Psom 64
64
Lapriyer pou demann proteksion
Pou sef koral. Enn Psom David.
1Bondie! Ekout mo lapriyer!
Mo bann lennmi teroriz mwa; sov mwa!
2Protez mwa kont konplo ki move dimounn fer an sekre
e kont bann ki fer lemal ki rasanble kont mwa.
3Zot fit zot lalang kouma razwar
e zot langaz blesan li kouma fles ki touye.
4Depi dan kasiet zot tir lor bann inosan,
zot tire san averti, san okenn freyer.
5Zot ankouraz zot kamwad pou fer vilin travay;
zot bien kalkile kot zot pou kasiet zot lak
e zot dir, “Personn pa pou kone.”
6Zot prepar enn move kou e zot dir,
“Nou krim li pou parfe!”
Difisil pou konpran leker ek lespri dimounn!
7Me Bondie larg so fles lor zot
e enn par enn zot tonbe.
8Li pou detrir zot akoz zot koz gra.
Bann ki trouv sa pou sakouy latet, pou mok zot.
9Lafreyer pou trap tou par lagorz;
zot pou rakont gran travay Bondie
e medit lor aksion ki li fer.
10Bon dimounn pou dan lazwa LESEGNER.
Dimounn drwat pou rod zot refiz kot li
e zot pa pou aret sant so louanz.
Currently Selected:
Psom 64: KMNT
Highlight
Share
Copy
Want to have your highlights saved across all your devices? Sign up or sign in
Nouvo Testaman Kreol Morisien Harmonisation NTPS KM © Bible Society of Mauritius, 2021.