Génesis 9
9
Dios pactota Noeywan ruwasqanmanta
1Diosmi Noeyta hinallataq wawankunatapas bendeciran. Hinaspan khaynata niran:
—Qankunaqa ashka wawayoqkunayá kaychis. Hinaspa kay pachaman hunt'aychis. 2Qankunatan llapallan kay allpa pachapi animalkunaqa anchata manchakusunkichis: salqa animalkuna, alton phawaq animalkuna, qasqonpallan puriq animalkuna hinallataq lamar qochapi kaq challwakunapas. Llapallan chay animalkunatan qankunaqa dominankichis. 3Qankunamanmi llapallan chay kawsaq animalkunata hinallataq mikhuna verde plantakunatawan mikhunaykichispaq qoykichis. Tukuy chaykunan llapallan qankunapa mikhunaykichispaq kanqa. 4Ichaqa aman mikhunkichishchu yawarpa pasasqan aychataqa. 5Noqaqa runakunapa yawarnin ch'aqchusqaykichismantan cuentata mañaspay castigasqaykichis. Saynallataqmi ima animalpas runata wañuchiqtinqa, chay animalmantan cuentata mañaspay castigasaq. Pipas runamasinta wañuchiqtinqa, chay wañuchiq runamantan cuenta mañaspa castigasaq chay yawarnin ch'aqchusqanmanta.
6Sichus pipas runamasinta wañuchinqa chayqa,
paytapas huk runan wañuchillanqataq,
Diospa rikch'ayninman hina ruwasqa kasqanrayku.
7Qankunaqa ashka wawayoqkunayá kaychis.
Hinaspa kay enteron pachantinman hunt'aychis, nispa.
8Chaymantan Diosqa yapamanta Noeyta hinallataq wawankunatawan khaynata niran:
9—Kunanmi huk *pactota ruwasaq qankunawan, mirayniykichiskunawan, 10hinallataq *arcamanta lloqsimuq llapallan kawsaq animalkunawan, alton phawaq animalkunawan, uywana animalkunawan hinallataq salqa animalkunawan ima. 11Noqan kay pactota qankunawan ruwani: Noqaqa manañan ni hayk'aqpas kay pachapi tukuy kawsaqkunataqa sayna nishu parawanqa wañuchisaqñachu. Kunanmanta wichaymanqa manañan nishu paratapas parachimusaqñachu, kay pachapi unu qochaspa, kay pachata destruinaypaqqa, nispa. 12Hinaspapas Diosqa nillarantaqmi khaynata:
—Kaymi qankunawan hinallataq tukuy kawsaqkunawan pacto ruwasqaypa señalninqa kanqa. Hinaspapas kay pactoqa servinqan llapallan mirayniykichiskunapaqpas. 13Noqan alto phuyupi huk k'uychita churasaq. Chay k'uychin servinqa huk señal hina enteron kay pachapaq. 14Maypachachus kay allpa pachapi phuyuta rikhurichimuqtiymi, chay phuyupi huk k'uychi rikhurinqa. 15Hinaqtinmi yuyarisaq qankunawan hinallataq llapallan kawsaqkunawan kay pacto ruwasqayta. Parawanqa manañan ni hayk'aqpas kay pachapi llapallan kawsaqkunataqa wañuchisaqñachu. 16Sapa kutin phuyupi k'uychita rikhurichispaymi, noqa Señor Diosqa chay k'uychita rikuspay yuyarisaq qankunawan hinallataq kay pachapi kawsaqkunawan kay pacto ruwasqayta, nispa.
17Chaymantan Diosqa Noeyta niran:
—Chay k'uychin llapallan kay pachapi kawsaqkunawan pacto ruwasqaypa señalninqa, nispa.
Noeypa mach'asqanmanta
18Kay runakunan Noeypa wawankuna karanku: Sem, Cam hinallataq Jafet ima. Paykunan Noeywan kushka arcamanta lloqsimuranku. Campa wawanmi karan Canaán. 19Noeypa chay kinsantin wawankunamantan enteron kay pachaman runakunaqa hunt'aranku.
20Chaymantan Noeyqa chakrapi llank'ayta qallariran. Hinaspan payqa uvas plantata plantaran. 21Huk p'unchawmi Noeyqa uvasmanta ruwasqan vinota tomaruspa mach'aruran. Hinaspan payqa mach'asqa kaspa carpan ukhupi q'alanakuran. 22Hinaqtinmi Canaanpa papan Camqa rikururan Noeyqa q'alalla kasqanta. Hinaspan hawapi kaq ishkaynin wawqenkunaman willamuran. 23Chaymi Sem hinallataq wawqen Jafetpiwan huk capata hap'ispanku, qepanpallan ashuyuranku. Hinaspan papankutaqa tapayuranku q'alalla kasqanmanta. Saynapin paykunaqa mana rikurankuchu papanku q'alalla kasqantaqa.
24Noeyqa mach'asqanmanta rikch'arimuspanmi, sullk'a kaq wawanpa ruwasqanta yacharuran. 25Hinaspan niran:
—¡Qanpa mirayniykikunan, wawayki Canaanpa mirayninkunapiwan ima maldecisqa kanqaku!
¡Paykunan Sempa hinallataq Jafetpa más despreciasqa kaq esclavonkuna kanqaku! nispa.
26Chaymantan Noeyqa nillarantaq khaynata:
—Sempa yupaychasqan Dios Taytaqa alabasqayá kachun.
Canaanpa mirayninkunaqa, Sempa esclavonkunayá kachunku.
27Diosyá Jafettaqa hatunchachun.
Jafetqa Sempa carpanpiyá tiyachun.
Canaanpa mirayninkunañataqyá Jafetpa esclavonkuna kachunku, nispa.
28Nishuta para-parasqanpa qepanmanmi, Noeyqa kawsaran 350 watatawanraq. 29Noeyqa 950 watankaman kawsaran. Hinaspan wañukapuran.
Currently Selected:
Génesis 9: QEAÑT
Highlight
Share
Copy
Want to have your highlights saved across all your devices? Sign up or sign in
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional
Génesis 9
9
Dios pactota Noeywan ruwasqanmanta
1Diosmi Noeyta hinallataq wawankunatapas bendeciran. Hinaspan khaynata niran:
—Qankunaqa ashka wawayoqkunayá kaychis. Hinaspa kay pachaman hunt'aychis. 2Qankunatan llapallan kay allpa pachapi animalkunaqa anchata manchakusunkichis: salqa animalkuna, alton phawaq animalkuna, qasqonpallan puriq animalkuna hinallataq lamar qochapi kaq challwakunapas. Llapallan chay animalkunatan qankunaqa dominankichis. 3Qankunamanmi llapallan chay kawsaq animalkunata hinallataq mikhuna verde plantakunatawan mikhunaykichispaq qoykichis. Tukuy chaykunan llapallan qankunapa mikhunaykichispaq kanqa. 4Ichaqa aman mikhunkichishchu yawarpa pasasqan aychataqa. 5Noqaqa runakunapa yawarnin ch'aqchusqaykichismantan cuentata mañaspay castigasqaykichis. Saynallataqmi ima animalpas runata wañuchiqtinqa, chay animalmantan cuentata mañaspay castigasaq. Pipas runamasinta wañuchiqtinqa, chay wañuchiq runamantan cuenta mañaspa castigasaq chay yawarnin ch'aqchusqanmanta.
6Sichus pipas runamasinta wañuchinqa chayqa,
paytapas huk runan wañuchillanqataq,
Diospa rikch'ayninman hina ruwasqa kasqanrayku.
7Qankunaqa ashka wawayoqkunayá kaychis.
Hinaspa kay enteron pachantinman hunt'aychis, nispa.
8Chaymantan Diosqa yapamanta Noeyta hinallataq wawankunatawan khaynata niran:
9—Kunanmi huk *pactota ruwasaq qankunawan, mirayniykichiskunawan, 10hinallataq *arcamanta lloqsimuq llapallan kawsaq animalkunawan, alton phawaq animalkunawan, uywana animalkunawan hinallataq salqa animalkunawan ima. 11Noqan kay pactota qankunawan ruwani: Noqaqa manañan ni hayk'aqpas kay pachapi tukuy kawsaqkunataqa sayna nishu parawanqa wañuchisaqñachu. Kunanmanta wichaymanqa manañan nishu paratapas parachimusaqñachu, kay pachapi unu qochaspa, kay pachata destruinaypaqqa, nispa. 12Hinaspapas Diosqa nillarantaqmi khaynata:
—Kaymi qankunawan hinallataq tukuy kawsaqkunawan pacto ruwasqaypa señalninqa kanqa. Hinaspapas kay pactoqa servinqan llapallan mirayniykichiskunapaqpas. 13Noqan alto phuyupi huk k'uychita churasaq. Chay k'uychin servinqa huk señal hina enteron kay pachapaq. 14Maypachachus kay allpa pachapi phuyuta rikhurichimuqtiymi, chay phuyupi huk k'uychi rikhurinqa. 15Hinaqtinmi yuyarisaq qankunawan hinallataq llapallan kawsaqkunawan kay pacto ruwasqayta. Parawanqa manañan ni hayk'aqpas kay pachapi llapallan kawsaqkunataqa wañuchisaqñachu. 16Sapa kutin phuyupi k'uychita rikhurichispaymi, noqa Señor Diosqa chay k'uychita rikuspay yuyarisaq qankunawan hinallataq kay pachapi kawsaqkunawan kay pacto ruwasqayta, nispa.
17Chaymantan Diosqa Noeyta niran:
—Chay k'uychin llapallan kay pachapi kawsaqkunawan pacto ruwasqaypa señalninqa, nispa.
Noeypa mach'asqanmanta
18Kay runakunan Noeypa wawankuna karanku: Sem, Cam hinallataq Jafet ima. Paykunan Noeywan kushka arcamanta lloqsimuranku. Campa wawanmi karan Canaán. 19Noeypa chay kinsantin wawankunamantan enteron kay pachaman runakunaqa hunt'aranku.
20Chaymantan Noeyqa chakrapi llank'ayta qallariran. Hinaspan payqa uvas plantata plantaran. 21Huk p'unchawmi Noeyqa uvasmanta ruwasqan vinota tomaruspa mach'aruran. Hinaspan payqa mach'asqa kaspa carpan ukhupi q'alanakuran. 22Hinaqtinmi Canaanpa papan Camqa rikururan Noeyqa q'alalla kasqanta. Hinaspan hawapi kaq ishkaynin wawqenkunaman willamuran. 23Chaymi Sem hinallataq wawqen Jafetpiwan huk capata hap'ispanku, qepanpallan ashuyuranku. Hinaspan papankutaqa tapayuranku q'alalla kasqanmanta. Saynapin paykunaqa mana rikurankuchu papanku q'alalla kasqantaqa.
24Noeyqa mach'asqanmanta rikch'arimuspanmi, sullk'a kaq wawanpa ruwasqanta yacharuran. 25Hinaspan niran:
—¡Qanpa mirayniykikunan, wawayki Canaanpa mirayninkunapiwan ima maldecisqa kanqaku!
¡Paykunan Sempa hinallataq Jafetpa más despreciasqa kaq esclavonkuna kanqaku! nispa.
26Chaymantan Noeyqa nillarantaq khaynata:
—Sempa yupaychasqan Dios Taytaqa alabasqayá kachun.
Canaanpa mirayninkunaqa, Sempa esclavonkunayá kachunku.
27Diosyá Jafettaqa hatunchachun.
Jafetqa Sempa carpanpiyá tiyachun.
Canaanpa mirayninkunañataqyá Jafetpa esclavonkuna kachunku, nispa.
28Nishuta para-parasqanpa qepanmanmi, Noeyqa kawsaran 350 watatawanraq. 29Noeyqa 950 watankaman kawsaran. Hinaspan wañukapuran.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Antiguo Testamento Quechua del Este de Apurímac © Sociedad Bíblica Peruana, 2020.
Mosoq Testamento Quechua del Este de Apurímac © Publicado por © 2013 Wycliffe, Inc.
Publicado por © 2013 Liga Bíblica, Internacional