Genesis 21

Oyariwa wa Isaki

1Apwiya yaamuupuwella Sara voomweerellani nnddo yamulonjezilliiwa. 2#Ahe 11.11Sika Sara aakusa erukullu, amuyarella Abrahamu mwaana aamullopwana Abrahamooyo uulluvallille. Mwaanooyo ayariwe moollikana ni enthawi eyo Mulluku aromonlleeye. 3Nave mwaana a Abrahamu oyo Sara amuyarelleeye Abrahamu aamuvaha nnddina nawi Isaki. 4#Gen 17.12; Mit 7.8Abrahamu aamuphadda mwaanooyo ari ni mallapo matthanu ni mararu moollikana ni mmo Mulluku alamulelleeye. 5Abrahamu aari ni miyakha 100, vooyariwani Isaki. 6Vano Sara aallota wi, “Mulluku ookihakallalliha vamoddattho ookittheyiha.#21.6 ookittheyiha: Nnddina nawi Isaki mu Eheberi ninattaphullella annattheya (onani 17.19). Arive muthu oyo aniiwe ddenndda, aneerohakallalla ni miyaano.” 7Nave aallotattho wi, “Ttaani aawore ollota wa Abrahamu wi Sara ttuumwaamwiha mwaana? Komave koomuyarella mwaana aamullopwana Abrahamu ari awuulluvalla.”

8Mwaanooyo ahunnuwa nave nllapo nawi ahiye waamwa, Abrahamu aapanga machellello.

Wiikarihiwa wa Hagara ni Ishmaele

9Nllapo nimodda Ishmaele oyo Hagara Muiguputoolle aamuyarelleeye Abrahamu, aarera#21.9 aarera apaalle omuttheelliha. ni Isaki, mwaana a Sara.#21.9: Ottaphullella wakhalle waamodda wookhalla ni mawu awi ni Isaki, mwaana a Sara; Eheberi khenna mawu yaalla. 10#Aga 4.29,30Sara oonilleeye aamulleella Abrahamu wi, “Mwiikareni kaporoolla ni mwanayoolla vawi mwaana a kaporo ahihallena eyuumaanyu eyo anaahallena mwanaka Isaki.” 11Ddenndda ddaamuvoriiha murima Abrahamu kaambiiwa Ishmaele nayeenettho aari mwanaye. 12#Aro 9.7; Ahe 11.18Koma Mulluku aamulleella Abrahamu wi, “Murima ohuuvoreye ekaamba ya mwaanooyo ni kaporwaawo Hagara. Erive ello anuulleelle Sara weere kaambiiwa oneerokhalla ni edduullu oweella mwa Isaki. 13Mwaana a kaporoolla kineeromuvahattho anamwani anchichi nave aneerokhalla mutundu muullupalli vawi olliyoollattho tti mwanawo.”

14Sika osaka wene, ohinase, Abrahamu aamuvaha Hagara yoocha ni nthumba na nttapara na maaddi. Vatulli viwa aamutukhulla mwaanooyo amuyaariha Hagara, enre ddiiddo aamulleella wi aroweke. Sika Hagara aatimulla ddawoona, aneeteeta mu echipululu ya Beeresheba. 15Vano maaddaalle emmallelle aamuhiya mwaanooyo vatthi va nikukhu. 16Olliye#21.16 olliye: Ottaphullella wakhalle omodda: mwaana. akeraatthi vatthi moowehana ni mwaanooyo va mutunda wa mamita 100 kaambiiwa aganiza wi, “Miyaano ngaakhullella omoonellella mwanaka akhwaka mwawi ddiidda.” Akeraatthille ddiiddo, mwaanooyo ahaamba winlla.

17Mulluku aamwiiwa mwaanooyo inllaka nave mungelo a Mulluku aallota ni Hagara ovenyera oddullu wi, “Hagara, ethiyo enuukatamiha tti tini? Ohoove. Mulluku ohiiwa winlla wa mwaanoolla. 18Venya, khawe, wamutukhulle nave omuphare moollipa ni nnatta nawo. Edduullu ddawo ddinaakhalle mutundu muullupalli.” 19Mulluku aahulla miittho a Hagara nave ahoona ehime. Olliye aaya veehimenimvo aaddallihamo maaddi munthumbani na nnttaparannenne, amuwiryiha mwaanoolle. 20Mulluku aamuwehera mwaanooyo ophiyera unnuwalle. Ahunnuwella mu echipululu ya Parani ophiyera aakhalla mullupa muura. 21Amennya yaamwaashera mutthiyana o Iguputo.

Echipangano ya Abrahamu ni Abimeleki

22 # Gen 26.26 Va enthawi yeeyo mwene Abimeleki ni Fikolo, muttekweene a akhotwaaye yaallota ni Abrahamu wi, “Mulluku ari ni weyaano mu ddeko ddittheddene oneereewe. 23Sika vano llupella vamiitthoni va Mulluku wi khokilleka miyaano apaalle anaaka apaallettho edduullu ddaka. Miyaano kookhalla oororomelleya vamiitthoni vawo nave weyaanottho olonjeze wi oneeroromelleya vamiitthoni vaka, mu ellapo eyo onakhalleewemo wonanko mulleto.”

24Abrahamu aallota wi, “Kinimallupella.”

25Vatulli viwa Abrahamu aamukhupanyella Abimeleki dda ehime eyo allupa muttekwaaye yaakhilliiwa. 26Abimeleki aallota wi, “Nginamudduwella enre ddenndda. Naari nyuwaano khamwaakilleelle nave miyaano kiniiwella vaava.” 27Vano Abrahamu aamuvaha Abimeleki enkhosa ni eng'ombe nave eellaayo yaakeraatthiha echipangano. 28Abrahamu ahaapatulavo anamwani a enkhosa atthanu ni eelli ovenyera va eziweto ddaye. 29Abimeleki aamukoha wi, “Oneereeweella enattaphullella tini?.”

30Abrahamu ahaakhulla wi, “Nyuwaano akhellani enkhosa dditthanu ni piillinndda wonanko omboni wi ehimeella kakatille tti miyaano.” 31Sika nipuronno naaromolliwa Beeresheba#21.31 Beeresheba: Nnddina nenna mu Eheberi ninattaphullella Ehime ya ollupella apaalle Ehime ya dditthanu ni eelli (onani 26.33). ekaamba yawi wenko sika eellaayo yakeraatthihalliiwa echipangano.

32Ekeraatthihalle echipangano yeella o Beeresheba wulle, Abimeleki ni Fikolo muttekweene a akhotwaaye, yaahokollweella owaniwa, o ellapo ya Afilisti. 33Sika Abrahamu ahaalla muteekho wa bwemba o Beeresheba nave ahaallapella Apwiya Mulluku a Enthawi yoohimalla. 34Nave aakhalla mu ellapo ya Afilisti wonanko mulleto enthawi yoorekama.

Currently Selected:

Genesis 21: MW2019

Highlight

Copy