Mateus 15
15
Judeu Hitsrukatenni Hasruklewle Piranapni
1Waneya satkaka fariseu-ne hiyrunu satkaka kasruklewaklerune hinanchitkaluru pirana hasruklewatatshine Jerusalém hiyakaxikatshine yanwakatlu Jesus. Waneya repomhaluna:
2— Haklu tshinanhe pasruklene majnakowaxyalu tsrunni hasruklewle pirana? Klu tshinanu merojikanekwa nika!
3Waneya Jesus hihitna, wla htshinna:
— Klu tshinan-koxhe hixa majnakowaxyalu Hoyakalu tokanu tsrunni hasruklewle pirana homkahixyawaka?
4Klu tshinanu Hoyakalu wan-tshina: “Pkahwakpiratanru puru, punro.” Hiyrun-koxa Hoyakalu wan-tshina: “Katukta hektuwaka tshinanwakatlu ruru, runro, walepni hiylatkona.”
5Seyni hixa wan-tshina: Satu jeji himwinri pa hixanu repixyawakaplu ruru, runro seyni wale wan-tshina rimwaleru henekachlu Hoyakalunupa,
6hi rujhalu ruru runro repixyawakapa. Hiyáhoni hiknokachatlu Hoyakalu tokanu tsrunni hasruklewle pirana hkamhiywakapa.
7Hixachatatshinhi! Hoyakalu tokanu hinkakletatshri Isaías-ni hinkakletpotuthi hixa. Wla htshina yonatkaluru:
8“Nyi yine himalwutno hinama tsonuyma seyni hihchinikanuyna howukayno.
9Hmahijeru himalwuretnona; klu tshinanu rasrujikolna yineru hinanchireru tsonu.”
10Waneya Jesus tomhana hixolune yine. Wane htshinna:
— Hyijnakotanno himatjemyawakapa.
11Hinama jihlojikatshri hi pitshotlu yineru Hoyakalu hetanuya seyni yineru pitshotjeru halikaka namtshi hichpakhimaxikatshri.
12Waneya rasruklene Jesus yehistsi hyana wla htshinruna:
— Pimathe fariseu-ne hima rumtuwnahchinikanutna ptshinyawaka tshinanu?
13Waneya Jesus wla tshin-hihretna:
— Ptowru hitaklu Nuru tenhohne hajeru mutakanutu hitskihi potuko roplijiko.
14Hi hkojwakahchinikanutanu wanna tshinanu; wannakni mayhalene kosekatshine. Mayhaletu kosejinri mayhaletu waneya wanna hepi mayhalene kapna rujrukanna.
15Waneya Pedro wan-tshina:
— Punkakanwu klu htshina xye yapkaklu pirana.
16Waneya Jesus hepomhana, wla htshina:
— Wanepnawaka hi he himatjemawa?
17Hi he himatjemlu xye? Yineru nikleru mitshikananu hinama hyapa, wane pnute hisatu hya waneya himane ruchpajya.
18Seyni tokantshi hinama hichpajikatshri hihchinikanu ruchpajya walekni pitshotlu yineru.
19Klu tshinanu hihchinikanu hichpajikatshri hektutu chinikantshikaka, hiylalewlu, himopatlewlu, hapoklewlu, tshowhuwlu, yokwijrewlu, hiyrun-koxa hektuwaka htshinanwakaxyawaklu Hoyakalu.
20Walekaka halikaka pitshotlu yineru seyni merojikatukwa hnijini yineru hike.
Canaã Hajero Halixlewle Piranapni
21Waneya Jesus wane hichpajya, Tiro hiyrunu Sidom tshinikowakastsi hyamta.
22Waneya sato suxo Canaã-nero wanestsi hajero yanwakatlu Jesus, wla ttshin-saplewleta:
— Tsru Hixikatshriwa, Davi-ni klopicha tshinkaluru, petwamonutanunno! Nchitsho salewnapotuta kamtshi tomane hajeru tshinanu.
23Seyni Jesus hike tshina. Hiyáhoni rasruklene hyehistsi rapokna waneya hipokananu ranjitluna, wla htshinna:
— Psatkakamtanro xako klu tshinanu hixa hatjini hi tutuka saplewjeremxya.
24Waneya ruhitna, wla htshinna:
— Nyokanatka carneiro-ne hamhatshine israel-nerune tsonu tshinanu.
25Waneya tunatka suxo, tyoptsojityehitlu Jesus, waneya wla ttshinru:
— Tsru Hixikatshriwa, pepixanunno.
26Waneya ruhitlo, wla htshinro:
— Hi kihleru hkonikowakna mturune hnikanruna kawene nwaka ruknojikowakapa.
27Waneya wla ttshinru:
— Wanekni, Tsru Hixikatshriwa, seyni haté kawe whenen-koxa niklu nijittshi hpuratjeru mesa-te hijrujikatshri.
28Waneya Jesus wan-tshinro:
— Suxo, palixle tsru potuko. Panijitanru penekko.
Waneklukawa potuko tutskalhatka tchitsho.
Hixolune Rutskalajyawaka Jesus Galileia Powha Sretaya Piranapni
29Waneya Jesus wane ruchpajya, Galileia powhastsi hyapakananumta. Waneya satu himriji ratskotatka, wane htuplaxya.
30Hixolune yine hanikanwakatlu satkaka myape, satkaka mayhaletu, satkaka myanumatkatu, satkaka myankatu hiyrunu hixo pimrinkaka yeyixatshine ranikna waneya Jesus jixi yehistsi rutakna. Waneya Jesus ptowruneka hitskalakatka.
31Hixolune hetlu myanumatkanekananu yanumaxyawaka, hiyrunu myapenekananu kihletka, retna myankanekananu yanyawakatka hiyrun-koxa mayhalenekananu hetatka. Waneya xye rexinna, rimyekahchinikanutna, rimalwutatkaluna Israel Hoyakalute.
Jesus Quatro Mil Yine Hohluxyawaka Piranapni
32Waneya Jesus tomhana rasruklene, wla htshinna:
— Netwamonutna nyi yine. Map-hohne hitaymana hiyrunu malechayna hnikanruna. Hi naluka yokanretna mnikkane hma muhrojyawakanupna hatnu hapoya.
33Waneya rasruklene wan-tshinru:
— Hanhe wixa hikchikletanru pão hewi kahnete poktshiri hixolune yine wohluxyawaka?
34Waneya Jesus hepomhana:
— Hi pejnu pão-pro himwa hixa?
Ruhitluna, wla htshinruna:
— Sete pão-pro wimwa hiyrunu satkaka chima mtseroto.
35Waneya Jesus tshiji tuplakjixna hixolune yine.
36Waneya hkochtsheklu sete pão hiyrunu chimane. Rali poyahnutlexini, hjiknajrotlu, rasruklene reneklu waneya rasruklene heneksatna hixolune yine.
37Waneya ptowru yineru nikatka, jinanutkana. Waneya rasruklene tsepotlu sete chiwatu nijittshi hixetatshrini.
38Nikatshine pejnu quatro mil jejine, suxone mturune hi hitakyahokka.
39Jesus hali yokanrexinixkana hixolune, kanawa hpokowna, Magadã sreta hya.
Currently Selected:
Mateus 15: mpdBiblia
Highlight
Share
Copy
Want to have your highlights saved across all your devices? Sign up or sign in
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil
Mateus 15
15
Judeu Hitsrukatenni Hasruklewle Piranapni
1Waneya satkaka fariseu-ne hiyrunu satkaka kasruklewaklerune hinanchitkaluru pirana hasruklewatatshine Jerusalém hiyakaxikatshine yanwakatlu Jesus. Waneya repomhaluna:
2— Haklu tshinanhe pasruklene majnakowaxyalu tsrunni hasruklewle pirana? Klu tshinanu merojikanekwa nika!
3Waneya Jesus hihitna, wla htshinna:
— Klu tshinan-koxhe hixa majnakowaxyalu Hoyakalu tokanu tsrunni hasruklewle pirana homkahixyawaka?
4Klu tshinanu Hoyakalu wan-tshina: “Pkahwakpiratanru puru, punro.” Hiyrun-koxa Hoyakalu wan-tshina: “Katukta hektuwaka tshinanwakatlu ruru, runro, walepni hiylatkona.”
5Seyni hixa wan-tshina: Satu jeji himwinri pa hixanu repixyawakaplu ruru, runro seyni wale wan-tshina rimwaleru henekachlu Hoyakalunupa,
6hi rujhalu ruru runro repixyawakapa. Hiyáhoni hiknokachatlu Hoyakalu tokanu tsrunni hasruklewle pirana hkamhiywakapa.
7Hixachatatshinhi! Hoyakalu tokanu hinkakletatshri Isaías-ni hinkakletpotuthi hixa. Wla htshina yonatkaluru:
8“Nyi yine himalwutno hinama tsonuyma seyni hihchinikanuyna howukayno.
9Hmahijeru himalwuretnona; klu tshinanu rasrujikolna yineru hinanchireru tsonu.”
10Waneya Jesus tomhana hixolune yine. Wane htshinna:
— Hyijnakotanno himatjemyawakapa.
11Hinama jihlojikatshri hi pitshotlu yineru Hoyakalu hetanuya seyni yineru pitshotjeru halikaka namtshi hichpakhimaxikatshri.
12Waneya rasruklene Jesus yehistsi hyana wla htshinruna:
— Pimathe fariseu-ne hima rumtuwnahchinikanutna ptshinyawaka tshinanu?
13Waneya Jesus wla tshin-hihretna:
— Ptowru hitaklu Nuru tenhohne hajeru mutakanutu hitskihi potuko roplijiko.
14Hi hkojwakahchinikanutanu wanna tshinanu; wannakni mayhalene kosekatshine. Mayhaletu kosejinri mayhaletu waneya wanna hepi mayhalene kapna rujrukanna.
15Waneya Pedro wan-tshina:
— Punkakanwu klu htshina xye yapkaklu pirana.
16Waneya Jesus hepomhana, wla htshina:
— Wanepnawaka hi he himatjemawa?
17Hi he himatjemlu xye? Yineru nikleru mitshikananu hinama hyapa, wane pnute hisatu hya waneya himane ruchpajya.
18Seyni tokantshi hinama hichpajikatshri hihchinikanu ruchpajya walekni pitshotlu yineru.
19Klu tshinanu hihchinikanu hichpajikatshri hektutu chinikantshikaka, hiylalewlu, himopatlewlu, hapoklewlu, tshowhuwlu, yokwijrewlu, hiyrun-koxa hektuwaka htshinanwakaxyawaklu Hoyakalu.
20Walekaka halikaka pitshotlu yineru seyni merojikatukwa hnijini yineru hike.
Canaã Hajero Halixlewle Piranapni
21Waneya Jesus wane hichpajya, Tiro hiyrunu Sidom tshinikowakastsi hyamta.
22Waneya sato suxo Canaã-nero wanestsi hajero yanwakatlu Jesus, wla ttshin-saplewleta:
— Tsru Hixikatshriwa, Davi-ni klopicha tshinkaluru, petwamonutanunno! Nchitsho salewnapotuta kamtshi tomane hajeru tshinanu.
23Seyni Jesus hike tshina. Hiyáhoni rasruklene hyehistsi rapokna waneya hipokananu ranjitluna, wla htshinna:
— Psatkakamtanro xako klu tshinanu hixa hatjini hi tutuka saplewjeremxya.
24Waneya ruhitna, wla htshinna:
— Nyokanatka carneiro-ne hamhatshine israel-nerune tsonu tshinanu.
25Waneya tunatka suxo, tyoptsojityehitlu Jesus, waneya wla ttshinru:
— Tsru Hixikatshriwa, pepixanunno.
26Waneya ruhitlo, wla htshinro:
— Hi kihleru hkonikowakna mturune hnikanruna kawene nwaka ruknojikowakapa.
27Waneya wla ttshinru:
— Wanekni, Tsru Hixikatshriwa, seyni haté kawe whenen-koxa niklu nijittshi hpuratjeru mesa-te hijrujikatshri.
28Waneya Jesus wan-tshinro:
— Suxo, palixle tsru potuko. Panijitanru penekko.
Waneklukawa potuko tutskalhatka tchitsho.
Hixolune Rutskalajyawaka Jesus Galileia Powha Sretaya Piranapni
29Waneya Jesus wane ruchpajya, Galileia powhastsi hyapakananumta. Waneya satu himriji ratskotatka, wane htuplaxya.
30Hixolune yine hanikanwakatlu satkaka myape, satkaka mayhaletu, satkaka myanumatkatu, satkaka myankatu hiyrunu hixo pimrinkaka yeyixatshine ranikna waneya Jesus jixi yehistsi rutakna. Waneya Jesus ptowruneka hitskalakatka.
31Hixolune hetlu myanumatkanekananu yanumaxyawaka, hiyrunu myapenekananu kihletka, retna myankanekananu yanyawakatka hiyrun-koxa mayhalenekananu hetatka. Waneya xye rexinna, rimyekahchinikanutna, rimalwutatkaluna Israel Hoyakalute.
Jesus Quatro Mil Yine Hohluxyawaka Piranapni
32Waneya Jesus tomhana rasruklene, wla htshinna:
— Netwamonutna nyi yine. Map-hohne hitaymana hiyrunu malechayna hnikanruna. Hi naluka yokanretna mnikkane hma muhrojyawakanupna hatnu hapoya.
33Waneya rasruklene wan-tshinru:
— Hanhe wixa hikchikletanru pão hewi kahnete poktshiri hixolune yine wohluxyawaka?
34Waneya Jesus hepomhana:
— Hi pejnu pão-pro himwa hixa?
Ruhitluna, wla htshinruna:
— Sete pão-pro wimwa hiyrunu satkaka chima mtseroto.
35Waneya Jesus tshiji tuplakjixna hixolune yine.
36Waneya hkochtsheklu sete pão hiyrunu chimane. Rali poyahnutlexini, hjiknajrotlu, rasruklene reneklu waneya rasruklene heneksatna hixolune yine.
37Waneya ptowru yineru nikatka, jinanutkana. Waneya rasruklene tsepotlu sete chiwatu nijittshi hixetatshrini.
38Nikatshine pejnu quatro mil jejine, suxone mturune hi hitakyahokka.
39Jesus hali yokanrexinixkana hixolune, kanawa hpokowna, Magadã sreta hya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil