ڢَارَوَ 50
50
بِنّٜىٰوَرْ يَعْڧُوبَ
1يُوسُڢَ يَا ڢَاطَ عَكَنْ جِكِنْ بَابَنْسَ يَيِ كُوكَا عَكَنْسَ، يَيِ مَسَ سُمْبَ؞ 2سَيْ يُوسُڢَ يَعُمَرْثِ لِكِتُواْثِ مَاسُيِمَسَ حِدِمَ سُسَا وَغَاوَرْ بَابَنْسَ مَاغَنِنْ حَنَ ضُٻَ؞ حَكَ سُكَيِ؞ 3يِنْ حَكَ يَا طَوْكِ ݣُونَ أَرْبَعِنْ، غَمَا شِينٜىٰ ثِكَكّٜىٰنْ لُواْكَثِنْ سَا مَاغَنِنْ حَنَ ضُٻَ؞ مَصَرَاوَا سُنْيِ كُوكَنْسَ حَرْ ݣُونَ سَبَعِنْ؞
4بَايَنْدَ ݣُونَكِنْ كُوكَنْسَ سُكَ ثِكَ، سَيْ يُوسُڢَ يَيِ مَغَنَ غَ دَتَّاوَنْ غِدَنْ ڢِرْعَوْنَ، يَثٜىٰ «كُيِ مِنِ وَنَّنْ أَلْحٜىٰرِ، كُضُواْڧَا مِنِ ڢِرْعَوْنَ غَمٜىٰدَ بَابَنَ؞ 5سَعَدَّ بَابَنَ يَيِكُسَنْ مُتُوَ، يَاسَا نَايِ مَسَ ضَنْڟُوَا ثٜىٰوَ ذَنْتَبَّتَرْ نَبِنّٜىٰشِ عَكَبَرِنْ دَ يَشِرْيَ وَكَنْسَ عَڧَسَرْ كَنْعَنَ؞ يَنْذُ إِنَ ضُواْڧُواْ، كَبَرْنِ إِنْجٜىٰ إِنْبِنّٜىٰ بَابَنَ، سَعَنً إِنْدَاوُاْ؞»#ڢَارْ 47.29-31
6سَيْ ڢِرْعَوْنَ يَثٜىٰ «كَهَوْرَ كَبِنّٜىٰ بَابَنْكَ، كَمَرْ يَدَّ يَسَا كَيِ ضَنْڟُوَا؞»
7سَبُواْدَ حَكَ يُوسُڢَ يَا هَوْرَ دُواْمِنْ يَبِنّٜىٰ بَابَنْسَ؞ تَرٜىٰدَشِ كُوَ أَݣَويْ دُكَنْ دَتَّاوَنْ ڢِرْعَوْنَ دَ شُوغَبَنِّنْ مُلْكِنْسَ دَ دُكَنْ مَنْيَنْ مُتَنٜىٰنْ ڧَسَرْ مَصَرْ، 8دَ كُمَ دُكَنْ غِدَنْ يُوسُڢَ دَ یَنْعُوَنْسَ دَ غِدَنْ بَابَنْسَ دُكَ؞ ڧأَنَانً يَارَنْسُ نٜىٰ كَطَيْ دَ غَرْكُنَنْ دَبُّواْبِنْسُ عَكَ بَرِ عَڧَسَرْ غُواْشٜىٰنْ؞ 9كٜىٰكُنَنْ دُواْكِ دَ مَاسُ هَوَنْ دُواْكِ سُكَ هَوْرَ سُو مَا تَرٜىٰ دَشِ؞ تَرُواْ نٜىٰ مَيْ يَوَ؞ 10سَعَدَّ سُكَ إِسُواْ وُرِنْ بُغُنْ حَڟِ نَ أَتَدْ، وَنْدَ يَكٜىٰ تَڧٜىٰتَرٜىٰنْ كُواْغِنْ يُواْدَنْ، سُكَيِ مَكُواْكِ دَ بَڧِنْ ثِكِ مَيْ ذَاڢِ؞ عَكَ كُوَيِ ݣُونَ بَݣَويْ أَنَ تَمَكُواْكِنْ بَابَنْ يُوسُڢَ؞ 11لُواْكَثِنْ دَ كَنْعَنِيَاوَا مَذَوْنَنْ ڧَسَرْ سُكَغَ مَكُواْكِنْ دَ عَكَيِ أَوُرِنْ بُغُنْ حَڟِ نَ أَتَدْ، سَيْ سُكَثٜىٰ «وَنَّنْ مَكُواْكِ مَيْ ذَاڢِ نٜىٰ غَ مَصَرَاوَا!» دُواْمِنْ حَكَ عَكَ كِرَا وُرِنْ دَ سُونَ أَبٜىٰلْ مِظْرَيِمْ؞#50.11 أَبٜىٰلْ مِظْرَيِمْ: دَ إِبْرَانِيَنْثِ مَعَنَرْ سُونَنَّنْ عِتَثٜىٰ مَكُواْكِنْ مَصَرَاوَا؞ عَڧٜىٰتَرٜىٰنْ كُواْغِنْ يُواْدَنْ يَكٜىٰ؞
12تَهَكَنٜىٰ یَیَ مَظَا نَ يَعْڧُوبَ سُكَيِ مَسَ يَدَّ يَعُمَرْثٜىٰسُ؞ 13سُكَ طَوْكٜىٰشِ ذُوَا كَنْعَنَ، سُكَ بِنّٜىٰشِ أَ كُواْغُوانْ مَكْڢٜىٰلَ، أَغُواْنَرْ دَتَكٜىٰ كُسَدَ مَمْرٜىٰ، غُواْنَرْ دَ إِبْرَٰهِيمْ يَسَيُواْ دَغَ عٜىٰڢْرُوانْ مُتُمِنْ هِتِّ دُواْمِنْ يَذَمَ أَبِنْ غَادُواْ دُواْمِنْ بِنّٜىٰوَرْ مُتَنٜىٰنْسَ؞#أَيُّكَنْ 7.16 14بَايَنْ بِنّٜىٰوَرْ بَابَنْسَ، سَيْ يُوسُڢَ دَ یَنْعُوَنْسَ دَ دُكَنْ وَطَنْدَ سُكَ رَكَشِ يَبِنّٜىٰ بَابَنْسَ سُكَ كُواْمَ ڧَسَرْ مَصَرْ؞
يُوسُڢَ يَا ݣُونْتَرْ دَ ذُوثِيَارْ یَنْعُوَنْسَ
15سَعَدَّ یَنْعُوَنْ يُوسُڢَ سُكَغَ ثٜىٰوَ بَابَنْسُ يَا مُتُ، سَيْ سُكَثٜىٰ «وَتَڧِيلَ يُوسُڢَ يَنَ رِڧٜىٰ دَمُو أَ ذُوثِيَا كُمَ ذَيْسُواْ يَرَامَ دُكَنْ مُغُنْتَارْ دَ مُكَ تَٻَيِ مَسَ!» 16سَبُواْدَ حَكَ سُكَ عَيْكَ دَ سَڧُواْ أَوُرِنْ يُوسُڢَ ثٜىٰوَ «كَاڢِنْ مُتُوَرْسَ، بَابَنْكَ يَا بَادَ وَنَّنْ عُمَرْنِ ثٜىٰوَ 17مُثٜىٰمَكَ يَنَ ضُواْڧُوانْكَ، كَغَاڢَرْتَا وَیَنْعُوَنْكَ مُغُنْتَادَ لَيْڢِنْدَ سُكَيِ مَكَ، يَدَّ دَا سُكَ بَاكَ وَهَلَ؞ سَبُواْدَ حَكَ مُنَ ضُواْڧُوانْكَ كَغَاڢَرْثٜىٰمُ، مُو بَايِنْ اللَّهْ نَبَابَنْكَ؞» يُوسُڢَ كُوَ يَيِ كُوكَا سَعَدَّ سُكَيِ وَنَّنْ مَغَنَ؞
18یَنْعُوَنْسَ كُمَ سُكَذُواْ سُكَ ڢَاطِ أَغَبَنْسَ، سُكَثٜىٰ «غَامُنَنْ، مُو بَايِنْكَ نٜىٰ؞»
19عَمَّا يُوسُڢَ يَثٜىٰمُسُ «كَدَ كُجِڟُواْرُواْ! نِے اللَّهْ نٜىٰ؟ 20بَنْدَ حَكَمَا، كُو كُنْ نُڢٜىٰنِ دَ مُغُنْتَا، عَمَّا اللَّهْ يَانُڢِ وَنَّنْ دَ أَلْحٜىٰرِ، دُواْمِنْ يَكِيَايٜىٰ مُتَنٜىٰ دَيَوَ دَ رَيْ، وَطَنْدَ كُكٜىٰغَنِ عَيَوْ؞ 21سَبُواْدَ حَكَ كَدَ كُجِڟُواْرُواْ؞ ذَنْتَنَدَ مُكُ دَ يَارَنْكُ ڧَنَانَا؞» تَهَكَ يَتَعَظَنْتَرْ دَسُو يَيِمُسُ مَغَنَ مَيْ ݣُونْتَرْدَ ذُوثِيَا؞
مُتُوَرْ يُوسُڢَ
22تَهَكَ يُوسُڢَ دَ غِدَنْ بَابَنْسَ سُكَ ذَوْنَ أَ مَصَرْ؞ يُوسُڢَ كُوَ يَيِ شٜىٰكَرَا طَرِے دَ غُواْمَ عَدُونِيَا؞ 23يُوسُڢَ يَرَايُ يَغَ یَیَنْ إِڢْرَيِمْ حَرْ ڟَارَا تَ عُكُ، حَرْ كُمَ یَیَنْ مَكِرْ طَنْ مَنَسّٜىٰ، يُوسُڢَ يَا رِڧٜىٰسُ أَڠُوِوُاْيِنْسَ؞ 24يُوسُڢَ كُوَ يَيِ مَغَنَ دَ یَنْعُوَنْسَ يَثٜىٰ «إِنَ بَاكِنْ مُتُوَ، عَمَّا بَاشَكَّ اللَّهْ ذَيْ ظِيَرْثٜىٰكُ، يَهَوْرَرْ دَكُو دَغَ وَنَّنْ ڧَسَا ذُوَا ڧَسَرْدَ يَيِ ضَنْڟُوَا غَ إِبْرَٰهِيمْ دَ إِسْحَٰڧَ دَ يَعْڧُوبَ ثٜىٰوَ ذَيْبَاسُ؞» 25سَيْ يُوسُڢَ يَسَا یَیَنْ إِسْرَٰٓءِيلَ سُكَيِ ضَنْڟُوَا ثٜىٰوَ «لُواْكَثِنْ دَ اللَّهْ ذَيْ ظِيَرْثٜىٰكُ، سَيْ كُهَوْرَرْ دَ ڧَسُسُوَنَ دَغَ نَنْ؞»#ڢِتْ 13.19؛ يُواشْ 24.32؛ إِبْرَ 11.22 26سَيْ يُوسُڢَ يَمُتُ يَنَدَ شٜىٰكَرَا طَرِے دَ غُواْمَ؞ عَكَسَا وَغَاوَرْسَ مَاغَنِنْ حَنَ ضُٻَ، عَكَ سَاشِ ثِكِنْ عَݣُوتِ أَ مَصَرْ؞
Currently Selected:
ڢَارَوَ 50: hauAS
Highlight
Share
Copy
Want to have your highlights saved across all your devices? Sign up or sign in
Hausa Common Language Ajami Bible © The Bible Society of Nigeria, 2020
