1 Coríntios 8
8
Mayawletshicha Heneknijituxikowaka Piranapni
1Xawakni mayawletshicha heneknijituxikowaka pirana nkochtshekanu. Hehe, hixa ptowrunekwu hixo pirana wimata. Hiyáhoni wimatkale tshinanu tsru hchinikanu wixnawa. Seyni pimrine wuchinijyawaka tseruwnakaklu halixlewlu.
2Ho satu kahwajnawa pa hixanu rimata hike rimata rumukata himatletanrukmaka.
3Seyni Hoyakalu himatlu ruchinikjeru.
4Hiyáhoni mayawletshicha heneknijituxikowaka pirana wimatlu wale mayawletshicha wale hikeni. Mayawletshichani. Wimatlu Hoyakalu satupkalutu. Wale tsonni.
5Klu tshinanu wanena hoyakalune tshinkalune tshijiko hwatshine hiyrun-koxa tenhohne hwatshinemka. Wan-rixkalukni hixo hoyakalune hwaklukni híxona hitsrukatshi tshinkalune.
6Seyni hixa tshinanu waneru satupkalutu Hoyakalu. Waleni Wuru Hoyakalu ptowru potuko hiyakotatshri. Wiweka wale halujyawaka wkamhiywaka. Hiyrun-koxa Wutsrukate Hoyakalu satupka. Waleni Jesus Cristo. Ptowru potuko hkamhaka Jesus Cristo tshinanuko. Haté hix-koxa hwa Jesus Cristo tshinanu.
7Seyni xye pirana halikakalutu hi rimata satkaka yineru. Satkaka hasruhlu mayawletshicha hpijyawakna hiyáhoni haté xawakni hnijinna hkahwakluna mayawletshicha nijitu hnikna. Mchikohalixlene kahwaklu mayawletshicha nijitu himtuka hiweklehotna.
8Halikaka hi nikkaluru tshinanu wkayehiklu Hoyakalu. Wnijini ho wma nikkanuklunu psokakluni. Hi hkaykakanwu hiyrunu hi ramtakkakanwu.
9Wanepnawaka nujrethi. Xako hi hihrokatshinephi hi hitspehchinikankakanu hixa himatkalewle tshinanu.
10Klu tshinanu nijittshi mayawletshicha henekachaluru pirana hihrokahchinikanutatshri hexiniklunupyi, pixa jimatkaleryi, nikjexikowaka ptuplaxiniklunu mayawletshichapjiya, hi he hkojwakahchinikanutanu hihrokahchinikanutatshri pnijiniplu mayawletshicha henekachaluru?
11Pimatkalewle tshinanu ramhanuna hihrokahchinikanutatshripni. Waleni pimole Cristo tshinanu hiyrun-koxa wale tshinanu rupna Cristo.
12Wane pixini, pimole Cristo tshinanu pektuwanwakata pumtukahchinikanutlu hiyáhoni Cristo-ko pektuwanwakata.
13Hiyáhoni nikkaluru hitspehchinikankajiniplu Cristo tshinanu nmoletanru hikeklu hohne nnikanutkalu nikalhitu nma mumtujyawakanuplu nomole.
Currently Selected:
1 Coríntios 8: mpdBiblia
Highlight
Copy
Compare
Share
Want to have your highlights saved across all your devices? Sign up or sign in
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil