Eksodo 31
31
Ootthipella musasa wamutthukumano
(Eks 35.30—36.1)
1Apwiya yaamulleella Mose wi, 2“Koomutthoolla Bezalele, mwaana a Uri, edduullu ya Huri, a nlloko na Yuda. 3Olliyoolla koomuvaha munepaaka#31.3 munepaaka: apaalle masivaaka. mwawi ookhalla ni eruso, ezeru ni odduwella phaama mitteko ddittheddene ddeeruso monga 4ojambula mapulani a mitteko ddeeruso ni ophara mitteko ni golide, siliva ni mukuwa, 5ogoba malluku, ogoba miteekho ni weera ddeeruso ddittheddene. 6Koomutthoollattho Oholiyabu, mwaana a Ahisamaki, a nlloko na Dani. Nave athu amodda attheene eeruso kohaavaha eruso ddinchichi ddaweera erive ello eyo kuulamulalleemi. 7Emake musasa wamutthukumano, nibokosi na echipangano, yookhuneella ya nibokosi ni ezipangizo ddittheddene dda musasa wamutthukumano, 8tebulo ni ezipangizo ddiwa, yoohiyavo enyali ni ezipangizo ddiwa, nikuwa nawoosellavo lubani, 9nikuwa na mukutho wooshellelliha ni ezipangizo ddiwa, nibeseni noohapellamo ni marwiiweene, 10ddoowara ddaphaama wunchichi ni ddoopatuleya dda Aroni ni anaaye enaawarekiiwa voorumeyellani, 11makhura oozozella navettho lubani* na nthuko naphaama na nipuro naweella. Epange ddittheddenenndda moollikana ni mmo kuulamulelleemi.”
Lamulo na nllapo na Sabata
12Apwiya yaamulleellattho Mose wi, 13“Alleelle Aisraele wi, ‘Musungeke Sabata, kaambiiwa tti echizindikiro yoohimalla variyari va miyaano ni nyuwaano mu mibado ddanyu ddittheddene, yawooniha wi mi tti Apwiya, ayo kinuupatulani. 14Sika musungeke Sabata, kaambiiwa tti noopatuleya wa nyuwaano. Arive muthu oohiisunga, iiphiwe. Arive muthu oophara mutteko va nllapo nenno avenyihiwe variyari va athwaaka. 15#Eks 20.8-11; 23.12; 34.21; 35.2; Lev 23.3; Deu 5.12-14Muthu aphareke mitteko ddaye ddittheddene mallapo matthanu ni nimodda koma nllapo naneetthanu ni piilli tti na Sabata nawiithuuwa, nllapo noopatuleya na Apwiya. Arive muthu oophara mutteko va nllapo nenna iiphiwe. 16Aisraele ni mibado ddiwa ddittheddene ddamuhoollo esungeke na Sabata wonanko echipangano yoohimalla. 17#Eks 20.11Ella tti echizindikiro yoohimalla variyari va miyaano ni Aisraele vawi mi Apwiya kaaphatusa oddullu ni ellapo yavatthi wa mallapo matthanu ni nimodda nave kahiithuuwa nave masiva yaahokollweellamo va nllapo naneetthanu ni piilli.’ ”
18Apwiya emallihalle ollota ni Mose vamwaangoni wa Sinai, yaamwinnya malluku meelli a echipangano ayo Mulluku mwaneena alembilleeyevo khalle ni eyaallaaye.
Currently Selected:
Eksodo 31: MW2019
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.
Eksodo 31
31
Ootthipella musasa wamutthukumano
(Eks 35.30—36.1)
1Apwiya yaamulleella Mose wi, 2“Koomutthoolla Bezalele, mwaana a Uri, edduullu ya Huri, a nlloko na Yuda. 3Olliyoolla koomuvaha munepaaka#31.3 munepaaka: apaalle masivaaka. mwawi ookhalla ni eruso, ezeru ni odduwella phaama mitteko ddittheddene ddeeruso monga 4ojambula mapulani a mitteko ddeeruso ni ophara mitteko ni golide, siliva ni mukuwa, 5ogoba malluku, ogoba miteekho ni weera ddeeruso ddittheddene. 6Koomutthoollattho Oholiyabu, mwaana a Ahisamaki, a nlloko na Dani. Nave athu amodda attheene eeruso kohaavaha eruso ddinchichi ddaweera erive ello eyo kuulamulalleemi. 7Emake musasa wamutthukumano, nibokosi na echipangano, yookhuneella ya nibokosi ni ezipangizo ddittheddene dda musasa wamutthukumano, 8tebulo ni ezipangizo ddiwa, yoohiyavo enyali ni ezipangizo ddiwa, nikuwa nawoosellavo lubani, 9nikuwa na mukutho wooshellelliha ni ezipangizo ddiwa, nibeseni noohapellamo ni marwiiweene, 10ddoowara ddaphaama wunchichi ni ddoopatuleya dda Aroni ni anaaye enaawarekiiwa voorumeyellani, 11makhura oozozella navettho lubani* na nthuko naphaama na nipuro naweella. Epange ddittheddenenndda moollikana ni mmo kuulamulelleemi.”
Lamulo na nllapo na Sabata
12Apwiya yaamulleellattho Mose wi, 13“Alleelle Aisraele wi, ‘Musungeke Sabata, kaambiiwa tti echizindikiro yoohimalla variyari va miyaano ni nyuwaano mu mibado ddanyu ddittheddene, yawooniha wi mi tti Apwiya, ayo kinuupatulani. 14Sika musungeke Sabata, kaambiiwa tti noopatuleya wa nyuwaano. Arive muthu oohiisunga, iiphiwe. Arive muthu oophara mutteko va nllapo nenno avenyihiwe variyari va athwaaka. 15#Eks 20.8-11; 23.12; 34.21; 35.2; Lev 23.3; Deu 5.12-14Muthu aphareke mitteko ddaye ddittheddene mallapo matthanu ni nimodda koma nllapo naneetthanu ni piilli tti na Sabata nawiithuuwa, nllapo noopatuleya na Apwiya. Arive muthu oophara mutteko va nllapo nenna iiphiwe. 16Aisraele ni mibado ddiwa ddittheddene ddamuhoollo esungeke na Sabata wonanko echipangano yoohimalla. 17#Eks 20.11Ella tti echizindikiro yoohimalla variyari va miyaano ni Aisraele vawi mi Apwiya kaaphatusa oddullu ni ellapo yavatthi wa mallapo matthanu ni nimodda nave kahiithuuwa nave masiva yaahokollweellamo va nllapo naneetthanu ni piilli.’ ”
18Apwiya emallihalle ollota ni Mose vamwaangoni wa Sinai, yaamwinnya malluku meelli a echipangano ayo Mulluku mwaneena alembilleeyevo khalle ni eyaallaaye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.