Gênesis 23
23
Sara-pni Hipniywaka Piranapni
1Cento e vinte e sete mhale tiweknixka Sara-ni.
2Waneya tupnanatka. Quiriate-Arba tshinikowaka Hebrom poktshi Canaã tshijne hwatshri tupniyanatka. Rapoka Abraão Sara-ni ritshiyahaxyawakapa hwamonuwaxyawaka walani pohwaka tshinanu.
3Waneya hpalnatka Abraão hipnatshroni yehiya waneya Hete tshinkalurni whenene riynumsatatka, wla htshinatkana:
4Hitni pa nerno hix-yehi hapkapachatatshrino hiyáhoni xawakni tshiji penekanno nkapnaxyawakanapna pa hohne hipnatshinni nkapnaxyawakanaplo hipnatshroni nhanunroni nma metjejexyawakanu yehi, nkapnataninro.
5Waneya Hete whenene wla tshinru:
6— Ha wutsrukate pjemanwu hixa. Pixa honukla tsrukakalyi Hoyakalu yehiya hixa hetanuya. Hiyáhoni pixako nuretanru hanukta paluka hitakletanru phanunroni pkapnaxyawaklo yomle. Hi satuknakwu hixa tshipexinyi yomletshi putakpiraxyawaka pkapnaxyawakanaplo phanunroni.
7Waneya Abraão yotunotatka, hyoptsojityehitna wale tshijne hajene, Hete-ni tshinkalurni whenene yehi.
8Waneya wla htshinatkana:
— Hixa hali hitshrexyatkano nkapnaxyawakanaplo nhanunroni nma mayapjejexyawakanu waneya hit-koxa hjemanu. Efrom tshinkaluru Zoar tshinkaluru whene napohchinikanuthi hixa.
9Hanjitanru hipjita hwapnatatshri Macpela tshinikowaka Efrom campo-te mahle sreta hwatshri renejyawakapno Efrom. Hixa hetanuko ritshixinno yomletshi rixyawakpatka hita tshinanu. Ralujyawaka pso potuko nwenutanru.
10Seyni Efrom Hete-ni whenene hanikajite tuplakanata. Waneya Efrom tshinkaluru heteu-neru yanumatatka wla htshinru Abraão Hete-ni whenene jemanu, ptowruneka hipoktshirna jihlokawakle yapatshine jemanu wla htshinru:
11— Ha hike nutsrukate pyijnakotanno. Campo nenekachatanyi hiyrun-koxa hipjita hwapnatatshri nenekachatan-koxyi. Nonerune whenene hetanuko wale nenekanyi pupnayehitjéroni pkapnaxyawakapa.
12Waneya Abraão yoptsojityehitatkana wale tshijne hajene hetanu.
13Waneya Abraão Efrom riynumatatka wale tshijne hajene hetanu, wla htshinatkalu:
— Campo-mka penekachapiraxyano nwenutanyi. Tiyiro nenekanyi campo wenru tshinanu. Wala ntiyirote panikanu waneya nupnayehitjéroni wane nkapnatanu.
14Waneya Efrom yanumatatka wla htshinru Abraão:
15— Nutsrukate pjemanno. Wale campo wenru quatrocentos proji prata hpoyahotamka. Seyni klunerhe hkochpaka wane psojiji tiyiro hita, pixayma? Hiyáhoni pkapnatapanro pupnayehitjéroni.
16Waneya Efrom tokanu romkahitatka Abraão. Rutakyahokatkalu prata htshinkajyawakna wenru pso Hete-ni tshinkaluru whenene jemanu, quatrocentos proji prata pejnu hwenutlu jichanrewaklerune pixka rixkakna.
17Hiyáhoni Efrom tshinkaluru campo-te Macpela tshinikowaka hwatshri hiyrun-koxa hipjita hwapnatatshri campo hwatshri, hahmuna wane hwatshri hiyrun-koxa ptowru potuko wale campo hwatshri Abraão-nutka.
18Abraão renekka Hete-ni whenene hetanuya hiyrun-koxa ptowru yineru poktshi jihlokawakle jihlojikatshine heta yoptoletlu Abraão.
19Waneya Abraão kapnatanro hhanunroni Sara-ni hipjita hwapnatatshriya Macpela campo-te hwatshri Manre tshinikowaka hinaple hwatshri Hebrom poktshiya, Canaã tshijne hwatshri.
20Wane rix-himutukletlu Abraão campo hiyrun-koxa hipjita hwapnatatshri yomletshi rixikowakapa. Hete-ni whenene mixkopotutatkalu wane pnute.
Currently Selected:
Gênesis 23: mpdBiblia
Highlight
Share
Copy
Want to have your highlights saved across all your devices? Sign up or sign in
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil
Gênesis 23
23
Sara-pni Hipniywaka Piranapni
1Cento e vinte e sete mhale tiweknixka Sara-ni.
2Waneya tupnanatka. Quiriate-Arba tshinikowaka Hebrom poktshi Canaã tshijne hwatshri tupniyanatka. Rapoka Abraão Sara-ni ritshiyahaxyawakapa hwamonuwaxyawaka walani pohwaka tshinanu.
3Waneya hpalnatka Abraão hipnatshroni yehiya waneya Hete tshinkalurni whenene riynumsatatka, wla htshinatkana:
4Hitni pa nerno hix-yehi hapkapachatatshrino hiyáhoni xawakni tshiji penekanno nkapnaxyawakanapna pa hohne hipnatshinni nkapnaxyawakanaplo hipnatshroni nhanunroni nma metjejexyawakanu yehi, nkapnataninro.
5Waneya Hete whenene wla tshinru:
6— Ha wutsrukate pjemanwu hixa. Pixa honukla tsrukakalyi Hoyakalu yehiya hixa hetanuya. Hiyáhoni pixako nuretanru hanukta paluka hitakletanru phanunroni pkapnaxyawaklo yomle. Hi satuknakwu hixa tshipexinyi yomletshi putakpiraxyawaka pkapnaxyawakanaplo phanunroni.
7Waneya Abraão yotunotatka, hyoptsojityehitna wale tshijne hajene, Hete-ni tshinkalurni whenene yehi.
8Waneya wla htshinatkana:
— Hixa hali hitshrexyatkano nkapnaxyawakanaplo nhanunroni nma mayapjejexyawakanu waneya hit-koxa hjemanu. Efrom tshinkaluru Zoar tshinkaluru whene napohchinikanuthi hixa.
9Hanjitanru hipjita hwapnatatshri Macpela tshinikowaka Efrom campo-te mahle sreta hwatshri renejyawakapno Efrom. Hixa hetanuko ritshixinno yomletshi rixyawakpatka hita tshinanu. Ralujyawaka pso potuko nwenutanru.
10Seyni Efrom Hete-ni whenene hanikajite tuplakanata. Waneya Efrom tshinkaluru heteu-neru yanumatatka wla htshinru Abraão Hete-ni whenene jemanu, ptowruneka hipoktshirna jihlokawakle yapatshine jemanu wla htshinru:
11— Ha hike nutsrukate pyijnakotanno. Campo nenekachatanyi hiyrun-koxa hipjita hwapnatatshri nenekachatan-koxyi. Nonerune whenene hetanuko wale nenekanyi pupnayehitjéroni pkapnaxyawakapa.
12Waneya Abraão yoptsojityehitatkana wale tshijne hajene hetanu.
13Waneya Abraão Efrom riynumatatka wale tshijne hajene hetanu, wla htshinatkalu:
— Campo-mka penekachapiraxyano nwenutanyi. Tiyiro nenekanyi campo wenru tshinanu. Wala ntiyirote panikanu waneya nupnayehitjéroni wane nkapnatanu.
14Waneya Efrom yanumatatka wla htshinru Abraão:
15— Nutsrukate pjemanno. Wale campo wenru quatrocentos proji prata hpoyahotamka. Seyni klunerhe hkochpaka wane psojiji tiyiro hita, pixayma? Hiyáhoni pkapnatapanro pupnayehitjéroni.
16Waneya Efrom tokanu romkahitatka Abraão. Rutakyahokatkalu prata htshinkajyawakna wenru pso Hete-ni tshinkaluru whenene jemanu, quatrocentos proji prata pejnu hwenutlu jichanrewaklerune pixka rixkakna.
17Hiyáhoni Efrom tshinkaluru campo-te Macpela tshinikowaka hwatshri hiyrun-koxa hipjita hwapnatatshri campo hwatshri, hahmuna wane hwatshri hiyrun-koxa ptowru potuko wale campo hwatshri Abraão-nutka.
18Abraão renekka Hete-ni whenene hetanuya hiyrun-koxa ptowru yineru poktshi jihlokawakle jihlojikatshine heta yoptoletlu Abraão.
19Waneya Abraão kapnatanro hhanunroni Sara-ni hipjita hwapnatatshriya Macpela campo-te hwatshri Manre tshinikowaka hinaple hwatshri Hebrom poktshiya, Canaã tshijne hwatshri.
20Wane rix-himutukletlu Abraão campo hiyrun-koxa hipjita hwapnatatshri yomletshi rixikowakapa. Hete-ni whenene mixkopotutatkalu wane pnute.
Currently Selected:
:
Highlight
Share
Copy
Want to have your highlights saved across all your devices? Sign up or sign in
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil