Eksodo 30
30
Nikuwa nawoosellavo lubani
(Eks 37.25-28)
1“Omake nikuwa nawoosellavo lubani* nave nikhalle na matabwa akesha. 2Orekama wiwa masentimita 46 nave okhuveya wiwa masentimita 46 navettho masentimita 91 oya muddullu. Manyakiiwa ekhalle oopangiwa ni ntabwa nimoddave. 3Onihuruwelle ni golide aphaama wunchichi vaddullu viwa, mukhwipi mwiwa musese mutthemwene ni va manyakiiwaayo. Nave waapheellihe mukoko wagolide owanoni wa nikuwanno. 4Va embali piilli ddoowehana, vatthi va mukoko wagolide wowaapheellooyo, opange emphete piilli ddagolide. Ekopo ddootukhullella nikuwanno ddihereriwe mu emphetennddo. 5Ekopo ddenndda ddikhalle dda kesha nave oddihuruwelle ni golide. 6Nikuwanno onihiye vahoollo va ekatani yootchinga nibokosi na echipangano, vahoollo va yookhuneella eyo eri vaddullu va nibokosi na echipangano. Va nipuro nenna tti mvo kinaakumanekeemi ni weyaano. 7Orive ohinase Aroni ooseke lubani a nthuko naphaama enthawi eyo aapotokosaka enyaliille. 8Nave aakhariha enyaleeyo misikuwa, ooseke lubani. Sika vikhalle woosa lubani woohihiyerera vamiitthoni va Apwiya mu mibado ddanyu ddittheddene. 9Va nikuwamvo ohoosevo lubani nihinaakhullelliwe apaalle mikutho dda enama yooshellelliha, dda yoocha apaalle dda yoowirya. 10Aroni aneereke mutetho woopepesella machimo va manyaka a nikuwanno omodda vamuyakhani ni nikhame na enama ya mukutho woopepesella machimo. Ddenndda ddeereyekettho mu mibado ddanyu ddittheddene. Nikuwa nenna ninaakhalle naweella wunchichi, noopatuleyella mi Apwiya.”
Mukutho wawoopollella okumi
11Apwiya yaamulleella Mose wi, 12“Waamweeraka kalembela a allopwana a Aisraele, arive muthu avelleelle wa mi Apwiya yawoopollella okumaaye wi ohimumorelle mullilli kalembelooyo aawereyaka. 13#Eks 38.25,26; Mat 17.24Arive muthu anaaphwanelle olembiwa mu kalembelammo avelleelle makobiri moollikana ni yoolingella#30.13 yoolingella: Mu Eheberi yoolingella yaari shekeli eyo yakwakhwana magera 20. yoopatuleya wi ekhalle yoovelleella ya wa miyaano. 14Arive mullopwana oolembiwa mu kalembelooyo, a miyakha 20 oya muhoollo, avelleelle ddenndda wa mi Apwiya. 15Eeyuuma ahivelleelle moovirellella nave oohoowa ahivelleelle mooyeveella voovelleellani wa Apwiya mikutho ddenndda wi moopolle okumaanyu. 16Makobiri awoopollellaayo oovenyera wa Aisraele, mupharihe mutteko wa musasa wamutthukumano. Ddenndda ddineerokuupusa mi Apwiya dda Aisraele nave ddinaakhalle ddawoopollella okumaanyu.”
Nibeseni na mukuwa
17Apwiya yaamulleella Mose wi, 18#Eks 38.8“Opange nibeseni na mukuwa noohapellamo nave marwiiwa ekhalle a mukuwa. Onihiye variyari va musasa wamutthukumano ni nikuwa nave ohellemo maaddi. 19Aroni ni anaaye enawellekemo ni ohuwa manyallwiiwa 20yaavollowaka mu musasa wamutthukumano apaalle yaawaatamellaka nikuwanno va muttekwiiwa woorumeyella ni yaavelleellaka mikutho wa Apwiya wi ehikhwe. 21Enaaweeke ni ohuwa manyallo wi ehikhwe. Nenna tti lamulo nno alliwaayo ni edduullu ddiwa ni mibado ddamuhoollo wa enthawi yoohimalla.”
Makhura oozozella
22 #
Eks 37.29
Apwiya yaamulleella Mose wi, 23“Okuse ddawunkhella phaama makilogaramu matthanu ni nimodda a mure* amaaddi, makilogaramu mararu a Sinamoni, makilogaramu mararu a mihalli ddoonang'aneya, 24makilogaramu matthanu ni nimodda a kesha (ddittheddenennddo moollikana ni yoolingella yoopatuleya). Nave waanjerere makhura a olivi ookwakhwana malita masese. 25Sika ddittheddenenndda opangelle makhura oopatuleya oozozella. Oddittakanyihere vamodda wonanko mmo aneerella muthu oopanga ddawunkhella. 26Ozoze musasa wamutthukumano ni makhura yaayo. Ozozettho nibokosi na echipangano, 27tebulo ni ezipangizo ddiwa ddittheddene, yoohiyavo enyali ni ezipangizo ddiwa, nikuwa nawoosellavo lubani, 28nikuwa nooshellellihavo mikutho ni ezipangizo ddiwa navettho nibeseni noohapellamo ni marwiiweene. 29Ddittheddenenndda oneeroddipatula mwawi ddiidda wi ddikhalle ddaweellihiwa wunchichi. Nave erive ello enaattannye ddenndda eneerewoonongeya ekaamba ya masiva a weella wiwa.#30.29 eneerewoonongeya ekaamba ya masiva a weella wiwa: Onani 29.37. 30Nave omuzoze Aroni ni anaaye ni waapatula wi ekhalle allupa mukutho. 31Nave Aisraele attheene waalleelle wi, ‘Yaalla sika enaakhalle makhuraaka oopatuleya oozozella mu mibado ddanyu ddittheddene. 32Makhura yaalla muhaazozelleke athu shisha nave muhipangekettho makhura mamodda oophwanaphwanana. Yaalla tti aweella nave wa nyuwaano enaakhalleve aweella. 33Arive muthu anaapange makhura mamodda oophwanaphwanana apaalle omuzozella muthu shisha aneerovenyihiwa variyari va athwaaka.’ ”
Mapangello a lubani
34Nave Apwiya yaamulleella Mose wi, “Okuse ddoolingella ddoophwanaphwana dda ddawunkhella phaama wonanko sitakate, onika, galibanumu ni lubani naphaama wunchichi. 35Oddittakanyihere vamodda nave opange lubani wonanko mmo aneerella muthu oopanga ddawunkhella. Ohellemo mwiinyu nave nikhalle naphaama ni naweella. 36Osille phaama embali emodda nave ovahullewo vang'ono ni ohiya vahoollo va nibokosi na echipangano mu musasa wootthukumanellamo ni nyuwaano. Lubani nenna wa nyuwaano nikhalle naweella wunchichi. 37Muhipangekettho lubani nimodda noophwanaphwanana koma wa nyuwaano nikhalle naweella nave noopatuleyella wa Apwiyave. 38Muthu mmodda apanga lubani noophwanaphwana ni nenna wi aphariheke mutteko, avenyihiweke variyari va athwaaka.”
Currently Selected:
Eksodo 30: MW2019
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.
Eksodo 30
30
Nikuwa nawoosellavo lubani
(Eks 37.25-28)
1“Omake nikuwa nawoosellavo lubani* nave nikhalle na matabwa akesha. 2Orekama wiwa masentimita 46 nave okhuveya wiwa masentimita 46 navettho masentimita 91 oya muddullu. Manyakiiwa ekhalle oopangiwa ni ntabwa nimoddave. 3Onihuruwelle ni golide aphaama wunchichi vaddullu viwa, mukhwipi mwiwa musese mutthemwene ni va manyakiiwaayo. Nave waapheellihe mukoko wagolide owanoni wa nikuwanno. 4Va embali piilli ddoowehana, vatthi va mukoko wagolide wowaapheellooyo, opange emphete piilli ddagolide. Ekopo ddootukhullella nikuwanno ddihereriwe mu emphetennddo. 5Ekopo ddenndda ddikhalle dda kesha nave oddihuruwelle ni golide. 6Nikuwanno onihiye vahoollo va ekatani yootchinga nibokosi na echipangano, vahoollo va yookhuneella eyo eri vaddullu va nibokosi na echipangano. Va nipuro nenna tti mvo kinaakumanekeemi ni weyaano. 7Orive ohinase Aroni ooseke lubani a nthuko naphaama enthawi eyo aapotokosaka enyaliille. 8Nave aakhariha enyaleeyo misikuwa, ooseke lubani. Sika vikhalle woosa lubani woohihiyerera vamiitthoni va Apwiya mu mibado ddanyu ddittheddene. 9Va nikuwamvo ohoosevo lubani nihinaakhullelliwe apaalle mikutho dda enama yooshellelliha, dda yoocha apaalle dda yoowirya. 10Aroni aneereke mutetho woopepesella machimo va manyaka a nikuwanno omodda vamuyakhani ni nikhame na enama ya mukutho woopepesella machimo. Ddenndda ddeereyekettho mu mibado ddanyu ddittheddene. Nikuwa nenna ninaakhalle naweella wunchichi, noopatuleyella mi Apwiya.”
Mukutho wawoopollella okumi
11Apwiya yaamulleella Mose wi, 12“Waamweeraka kalembela a allopwana a Aisraele, arive muthu avelleelle wa mi Apwiya yawoopollella okumaaye wi ohimumorelle mullilli kalembelooyo aawereyaka. 13#Eks 38.25,26; Mat 17.24Arive muthu anaaphwanelle olembiwa mu kalembelammo avelleelle makobiri moollikana ni yoolingella#30.13 yoolingella: Mu Eheberi yoolingella yaari shekeli eyo yakwakhwana magera 20. yoopatuleya wi ekhalle yoovelleella ya wa miyaano. 14Arive mullopwana oolembiwa mu kalembelooyo, a miyakha 20 oya muhoollo, avelleelle ddenndda wa mi Apwiya. 15Eeyuuma ahivelleelle moovirellella nave oohoowa ahivelleelle mooyeveella voovelleellani wa Apwiya mikutho ddenndda wi moopolle okumaanyu. 16Makobiri awoopollellaayo oovenyera wa Aisraele, mupharihe mutteko wa musasa wamutthukumano. Ddenndda ddineerokuupusa mi Apwiya dda Aisraele nave ddinaakhalle ddawoopollella okumaanyu.”
Nibeseni na mukuwa
17Apwiya yaamulleella Mose wi, 18#Eks 38.8“Opange nibeseni na mukuwa noohapellamo nave marwiiwa ekhalle a mukuwa. Onihiye variyari va musasa wamutthukumano ni nikuwa nave ohellemo maaddi. 19Aroni ni anaaye enawellekemo ni ohuwa manyallwiiwa 20yaavollowaka mu musasa wamutthukumano apaalle yaawaatamellaka nikuwanno va muttekwiiwa woorumeyella ni yaavelleellaka mikutho wa Apwiya wi ehikhwe. 21Enaaweeke ni ohuwa manyallo wi ehikhwe. Nenna tti lamulo nno alliwaayo ni edduullu ddiwa ni mibado ddamuhoollo wa enthawi yoohimalla.”
Makhura oozozella
22 #
Eks 37.29
Apwiya yaamulleella Mose wi, 23“Okuse ddawunkhella phaama makilogaramu matthanu ni nimodda a mure* amaaddi, makilogaramu mararu a Sinamoni, makilogaramu mararu a mihalli ddoonang'aneya, 24makilogaramu matthanu ni nimodda a kesha (ddittheddenennddo moollikana ni yoolingella yoopatuleya). Nave waanjerere makhura a olivi ookwakhwana malita masese. 25Sika ddittheddenenndda opangelle makhura oopatuleya oozozella. Oddittakanyihere vamodda wonanko mmo aneerella muthu oopanga ddawunkhella. 26Ozoze musasa wamutthukumano ni makhura yaayo. Ozozettho nibokosi na echipangano, 27tebulo ni ezipangizo ddiwa ddittheddene, yoohiyavo enyali ni ezipangizo ddiwa, nikuwa nawoosellavo lubani, 28nikuwa nooshellellihavo mikutho ni ezipangizo ddiwa navettho nibeseni noohapellamo ni marwiiweene. 29Ddittheddenenndda oneeroddipatula mwawi ddiidda wi ddikhalle ddaweellihiwa wunchichi. Nave erive ello enaattannye ddenndda eneerewoonongeya ekaamba ya masiva a weella wiwa.#30.29 eneerewoonongeya ekaamba ya masiva a weella wiwa: Onani 29.37. 30Nave omuzoze Aroni ni anaaye ni waapatula wi ekhalle allupa mukutho. 31Nave Aisraele attheene waalleelle wi, ‘Yaalla sika enaakhalle makhuraaka oopatuleya oozozella mu mibado ddanyu ddittheddene. 32Makhura yaalla muhaazozelleke athu shisha nave muhipangekettho makhura mamodda oophwanaphwanana. Yaalla tti aweella nave wa nyuwaano enaakhalleve aweella. 33Arive muthu anaapange makhura mamodda oophwanaphwanana apaalle omuzozella muthu shisha aneerovenyihiwa variyari va athwaaka.’ ”
Mapangello a lubani
34Nave Apwiya yaamulleella Mose wi, “Okuse ddoolingella ddoophwanaphwana dda ddawunkhella phaama wonanko sitakate, onika, galibanumu ni lubani naphaama wunchichi. 35Oddittakanyihere vamodda nave opange lubani wonanko mmo aneerella muthu oopanga ddawunkhella. Ohellemo mwiinyu nave nikhalle naphaama ni naweella. 36Osille phaama embali emodda nave ovahullewo vang'ono ni ohiya vahoollo va nibokosi na echipangano mu musasa wootthukumanellamo ni nyuwaano. Lubani nenna wa nyuwaano nikhalle naweella wunchichi. 37Muhipangekettho lubani nimodda noophwanaphwanana koma wa nyuwaano nikhalle naweella nave noopatuleyella wa Apwiyave. 38Muthu mmodda apanga lubani noophwanaphwana ni nenna wi aphariheke mutteko, avenyihiweke variyari va athwaaka.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.