Zenez 17
17
Sirkonsizion, Sign Lalians
1Kan Abram ena 99 an, LESEGNER aparet avek li ankor enn fwa e dir li: “Momem Bondie Toupwisan. Mars dan mo prezans e res touzour san repros. 2Mwa, mo pou etabli mo lalians avek twa. Mo pou donn twa boukou desandan.” 3Abram prosterne ziska so figir tous later. Lerla Bondie dir li: 4“Ala mo lalians ki mo etabli avek twa: To pou vinn anset enn kantite nasion. 5To nom pou nepli Abram, me Abraam,#17:5 An Ebre nom Abraam vedir “anset boukou nasion.” parski mo pou fer twa vinn anset boukou nasion. 6Mo pou donn twa boukou desandan. Zot pou form boukou nasion. Ena mem ki pou vinn lerwa parmi to bann desandan. 7Mo pou gard mo lalians avek twa, e avek tou to bann desandan apre twa. Mo lalians pou dire zenerasion apre zenerasion. Mo pou zot Bondie pou touzour. 8Zordi to zis enn etranze dan sa pei la. Me pei Kanaan antie pou vinn pou twa ek to desandan pou touzour. E mwa, mo pou zot Bondie.”
9Bondie dir Abraam ankor: “Abraam, respekte mo lalians, twa ek to bann desandan pou touzour. 10Ala mo lalians ki twa ek to bann desandan bizin respekte pou touletan: Tou bann mal parmi zot pou bizin sirkonsi. 11Zot sirkonsizion pou enn sign lalians ki mo etabli avek zot. 12Depi asterla, to pou bizin sirkonsi tou tibaba mal kan li gagn wit zour. To bizin sirkonsi osi to bann esklav mal ki finn ne dan to lakaz, e bann ki to finn aste ar bann etranze. 13Tou esklav ki finn ne kot twa, e bann ki to finn aste ar bann etranze, pou sirkonsi. Sa pou enn sign dan zot lekor, ki mo lalians avek zot pou dire pou touzour. 14Si enn mal pa finn sirkonsi, li pou kas mo lalians. Li pa pou kapav form parti so pep.”
15Bondie koz avek Abraam ankor enn fwa, e dir li: “Aret apel to fam Sarai. Asterla so nom pou Sara.#17:15 Sarai ek Sara, toulede nom vedir laprinses. 16Mo pou beni li, e li pou donn twa enn garson. Li pou vinn anset enn kantite nasion. Parmi so bann desandan, ena ki pou vinn lerwa bann pep.” 17Abraam prostern li bien ba. Apre sa li riye e li dir dan so leker: “Eski enn bonom 100 an kapav fer zanfan? Sara ena 90 an, eski li pou kapav vinn mama?” 18Lerla Abraam dir Bondie: “Beni Ismael e les li viv dan to prezans.” 19Bondie dir: “Non, to fam Sara pou donn twa enn garson. To pou apel li Izaak#17:19 An Ebre, sa nom la vedir “Li riye.”. Mo pou etabli mo lalians avek li e avek so bann desandan apre li. Mo lalians pou dire pou touzour. 20Mo finn tann to lapriyer konsernan Ismael. Mo pou beni li osi, e mo pou donn li boukou zanfan. Li pou ena enn kantite desandan. Li pou vinn papa 12 prins ek anset enn gran nasion. 21Me mo lalians pou avek Izaak. Sara pou gagn li dan sa mem lepok la, lane prosenn.” 22Kan Bondie fini koz avek Abraam, li ale.
23Lerla, Abraam sirkonsi so garson Ismael. Li sirkonsi tou bann esklav mal ki viv kot li. Ena parmi finn ne dan so lakaz, e ena li finn aste. Sa zour la, tou bann mal sirkonsi, parey kouma Bondie finn dir Abraam. 24Abraam ena 99 an kan li sirkonsi. 25So garson Ismael ena 13 an kan li sirkonsi. 26Abraam ek so garson Ismael sirkonsi sa zour la. 27Sa mem zour la, li sirkonsi tou bann mal ki res kot li. Parmi, ena so bann esklav ki finn ne dan so lakaz ek bann ki li finn aste ar bann etranze.
Currently Selected:
Zenez 17: KMOTPOR
Highlight
Share
Copy
Want to have your highlights saved across all your devices? Sign up or sign in
Kreol Morisien OT Portions © Bible Society of Mauritius, 2020.
Zenez 17
17
Sirkonsizion, Sign Lalians
1Kan Abram ena 99 an, LESEGNER aparet avek li ankor enn fwa e dir li: “Momem Bondie Toupwisan. Mars dan mo prezans e res touzour san repros. 2Mwa, mo pou etabli mo lalians avek twa. Mo pou donn twa boukou desandan.” 3Abram prosterne ziska so figir tous later. Lerla Bondie dir li: 4“Ala mo lalians ki mo etabli avek twa: To pou vinn anset enn kantite nasion. 5To nom pou nepli Abram, me Abraam,#17:5 An Ebre nom Abraam vedir “anset boukou nasion.” parski mo pou fer twa vinn anset boukou nasion. 6Mo pou donn twa boukou desandan. Zot pou form boukou nasion. Ena mem ki pou vinn lerwa parmi to bann desandan. 7Mo pou gard mo lalians avek twa, e avek tou to bann desandan apre twa. Mo lalians pou dire zenerasion apre zenerasion. Mo pou zot Bondie pou touzour. 8Zordi to zis enn etranze dan sa pei la. Me pei Kanaan antie pou vinn pou twa ek to desandan pou touzour. E mwa, mo pou zot Bondie.”
9Bondie dir Abraam ankor: “Abraam, respekte mo lalians, twa ek to bann desandan pou touzour. 10Ala mo lalians ki twa ek to bann desandan bizin respekte pou touletan: Tou bann mal parmi zot pou bizin sirkonsi. 11Zot sirkonsizion pou enn sign lalians ki mo etabli avek zot. 12Depi asterla, to pou bizin sirkonsi tou tibaba mal kan li gagn wit zour. To bizin sirkonsi osi to bann esklav mal ki finn ne dan to lakaz, e bann ki to finn aste ar bann etranze. 13Tou esklav ki finn ne kot twa, e bann ki to finn aste ar bann etranze, pou sirkonsi. Sa pou enn sign dan zot lekor, ki mo lalians avek zot pou dire pou touzour. 14Si enn mal pa finn sirkonsi, li pou kas mo lalians. Li pa pou kapav form parti so pep.”
15Bondie koz avek Abraam ankor enn fwa, e dir li: “Aret apel to fam Sarai. Asterla so nom pou Sara.#17:15 Sarai ek Sara, toulede nom vedir laprinses. 16Mo pou beni li, e li pou donn twa enn garson. Li pou vinn anset enn kantite nasion. Parmi so bann desandan, ena ki pou vinn lerwa bann pep.” 17Abraam prostern li bien ba. Apre sa li riye e li dir dan so leker: “Eski enn bonom 100 an kapav fer zanfan? Sara ena 90 an, eski li pou kapav vinn mama?” 18Lerla Abraam dir Bondie: “Beni Ismael e les li viv dan to prezans.” 19Bondie dir: “Non, to fam Sara pou donn twa enn garson. To pou apel li Izaak#17:19 An Ebre, sa nom la vedir “Li riye.”. Mo pou etabli mo lalians avek li e avek so bann desandan apre li. Mo lalians pou dire pou touzour. 20Mo finn tann to lapriyer konsernan Ismael. Mo pou beni li osi, e mo pou donn li boukou zanfan. Li pou ena enn kantite desandan. Li pou vinn papa 12 prins ek anset enn gran nasion. 21Me mo lalians pou avek Izaak. Sara pou gagn li dan sa mem lepok la, lane prosenn.” 22Kan Bondie fini koz avek Abraam, li ale.
23Lerla, Abraam sirkonsi so garson Ismael. Li sirkonsi tou bann esklav mal ki viv kot li. Ena parmi finn ne dan so lakaz, e ena li finn aste. Sa zour la, tou bann mal sirkonsi, parey kouma Bondie finn dir Abraam. 24Abraam ena 99 an kan li sirkonsi. 25So garson Ismael ena 13 an kan li sirkonsi. 26Abraam ek so garson Ismael sirkonsi sa zour la. 27Sa mem zour la, li sirkonsi tou bann mal ki res kot li. Parmi, ena so bann esklav ki finn ne dan so lakaz ek bann ki li finn aste ar bann etranze.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kreol Morisien OT Portions © Bible Society of Mauritius, 2020.