Stat 5
5
Nem bilong ol lain pikinini bilong Adam
(1 Stori 1.1-4)
1Nem #Stt 1.27-28 bilong ol lain tumbuna pikinini bilong Adam i olsem. God i bin wokim ol manmeri na ol i kamap olsem em yet. 2God #Mt 19.4, Mk 10.6 i wokim ol man na ol meri. Em i wokim ol pinis, orait em i mekim gutpela tok bilong givim strong long ol, na em i kolim ol “manmeri.” 3Adam i gat 130 krismas na em i kamap papa bilong wanpela pikinini man i wankain olsem em yet. Na Adam i kolim nem bilong en Set. 4Adam i stap 800 yia moa na em i gat ol arapela pikinini man na meri tu. 5Adam i stap inap 930 yia olgeta na em i dai.
6Set i gat 105 krismas na em i kamap papa bilong wanpela pikinini man, nem bilong en Enos. 7Set i stap 807 yia moa na em i gat ol arapela pikinini man na meri tu. 8Set i stap inap 912 yia olgeta na em i dai.
9Enos i gat 90 krismas na em i kamap papa bilong wanpela pikinini man, nem bilong en Kenan. 10Enos i stap 815 yia moa na em i gat ol arapela pikinini man na meri tu. 11Enos i stap inap 905 yia olgeta na em i dai.
12Kenan i gat 70 krismas na em i kamap papa bilong wanpela pikinini man, nem bilong en Mahalalel. 13Kenan i stap 840 yia moa na em i gat ol arapela pikinini man na meri tu. 14Kenan i stap inap 910 yia olgeta na em i dai.
15Mahalalel i gat 65 krismas na em i kamap papa bilong wanpela pikinini man, nem bilong en Jaret. 16Mahalalel i stap 830 yia moa na em i gat ol arapela pikinini man na meri tu. 17Mahalalel i stap inap 895 yia olgeta na em i dai.
18Jaret i gat 162 krismas na em i kamap papa bilong wanpela pikinini man, nem bilong en Enok. 19Jaret i stap 800 yia moa na em i gat ol arapela pikinini man na meri tu. 20Jaret i stap inap 962 yia olgeta na em i dai.
21Enok i gat 65 krismas na em i kamap papa bilong wanpela pikinini man, nem bilong en Metusela. 22Enok em i pren tru bilong God. Em i stap 300 yia moa na em i kamap papa bilong ol arapela pikinini man na meri tu. 23Enok i stap inap olsem 365 yia olgeta, 24na #Hi 11.5, Ju 1.14 God i kisim em na ol man i no lukim em moa, long wanem, oltaim em i bin i stap pren tru bilong God.
25Metusela i gat 187 krismas na em i kamap papa bilong wanpela pikinini man, nem bilong en Lamek. 26Metusela i stap 782 yia moa na em i gat ol arapela pikinini man na meri tu. 27Metusela i stap inap 969 yia olgeta na em i dai.
28Lamek i gat 182 krismas na em i kamap papa bilong wanpela pikinini man. 29Na em i tok, “Bipo Bikpela i bin mekim strongpela tok bilong bagarapim graun na mipela i mas hatwok tru long mekim kaikai i kamap gut. Tasol dispela pikinini bai i mekim kaikai i kamap long graun na bai yumi malolo liklik long hatwok bilong yumi.” Olsem na Lamek i kolim nem bilong dispela pikinini Noa.#5.29 Long tok Hibru nem Noa i klostu wankain olsem dispela tok “malolo.” Lukim Stat 9.20. 30Na Lamek i stap 595 yia moa, na em i gat ol arapela pikinini man na meri tu. 31Lamek i stap inap 777 yia olgeta na em i dai.
32Noa i gat 500 krismas na em i kamap papa bilong tripela pikinini man, nem bilong ol i olsem, Siem na Ham na Jafet.
Currently Selected:
Stat 5: TPI2008
Highlight
Share
Copy
Want to have your highlights saved across all your devices? Sign up or sign in
Tok Pisin DC Bible © Bible Society of Papua New Guinea, 1969, 2008.
