Gênesis 36
36
Esaú Klopicha Piranapni
1Esaú klopicha, edom-nerune piranni xye.
2Esaú hanunrotna suxone Canaã tshijne hajene. Ada tshinkaluro Elom tshinkaluru hitita-neru whene hhanunrota hiyrun-koxa Oolibama tshinkaluro Aná whene heveu-neru Zibeão tshinkaluru mekahyo hhanunrota.
3Hiyrun-koxa Basemate tshinkaluro Ismael whene, Nebaiote tshinkaluru mole hhanunrotatka.
4Waneya Ada tshinkaluro Elifaz tmatkajyatkalu Esaú. Basemate tshinkaluro Reuel tmatkajyatkalu Esaú.
5Oolibama tshinkaluro Jeús, Jalão, Corá tmatkajyalu. Nyi pejnu Esaú whenene Canaã tshijne matuxikatshine.
6Waneya Esaú hanikatkana hhanunrone, hiwhenene jejine ranikatka, hiwhenene ranikatka, ptowruneka rimwalene ranikatka, hiprane boi-ne ranikatka, hiprane ptowruneka ranikatka hiyrun-koxa rejnunkate ptowruka rukchikleru Canaã tshijneya ranikatka. Pa tshijne nwaka, howuk-tshijne nwaka hyatka Jacó mwiywakanu tshijne nwaka.
7Wane rixa klu tshinanu wale tshijne hi hakotatkalu hpohirewnalena rimwakajyawakna. Wale tshiji rapokachaxyawakna hi poyahotatkana hipranna.
8Hiyáhoni Esaú, Edom tshinkaluru himriji Seir tshinikowaka hwatka.
9Esaú, edom-nerune himriji Seir tshinikowaka hwatshine hiyakotatshri klopicha piranapni xye.
10Nyi Esaú whenene piranni. Elifaz tshinkaluru Ada tshinkaluro Esaú hnunro whene, Reuel Basemate tshinkaluro Esaú hnunro whene.
11Elifaz whenene piranapni. Temã, Omar, Zefô, Gaetã, Quenaz.
12Esaú whene Elifaz tshinkaluru hepi suxo rimwa, sato Timna tshinkaluro. Satu whene tmatkajyatkalu Elifaz, Amaleque hiwakatletatshri. Esaú hnunro Ada tshinkaluro whene klopicha piranni xye.
13Reuel tshinkaluru whenene piranapni xye: Naate, Zerá, Samá, Mizá tshinkaluru. Nyi pejnu Basemate tshinkaluro Esaú hnunro mekahinni.
14Oolibama tshinkaluro, Esaú hnunro Aná whene Zibeão tshinkaluru mekahyo whenene tmatkajyatkalu Esaú piranapni xye: Jeús, Jalão, Corá hiwakatletatshine.
15Esaú klopicha tserutatshine piranapni xye: Elifaz tshinkaluru Esaú whene tsrujru whenene pejnu hinerkaka chefe-tene Temã, Omar, Zefô, Quenaz,
16Corá, Gaetã, Amaleque hiwakatletatshine. Wla pejnuna Elifaz tshinkaluru, edom-neru Ada tshinkaluro mekahine klopicha piranni.
17Esaú klopicha chefe-tene, hiwhene Reuel tshinkaluru whenene wla pejnuna: Naate, Zerá, Samá, Mizá hiwakatletatshine. Nyi pejnu Esaú klopicha chefe-tene Basemate tshinkaluro, Esaú hnunro mekahine pejnu.
18Oolibama tshinkaluro Esaú hnunro whenene piranapni. Jeús, Jalão, Corá hiwakatletatshine Esaú hnunro Oolibama tshinkaluro Aná tshinkaluro whene whenenni Esaú klopicha chefe-tene pejnuni.
19Nyi pejnu Esaú edom-nerune klopichane. Wla pejnu Esaú klopicha chefe-tene.
Seir Tshinkaluru Klopichane Piranapni
20Nyi pejnuna Seir tshinkaluru whenene horeu-neru piranapni wale tshijne hwakanatatshine. Lotã, Sobal, Zibeão, Aná,
21Disom, Ézer, Disã hiwakatletatshine. Nyi pejnuna Seir tshinkaluru whenene hereu-nerune chefe-tene Edom tshinikowaka tshijne hwatshine.
