Génesis 19
19
Sodoma llaqtata Gomorra llaqtatawan Dios destruisqanmanta
1Tardeyamushaqtinmi chay ishkay angelkunaqa Sodoma llaqtaman chayamuranku. Lotñataqmi Sodoma llaqtaman haykuna punkupi tiyasharan. Hinaspan Lotqa chay angelkunata rikuruspa sayariran chashkinanpaq. Hinaspan pampakama k'umuykuspa 2khaynata niran:
—Wiraqochakuna, noqaqa serviqniykichismi kani. Kunanmi qankunata valekuykichis, noqapa wasiyman haykuspa samakamunaykichispaq hinallataq chakiykichistapas mayllikunaykichispaq ima. Paqarin achikhaytañayá viajeykichistaqa seguinkichis, nispa.
Chay angelkunataqmi contestaranku khaynata:
—Ama preocupakuychu noqaykumantaqa. Noqaykuqa kay plazallapin qepakusaqku, nispa.
3Ichaqa Lotñataqmi anchata ruegaran, wasinpi qepakunankupaq. Chaymi chay angelkunaqa Lotpa wasinman haykuspa qepakuranku. Hinaqtinmi Lotqa paykunapaq sumaq mishk'i mikhunata wayk'uchipuran; hinallataq mana levadorayoq t'antatapas ruwachipuran. Hinaqtinmi chay angelkunaqa mikhuranku.
4Ichaqa manaraq puñushaqtinkun, chay Sodoma llaqtapi llapallan qari runakunaqa, joven kaqmanta asta más anciano kaqkama, Lotpa tiyasqan wasita muyuriykuranku. 5Hinaspan chay runakunaqa altota qaparispa, Lotta waqyaranku khaynata:
—¿Maypitaq kashanku kunan tuta wasiykiman chayamuq runakunarí? ¡Kay hawaman chay qarikunata orqomuy, warmiwan hina puñunaykupaq! nispanku.
6Chaymi Lotqa wasi ukhumanta lloqsimuspa, wasipa punkunta wishq'aran. 7Hinaspan khaynata niran:
—Wawqeykuna, valekuykichismi, amayá khayna milla-millay maldadtaqa ruwaychishchu. 8Aswanmi noqapaqa kashan ishkay ususiykuna. Paykunaqa manaraqmi hayk'aqpas qariwanqa puñunkuraqchu. Paykunatayá orqomusaq, ima munasqaykichistapas ruwanaykichispaq. Ichaqa wasiypi samachisqay qarikunataqa amayá ni ima maldadtapas ruwaychishchu. Paykunamantaqa noqan responsable kani, wasiypi samasqankurayku, nispa.
9Chayta uyarispan, chay runakunaqa khaynata qapariranku:
—¡Ayqeriy chaymanta! ¡Qanqa karu llaqtamanta forastero runan kanki! ¿Chaychu juezña noqayku ukhupi kayta munashankí? Kunanmi qanta ruwarusqaykiku paykunamantapas aswan más peor maldadtaraq, nispanku.
Saynata niruspankun, chay runakunaqa Lotta tanqa-tanqarisparaq wasipa punkunta p'akinankupaq ashuykuranku. 10Ichaqa wasi ukhupi kaq visitante angelkunañataqmi, Lotta hap'ispa wasi ukhuman aysayuranku. Hinaspan wasipa punkuntapas wishq'aranku. 11Hinaspan chay angelkunaqa wasi punkupi kaq llapallan runakunata ñawsayachiranku, joven kaqmanta asta anciano kaqkama. Saynapin chay runakunaqa manaña punkutaqa tariyta atirankuñachu. 12Chaymantan samapakuq angelkunaqa Lotta niranku khaynata:
—Kay llaqtapiri, ¿kashanchu huk familiaykikunapas? Orqoy kaymanta qari wawaykikunata, ususiykikunata, qatayniykikunata hinallataq llapallan familiaykikunatawan ima. Hinaspa kay llaqtamanta karuman apay. 13Kunanmi kay llaqtataqa destruispa chinkachisaqku. Señor Diosmi yachan kay llaqtapa tukuy milla-millay huchakuna ruwasqankuta. Chaymi kamachimuwanku kay llaqtata destruispa chinkachinaykupaq, nispanku.
14Chaymi Lotqa wasinmanta lloqsispa, ususinkunawan casarakunanpaq kaq qarikunata rimapayaran khaynata:
—¡Apurayman lloqsiychis kay llaqtamanta! Señor Diosmi kay llaqtataqa destruispa chinkachinqa, nispa.
Ichaqa chay qarikunañataqmi piensaranku Lotqa paykunata chansakunanpaq. 15Yaqaña achikhamushaqtintaqmi chay angelkunaqa Lotta apuraranku khaynata:
—¡Apurayman sayariy! Hinaspa warmiykita hinallataq ishkaynin ususiykikunatawan pusayukuspa, lloqsiy kay llaqtamanta. Yanqan qankunapas wañuwaqchis, kay llaqta destruisqa kaqtin, nispanku.
16Ichaqa Lot mana apurayman lloqsiqtinmi, chay angelkunaqa makinmanta hap'ispanku aysaranku Lotta, warminta hinallataq ishkaynin ususinkunatawan ima. Hinaspan Sodoma llaqtamanta lloqsichiranku. Saynatan chay angelkunaqa ruwaranku, Lotta Señor Dios khuyapayasqanrayku. 17Hinaspan llaqtamanta lloqsiruqtinku, huknin kaq angelqa Lotta khaynata niran:
—¡Apurayman ishkapakuy vidaykita salvanaykipaq! Aman qepaykitaqa qawarikamunkichu. Nitaqmi ni maypipas kay pampapiqa sayankichu. Apurayman ishkapakuy orqokunaman, ama wañunaykipaq, nispa.
18Saynata chay ángel niqtinmi Lotqa niran:
—¡Wiraqochakuna, valekuykichismi amayá saynachu kachun! 19Qankunaqa ancha khuyapayakuqmi kankichis. Chayraykun noqapa vidaytapas salvawashankichis. Ichaqa manan chay orqokunaman ayqekuytaqa atiymanñachu. Orqokunaman ayqekushaqtiymi llaqta destruisqa kaqtin, chay castigo ayparamuwanman. Hinaspan noqapas wañuruyman. 20Qawariychis waq uchuychalla llaqtachata. Waq llaqtachaqa cercallapin kashan. Chayllamanqa atisaqmi ayqekuytaqa. Chayraykuyá dejaykuwaychis chay llaqtachaman ayqekunaypaq. Sichus chay llaqtachaman ayqekusaq chayqa, manan wañusaqchu, nispa.
21Hinaqtinmi angelqa Lotta contestaran khaynata:
—Chay mañakusqaykitapas noqaqa uyarishanin. Chayraykun chay niwasqayki uchuychalla llaqtachataqa mana destruisaqchu. 22¡Apuraylla ayqekuy! Manan ni imatapas ruwasaqraqchu chay llaqtachaman chayanaykikama, nispa.
Chaymi chay llaqtachataqa uchuychalla kasqanrayku Zoar sutiwan suticharanku.
23—Lotqa inti lloqsimushaqtinñan chay Zoar nisqa llaqtachamanqa chayaran. 24Hinaqtinmi Señor Diosqa cielomanta nina parata azufreyoqta parachimuran, Sodoma llaqtaman hinallataq Gomorra llaqtamanwan. 25Saynatan Diosqa chay llaqtakunataqa destruiran, llapallan chaypi tiyaq runakunatawan hinallataq lliw pampa uraypi wiñaq plantakunatawan ima. 26Ichaqa Lotpa warminñataqmi Lotpa qepanta rishaspa, qepanpi llaqtata qawariran. Hinaspan kachi rumiman tukuran.
27Abrahamñataqmi tutallamanta riran, Señor Dioswan maypin parlaran chay lugarman. 28Hinaspan Abrahamqa qawariran Sodoma llaqtata, Gomorra llaqtatawan. Chaymi rikuran lliw pampamanta q'oshñimushaqta, imaynan huk hornomantapas q'oshñi lloqsimushanman hinata. 29Saynatan Señor Diosqa chay llaqtakunataqa destruiran. Ichaqa Abrahamta khuyapayasqanraykun, Señor Diosqa Lotta salvaran, chay destruccionpi wañunanmanta.
Lotmanta ishkaynin ususinkunamantawan
30Ichaqa Lotqa manchakuranmi Zoar nisqa llaqtachapi qepakuytaqa. Chaymi chay llaqtachamanta orqokunaman tiyaq ripuran. Hinaspan ishkaynin ususinkunapiwan huk mach'aypi tiyaranku. 31Huk p'unchawmi Lotpa kurak kaq ususinqa sullk'anta khaynata niran:
—Papanchisqa ñan ancianoña kashan. Hinaspapas manan kay tiyasqanchis lawpiqa ni ima qaripas kanchu, noqanchispa costumbrenchisman hina noqanchiswan casarakunanpaqqa. 32Papanchistayá vinota tomachispa mach'achisunchis. Hinaspa paywan puñusunchis, saynapi mirayninchiskuna kananpaq, nispa.
33Chaymi paykunaqa chay tuta papankuman vinota tomachispa mach'achiranku. Hinaspan kurak kaq ususinqa ustuykuspa papanwan puñuran. Ichaqa papantaqmi mana cuentata qokuranchu ususin ustuykuspa paywan puñusqanta nitaq hatarisqantapas.
34Paqarisnintin p'unchawtañataqmi kurak kaqqa sullk'anta khaynata niran:
—Papanchiswanmi ch'isi tuta puñuruni. Kunan tutapas vinota tomachispayá mach'achisun. Hinaspa qanñataq papanchisman ustuykuspa paywan puñunki, saynapi mirayninchiskuna kananpaq, nispa.
35Chaymi chay tutapas paykunaqa papankuman vinota tomachispa mach'achillarankutaq. Hinaspan sullk'a kaqñataq papanman ustuykuspa paywan puñuran. Ichaqa manan chaytapas papanqa cuentata qokuranchu, ususin ustuykuspa paywan puñusqanta nitaq hatarisqantapas. 36Saynapin Lotpa ishkaynin ususinkunaqa papankupata onqoq rikhuriranku. 37Chaymi kurak kaq ususinqa qari wawata onqokuran. Hinaspan Moab sutiwan churaran. Paymi kunan llapallan Moabita runakunapa papankuqa. 38Saynallataqmi sullk'a kaq ususinpas huk qari wawata onqokullarantaq. Hinaspan Ben-ammi sutiwan churaran. Paymi kunan llapallan Amonita runakunapa papankuqa.
Currently Selected:
Génesis 19: QEAÑT
Highlight
Share
Copy
Want to have your highlights saved across all your devices? Sign up or sign in
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional
Génesis 19
19
Sodoma llaqtata Gomorra llaqtatawan Dios destruisqanmanta
1Tardeyamushaqtinmi chay ishkay angelkunaqa Sodoma llaqtaman chayamuranku. Lotñataqmi Sodoma llaqtaman haykuna punkupi tiyasharan. Hinaspan Lotqa chay angelkunata rikuruspa sayariran chashkinanpaq. Hinaspan pampakama k'umuykuspa 2khaynata niran:
—Wiraqochakuna, noqaqa serviqniykichismi kani. Kunanmi qankunata valekuykichis, noqapa wasiyman haykuspa samakamunaykichispaq hinallataq chakiykichistapas mayllikunaykichispaq ima. Paqarin achikhaytañayá viajeykichistaqa seguinkichis, nispa.
Chay angelkunataqmi contestaranku khaynata:
—Ama preocupakuychu noqaykumantaqa. Noqaykuqa kay plazallapin qepakusaqku, nispa.
3Ichaqa Lotñataqmi anchata ruegaran, wasinpi qepakunankupaq. Chaymi chay angelkunaqa Lotpa wasinman haykuspa qepakuranku. Hinaqtinmi Lotqa paykunapaq sumaq mishk'i mikhunata wayk'uchipuran; hinallataq mana levadorayoq t'antatapas ruwachipuran. Hinaqtinmi chay angelkunaqa mikhuranku.
4Ichaqa manaraq puñushaqtinkun, chay Sodoma llaqtapi llapallan qari runakunaqa, joven kaqmanta asta más anciano kaqkama, Lotpa tiyasqan wasita muyuriykuranku. 5Hinaspan chay runakunaqa altota qaparispa, Lotta waqyaranku khaynata:
—¿Maypitaq kashanku kunan tuta wasiykiman chayamuq runakunarí? ¡Kay hawaman chay qarikunata orqomuy, warmiwan hina puñunaykupaq! nispanku.
