Psom 85
85
Segner Bondie, beni nou pei
Pou sef koral. Enn Psom ki sorti dan fraternite Kore.
1SEGNER, to finn deza montre to zenerozite
anver nou later;
To finn deza donn Izrael so prosperite;
2To finn deza pardonn pese to pep,
to finn efas tou zot bann fot.
3To finn met dekote to mekontantman
e tini to lakoler intans.
4O Bondie nou Sover, fer nou for ankor enn fwa,
e aret get nou ar lizie traver!
5Eski to pou touletan mekontan ar nou?
Eski to lakoler zame pa pou tengn?
6To pa pou re-donn nou lavi,
pou ki to pep retrouv so lazwa an twa?
7Montre nou to lamour infini, O SEGNER,
sov nou!
8Mo pe ekout seki LESEGNER Bondie pe dir;
li pe promet nou, so pep, lape
si nou pa retom dan nou vilin manier.
9Nou kone ki li pou sov bann ki onor li
e so laglwar pou touletan la dan nou pei.
10Lamour infini ek fidelite pou mars lame dan lame;
Drwatir ek lape pou existe kotakot.
11Lwayote imin pou monte depi later
e drwatir Bondie pou desann depi lesiel.
12LESEGNER pou donn nou prosperite
e nou later so rannman pou extra bon.
13Drwatir pou mars divan LESEGNER
pou prepar sime pou li.
Currently Selected:
Psom 85: KMNT
Highlight
Share
Copy
Want to have your highlights saved across all your devices? Sign up or sign in
Nouvo Testaman Kreol Morisien Harmonisation NTPS KM © Bible Society of Mauritius, 2021.
Psom 85
85
Segner Bondie, beni nou pei
Pou sef koral. Enn Psom ki sorti dan fraternite Kore.
1SEGNER, to finn deza montre to zenerozite
anver nou later;
To finn deza donn Izrael so prosperite;
2To finn deza pardonn pese to pep,
to finn efas tou zot bann fot.
3To finn met dekote to mekontantman
e tini to lakoler intans.
4O Bondie nou Sover, fer nou for ankor enn fwa,
e aret get nou ar lizie traver!
5Eski to pou touletan mekontan ar nou?
Eski to lakoler zame pa pou tengn?
6To pa pou re-donn nou lavi,
pou ki to pep retrouv so lazwa an twa?
7Montre nou to lamour infini, O SEGNER,
sov nou!
8Mo pe ekout seki LESEGNER Bondie pe dir;
li pe promet nou, so pep, lape
si nou pa retom dan nou vilin manier.
9Nou kone ki li pou sov bann ki onor li
e so laglwar pou touletan la dan nou pei.
10Lamour infini ek fidelite pou mars lame dan lame;
Drwatir ek lape pou existe kotakot.
11Lwayote imin pou monte depi later
e drwatir Bondie pou desann depi lesiel.
12LESEGNER pou donn nou prosperite
e nou later so rannman pou extra bon.
13Drwatir pou mars divan LESEGNER
pou prepar sime pou li.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nouvo Testaman Kreol Morisien Harmonisation NTPS KM © Bible Society of Mauritius, 2021.