Lucas 4
4
Jesus Yohnixikolu Piranapni
1Jesus Jordão wenne rali hichpaklexinixka, katsepoyatkalu Hoyakalu Hiwejikaluru. Waneya Hoyakalu Hiwejikaluru hanikkotlu Jesus kahnete poktshiri hyiywakpatka.
2Waneya quarenta hohne pchinika tsru kamtshi Satanás yohnitlu Jesus. Waneya wane pejnu hohne hike hnika Jesus hiyáhoni hnatshitatka.
3Waneya tsru kamtshi Satanás wan-tshinru:
— Hoyakalu whene pixinipakni, ptowutanru xye sotlukaka pão rixinwa.
4Seyni Jesus hihitlu:
— Hi he Hoyakalu tokanu potukalu yonatkaluru wan-tshina: Yine hi pão mixkonu tsonu riwejyana seyni ptowruka wane htshintokanuta Hoyakalu: “Hoyakalu tokanu tshinanu riwekanu yineru.”
5Waneya tsru kamtshi Satanás hanikatkalu Jesus satu himriji tenolu, pchinhohnejiji rekhitlu Jesus ptowruka tshijnekaka pohirewaxyawaka.
6Waneya tsru kamtshi Satanás wan-tshina:
— Xye ptowrukamka nenekanyi ptowuxyawaklu, npohirewnale koxamka pixanpatka. Klu tshinanu xye ptowruka nenekka hiyáhoni numukata henekletanru katukta naluk-henekletanu.
7Xyekaka ptowruka pixanpatkani pyoptsojityehixinipno, pimalwuxinipno.
8Waneya Jesus wan-tshinru:
— Wane htshina hinkakleta Hoyakalu tokanu potukalu yonatkaluru: “Tsru Hixikatshriwa Hoyakalu tsonu himalwutanu hiyrun-koxa wale tsonu pomkahitanu.”
9Waneya wane pnutetka tsru kamtshi haniklu Jesus Jerusalém poktshi waneya Hoyakalupji hohwaka hwatshri tenoptajiru rimatskotlu Jesus. Waneya wane htshinru:
— Hoyakalu whene pixinipakni hewi tenowaka puknojinwa,
10klu tshinanu Hoyakalu tokanu potukalu yonatkaluru wan-tshina: “Hoyakalu towutna htowrene hiwejikalune tenhohne hajene hinoxyawakapyi.”
11Hiyrun-koxa: “Himyoymana ruchatkapanyina, pma muphajixixyawakanupa sotlu hoho.”
12Waneya Jesus wan-tshinru:
— Seyni Hoyakalu tokanu yonatkaluru wan-tshina: “Hi pyahtaletanru Tsru Hixikatshriwa Hoyakalu Poyakalute.”
13Waneya rali yahotaletletlu Jesus xye yahotaletluya psoluka, tsru kamtshi Satanás hichomtlu. Waneya pchinhohne retachatlu.
Jesus Yinuwaka Kamrurewlexyawaka Piranapni
14Waneya Jesus satokanwakatlu Galileia tshijne nwaka. Hoyakalu Hiwejikaluru himukatle himotsatlu. Jesus pirana wale tshijne psoluka rupalpiranyehita.
15Rasruklewjekanata wanna hanjihohnewakapjikakaya. Ptowruneka himalwutlu.
Nazaré Poktshi Rawyawaka Piranapni
16Waneya Jesus htseruwniywaka poktshi Nazaré tshinikowaka hya. Rixjexyawaka sábado hohne hanjihohnewakapji hjihloka. Waneko hyopkaka rethaxyawakaplu Hoyakalu tokanu potukalu yonatkaluru.
17Waneya renekka papel-mta Hoyakalu tokanu hinkakletatshrini Isaías-ni yonre steno. Hkoprakatkalo. Rukchiklu wane htshin-yonhaxyawaka:
18“Hita rawa Hoyakalu Hiwejikaluru.
Hnuretno nunkaklexyawakaplu
Kihle piranalu potuko hiwekkaklewatatshri pirana hike mwikane yehiya
Runkaklewjixno ruchoxikowakapna yine pirana kachitkalune tshinanu hiyrun-koxa himrekhale
pirana nunkajyawakna mayhalene, ruchotkona salewnatshine,
19nunkaklexyawak-koxlu Tsru Hixikatshriwa Hoyakalu rayinetene riwekkajinripatka mhale pirana.”
20Waneya Jesus hichyatatkalo papel-mta waneya reneklu hanjihohnewakapji kamrurewaxikatshri. Waneya htuplatatka. Ptowrunek-yine hanjihohnewakapji hwakanatatshine yopukhapotutlu.
21Waneya hyinuwaka wan-tshinretna:
— Xawakni hohne potuko rakanhatka xye tokantshi yonatkaluru hjemyawaka pixka.
22Ptowru neruka halikakni htshinruna Jesus, rukchikhihlenutluna kihleru tokantshi Jesus hinkajyatkana. Wla htshinjekanatluna:
— Hi he José tshinkaluru whenni wale?
23Waneya Jesus wan-tshinna:
— Hix-hetko ptowrunekhi xye yapkaklu pirana htshinanno: “Kpinrewakleru, putskalajinwa.” Wla kox-hetko htshinanno: “Cafarnaum poktshi pkamhakanaxinri hewi koxa, ptshijne potuko, pkamhinixnaklu.”
24Wane htshin-koxa Jesus:
— Halikaka wane ntshinhi. Hi satukna muphujewnakatuwa pirana hinkakletatshri hikchikhihlenutko waleko htshijneya.
25Hjemanru: Mitshikananu hinamtatshri pirana hinkakletatshri Elias-ni tshinkaluru klu papko rawna hipnahnurutatshrone Israel tshijneya. Waneklu papko hi rinnewjekanata Israel tshijneya mapa mhale hiyrunu seis ksuru pchinika. Waneya tsru natshi potuko retna wale tshijne hajene.
26Wanepnawaka hi satokna Israel tshijne hajero hipnahnurutatshro nwaka hyokanatka Elias-ni Hoyakalu tshinanuya. Seyni halikaka Sarepta tshinikowaka, Sidom tshijne hwatshri poktshi hajero hipnahnurutatshro tsonu Elias tyokananwakatka.
27Hiyrun-koxa Hoyakalu tokanu hinkakletatshrini Eliseu-ni tshinkaluru klu papko koxa yeyixlu mjemtshinotkotu himwatshine híxona Israel tshijneya seyni hi satuknako wanna hitskalakka waneklu. Naamã-ni tshinkalurni, Sírio-neru tsonupka hitskalakkatka waneklu papko.
28Waneya xye pirana hyijnakoxinixkana hanjihohnewakapji hwakanatatshine ramewpotutna.
29Waneya hpalnamtna. Poktshi maleka sreta ranikluna hipokananu. Wale poktshi maleka tenopjitawaka potuko ranikluna hitskata hyotkajyawakapluna.
30Seyni hixolune yine hanikajiteko hyapamta. Hyatka.
Kkamtshiteru Piranapni
31Waneya Jesus jihlokamtlu Cafarnaum poktshi Galileia tshijne poktshite. Waneya sábado hohne rasruklewjeta hanjihohnewakapjiya.
32Rimyekna rasruklewle tshinanu klu tshinanu rasrukna hatatjewa tsru towutatshri pixka rixa hasrukletna.
33Waneya kkamtshiteru koxa wane hwakanata hanjihohnewakapji. Waneya hsaplewata kkamtshiteru. Wla htshin-sapleta:
34— Ya! Kluhe pixannatkawu, Jesus Nazaré hajeru? Puna pumtukapyawakapwuhe? Nimatyi katyi pixa: Potukalyi Hoyakalyi!
35Seyni Jesus hi hinanchitlu. Waneya wane htshina:
— Potshkepyi. Puchpakanutka wale maneya!
Waneya kamtshi wanna hanikajite yawnakaklu kkamtshiteru. Waneya ruchpakamxyalu. Hi rumtukamtlu jeji.
36Waneya ptowrunek-yine himyeka. Hiyáhoni repomhakakna, wane htshinna:
— Klunerni xye tokantshikaka? Xye jeji tsru hitakkaluruyma hiyrun-koxa tsru himukatluyma kamtshi ruchpakjixa. Hiyrunu hjemluna wale kamtshine htshinyawakna.
