Zenez 18
18
Bondie promet Abraam ek Sara enn garson
1LESEGNER aparet avek Abraam kot bann gran pie Mamre. Soley midi pe tap for, e Abraam pe asize dan lantre so latant. 2Li lev lizie e li trouv trwa zom pe diboute pre kot li. Deswit, li galoupe depi dan lantre so latant e li al zwenn zot. Li prostern divan zot ziska so figir tous later. 3Lerla li dir: “Segner, si to anvi akord mwa to faver, fer mwa plezir, vinn kot mwa, to serviter. 4Les mo fer amenn inpe dilo pou lav zot lipie. Zot ava repoz zot anba pie. 5Mo pou servi zot enn bout dipin pouki zot repran lafors. Apre sa zot ava kontign zot larout. Koumsa, zot pa pou finn pas kot zot serviter pou nanye.” Zot reponn: “Nou dakor, fer seki to pe dir.” 6Abraam degaze al get Sara dan latant. Li dir li: “Degaze pran trwa mezir to meyer lafarinn, petri li e kwi trwa dipin.” 7Lerla, li galoup dan troupo e li swazir enn zenn bef bien tann ek fondan. Li donn li enn serviter pou prepar enn bon repa. 8Apresa, Abraam servi so bann viziter. Li donn zot laviann, dile fre ek dile-kaye. Zot manze, e Abraam dibout anba pie, pre kot zot.
9Bann viziter la dimann Abraam: “Kot to fam Sara?” Li reponn: “Li lamem, dan latant.” 10Enn parmi sa trwa la dir li: “Mo pou retourn kot twa dan mem sezon lane prosenn e to fam Sara pou ena enn garson.” Sara pe ekoute dan lantre latant, deryer Abraam. 11Abraam ek Sara dan zot vie zour. Depi bien lontan Sara finn aret gagn so peryod. 12Lerla Sara riye e li dir dan so leker: “Mo enn bonnfam dan laz. Anplis, mo mari osi finn vinn vie. Kouma mo pou kapav gagn sa plezir la?” 13LESEGNER dimann Abraam: “Kifer Sara finn riye? Kifer li pe panse li tro vie pou gagn zanfan? 14Eski ena kitsoz ki inposib pou LESEGNER? Kan letan pou arive lane prosenn, mo pou revinn kot twa, e Sara pou ena enn garson.” 15Sara demanti parski li gagn per. Li dir: “Mo pa finn riye mwa.” LESEGNER reponn: “Wi, mo kone to finn riye.”
Abraam pled pou Sodom
16Apre zot repa, bann viziter la leve pou repran zot larout. Zot get dan direksion Sodom. Abraam fer enn bout sime avek zot. 17LESEGNER dir: “Mo pa pou kasiet Abraam seki mo pou fer. 18Mo kone Abraam pou vinn anset enn gran nasion ki pou bien for. Atraver li, tou bann pep lor later pou gagn benediksion. 19Mo finn swazir li pou ansegn so bann zanfan ek so bann desandan obzerv mo bann komannman. Li pou montre zot pratik lazistis ek ladrwatir. Lerla mo pou realiz mo promes anver Abraam.”
20Alor LESEGNER dir Abraam: “Akizasion kont Sodom ek Gomor bien grav, e zot pese orib. 21Mo pou bizin desann pou verifie par momem. Mo pou kone si tou sa bann akizasion la vre ouswa fos.”
22De parmi bann viziter la pran direksion Sodom. Me Abraam res la, dan prezans LESEGNER. 23Lerla Abraam koste e dimann li: “Eski vremem to pou detrir bann inosan ansam ek bann koupab? 24Si ena 50 bon dimoun dan sa lavil la, eski to pou detrir li kanmem? Eski to pa pou pardonn li akoz sa 50 bon dimoun la? 25Non, to pa kapav fer enn zafer parey. Bann inosan pa kapav mor, ek gagn mem pinision ki bann koupab. Twa ki Ziz lor later, to pou azir dapre lazistis.” 26LESEGNER reponn: “Si mo trouv 50 dimoun zis dan Sodom, mo pou pardonn lavil la antie akoz zot.” 27Abraam dir li: “SEGNER, mwa ki zis lapousier ek lasann, exkiz mwa si mo oze koz avek twa. 28Kapav pou mank sink dan sa 50 la. Eski to pou detrir li zis akoz mank sink?” LESEGNER reponn: “Mo pa pou detrir li si mo trouv 45 dimoun zis.” 29Abraam repran laparol e li dir: “Sipoze ena 40.” Li reponn: “Si mo trouv 40 dimoun zis, mo pa pou detrir li.” 30Abraam dir: “Mo sipliy twa SEGNER, pa bizin ankoler si mo koz ankor. Me li posib ki pou ena 30.” Li reponn: “Mo pa pou fer li si mo trouv 30 dimoun zis.” 31Abraam dir : “Exkiz mwa si mo oze koz ankor. Ki to pou fer si ena zis 20 bon dimoun?” Li reponn: “Akoz sa 20 la mo pa pou detrir li.” 32Lerla Abraam dir: “Pa ankoler SEGNER. Permet mwa koz enn dernie fwa. Kapav pou ena zis 10.” Li dir: “Akoz sa 10 la mo pa pou detrir li.” 33Kan LESEGNER fini koz avek Abraam, li kontign so larout, e Abraam retourn kot li.
Currently Selected:
Zenez 18: KMOTPOR
Highlight
Share
Copy
Want to have your highlights saved across all your devices? Sign up or sign in
Kreol Morisien OT Portions © Bible Society of Mauritius, 2020.
Zenez 18
18
Bondie promet Abraam ek Sara enn garson
1LESEGNER aparet avek Abraam kot bann gran pie Mamre. Soley midi pe tap for, e Abraam pe asize dan lantre so latant. 2Li lev lizie e li trouv trwa zom pe diboute pre kot li. Deswit, li galoupe depi dan lantre so latant e li al zwenn zot. Li prostern divan zot ziska so figir tous later. 3Lerla li dir: “Segner, si to anvi akord mwa to faver, fer mwa plezir, vinn kot mwa, to serviter. 4Les mo fer amenn inpe dilo pou lav zot lipie. Zot ava repoz zot anba pie. 5Mo pou servi zot enn bout dipin pouki zot repran lafors. Apre sa zot ava kontign zot larout. Koumsa, zot pa pou finn pas kot zot serviter pou nanye.” Zot reponn: “Nou dakor, fer seki to pe dir.” 6Abraam degaze al get Sara dan latant. Li dir li: “Degaze pran trwa mezir to meyer lafarinn, petri li e kwi trwa dipin.” 7Lerla, li galoup dan troupo e li swazir enn zenn bef bien tann ek fondan. Li donn li enn serviter pou prepar enn bon repa. 8Apresa, Abraam servi so bann viziter. Li donn zot laviann, dile fre ek dile-kaye. Zot manze, e Abraam dibout anba pie, pre kot zot.
9Bann viziter la dimann Abraam: “Kot to fam Sara?” Li reponn: “Li lamem, dan latant.” 10Enn parmi sa trwa la dir li: “Mo pou retourn kot twa dan mem sezon lane prosenn e to fam Sara pou ena enn garson.” Sara pe ekoute dan lantre latant, deryer Abraam. 11Abraam ek Sara dan zot vie zour. Depi bien lontan Sara finn aret gagn so peryod. 12Lerla Sara riye e li dir dan so leker: “Mo enn bonnfam dan laz. Anplis, mo mari osi finn vinn vie. Kouma mo pou kapav gagn sa plezir la?” 13LESEGNER dimann Abraam: “Kifer Sara finn riye? Kifer li pe panse li tro vie pou gagn zanfan? 14Eski ena kitsoz ki inposib pou LESEGNER? Kan letan pou arive lane prosenn, mo pou revinn kot twa, e Sara pou ena enn garson.” 15Sara demanti parski li gagn per. Li dir: “Mo pa finn riye mwa.” LESEGNER reponn: “Wi, mo kone to finn riye.”
Abraam pled pou Sodom
16Apre zot repa, bann viziter la leve pou repran zot larout. Zot get dan direksion Sodom. Abraam fer enn bout sime avek zot. 17LESEGNER dir: “Mo pa pou kasiet Abraam seki mo pou fer. 18Mo kone Abraam pou vinn anset enn gran nasion ki pou bien for. Atraver li, tou bann pep lor later pou gagn benediksion. 19Mo finn swazir li pou ansegn so bann zanfan ek so bann desandan obzerv mo bann komannman. Li pou montre zot pratik lazistis ek ladrwatir. Lerla mo pou realiz mo promes anver Abraam.”
20Alor LESEGNER dir Abraam: “Akizasion kont Sodom ek Gomor bien grav, e zot pese orib. 21Mo pou bizin desann pou verifie par momem. Mo pou kone si tou sa bann akizasion la vre ouswa fos.”
22De parmi bann viziter la pran direksion Sodom. Me Abraam res la, dan prezans LESEGNER. 23Lerla Abraam koste e dimann li: “Eski vremem to pou detrir bann inosan ansam ek bann koupab? 24Si ena 50 bon dimoun dan sa lavil la, eski to pou detrir li kanmem? Eski to pa pou pardonn li akoz sa 50 bon dimoun la? 25Non, to pa kapav fer enn zafer parey. Bann inosan pa kapav mor, ek gagn mem pinision ki bann koupab. Twa ki Ziz lor later, to pou azir dapre lazistis.” 26LESEGNER reponn: “Si mo trouv 50 dimoun zis dan Sodom, mo pou pardonn lavil la antie akoz zot.” 27Abraam dir li: “SEGNER, mwa ki zis lapousier ek lasann, exkiz mwa si mo oze koz avek twa. 28Kapav pou mank sink dan sa 50 la. Eski to pou detrir li zis akoz mank sink?” LESEGNER reponn: “Mo pa pou detrir li si mo trouv 45 dimoun zis.” 29Abraam repran laparol e li dir: “Sipoze ena 40.” Li reponn: “Si mo trouv 40 dimoun zis, mo pa pou detrir li.” 30Abraam dir: “Mo sipliy twa SEGNER, pa bizin ankoler si mo koz ankor. Me li posib ki pou ena 30.” Li reponn: “Mo pa pou fer li si mo trouv 30 dimoun zis.” 31Abraam dir : “Exkiz mwa si mo oze koz ankor. Ki to pou fer si ena zis 20 bon dimoun?” Li reponn: “Akoz sa 20 la mo pa pou detrir li.” 32Lerla Abraam dir: “Pa ankoler SEGNER. Permet mwa koz enn dernie fwa. Kapav pou ena zis 10.” Li dir: “Akoz sa 10 la mo pa pou detrir li.” 33Kan LESEGNER fini koz avek Abraam, li kontign so larout, e Abraam retourn kot li.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kreol Morisien OT Portions © Bible Society of Mauritius, 2020.