Nya ǹ dín Da yiri-a ǹ boo
Da yiri-a ǹ boo
Nya ǹ dín sɛ́wɔ lɛ n Luku a sɛ́wɔ paabaa ǹ wɔ lɛa. A sɛ́wɔ bibinaa lɛ nɛ, Yezu sii mɛn yii tumaa zɛnaa kanaa, a n bɛ dinsɔɔ̃ pii. A sɛ́wɔ paabaa ǹ wɔ kɛ nɛ Yezu bɛ́ á n bɔ a kialandɛnan bii á woo lon, a na á Yiri fu dia ǹ la mà a n dɔ ǹ lɛ sii tumaa gɔ́ɔ̃ nɛ. Ǹ nə́ boo tii kɔɔ̃n pɛ Yiri fu barka nɛ, ǹ nə́ zaman yɛ ǹ nə́ ǹ koa Krita wɔn lɛa kiwin ni. Yiri fu bɛ́ á gisĩ ǹ la ǹ mɛn pinaa, min mɛnɛn tumaa nə ǹ yɛ, ǹ nə́ ǹ boon ma, á kaãbaa sii baa ǹ ganaa parsiini. «Ǹ nə́ goã pii kɔn nɛ kɛnɛn: Minin kɛn lɛn boo diɛ, ǹ tumaa bie Galilee gána minin lɛa wa ya? A n siɛ lɔn wɔsɛn gogoonmaa tá ǹ lɛ miɛ boo diɛ ka wɔa bɔlɔn nɛ?» (2.7-8)
Sɛ́wɔ lɛ bɛ́ kaãbaa siin mɛnɛn nyɛɛ wɔ-n doo, dia dí-a wole ZAÃ laanka Piɛrɛ a kaãbaa siin manɛ, ka ǹ Yezu a kialandɛnan nɔmaa ǹ nə́ ǹ dɛ ka yɔrɔ mɛn nɛ. Pooli mɛn goã Krita a zaman nɔmɛɛ lɛlɛ, a dɔ nə́ n baa Yezu a gialandɛnaa goon lɛa, a n Lawa a boo tii kɔɔ̃n diɛ bǎã tumaa nɛ, Zuifun gána nɛ, ka tɔrɔ kɔsɔn gánan nɛ. Pooli dinmaa nə́ n biə́ kiwi gigiã nɛ, á boo tii kɔɔ̃n pɛ, á Krita a zaman koa ǹ nɛ.
Sɛ́wɔ lɛ a giala nyɔmɔɔ ǹ bǎã n Pooli a kũ a da koso-n boo diɛ, ǹ nə́ woo-n yǎa Rɔmu kiwi. A laanɛ á tɔn koso-n, a n Lawa a boo tii kɔɔ̃n pii minin manɛ.
Sɛ́wɔ lɛ a boo mìi dadaran:
Yezu nə́ n lɛ kɔ mà asɛ á re Yiri fu diɛ a kialandɛnan la, 1.1-11
Kialandɛnan nə́ min kɔsɔ bɔ ǹ nə́ koa Zudaa bǎã nɛ, 1.12-26
Yiri fu gisĩ kialandɛnan la, ǹ nə́ kaãbaa siin zɛnɛɛ, 2.1—6.7
Zuifun nyɛɛnaandɛnan man kiri we Itian ganaa ǹ nə́ dii, 6.8—7.60
Sooli n fuu nyɛɛ Krita a zaman nɛ, 8.1-40
Dia dí-a wolebaa, 9.1-43
Piɛrɛ n woe sɔraasin goledɛnaa goon a piɛ, 10.1-48
Piɛrɛ na a zɛnaa ǹ siin pii a kialandɛnaa gialakunun manɛ, 11.1-18
Krita a zaman gugurubaa mɛn yɛ Antiɔsi, 11.19-30
Zuifun nyɛɛnaadɛnan nə́ Zaaki dɛ, ǹ nə́ Piɛrɛ da koso-n, 12.1-25
Yiri fu Barnabaasi laanka Pooli bɔ á ǹ dia, 13—14
Sɛ́wɔ mɛn nə n dia Krita a zaman la kurii wɔ paǹ li, 15.1-41
Pooli nə n biə̃ kiwin mɛnɛn nɛ, 16.1—21.1-26
Ǹ nə́ kiri wɔ Pooli ganaa, ǹ nə́ woo ne kii gole li, 21.27—28.31
Currently Selected:
Nya ǹ dín Da yiri-a ǹ boo: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.