37Waneya hpohiwata Jesus psol-tshijne potuko wale tshijneya.
Pedro Himajiro Rutskalajyawaka Jesus Piranapni
38Waneya hanjihohnewakapjiya ruchpakamxinixka Jesus Simão Pedro tshinkalurupji hjihloka. Simão himajiro patshwapotuta waneya wala tshinanu ranjitluna.
39Waneya walastsi hyopkaka. Waneya ruchpakjixlu patshwalu. Tutuk-patshwalemtatka. Waneya waneklukawa tyotunotatka waneya tyomhatna.
40Waneya kayi rixinixka rimxijinixka tkatshi yeyixatshine ranikanwakatluna hiyrun-koxa ptowru hixatshri hahijewaktshi himwatshine. Waneya wanna ptowruneka himyo rutakhohota, rutskalakna.
41Kamtshine koxa hixolune yineyma hwakanatatshine hichpakamtatka, hsaplewamtatkana. Wla htshin-saplemtna:
— Pixni Cristo-yi, Hoyakalu Whenyi!
Seyni Jesus hi hitshi yanumsaletna kamtshine klu tshinanu rimathetluna Cristo rixyawaka.
Jesus Yinuwaka Hinkaklewlexyawaka Piranapni
42Waneya rumrekpiraxinixka, poktshi ruchpakamxyatka Jesus. Potshkewaka nwaka hyatka. Waneya yine hixolune yinuwaka hijhaletlu. Hyanwakatluna. Waneya rukchijinixkaluna htshipetmakluna wanna yehi hma muchpajyawakanupa.
43Seyni Jesus wan-tshinna:
— Nujhalu nunkaklewaxyawak-koxa pimri poktshikakaya, Hoyakalu pohirewaxyawaka hinatshripa pirana. Klu tshinanu wale tshinanukni nuna.
44Hiyáhoni runkaklewakananumta hanjihohnewakapjikakaya Judeia tshijne hajerkakaya.
Currently Selected:
Lucas 4: mpdBiblia
Highlight
Share
Copy
Want to have your highlights saved across all your devices? Sign up or sign in
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil
Lucas 4
4
Jesus Yohnixikolu Piranapni
1Jesus Jordão wenne rali hichpaklexinixka, katsepoyatkalu Hoyakalu Hiwejikaluru. Waneya Hoyakalu Hiwejikaluru hanikkotlu Jesus kahnete poktshiri hyiywakpatka.
2Waneya quarenta hohne pchinika tsru kamtshi Satanás yohnitlu Jesus. Waneya wane pejnu hohne hike hnika Jesus hiyáhoni hnatshitatka.
3Waneya tsru kamtshi Satanás wan-tshinru:
— Hoyakalu whene pixinipakni, ptowutanru xye sotlukaka pão rixinwa.
4Seyni Jesus hihitlu:
— Hi he Hoyakalu tokanu potukalu yonatkaluru wan-tshina: Yine hi pão mixkonu tsonu riwejyana seyni ptowruka wane htshintokanuta Hoyakalu: “Hoyakalu tokanu tshinanu riwekanu yineru.”
5Waneya tsru kamtshi Satanás hanikatkalu Jesus satu himriji tenolu, pchinhohnejiji rekhitlu Jesus ptowruka tshijnekaka pohirewaxyawaka.
6Waneya tsru kamtshi Satanás wan-tshina:
— Xye ptowrukamka nenekanyi ptowuxyawaklu, npohirewnale koxamka pixanpatka. Klu tshinanu xye ptowruka nenekka hiyáhoni numukata henekletanru katukta naluk-henekletanu.
7Xyekaka ptowruka pixanpatkani pyoptsojityehixinipno, pimalwuxinipno.
8Waneya Jesus wan-tshinru:
— Wane htshina hinkakleta Hoyakalu tokanu potukalu yonatkaluru: “Tsru Hixikatshriwa Hoyakalu tsonu himalwutanu hiyrun-koxa wale tsonu pomkahitanu.”