6Chaymi Lotqa wasi ukhumanta lloqsimuspa, wasipa punkunta wishq'aran. 7Hinaspan khaynata niran:
—Wawqeykuna, valekuykichismi, amayá khayna milla-millay maldadtaqa ruwaychishchu. 8Aswanmi noqapaqa kashan ishkay ususiykuna. Paykunaqa manaraqmi hayk'aqpas qariwanqa puñunkuraqchu. Paykunatayá orqomusaq, ima munasqaykichistapas ruwanaykichispaq. Ichaqa wasiypi samachisqay qarikunataqa amayá ni ima maldadtapas ruwaychishchu. Paykunamantaqa noqan responsable kani, wasiypi samasqankurayku, nispa.
9Chayta uyarispan, chay runakunaqa khaynata qapariranku:
—¡Ayqeriy chaymanta! ¡Qanqa karu llaqtamanta forastero runan kanki! ¿Chaychu juezña noqayku ukhupi kayta munashankí? Kunanmi qanta ruwarusqaykiku paykunamantapas aswan más peor maldadtaraq, nispanku.
Saynata niruspankun, chay runakunaqa Lotta tanqa-tanqarisparaq wasipa punkunta p'akinankupaq ashuykuranku. 10Ichaqa wasi ukhupi kaq visitante angelkunañataqmi, Lotta hap'ispa wasi ukhuman aysayuranku. Hinaspan wasipa punkuntapas wishq'aranku. 11Hinaspan chay angelkunaqa wasi punkupi kaq llapallan runakunata ñawsayachiranku, joven kaqmanta asta anciano kaqkama. Saynapin chay runakunaqa manaña punkutaqa tariyta atirankuñachu. 12Chaymantan samapakuq angelkunaqa Lotta niranku khaynata:
—Kay llaqtapiri, ¿kashanchu huk familiaykikunapas? Orqoy kaymanta qari wawaykikunata, ususiykikunata, qatayniykikunata hinallataq llapallan familiaykikunatawan ima. Hinaspa kay llaqtamanta karuman apay. 13Kunanmi kay llaqtataqa destruispa chinkachisaqku. Señor Diosmi yachan kay llaqtapa tukuy milla-millay huchakuna ruwasqankuta. Chaymi kamachimuwanku kay llaqtata destruispa chinkachinaykupaq, nispanku.
14Chaymi Lotqa wasinmanta lloqsispa, ususinkunawan casarakunanpaq kaq qarikunata rimapayaran khaynata:
—¡Apurayman lloqsiychis kay llaqtamanta! Señor Diosmi kay llaqtataqa destruispa chinkachinqa, nispa.
Ichaqa chay qarikunañataqmi piensaranku Lotqa paykunata chansakunanpaq. 15Yaqaña achikhamushaqtintaqmi chay angelkunaqa Lotta apuraranku khaynata:
—¡Apurayman sayariy! Hinaspa warmiykita hinallataq ishkaynin ususiykikunatawan pusayukuspa, lloqsiy kay llaqtamanta. Yanqan qankunapas wañuwaqchis, kay llaqta destruisqa kaqtin, nispanku.
16Ichaqa Lot mana apurayman lloqsiqtinmi, chay angelkunaqa makinmanta hap'ispanku aysaranku Lotta, warminta hinallataq ishkaynin ususinkunatawan ima. Hinaspan Sodoma llaqtamanta lloqsichiranku. Saynatan chay angelkunaqa ruwaranku, Lotta Señor Dios khuyapayasqanrayku. 17Hinaspan llaqtamanta lloqsiruqtinku, huknin kaq angelqa Lotta khaynata niran:
—¡Apurayman ishkapakuy vidaykita salvanaykipaq! Aman qepaykitaqa qawarikamunkichu. Nitaqmi ni maypipas kay pampapiqa sayankichu. Apurayman ishkapakuy orqokunaman, ama wañunaykipaq, nispa.
18Saynata chay ángel niqtinmi Lotqa niran:
—¡Wiraqochakuna, valekuykichismi amayá saynachu kachun! 19Qankunaqa ancha khuyapayakuqmi kankichis. Chayraykun noqapa vidaytapas salvawashankichis. Ichaqa manan chay orqokunaman ayqekuytaqa atiymanñachu. Orqokunaman ayqekushaqtiymi llaqta destruisqa kaqtin, chay castigo ayparamuwanman. Hinaspan noqapas wañuruyman. 20Qawariychis waq uchuychalla llaqtachata. Waq llaqtachaqa cercallapin kashan. Chayllamanqa atisaqmi ayqekuytaqa. Chayraykuyá dejaykuwaychis chay llaqtachaman ayqekunaypaq. Sichus chay llaqtachaman ayqekusaq chayqa, manan wañusaqchu, nispa.
21Hinaqtinmi angelqa Lotta contestaran khaynata:
—Chay mañakusqaykitapas noqaqa uyarishanin. Chayraykun chay niwasqayki uchuychalla llaqtachataqa mana destruisaqchu. 22¡Apuraylla ayqekuy! Manan ni imatapas ruwasaqraqchu chay llaqtachaman chayanaykikama, nispa.
Chaymi chay llaqtachataqa uchuychalla kasqanrayku Zoar sutiwan suticharanku.
23—Lotqa inti lloqsimushaqtinñan chay Zoar nisqa llaqtachamanqa chayaran. 24Hinaqtinmi Señor Diosqa cielomanta nina parata azufreyoqta parachimuran, Sodoma llaqtaman hinallataq Gomorra llaqtamanwan. 25Saynatan Diosqa chay llaqtakunataqa destruiran, llapallan chaypi tiyaq runakunatawan hinallataq lliw pampa uraypi wiñaq plantakunatawan ima. 26Ichaqa Lotpa warminñataqmi Lotpa qepanta rishaspa, qepanpi llaqtata qawariran. Hinaspan kachi rumiman tukuran.
27Abrahamñataqmi tutallamanta riran, Señor Dioswan maypin parlaran chay lugarman. 28Hinaspan Abrahamqa qawariran Sodoma llaqtata, Gomorra llaqtatawan. Chaymi rikuran lliw pampamanta q'oshñimushaqta, imaynan huk hornomantapas q'oshñi lloqsimushanman hinata. 29Saynatan Señor Diosqa chay llaqtakunataqa destruiran. Ichaqa Abrahamta khuyapayasqanraykun, Señor Diosqa Lotta salvaran, chay destruccionpi wañunanmanta.
Lotmanta ishkaynin ususinkunamantawan
30Ichaqa Lotqa manchakuranmi Zoar nisqa llaqtachapi qepakuytaqa. Chaymi chay llaqtachamanta orqokunaman tiyaq ripuran. Hinaspan ishkaynin ususinkunapiwan huk mach'aypi tiyaranku. 31Huk p'unchawmi Lotpa kurak kaq ususinqa sullk'anta khaynata niran:
—Papanchisqa ñan ancianoña kashan. Hinaspapas manan kay tiyasqanchis lawpiqa ni ima qaripas kanchu, noqanchispa costumbrenchisman hina noqanchiswan casarakunanpaqqa. 32Papanchistayá vinota tomachispa mach'achisunchis. Hinaspa paywan puñusunchis, saynapi mirayninchiskuna kananpaq, nispa.
33Chaymi paykunaqa chay tuta papankuman vinota tomachispa mach'achiranku. Hinaspan kurak kaq ususinqa ustuykuspa papanwan puñuran. Ichaqa papantaqmi mana cuentata qokuranchu ususin ustuykuspa paywan puñusqanta nitaq hatarisqantapas.
34Paqarisnintin p'unchawtañataqmi kurak kaqqa sullk'anta khaynata niran:
—Papanchiswanmi ch'isi tuta puñuruni. Kunan tutapas vinota tomachispayá mach'achisun. Hinaspa qanñataq papanchisman ustuykuspa paywan puñunki, saynapi mirayninchiskuna kananpaq, nispa.
35Chaymi chay tutapas paykunaqa papankuman vinota tomachispa mach'achillarankutaq. Hinaspan sullk'a kaqñataq papanman ustuykuspa paywan puñuran. Ichaqa manan chaytapas papanqa cuentata qokuranchu, ususin ustuykuspa paywan puñusqanta nitaq hatarisqantapas. 36Saynapin Lotpa ishkaynin ususinkunaqa papankupata onqoq rikhuriranku. 37Chaymi kurak kaq ususinqa qari wawata onqokuran. Hinaspan Moab sutiwan churaran. Paymi kunan llapallan Moabita runakunapa papankuqa. 38Saynallataqmi sullk'a kaq ususinpas huk qari wawata onqokullarantaq. Hinaspan Ben-ammi sutiwan churaran. Paymi kunan llapallan Amonita runakunapa papankuqa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional