Genesis 46
46
Yakobo ni nibanja naye enaya o Iguputo
1Yakobo aatthukumaniha ddaaye ddittheddene nave aaya o Beeresheba woovelleella mukutho wa Mulluku a attiitthinnya Isaki. 2Mahiiyu Mulluku aamooneyella Yakobo nave aallota wi, “Yakobo, Yakobo!”
Olliye ahaakhulla wi, “Ee Apwiya.”
3Vano Mulluku aamulleella wi, “Mi tti Mulluku, Mulluku a attiittho. Ohoove oya o Iguputo. Wenko kineeroruuwiha edduullu ddawo wi ddikhalle mutundu muullupalli. 4Miyaano kineerooya nimodda ni weyaano o Iguputo nave edduullu ddawonnddo kineeroddihokollosellattho weewuno. Yosefe aneerokhalla ni weyaano va enthawaawo yookhwa.”
5Vano Yakobo aatimulla olendwaaye ovenyera o Beeresheba. Anamwani a Israelaalle yahaawelliha attiitthiiwa, Yakobo ni atthiyana ni anamwani, va magareta ayo Farao aarumihalleeye. 6#Mit 7.15Yaakusa eziweto ddiwa ddittheddene ni ddeko ddittheddene nnddo yaariiwana o Kanani nave yaaya o Iguputo. Yakobo aakusa edduullu ddaye ddittheddene. 7Ahaakusa anaaye aallopwana ni edduullu ddeellopwana navettho anaaye aatthiyana ni edduullu ddeetthiyana. Attheenaayo aayaana o Iguputo.
8Nave alla sika manddina a Aisraele, ayo ayiilleeyena o Iguputo. Vaari Rubeni, mwaana awaamba a Yakobo, 9nave anamwani a Rubeni yaari Hanoki, Palu, Hezironi ni Karimi. 10Anamwani a Simeoni yaari Yemuwele, Yamini, Ohadi, Yakini, Zohari ni Shaulooyo amennya yaari a o Kanani. 11Anamwani a Levi yaari Gereshoni, Kohati ni Merari. 12Anamwani a Yuda yaari Ere, Onani, Shela, Perezi ni Zera (koma Ere ni Onani yakhwille eri o Kanani.) Anamwani a Perezi yaari Hezironi ni Hamuli. 13Anamwani a Isakara yaari Tola, Puva, Iyobu ni Shimironi. 14Anamwani a Zebuloni yaari Seredi, Eloni ni Yaleele. 15Nndda sika edduullu nnddo Leya amuyarenlleeye Yakobo o Mesopotamiya nave vaakhallattho mwanaye aamutthiyana, Dina. Attheene vamodda yaarivo 33.
16Anamwani a Gadi yaari Zifiyoni, Hagi, Shuni, Eziboni, Eri, Arodi ni Areli. 17Anamwani a Ashere yaari Imina, Ishiva, Ishivi, Beriya ni murokoriwa Sera. Anamwani a Beriya yaari Hebere ni Malikiele. 18Nndda sika edduullu nnddo Zilipa, kaporo a Leya, amuyarelleeye Yakobo.
19Anamwani a Rakele, mwaara Yakobo yaari Yosefe ni Benjamini. 20#Gen 41.50-52Manase ni Efuremu yaari anamwani ayo Yosefe aayarilleeye mwa Asenati, mwaana a Potifera mullupa mukutho o Oni. 21Anamwani a Benjamini yaari Bela, Bekere, Ashibele, Gera, Naamani, Ehi, Rosi, Mupimu, Hupimu ni Aridi. 22Ddittheddenenndda khumi ni asese sika edduullu nnddo Rakele amuyarelleeye Yakobo.
23Dani aari ni mwaana mmodda nnddina naye Hushimu. 24Anamwani a Nafutali yaari Yazeele, Guni, Yezera ni Shilemu. 25Dditthanu ni piillinndda sika edduullu dda Yakobo nnddo ddayariwe ni kaporo, Biliha oyo Labani amuvelleelleeye wa mwanaye Rakele.
26Edduullu ddittheddene dda Yakobo nnddo ddawiille o Iguputo ddaari 66, oohiwerengellavo awariwa a anaaye a Yakobooyo. 27#Mit 7.14Yosefe aayarille anamwani eelli o Iguputo, sika echiwerengero ya athu attheene a munibanjani na Yakobo yawiille o Iguputo yaaphiya 70.
Yakobo ni nibanja o Iguputo
28Israele aamuruma Yuda wi ahoolle nave amuveke Yosefe wi aachingamelle o Gosheni. Ephiyalle o Gosheni, 29Yosefe ahiithaniha gareta naye, aya o Gosheni wi akumane ni Yakobo attiitthinnya. Aphiyalle vamiitthoni viwa, ahaakhupaarella munikohini nave ahinlla va enthawi yoorekama. 30Yakobo aamulleella Yosefe wi, “Vano kineerokhwa ni murendelle vawi koowoonattho vamiitthoni ni vamiitthoni nave koodduwella wi wookhallawo.”
31Vano Yosefe ahaalleella asinne ni nibanja nittheene na attiitthinnya wi, “Kinaya kamulleelle Farao wi asinnaka ni attheene a mu nibanja na attiitthaaka, ayo yakhalla o Kanani aawa wuno. 32Athu yaalla tti abusa, enachiha eziweto. Aawa ni eziweto ddiwa ni ddeko ddiwa ddittheddene. 33Vano Farao awiithanani nave uukohani wi, ‘Munaphara mutteko wawiidde.’ 34Nyuwaano mwamulleelle wi, ‘Hiyaano apwiya, tti abusa a eziweto waambeella enamwanaahu, wonanko mmo yeerella makhollwaahu.’ Mweeddiiddo, sika muneerokhalla mu ellapo ya Gosheni ekaamba yawi a Iguputo ennananariwa ni abusa.”
Currently Selected:
Genesis 46: MW2019
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.
Genesis 46
46
Yakobo ni nibanja naye enaya o Iguputo
1Yakobo aatthukumaniha ddaaye ddittheddene nave aaya o Beeresheba woovelleella mukutho wa Mulluku a attiitthinnya Isaki. 2Mahiiyu Mulluku aamooneyella Yakobo nave aallota wi, “Yakobo, Yakobo!”
Olliye ahaakhulla wi, “Ee Apwiya.”
3Vano Mulluku aamulleella wi, “Mi tti Mulluku, Mulluku a attiittho. Ohoove oya o Iguputo. Wenko kineeroruuwiha edduullu ddawo wi ddikhalle mutundu muullupalli. 4Miyaano kineerooya nimodda ni weyaano o Iguputo nave edduullu ddawonnddo kineeroddihokollosellattho weewuno. Yosefe aneerokhalla ni weyaano va enthawaawo yookhwa.”
5Vano Yakobo aatimulla olendwaaye ovenyera o Beeresheba. Anamwani a Israelaalle yahaawelliha attiitthiiwa, Yakobo ni atthiyana ni anamwani, va magareta ayo Farao aarumihalleeye. 6#Mit 7.15Yaakusa eziweto ddiwa ddittheddene ni ddeko ddittheddene nnddo yaariiwana o Kanani nave yaaya o Iguputo. Yakobo aakusa edduullu ddaye ddittheddene. 7Ahaakusa anaaye aallopwana ni edduullu ddeellopwana navettho anaaye aatthiyana ni edduullu ddeetthiyana. Attheenaayo aayaana o Iguputo.
8Nave alla sika manddina a Aisraele, ayo ayiilleeyena o Iguputo. Vaari Rubeni, mwaana awaamba a Yakobo, 9nave anamwani a Rubeni yaari Hanoki, Palu, Hezironi ni Karimi. 10Anamwani a Simeoni yaari Yemuwele, Yamini, Ohadi, Yakini, Zohari ni Shaulooyo amennya yaari a o Kanani. 11Anamwani a Levi yaari Gereshoni, Kohati ni Merari. 12Anamwani a Yuda yaari Ere, Onani, Shela, Perezi ni Zera (koma Ere ni Onani yakhwille eri o Kanani.) Anamwani a Perezi yaari Hezironi ni Hamuli. 13Anamwani a Isakara yaari Tola, Puva, Iyobu ni Shimironi. 14Anamwani a Zebuloni yaari Seredi, Eloni ni Yaleele. 15Nndda sika edduullu nnddo Leya amuyarenlleeye Yakobo o Mesopotamiya nave vaakhallattho mwanaye aamutthiyana, Dina. Attheene vamodda yaarivo 33.
16Anamwani a Gadi yaari Zifiyoni, Hagi, Shuni, Eziboni, Eri, Arodi ni Areli. 17Anamwani a Ashere yaari Imina, Ishiva, Ishivi, Beriya ni murokoriwa Sera. Anamwani a Beriya yaari Hebere ni Malikiele. 18Nndda sika edduullu nnddo Zilipa, kaporo a Leya, amuyarelleeye Yakobo.
19Anamwani a Rakele, mwaara Yakobo yaari Yosefe ni Benjamini. 20#Gen 41.50-52Manase ni Efuremu yaari anamwani ayo Yosefe aayarilleeye mwa Asenati, mwaana a Potifera mullupa mukutho o Oni. 21Anamwani a Benjamini yaari Bela, Bekere, Ashibele, Gera, Naamani, Ehi, Rosi, Mupimu, Hupimu ni Aridi. 22Ddittheddenenndda khumi ni asese sika edduullu nnddo Rakele amuyarelleeye Yakobo.
23Dani aari ni mwaana mmodda nnddina naye Hushimu. 24Anamwani a Nafutali yaari Yazeele, Guni, Yezera ni Shilemu. 25Dditthanu ni piillinndda sika edduullu dda Yakobo nnddo ddayariwe ni kaporo, Biliha oyo Labani amuvelleelleeye wa mwanaye Rakele.
26Edduullu ddittheddene dda Yakobo nnddo ddawiille o Iguputo ddaari 66, oohiwerengellavo awariwa a anaaye a Yakobooyo. 27#Mit 7.14Yosefe aayarille anamwani eelli o Iguputo, sika echiwerengero ya athu attheene a munibanjani na Yakobo yawiille o Iguputo yaaphiya 70.
Yakobo ni nibanja o Iguputo
28Israele aamuruma Yuda wi ahoolle nave amuveke Yosefe wi aachingamelle o Gosheni. Ephiyalle o Gosheni, 29Yosefe ahiithaniha gareta naye, aya o Gosheni wi akumane ni Yakobo attiitthinnya. Aphiyalle vamiitthoni viwa, ahaakhupaarella munikohini nave ahinlla va enthawi yoorekama. 30Yakobo aamulleella Yosefe wi, “Vano kineerokhwa ni murendelle vawi koowoonattho vamiitthoni ni vamiitthoni nave koodduwella wi wookhallawo.”
31Vano Yosefe ahaalleella asinne ni nibanja nittheene na attiitthinnya wi, “Kinaya kamulleelle Farao wi asinnaka ni attheene a mu nibanja na attiitthaaka, ayo yakhalla o Kanani aawa wuno. 32Athu yaalla tti abusa, enachiha eziweto. Aawa ni eziweto ddiwa ni ddeko ddiwa ddittheddene. 33Vano Farao awiithanani nave uukohani wi, ‘Munaphara mutteko wawiidde.’ 34Nyuwaano mwamulleelle wi, ‘Hiyaano apwiya, tti abusa a eziweto waambeella enamwanaahu, wonanko mmo yeerella makhollwaahu.’ Mweeddiiddo, sika muneerokhalla mu ellapo ya Gosheni ekaamba yawi a Iguputo ennananariwa ni abusa.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.