9Waneya wane pnutetka tsru kamtshi haniklu Jesus Jerusalém poktshi waneya Hoyakalupji hohwaka hwatshri tenoptajiru rimatskotlu Jesus. Waneya wane htshinru:
— Hoyakalu whene pixinipakni hewi tenowaka puknojinwa,
10klu tshinanu Hoyakalu tokanu potukalu yonatkaluru wan-tshina: “Hoyakalu towutna htowrene hiwejikalune tenhohne hajene hinoxyawakapyi.”
11Hiyrun-koxa: “Himyoymana ruchatkapanyina, pma muphajixixyawakanupa sotlu hoho.”
12Waneya Jesus wan-tshinru:
— Seyni Hoyakalu tokanu yonatkaluru wan-tshina: “Hi pyahtaletanru Tsru Hixikatshriwa Hoyakalu Poyakalute.”
13Waneya rali yahotaletletlu Jesus xye yahotaletluya psoluka, tsru kamtshi Satanás hichomtlu. Waneya pchinhohne retachatlu.
Jesus Yinuwaka Kamrurewlexyawaka Piranapni
14Waneya Jesus satokanwakatlu Galileia tshijne nwaka. Hoyakalu Hiwejikaluru himukatle himotsatlu. Jesus pirana wale tshijne psoluka rupalpiranyehita.
15Rasruklewjekanata wanna hanjihohnewakapjikakaya. Ptowruneka himalwutlu.
Nazaré Poktshi Rawyawaka Piranapni
16Waneya Jesus htseruwniywaka poktshi Nazaré tshinikowaka hya. Rixjexyawaka sábado hohne hanjihohnewakapji hjihloka. Waneko hyopkaka rethaxyawakaplu Hoyakalu tokanu potukalu yonatkaluru.
17Waneya renekka papel-mta Hoyakalu tokanu hinkakletatshrini Isaías-ni yonre steno. Hkoprakatkalo. Rukchiklu wane htshin-yonhaxyawaka:
18“Hita rawa Hoyakalu Hiwejikaluru.
Hnuretno nunkaklexyawakaplu
Kihle piranalu potuko hiwekkaklewatatshri pirana hike mwikane yehiya
Runkaklewjixno ruchoxikowakapna yine pirana kachitkalune tshinanu hiyrun-koxa himrekhale
pirana nunkajyawakna mayhalene, ruchotkona salewnatshine,
19nunkaklexyawak-koxlu Tsru Hixikatshriwa Hoyakalu rayinetene riwekkajinripatka mhale pirana.”
20Waneya Jesus hichyatatkalo papel-mta waneya reneklu hanjihohnewakapji kamrurewaxikatshri. Waneya htuplatatka. Ptowrunek-yine hanjihohnewakapji hwakanatatshine yopukhapotutlu.
21Waneya hyinuwaka wan-tshinretna:
— Xawakni hohne potuko rakanhatka xye tokantshi yonatkaluru hjemyawaka pixka.
22Ptowru neruka halikakni htshinruna Jesus, rukchikhihlenutluna kihleru tokantshi Jesus hinkajyatkana. Wla htshinjekanatluna:
— Hi he José tshinkaluru whenni wale?
23Waneya Jesus wan-tshinna:
— Hix-hetko ptowrunekhi xye yapkaklu pirana htshinanno: “Kpinrewakleru, putskalajinwa.” Wla kox-hetko htshinanno: “Cafarnaum poktshi pkamhakanaxinri hewi koxa, ptshijne potuko, pkamhinixnaklu.”
24Wane htshin-koxa Jesus:
— Halikaka wane ntshinhi. Hi satukna muphujewnakatuwa pirana hinkakletatshri hikchikhihlenutko waleko htshijneya.
25Hjemanru: Mitshikananu hinamtatshri pirana hinkakletatshri Elias-ni tshinkaluru klu papko rawna hipnahnurutatshrone Israel tshijneya. Waneklu papko hi rinnewjekanata Israel tshijneya mapa mhale hiyrunu seis ksuru pchinika. Waneya tsru natshi potuko retna wale tshijne hajene.
26Wanepnawaka hi satokna Israel tshijne hajero hipnahnurutatshro nwaka hyokanatka Elias-ni Hoyakalu tshinanuya. Seyni halikaka Sarepta tshinikowaka, Sidom tshijne hwatshri poktshi hajero hipnahnurutatshro tsonu Elias tyokananwakatka.
