Psom 54
54
Bondie protez nou kont nou lennmi
Pou sef koral. Avek instriman lakord. Enn Psom David ler bann Zifit ti al dir Sail, “David pe kasiet parmi nou.”
1Bondie, sov mwa par to nom;
rann zistis dan mo faver par to pwisans.
2Ekout mo lapriyer, Bondie;
tann parol ki mo pe dir.
3Enn group dimounn insolan pe atak mwa;
bann dimounn swaf disan pe vinn pou touye.
Zot pa pran Bondie kont ditou.
4Bondie limem mo sekour;
LESEGNER limem mo soutien.
5Li pou tourn zot lemal kont zotmem.
Dan to fidelite, fini zot.
6SEGNER, avek enn bon leker mo pou ofer sakrifis;
mo pou dir twa mersi parski sa li bon.
7Parski li finn delivre mwa dan mo detres.
Dan laviktwar mo get defet mo bann lennmi.
Currently Selected:
Psom 54: KMNT
Highlight
Share
Copy
Want to have your highlights saved across all your devices? Sign up or sign in
Nouvo Testaman Kreol Morisien Harmonisation NTPS KM © Bible Society of Mauritius, 2021.