22Wla pejnuna Lotã tshinkaluru whenene: Hori, Hemã hiwakatletatshine. Timna tshinkaluro Lotã tshinkaluru molni suxo.
23Wla pejnuna Sobal tshinkaluru whenene: Alvã, Manaate, Ebal, Sefô, Onã hiwakatletatshine.
24Wla pejnuna Zibeão tshinkaluru whenene: Aiá, Aná hiwakatletatshine. Aná tshinkaluru waleni hakopha hamehalu hikchikatshri popriwakaya ruru Zibeão prane jumento-ne ranikakanata campo-ya mitshi.
25Wla pejnuna Aná tshinkaluru whenene: Disom, Oolibama hiwakatletatshine. Oolibama tshinkaluro Aná tshinkaluru whenekananu.
26Wla pejnuna Disom tshinkaluru whenene: Hendã, Esbã, Itrã, Querã hiwakatletatshine.
27Wla pejnu koxna Ézer tshinkaluru whenene: Bilã, Zaavã, Acã hiwakatletatshine.
28Wla pejnuna Disã tshinkaluru whenene: Uz, Arã hiwakatletatshine.
29Wla pejnuna horeu-nerune chefe-tene: Lotã, Sobal, Zibeão, Aná,
30Disom, Ézer, Disã hiwakatletatshine. Nyi pejnuna hereu-nerune hinerune ptohikaka chefe-tene, Seir tshinikowaka hwatshine.
Edom-Nerune Chefe-tene Hiyrun-koxa Hpohirewlena Piranapni
31Israel-nerune pohirene hi hakanhawa wla pejnu pohirune pohirewatatkana Edom tshijneya,
32Belá tshinkaluru Beor tshinkaluru whene pohirewatatka Edom tshijneya. Htsru poktshite hiwakni Dinabá.
33Waneya rupninixka Belá-ni, Jobabe tshinkaluru Zerá tshinkaluru Bozra tshinikowaka hajeru whene pohirewata wale-ni kachrijru.
34Waneya rupnininatka Jobabe-ni Husã tshinkaluru Temani tshijne hajeru whene pohirewatatka Jobabe-ni kachrijru.
35Waneya Husã-ni hipnininatnaka Hadade tshinkaluru, Bedade tshinkaluru whene midiani-tanni Moabe tshijne hajenni rallitatka waneya hpohirewnatka Husã-ni kachrijru. Htsru poktshite hiwakni Avite.
36Waneya Hadade hipnininatka Samlá tshinkaluru Masreca hajeru pohirewatatka Hadade-ni kachrijru.
37Waneya Samlá-ni hipnininatka Saul, Reobote tshinikowaka Eufrates wennestsi tshijne hajeru pohirewnatka waleni kachrijru.
38Waneya Saul-ni hipnininatka Baal-Hanã tshinkaluru, Acbor tshinkaluru whene pohirewnatka Saul-ni kachrijru.
39Waneya Baal-Hanã tshinkaluru, Acbor whene hipnanatka. Hadade tshinkaluru pohirewatatka waleni kachrijru. Hadade tshinkaluru htsru poktshite hiwakni Paú. Wale hnunro hiwakni Meetabel, Matrede tshinkaluro whene, Mezaabe tshinkaluro mekahyo.
40Esaú klopicha chefe-tenekaka hinerune xkehkakayna, htshijneyna piranapni. Xyeni wannakaka hiwaka Timna, Alva, Jetete,
41Oolibama, Elá, Pinom,
42Quenaz, Temã, Mibzar,
43Magdiel, Irã hiwakatletatshine. Nyikak-pejnu edom-nerune chefe-tenekaka. Nyikaka hwiywaka tshijne hpokowaxyatkana. Edom-nerune Esaú klopichane.
Currently Selected:
Gênesis 36: mpdBiblia
Highlight
Share
Copy
Want to have your highlights saved across all your devices? Sign up or sign in
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil
