Zenez 28
28
1Izaak fer apel Zakob e li beni li. Lerla li dir Zakob: “Pa bizin marye avek enn tifi Kananeenn. 2Al deswit kot to granper Betouel dan Padann-Aram. Laba to ava marye avek enn parmi bann tifi to tonton Laban. 3Ki Bondie Toupwisan beni twa. Li ava donn twa boukou zanfan. To pou vinn anset enn gran pep. 4Li ava beni twa ek to bann desandan parey kouma li ti beni Abraam. Li ti promet Abraam sa pei la. Zordi, nou pe viv isi kouma bann etranze. Me enn zour, twa ki pou erit sa pei la.” 5Alor, Izaak fer Zakob al Padann-Aram, kot so tonton Laban. Laban gran frer Rebeka, e zot papa apel Betouel, enn Arameen.
Ezai marye avek tifi Ismael
6Ezai aprann ki Izaak finn beni Zakob, e finn avoy li al marye dan Padann-Aram. Li aprann osi ki Izaak finn defann Zakob pran enn fam Kananeenn. 7Ezai trouve ki Zakob finn obeir so papa ek so mama, e finn al Padann-Aram. 8Alor, li konpran ki so papa Izaak pa kontan bann tifi Kananeenn. 9Lerlamem, li desid pou pran ankor enn fam. Li marye avek Mahalat, tifi Ismael, garson Abraam. Mahalat ena enn ser ki apel Nebayot.
Zakob fer enn rev dan Betel
10Zakob finn kit Berseba, e li pe pran direksion Arann. 11Li aret dan enn plas pou pas lanwit, parski soley ti finn kouse. Li met enn ros anba so latet e li dormi. 12Lerla Zakob fer enn rev. Dan so rev, li trouv enn long leskalie ki pran depi lor later e ki al ziska dan lesiel. Bann anz Bondie pe monte-desann lor leskalie la. 13LESEGNER vinn dibout divan li e dir li: “Momem LESEGNER, Bondie to granper Abraam ek Bondie Izaak. Mo pou donn twa ek to bann desandan sa later kot to pe dormi la. 14Mo pou ogmant to bann desandan e zot pou vinn boukou kouma lapousier later. Zot teritwar pou grandi depi lwes ziska les, e depi lenor ziska lesid. Mo pou beni tou bann fami lor later atraver twa ek to bann desandan. 15Mo pou touzour avek twa pou protez twa partou kot to ale. Mo pou fer twa retourn dan sa pei la. Mo pa pou abandonn twa e mo pou realiz tou seki mo finn promet twa.”
16Ler somey Zakob kase, li dir: “LESEGNER prezan dan sa landrwa la, me mo pa ti kone.” 17Zakob gagn per, e li dir: “Sa landrwa la, extra sa! Mo sir lamem lakaz Bondie ek laport lesiel.”
18Zakob lev boner gramatin. Li pran sa ros ki ti anba so latet la e li met li dibout. Lerla, li vers delwil lor ros la. 19Li apel sa landrwa la Betel, ki vedir Lakaz Bondie. Avan, sa landrwa la ti apel Louz. 20Lerla, Zakob fer enn promes: “Si Bondie res avek mwa, e protez mwa dan mo vwayaz, si li donn mwa manze ek linz, 21e si li fer mwa retourn lakaz mo papa anbien, alor, LESEGNER pou mo Bondie. 22Sa ros ki mo finn drese e konsakre la, pou vinn enn lakaz pou Bondie. Mo pou donn twa dis poursan dan tou seki to donn mwa.”
Currently Selected:
Zenez 28: KMOTPOR
Highlight
Share
Copy
Want to have your highlights saved across all your devices? Sign up or sign in
Kreol Morisien OT Portions © Bible Society of Mauritius, 2020.
Zenez 28
28
1Izaak fer apel Zakob e li beni li. Lerla li dir Zakob: “Pa bizin marye avek enn tifi Kananeenn. 2Al deswit kot to granper Betouel dan Padann-Aram. Laba to ava marye avek enn parmi bann tifi to tonton Laban. 3Ki Bondie Toupwisan beni twa. Li ava donn twa boukou zanfan. To pou vinn anset enn gran pep. 4Li ava beni twa ek to bann desandan parey kouma li ti beni Abraam. Li ti promet Abraam sa pei la. Zordi, nou pe viv isi kouma bann etranze. Me enn zour, twa ki pou erit sa pei la.” 5Alor, Izaak fer Zakob al Padann-Aram, kot so tonton Laban. Laban gran frer Rebeka, e zot papa apel Betouel, enn Arameen.
Ezai marye avek tifi Ismael
6Ezai aprann ki Izaak finn beni Zakob, e finn avoy li al marye dan Padann-Aram. Li aprann osi ki Izaak finn defann Zakob pran enn fam Kananeenn. 7Ezai trouve ki Zakob finn obeir so papa ek so mama, e finn al Padann-Aram. 8Alor, li konpran ki so papa Izaak pa kontan bann tifi Kananeenn. 9Lerlamem, li desid pou pran ankor enn fam. Li marye avek Mahalat, tifi Ismael, garson Abraam. Mahalat ena enn ser ki apel Nebayot.
Zakob fer enn rev dan Betel
10Zakob finn kit Berseba, e li pe pran direksion Arann. 11Li aret dan enn plas pou pas lanwit, parski soley ti finn kouse. Li met enn ros anba so latet e li dormi. 12Lerla Zakob fer enn rev. Dan so rev, li trouv enn long leskalie ki pran depi lor later e ki al ziska dan lesiel. Bann anz Bondie pe monte-desann lor leskalie la. 13LESEGNER vinn dibout divan li e dir li: “Momem LESEGNER, Bondie to granper Abraam ek Bondie Izaak. Mo pou donn twa ek to bann desandan sa later kot to pe dormi la. 14Mo pou ogmant to bann desandan e zot pou vinn boukou kouma lapousier later. Zot teritwar pou grandi depi lwes ziska les, e depi lenor ziska lesid. Mo pou beni tou bann fami lor later atraver twa ek to bann desandan. 15Mo pou touzour avek twa pou protez twa partou kot to ale. Mo pou fer twa retourn dan sa pei la. Mo pa pou abandonn twa e mo pou realiz tou seki mo finn promet twa.”
16Ler somey Zakob kase, li dir: “LESEGNER prezan dan sa landrwa la, me mo pa ti kone.” 17Zakob gagn per, e li dir: “Sa landrwa la, extra sa! Mo sir lamem lakaz Bondie ek laport lesiel.”
18Zakob lev boner gramatin. Li pran sa ros ki ti anba so latet la e li met li dibout. Lerla, li vers delwil lor ros la. 19Li apel sa landrwa la Betel, ki vedir Lakaz Bondie. Avan, sa landrwa la ti apel Louz. 20Lerla, Zakob fer enn promes: “Si Bondie res avek mwa, e protez mwa dan mo vwayaz, si li donn mwa manze ek linz, 21e si li fer mwa retourn lakaz mo papa anbien, alor, LESEGNER pou mo Bondie. 22Sa ros ki mo finn drese e konsakre la, pou vinn enn lakaz pou Bondie. Mo pou donn twa dis poursan dan tou seki to donn mwa.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Kreol Morisien OT Portions © Bible Society of Mauritius, 2020.