڢِرْعَوْنَ؞ سَيْ كَبَامُ عَبِنْثِ دَ إِرِنَّشُوكَ دُواْمِنْ مُرَايُ، كَدَ مُمُتُ، كُمَ كَدَ غُواْنَكِنْ ڧَسَرْمُ سُذَمَ بَنْظَ؞»
20تَهَكَ يُوسُڢَ يَسَيُواْوَ ڢِرْعَوْنَ غُواْنَكِنْ ڧَسَرْ مَصَرْ دُكَ؞ مَصَرَاوَا دُكَ سُنْ سَيَرْ دَ غُواْنَكِنْسُ، غَمَا يُنْوَ تَايِ مُسُ ڟَنَنِ؞ سَيْ ڧَسَرْ تَذَمَ مَلَّكَرْ ڢِرْعَوْنَ؞ 21دَغَ وَنَّنْ كَنْ إِيَاكَرْ ڧَسَرْ مَصَرْ ذُوَا وَنْثَنْ، يُوسُڢَ يَمَيْدَ مُتَنٜىٰ بَايِ؞ 22غُواْنَكِنْ ڢِرِسْتُواْثِے نٜىٰ كَطَيْ بَيْسَيَبَ، غَمَا ڢِرِسْتُواْثِنْ سُنَثِ دَغَ رَبُوانْ دَ ڢِرْعَوْنَ يَيَنْكَ مُسُ، عَكَنْ وَنَّنْ رَبُوانْ دَ ڢِرْعَوْنَ يَكٜىٰ بَاسُ سُكٜىٰرَايُ؞ سَبُواْدَ حَكَ بَسُ سَيَرْ دَ غُواْنَكِنْسُبَ؞ 23سَعَنً يُوسُڢَ يَثٜىٰ وَمُتَنٜىٰنْ «غَاشِ، يَوْ نَسَيٜىٰكُ دَ غُواْنَكِنْكُ وَ ڢِرْعَوْنَ؞ غَا إِرِنَّهَڟِ دُواْمِنْ كُشُوكَ أَغُواْنَ؞ 24عَمَّا عِدَنْ لُواْكَثِنْ غِرْبِے يَيِ، ذَاكُ طِبِے طَيَ ثِكِنْ بِيَرْ نَأَمْڢَانِنْ غُواْنَرْكُ كُبَا ڢِرْعَوْنَ؞ سَيْ حُطُ ثِكِنْ بِيَرْ يَذَمَ نَاكُ، دُواْمِنْ إِرِنَّشُوكَ دَ كُمَ عَبِنْثِ دُواْمِنْكُ دَ غِدَاجٜىٰنْكُ دَيَارَنْكُ ڧَنَانَا؞»
25سُكَثٜىٰ مَسَ «أَيْ، كَثٜىٰثِ رَايُكَنْمُ! يَا شُوغَبَنْمُ، بَرِ يَذَمَ يَدَّ كَڢَطَا؞ إِنْ مُنْ سَامِ ڢَضٍ جِنِ أَغَرٜىٰكَ، ذَامُ ذَمَ بَايِنْ ڢِرْعَوْنَ؞» 26يُوسُڢَ كُوَ يَمَيْدَشِ ڧَٰعِدَرْ غُواْنَ تَڧَسَرْ مَصَرْ ثٜىٰوَ طَيَ بِسَ بِيَرْ نَأَمْڢَانِنْ غُواْنَ نَ ڢِرْعَوْنَ نٜىٰ؞ هَرْوَيَوْ حَكَ يَكٜىٰ؞ غُواْنَكِنْ ڢِرِسْتُواْثِے نٜىٰ كَطَيْ بَسُ ذَمَ نَ ڢِرْعَوْنَ بَ؞
ضُواْڧُوانْ يَعْڧُوبَ نَڧَرْشٜىٰ
27تَهَكَ، ذُرِيَرْ إِسْرَٰٓءِيلَ سُكَ ذَوْنَ عَڧَسَرْ مَصَرْ عَيَنْكِنْ غُواْشٜىٰنْ؞ سُكَ سَامِ أَرْزِڧِ ثِكِنْتَ، سُكَيِ تَحَيْڢُوَ سُواْسَيْ سُكَ يَلْوَتَ؞ 28يَعْڧُوبَ كُوَ يَا ذَوْنَ شٜىٰكَرَا غُواْمَشَا بَݣَويْ عَڧَسَرْ مَصَرْ؞ ݣُونَكِنْ يَعْڧُوبَ كُوَ شٜىٰكَرَا ثٜىٰ طَرِے دَ أَرْبَعِنْ دَ بَݣَويْ؞
29أَسَعَدَّ لُواْكَثِنْ مُتُوَرْ إِسْرَٰٓءِيلَ تَايِ كُسَ، سَيْ يَكِرَا طَنْسَ يُوسُڢَ يَثٜىٰ «بَرِ كَيِ مِنِ وَنَّنْ أَلْحٜىٰرِ؞ كَسَا حَنُّنْكَ ڟَكَانِنْ ثِنْيَتَ، كَيِ مِنِ أَلْڧَوَرِنْ أَمِنْثِ، كَرَنْڟٜىٰ دَ غَسْكٜىٰ ثٜىٰوَ بَذَاكَ بِنّٜىٰنِ عَڧَسَرْ مَصَرْ بَ،#ڢَارْ 49.29-32؛ 50.6 30عَمَّا بَرِ إِنْيِ بَرْثِ تَرٜىٰدَ كَاكَنِّنَ؞ كَطَوْكٜىٰنِ دَغَ مَصَرْ كَبِنّٜىٰنِ أَوُرِنْ بِنّٜىٰ كَاكَنِّنَ أَ كَنْعَنَ؞»
يُوسُڢَ يَأَمْسَ «ذَنْيِ يَدَّ كَڢَطَا؞»
31سَيْ يَعْڧُوبَ يَثٜىٰ «كَرَنْڟٜىٰ مِنِ؞» سَيْ يُوسُڢَ يَرَنْڟٜىٰ مَسَ؞ سَعَنً إِسْرَٰٓءِيلَ يَسُنْكُيَرْدَ كَنْسَ بِسَ غَدُوانْسَ، يَيِ سُجَّدَ؞
Currently Selected:
ڢَارَوَ 47: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020