Psom 114
114
Enn kantik letan Izrael sorti Lezip
1Kan pep Izrael ti kit Lezip,
kan desandan Zakob ti kit sa pei etranze la
2Zide ti vinn sanktier Bondie
e Izrael ti vinn Bondie so prop propriete.
3Ler lamer trouv sa, ala li sove!
Larivier Zourdin rekile.
4Montagn sot-sote kouma kabri,
kolinn sot-sote kouma mouton.
5Ki ti ariv twa lamer pou to sove koumsa?
Ki ti ariv twa Zourdin pou to rekile?
6Twa montagn, kifer to ti sot-sote kouma kabri?
Twa kolinn, kifer to ti sot-sote kouma mouton?
7Tranble, twa later, dan prezans LESEGNER,
dan prezans Bondie ki Zakob adore,
8ki fer ros vinn basin dilo,
ki fer granit koule kouma lafontenn.
Currently Selected:
Psom 114: KMNT
Highlight
Share
Copy
Want to have your highlights saved across all your devices? Sign up or sign in
Nouvo Testaman Kreol Morisien Harmonisation NTPS KM © Bible Society of Mauritius, 2021.