27Hiyrun-koxa Hoyakalu tokanu hinkakletatshrini Eliseu-ni tshinkaluru klu papko koxa yeyixlu mjemtshinotkotu himwatshine híxona Israel tshijneya seyni hi satuknako wanna hitskalakka waneklu. Naamã-ni tshinkalurni, Sírio-neru tsonupka hitskalakkatka waneklu papko.
28Waneya xye pirana hyijnakoxinixkana hanjihohnewakapji hwakanatatshine ramewpotutna.
29Waneya hpalnamtna. Poktshi maleka sreta ranikluna hipokananu. Wale poktshi maleka tenopjitawaka potuko ranikluna hitskata hyotkajyawakapluna.
30Seyni hixolune yine hanikajiteko hyapamta. Hyatka.
Kkamtshiteru Piranapni
31Waneya Jesus jihlokamtlu Cafarnaum poktshi Galileia tshijne poktshite. Waneya sábado hohne rasruklewjeta hanjihohnewakapjiya.
32Rimyekna rasruklewle tshinanu klu tshinanu rasrukna hatatjewa tsru towutatshri pixka rixa hasrukletna.
33Waneya kkamtshiteru koxa wane hwakanata hanjihohnewakapji. Waneya hsaplewata kkamtshiteru. Wla htshin-sapleta:
34— Ya! Kluhe pixannatkawu, Jesus Nazaré hajeru? Puna pumtukapyawakapwuhe? Nimatyi katyi pixa: Potukalyi Hoyakalyi!
35Seyni Jesus hi hinanchitlu. Waneya wane htshina:
— Potshkepyi. Puchpakanutka wale maneya!
Waneya kamtshi wanna hanikajite yawnakaklu kkamtshiteru. Waneya ruchpakamxyalu. Hi rumtukamtlu jeji.
36Waneya ptowrunek-yine himyeka. Hiyáhoni repomhakakna, wane htshinna:
— Klunerni xye tokantshikaka? Xye jeji tsru hitakkaluruyma hiyrun-koxa tsru himukatluyma kamtshi ruchpakjixa. Hiyrunu hjemluna wale kamtshine htshinyawakna.
37Waneya hpohiwata Jesus psol-tshijne potuko wale tshijneya.
Pedro Himajiro Rutskalajyawaka Jesus Piranapni
38Waneya hanjihohnewakapjiya ruchpakamxinixka Jesus Simão Pedro tshinkalurupji hjihloka. Simão himajiro patshwapotuta waneya wala tshinanu ranjitluna.
39Waneya walastsi hyopkaka. Waneya ruchpakjixlu patshwalu. Tutuk-patshwalemtatka. Waneya waneklukawa tyotunotatka waneya tyomhatna.
40Waneya kayi rixinixka rimxijinixka tkatshi yeyixatshine ranikanwakatluna hiyrun-koxa ptowru hixatshri hahijewaktshi himwatshine. Waneya wanna ptowruneka himyo rutakhohota, rutskalakna.
41Kamtshine koxa hixolune yineyma hwakanatatshine hichpakamtatka, hsaplewamtatkana. Wla htshin-saplemtna:
— Pixni Cristo-yi, Hoyakalu Whenyi!
Seyni Jesus hi hitshi yanumsaletna kamtshine klu tshinanu rimathetluna Cristo rixyawaka.
Jesus Yinuwaka Hinkaklewlexyawaka Piranapni
42Waneya rumrekpiraxinixka, poktshi ruchpakamxyatka Jesus. Potshkewaka nwaka hyatka. Waneya yine hixolune yinuwaka hijhaletlu. Hyanwakatluna. Waneya rukchijinixkaluna htshipetmakluna wanna yehi hma muchpajyawakanupa.
43Seyni Jesus wan-tshinna:
— Nujhalu nunkaklewaxyawak-koxa pimri poktshikakaya, Hoyakalu pohirewaxyawaka hinatshripa pirana. Klu tshinanu wale tshinanukni nuna.
44Hiyáhoni runkaklewakananumta hanjihohnewakapjikakaya Judeia tshijne hajerkakaya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil