Psom 67
67
Mersi Segner Bondie
Pou sef koral. Avek instriman ki ena difil. Enn Psom. Enn kantik.
1Bondie, akord nou so lagras, e beni nou;
ki lalimier so prezans briy lor nou,
2pou ki partou lor later zot konn to sime
pou ki tou bann nasion rekonet ki tomem Sover.
3Ki bann pep loue twa, O Bondie!
Ki tou bann pep loue twa!
4Ki tou bann nasion sant lazwa dan zot leker
parski to gouvern bann pep avek lazistis
e to gid tou bann nasion lor bon sime.
5Ki bann pep loue twa, O Bondie!
Ki tou bann pep loue twa!
6Later finn raport plin rekolt;
Bondie, nou Bondie, finn beni nou.
7Bondie pou kontign beni nou;
e tou bann pep partou lor later pou onor li.
Currently Selected:
Psom 67: KMNT
Highlight
Share
Copy
Want to have your highlights saved across all your devices? Sign up or sign in
Nouvo Testaman Kreol Morisien Harmonisation NTPS KM © Bible Society of Mauritius, 2021.