Psom 84
84
Mo dezir lakaz Bondie
Pou sef koral avek lakonpagnman lor laarp Gat. Enn Psom ki sorti dan fraternite Kore.
1SEGNER Toupwisan,
komie mo kontan to Tanp merveye!
2Mo pli gran dezir se viv ladan;
viv ansam ar twa dan to Tanp, SEGNER.
Mo lekor ek mo lespri ki dan lazwa
sant ver Bondie vivan.
3Get kouma mwano finn gagn enn ti plas,
ek irondel finn ranz zot nik dan to Tanp
pou ki zot ti-baba grandi pre kot twa,
SEGNER Toupwisan, mo Lerwa, mo Bondie.
4Bienere bann dimounn ki viv dan to lakaz;
ki kontign sant to louanz lanwit-lizour.
5Zot bienere bann ki tir zot lafors dan lasours to lafors;
bann ki fite pou fer pelerinaz ziska Montagn Sion.
6Ler zot travers vale Baka ki touletan konn lasesres,
dilo koumans sourse partou
e premie gro lapli plin bann basin.
7Amizir zot marse, zot lafors grandi,
pou prezant devan Bondie
ki pli pwisan ki tou lezot segner lor Montagn Sion.
8Ekout mo lapriyer SEGNER Bondie Toupwisan!
Ekoute, Bondie ki Zakob ti adore!
9Beni nou lerwa, nou boukliye,
beni lerwa ki to finn konsakre.
10Enn zourne dan to Tanp
li vo plis ki mil zourne dan enn lot landrwa;
preferab mo enn portie divan lakaz Bondie
ki viv dan lakaz bann move dimounn.
11Wi, LESEGNER Bondie, li nou lalimier, nou boukliye protekter
ki beni nou ar bonte ek loner.
Zame li refiz donn nou seki meyer
si nou viv enn lavi san repros.
12SEGNER Toupwisan,
nou leker ranpli ar lazwa
parski nou finn met nou konfians an twa.
Currently Selected:
Psom 84: KMNT
Highlight
Share
Copy
Want to have your highlights saved across all your devices? Sign up or sign in
Nouvo Testaman Kreol Morisien Harmonisation NTPS KM © Bible Society of Mauritius, 2021.
Psom 84
84
Mo dezir lakaz Bondie
Pou sef koral avek lakonpagnman lor laarp Gat. Enn Psom ki sorti dan fraternite Kore.
1SEGNER Toupwisan,
komie mo kontan to Tanp merveye!
2Mo pli gran dezir se viv ladan;
viv ansam ar twa dan to Tanp, SEGNER.
Mo lekor ek mo lespri ki dan lazwa
sant ver Bondie vivan.
3Get kouma mwano finn gagn enn ti plas,
ek irondel finn ranz zot nik dan to Tanp
pou ki zot ti-baba grandi pre kot twa,
SEGNER Toupwisan, mo Lerwa, mo Bondie.
4Bienere bann dimounn ki viv dan to lakaz;
ki kontign sant to louanz lanwit-lizour.
5Zot bienere bann ki tir zot lafors dan lasours to lafors;
bann ki fite pou fer pelerinaz ziska Montagn Sion.
6Ler zot travers vale Baka ki touletan konn lasesres,
dilo koumans sourse partou
e premie gro lapli plin bann basin.
7Amizir zot marse, zot lafors grandi,
pou prezant devan Bondie
ki pli pwisan ki tou lezot segner lor Montagn Sion.
8Ekout mo lapriyer SEGNER Bondie Toupwisan!
Ekoute, Bondie ki Zakob ti adore!
9Beni nou lerwa, nou boukliye,
beni lerwa ki to finn konsakre.
10Enn zourne dan to Tanp
li vo plis ki mil zourne dan enn lot landrwa;
preferab mo enn portie divan lakaz Bondie
ki viv dan lakaz bann move dimounn.
11Wi, LESEGNER Bondie, li nou lalimier, nou boukliye protekter
ki beni nou ar bonte ek loner.
Zame li refiz donn nou seki meyer
si nou viv enn lavi san repros.
12SEGNER Toupwisan,
nou leker ranpli ar lazwa
parski nou finn met nou konfians an twa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nouvo Testaman Kreol Morisien Harmonisation NTPS KM © Bible Society of Mauritius, 2021.