Mateus 17
17
Jesus Pnuko Hixamanexyawaka Rasruklene Hetanu Piranapni
1Waneya pa semana pnutejiji hiknohatka Jesus, Pedro, Tiago, hiyrunu repuru João ranika. Satu mriji tenolu hkankatkana wannapkatkani.
2Waneya Jesus yokmanhojitatka. Katajhojru tkatshi pixka. Himkal-koxa klata, klat-potuko rixa katalu pixka.
3Waneklukawa potuko hepi jejine hakanhatka, satni Moisés-ni tshinkalurni, satni Elias-ni tshinkalurni. Riynumsatluna Jesus.
4Waneya Pedro wan-tshinru Jesus:
— Kasruklewakleru, kihleru wiko wwiywaka. Hayeri wkamheru mapa pantshi; satu pixanupa, satu Moisés-nupa, satu Elias-nupa.
5Wane htshinakanaxiniwa hohimkohi hichyatna. Waneya hohimkohi hitokote ruchpajyatka tokantshi wla tshinatshri:
— Xyekni nowhene nalukleru. Hyijnakotanru hanukta htshinanhi!
6Tokantshi hjeminixkana, tsru hpiklena tshinanu tshiji rutspakhojitna.
7Seyni Jesus yanwakatna, hkamrutna waneya wla htshinna: — Hyopkakanu. Hike hpikanu.
8Waneya teno hyihaxinixkana, hikeko retna seyni Jesus tsonu.
Elias-ni Hapojinri Piranapni
9Waneya himriji hserpijinixkana, Jesus hijretna, wla htshinna:
— Hetakanatanru xako hike hinkakanu haté hma miwekkanuko pchini Jeji Whene hipuktshiya.
10Waneya rasruklene hepomhatkalu:
— Klu tshinanhe kasruklewaklerune hinanchitkaluru pirana hasruklewatatshine wan-tshina Elias hapka hapokanu?
11Waneya Jesus wan-tshinna:
— Halikakni, Elias hapokanu ruhlexyawakaplu ptowruko.
12Seyni wane ntshinhi Elias hapokatka seyni hi rimathetluna seyni ptowruka raluk-hixlexyawakluna rixatkaluna. Waneko pixka rixanu Jeji Whene, hsalewnanu wanna tshinanuya.
13Waneyatka rasruklene himatjematkalu, himka Elias pirana runkakleta seyni João Batista-ni pirana halikaka runkakleta.
Jesus Mturu Kamtshite Hakajyawaka Piranapni
14Waneya hixolune yehi rapojinixkana, satu jeji yanwakatlu Jesus, hyoptsojityehitlu, wla htshinru:
15— Tsru Hixikatshriwa, petwamonutanru noturni. Rupukalewahchinikanjexyawaka tshinanu hsalewnapotut-honuka. Tshitshmero hoho hyawnajeta hiyrunu rujrukhajeta.
16Pasruklene nwaka nanikatkalu seyni hi rumukata hiskalakletluna.
17Waneya Jesus wan-tshina:
— Malixaklenhi, hektutu kkamhaklerunhi xyeklu papko hwatshinhi. Haté hi pejnu hohnekta nimwanhi hixa? Haté hi pejnu hohnekta nakotanhi?
Waneya wla htshinru tsru:
— Wkata panikanru pituru.
18Waneya Jesus towutlu kamtshi mturu ruchpajyawakapa hiyáhoni kamtshi hichpakatka, waneklukawa potuko mturu hitskalhatka.
19Waneya rasruklene yanwakatlu Jesus, wannapka rixinixkana, repomhanruna, wla htshinruna:
— Klu tshinanhe hi wumukata hiknokletlu kamtshi?
20Jesus hihitna:
— Klu tshinanu hmalixlenu tshinanu. Halikaka ntshinhi, mostarda-tataji pso rixiniklunu halixle waneya himukata xye himriji wla tshinreta: “Wane puchpajini, klanu pyanu.” Waneyamka wane potuko rixanu. Hikemkapni hma mumukatanutu.
21[Seyni xye pixkalutu hi hiknokka, hanjihohneru hiyrunu hohajirewlu tshinanu tsonu.]
Jesus Hinkaklethnapuxyawaklu Rupninri Riwejinixnaka Pirana Hiyrunukotnaka Piranapni
22Waneya Jesus hiyrunu rasruklene hapatjexinixka, wla htshinna:
— Jeji Whene tshinkaluru yine renekko.
23Ruylatanruna seyni map-hohne rixinri riwekkakkotka. Waneya rasruklene wamonuwnapotutatka.
Hoyakalupji Hijhawenre Hwenuxyawaka Jesus Piranapni
24Waneya Jesus rasrukleneyma Cafarnaum poktshi hapojinixka, Hoyakalupji jijhawenruklerune yanwakatlu Pedro waneya repomhaluna:
— Hi he pasrukjeru wenutanru Hoyakalupji hijhawenre?
25Waneya Pedro hihitna, wla htshina:
— Hehe, hwenutlu.
Waneya pantshi hjihlokamxinixka Pedro, Jesus hapka yanumatatka, wla htshin-hepomhaletlu:
— Kluhe pukchika pixa, Pedro? Kathe hijha wenutletlu hijhawenuxikolu xye tshijne phurute tshinanu? Ho wale tshijne hajene ho pa tshijne hichpajikatshine?
26Waneya Pedro wan-tshin-hihretlu:
— Pnu tshijne hichpajikatshine wenutna.
Waneya Jesus wla tshinru:
— Hiyáhoni wale tshijne hajene hi wenutlu hijhawenuxikolu.
27Seyni wma jihejyawakanupna nyi yine, hipowha pyanu, pkowtshohtapanu. Waneya mitshikananu pkachrero chima, pkohreknamatanro waneya pukchikanro tiyiro proji prata kamhikolu hixanu wujhawenuxikolu poyaho wenutlexyawaka pso. Waneya tiyiro proji panikanu, pwenutapanru wujhawenuxikolu hita tshinanu hiyrunu pixa tshinanu.
Currently Selected:
Mateus 17: mpdBiblia
Highlight
Share
Copy
Want to have your highlights saved across all your devices? Sign up or sign in
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil
Mateus 17
17
Jesus Pnuko Hixamanexyawaka Rasruklene Hetanu Piranapni
1Waneya pa semana pnutejiji hiknohatka Jesus, Pedro, Tiago, hiyrunu repuru João ranika. Satu mriji tenolu hkankatkana wannapkatkani.
2Waneya Jesus yokmanhojitatka. Katajhojru tkatshi pixka. Himkal-koxa klata, klat-potuko rixa katalu pixka.
3Waneklukawa potuko hepi jejine hakanhatka, satni Moisés-ni tshinkalurni, satni Elias-ni tshinkalurni. Riynumsatluna Jesus.
4Waneya Pedro wan-tshinru Jesus:
— Kasruklewakleru, kihleru wiko wwiywaka. Hayeri wkamheru mapa pantshi; satu pixanupa, satu Moisés-nupa, satu Elias-nupa.
5Wane htshinakanaxiniwa hohimkohi hichyatna. Waneya hohimkohi hitokote ruchpajyatka tokantshi wla tshinatshri:
— Xyekni nowhene nalukleru. Hyijnakotanru hanukta htshinanhi!
6Tokantshi hjeminixkana, tsru hpiklena tshinanu tshiji rutspakhojitna.
7Seyni Jesus yanwakatna, hkamrutna waneya wla htshinna: — Hyopkakanu. Hike hpikanu.
8Waneya teno hyihaxinixkana, hikeko retna seyni Jesus tsonu.
Elias-ni Hapojinri Piranapni
9Waneya himriji hserpijinixkana, Jesus hijretna, wla htshinna:
— Hetakanatanru xako hike hinkakanu haté hma miwekkanuko pchini Jeji Whene hipuktshiya.
10Waneya rasruklene hepomhatkalu:
— Klu tshinanhe kasruklewaklerune hinanchitkaluru pirana hasruklewatatshine wan-tshina Elias hapka hapokanu?
11Waneya Jesus wan-tshinna:
— Halikakni, Elias hapokanu ruhlexyawakaplu ptowruko.
12Seyni wane ntshinhi Elias hapokatka seyni hi rimathetluna seyni ptowruka raluk-hixlexyawakluna rixatkaluna. Waneko pixka rixanu Jeji Whene, hsalewnanu wanna tshinanuya.
13Waneyatka rasruklene himatjematkalu, himka Elias pirana runkakleta seyni João Batista-ni pirana halikaka runkakleta.
Jesus Mturu Kamtshite Hakajyawaka Piranapni
14Waneya hixolune yehi rapojinixkana, satu jeji yanwakatlu Jesus, hyoptsojityehitlu, wla htshinru:
15— Tsru Hixikatshriwa, petwamonutanru noturni. Rupukalewahchinikanjexyawaka tshinanu hsalewnapotut-honuka. Tshitshmero hoho hyawnajeta hiyrunu rujrukhajeta.
16Pasruklene nwaka nanikatkalu seyni hi rumukata hiskalakletluna.
17Waneya Jesus wan-tshina:
— Malixaklenhi, hektutu kkamhaklerunhi xyeklu papko hwatshinhi. Haté hi pejnu hohnekta nimwanhi hixa? Haté hi pejnu hohnekta nakotanhi?
Waneya wla htshinru tsru:
— Wkata panikanru pituru.
18Waneya Jesus towutlu kamtshi mturu ruchpajyawakapa hiyáhoni kamtshi hichpakatka, waneklukawa potuko mturu hitskalhatka.
19Waneya rasruklene yanwakatlu Jesus, wannapka rixinixkana, repomhanruna, wla htshinruna:
— Klu tshinanhe hi wumukata hiknokletlu kamtshi?
20Jesus hihitna:
— Klu tshinanu hmalixlenu tshinanu. Halikaka ntshinhi, mostarda-tataji pso rixiniklunu halixle waneya himukata xye himriji wla tshinreta: “Wane puchpajini, klanu pyanu.” Waneyamka wane potuko rixanu. Hikemkapni hma mumukatanutu.
21[Seyni xye pixkalutu hi hiknokka, hanjihohneru hiyrunu hohajirewlu tshinanu tsonu.]
Jesus Hinkaklethnapuxyawaklu Rupninri Riwejinixnaka Pirana Hiyrunukotnaka Piranapni
22Waneya Jesus hiyrunu rasruklene hapatjexinixka, wla htshinna:
— Jeji Whene tshinkaluru yine renekko.
23Ruylatanruna seyni map-hohne rixinri riwekkakkotka. Waneya rasruklene wamonuwnapotutatka.
Hoyakalupji Hijhawenre Hwenuxyawaka Jesus Piranapni
24Waneya Jesus rasrukleneyma Cafarnaum poktshi hapojinixka, Hoyakalupji jijhawenruklerune yanwakatlu Pedro waneya repomhaluna:
— Hi he pasrukjeru wenutanru Hoyakalupji hijhawenre?
25Waneya Pedro hihitna, wla htshina:
— Hehe, hwenutlu.
Waneya pantshi hjihlokamxinixka Pedro, Jesus hapka yanumatatka, wla htshin-hepomhaletlu:
— Kluhe pukchika pixa, Pedro? Kathe hijha wenutletlu hijhawenuxikolu xye tshijne phurute tshinanu? Ho wale tshijne hajene ho pa tshijne hichpajikatshine?
26Waneya Pedro wan-tshin-hihretlu:
— Pnu tshijne hichpajikatshine wenutna.
Waneya Jesus wla tshinru:
— Hiyáhoni wale tshijne hajene hi wenutlu hijhawenuxikolu.
27Seyni wma jihejyawakanupna nyi yine, hipowha pyanu, pkowtshohtapanu. Waneya mitshikananu pkachrero chima, pkohreknamatanro waneya pukchikanro tiyiro proji prata kamhikolu hixanu wujhawenuxikolu poyaho wenutlexyawaka pso. Waneya tiyiro proji panikanu, pwenutapanru wujhawenuxikolu hita tshinanu hiyrunu pixa tshinanu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
NT
Primeira edição 2008
©Missão Novas Tribos, Sanford, FL
Gênesis
ISBN 978-85-98634-82-1
ISBN Digital 978-65-993898-6-3
©2017 Missão Novas Tribos do Brasil