Genesis 47
47
1Sika vano Yosefe ahaakusa asinne atthanu ayaana wa Farao woomulleella wi, “Attiitthaaka ni asinnaka aawa ovenyera o Kanani ni eziweto ni eyuumiiwa ettheene. Vano enakhalla mu ellapo ya Gosheni.” 2Nave ahaaphiyiha vamiitthoni va Farao atthanu mwa asinnakaayo. 3Sika Farao ahaakoha asinne a Yosefe wi, “Ethiyo munaphara mutteko wawiidde?”
Alliwa yahaakhulla wi, “Apwiya, oorumeyellaayu tti abusa, wonanko mmo yeerella makhollwaahu.” 4Nave yaallota wa Farao wi, “Niwiille wi nikhallena mwiillaponimmu ekaamba yawi o Kanani wookhalla ettalla yawoopiha, sika naari munyepu woochiha eziweto khawiiwo. Pepaani, apwiya, munaakhullelle oorumeyellaanyu wi nikhalle mu ellapo ya Gosheni.” 5Vano Farao aamulleella Yosefe wi, “Attiittho ni asinno ewiille wa weyaano. 6Ellapo ya Iguputo eri m'mattani mwawo. Sika waakeraatthihe attiittho ni asinno mu ellapo ya ethaya yaphaama, yakhalle o Gosheni. Nave waarimi waadduwenlle oororomelleya variyari viwamvo, owinnye okapitawo woochiha eziweto ddaka.”
7Nave Yosefe ahaakusa Attiitthinnya, Yakobo, ayaana wa Farao. Nave Yakobo aamudalisa Farao. 8Vatulli viwa Farao aamukoha Yakobo wi, “Muri ni miyakha mikavi?”
9Yakobo aamwaakhulla wi, “Miyakha dda olendo wa okumaaka ddikwakhwanille 130. Miyakha ddenndda tti ddooyeva ni ddoohoosa, khaddinallikana ni miyakha dda makhollwaaka va enthawi ettheene yakhanlliiwa ni okumi.” 10Nave amudalisalle Farao, yaallaanyana nave aavenyavo. 11Yosefe ahaakeraatthiha mu ellapo ya Iguputo attiitthinnyaalle ni asinne attheenaalle nave ahaavaha nipuro na ethaya yaphaama, o echigawo yooromolliwa Ramsesi, wonanko mmo Farao alamulalleeye. 12Yosefe aavelleella ddoocha wa attiitthinnya ni wa asinne vamoddattho ni wa nibanja nittheene na Yakobo moollikana ni waata wa aniiwa.
Yosefe aneetiha mutteko va enthawi ya ettalla
13Ettalla yahunnuwa wunchichi, sika ddoocha ddaarama va ellapo yavatthi ettheene nave athu a o Iguputo naari o Kanani yaafooka ekaamba ya ettalleeyo. 14Nave Yosefe aatthukumaniha makobiri mattheene a athu a o Iguputo ni a athu a o Kanani yamukullelliiwa tirigu. Makobiri mattheenaayo ahaakusa ayaana wa Farao. 15Makobiri mattheene yaamallenlle athu a o Iguputo ni athu a o Kanani, Aiguputo anchichi yaawa wa Yosefe, emulleella wi, “Munivahe yoocha! Muheereke moona oniweha nikhwaka ni ettalla, mweerevo ello! Makobiraahu mattheene aamalla!”
16Yosefe ahaakhulla wi, “Makobiraanyu yaarimi emanlle, muweena eziweto ddanyu wi naakakhanihe ni ddoocha.” 17Sika yaawaana eziweto ddiwa monga akavalo, enkhosa, epuri, eng'ombe ni abulu wa Yosefe, yaakakhaniha ni ddoocha. Muyakha yooyo Yosefe aawinnya ddoocha athwaayo mwawaakakhaniha ni eziweto ddiwannddo.
18Omallille muyakha yooyo, athwaayo yaayattho wa Yosefe emulleella wi, “Apwiya, moohikhuwa erive ello, hiyaano makobiraahu ni eziweto ddahu ddene, ddoonimallella. Kheyiivo eyo ehanlle yawi ttuuwinnyani, nikhulle miivelleella hiyaano ni emata ddahunndda. 19Apwiya, ethiyo ddawoona nikhwelle vamiitthoni vanyu nave nihiye emata ddahu? Munikulle hiyaano ni emata ddahu vawaakakhanihani ni ddoocha. Ninaakhalle akaporo a Farao nave olliye aneerokusa emata ddahu wi ddikhalle ddaaye. Munivahe mmiddo wi nihikhwe ni ettalla navettho wi emata ddahu ddihikhalle ddoohillima.”
20Nave Yosefe aamukullella Farao ellapo ettheene ya Iguputo vawi arive Muiguputo aakulliha emataaye kaambiiwa ettalleeyo yahunnuwa wunchichi. Sika ellapo ettheene yaakhalla ya Farao. 21Yosefe ahaatthattusa akaporo athwaayo orive weko mu ellapo ya Iguputo. 22Ellapo ahikullalleeye yaari ya allupa mukuthove. Alliwaayo kheyaakullihalle ellapwiiwa kaambiiwa Farao aanaavaha ddoocha. 23Vano Yosefe ahaalleella athu wi, “Onani vano kohuukullani ni emata ddanyu, omukullella Farao. Vano kusani mmiddoolla, mwaalle m'matani mwanyu. 24Va enthawi yoohata muneerovelleella wa Farao erive yaneetthanu ya ddoohata ddanyunnddo nave ddittheddene ddoohallannddo ddinaakhalle ddaanyu. Ddimodda muddisunge mmiddo koma ddimoddannddo muche ni mabanjaanyu mattheene.”
25Athwaayo yaamwaakhulla wi, “Apwiya, moonivullusa. Mooneerella echifundo nave nineerokhalla akaporo a Farao.” 26Sika Yosefe aakeraatthiha lamulo mu ellapo ettheene ya Iguputo wi erive yaneetthanu ya ddoohata enaakhalle ya Farao. Lamulo nenna nookhallawove ophiyera ollellova. Koma ellapo dda allupa mukuthove khaaddikusalle wi ddikhalle dda Farao.
Yakobo anamullupelliha Yosefe voomallihella
27Aisraele yaakeraattheya o Iguputo nave yaakhalla ni eyuuma yinchichi navettho yahaayara anamwani anchichi. 28Yakobo aakhalla o Iguputo miyakha 17, miyakha dda okumaaye ddaakwakhwana 147. 29#Gen 49.29-32; 50.6Vano ari vakhuviru okhwa, aamwiithana Yosefe amulleella wi, “Waarimi okikondaka, okiphare muwari mwa kasambaraakammu nave ollupelle wi oneerokeerella echifundo ni ororomelleya navettho wi mutembwaaka ohivitthiwe o Iguputo wuno. 30Kinapaalla kakone nko okonne makhollwaaka. Mutembwaaka owutukhulle o Iguputo wuno wawuvitthe mu mahame a makhollwaaka.”
Yosefe ahaakhulla wi, “Kineereweera wonanko mullotellaanyummo.” 31Yakobo aamulleellattho Yosefe wi, “Llupella vamiitthoni vaka wi oneereweera ddenndda.” Sika Yosefe aallupella nave Yakobo aawaramella moollapella omuruni wa bedaaye.
Currently Selected:
Genesis 47: MW2019
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.
Genesis 47
47
1Sika vano Yosefe ahaakusa asinne atthanu ayaana wa Farao woomulleella wi, “Attiitthaaka ni asinnaka aawa ovenyera o Kanani ni eziweto ni eyuumiiwa ettheene. Vano enakhalla mu ellapo ya Gosheni.” 2Nave ahaaphiyiha vamiitthoni va Farao atthanu mwa asinnakaayo. 3Sika Farao ahaakoha asinne a Yosefe wi, “Ethiyo munaphara mutteko wawiidde?”
Alliwa yahaakhulla wi, “Apwiya, oorumeyellaayu tti abusa, wonanko mmo yeerella makhollwaahu.” 4Nave yaallota wa Farao wi, “Niwiille wi nikhallena mwiillaponimmu ekaamba yawi o Kanani wookhalla ettalla yawoopiha, sika naari munyepu woochiha eziweto khawiiwo. Pepaani, apwiya, munaakhullelle oorumeyellaanyu wi nikhalle mu ellapo ya Gosheni.” 5Vano Farao aamulleella Yosefe wi, “Attiittho ni asinno ewiille wa weyaano. 6Ellapo ya Iguputo eri m'mattani mwawo. Sika waakeraatthihe attiittho ni asinno mu ellapo ya ethaya yaphaama, yakhalle o Gosheni. Nave waarimi waadduwenlle oororomelleya variyari viwamvo, owinnye okapitawo woochiha eziweto ddaka.”
7Nave Yosefe ahaakusa Attiitthinnya, Yakobo, ayaana wa Farao. Nave Yakobo aamudalisa Farao. 8Vatulli viwa Farao aamukoha Yakobo wi, “Muri ni miyakha mikavi?”
9Yakobo aamwaakhulla wi, “Miyakha dda olendo wa okumaaka ddikwakhwanille 130. Miyakha ddenndda tti ddooyeva ni ddoohoosa, khaddinallikana ni miyakha dda makhollwaaka va enthawi ettheene yakhanlliiwa ni okumi.” 10Nave amudalisalle Farao, yaallaanyana nave aavenyavo. 11Yosefe ahaakeraatthiha mu ellapo ya Iguputo attiitthinnyaalle ni asinne attheenaalle nave ahaavaha nipuro na ethaya yaphaama, o echigawo yooromolliwa Ramsesi, wonanko mmo Farao alamulalleeye. 12Yosefe aavelleella ddoocha wa attiitthinnya ni wa asinne vamoddattho ni wa nibanja nittheene na Yakobo moollikana ni waata wa aniiwa.
Yosefe aneetiha mutteko va enthawi ya ettalla
13Ettalla yahunnuwa wunchichi, sika ddoocha ddaarama va ellapo yavatthi ettheene nave athu a o Iguputo naari o Kanani yaafooka ekaamba ya ettalleeyo. 14Nave Yosefe aatthukumaniha makobiri mattheene a athu a o Iguputo ni a athu a o Kanani yamukullelliiwa tirigu. Makobiri mattheenaayo ahaakusa ayaana wa Farao. 15Makobiri mattheene yaamallenlle athu a o Iguputo ni athu a o Kanani, Aiguputo anchichi yaawa wa Yosefe, emulleella wi, “Munivahe yoocha! Muheereke moona oniweha nikhwaka ni ettalla, mweerevo ello! Makobiraahu mattheene aamalla!”
16Yosefe ahaakhulla wi, “Makobiraanyu yaarimi emanlle, muweena eziweto ddanyu wi naakakhanihe ni ddoocha.” 17Sika yaawaana eziweto ddiwa monga akavalo, enkhosa, epuri, eng'ombe ni abulu wa Yosefe, yaakakhaniha ni ddoocha. Muyakha yooyo Yosefe aawinnya ddoocha athwaayo mwawaakakhaniha ni eziweto ddiwannddo.
18Omallille muyakha yooyo, athwaayo yaayattho wa Yosefe emulleella wi, “Apwiya, moohikhuwa erive ello, hiyaano makobiraahu ni eziweto ddahu ddene, ddoonimallella. Kheyiivo eyo ehanlle yawi ttuuwinnyani, nikhulle miivelleella hiyaano ni emata ddahunndda. 19Apwiya, ethiyo ddawoona nikhwelle vamiitthoni vanyu nave nihiye emata ddahu? Munikulle hiyaano ni emata ddahu vawaakakhanihani ni ddoocha. Ninaakhalle akaporo a Farao nave olliye aneerokusa emata ddahu wi ddikhalle ddaaye. Munivahe mmiddo wi nihikhwe ni ettalla navettho wi emata ddahu ddihikhalle ddoohillima.”
20Nave Yosefe aamukullella Farao ellapo ettheene ya Iguputo vawi arive Muiguputo aakulliha emataaye kaambiiwa ettalleeyo yahunnuwa wunchichi. Sika ellapo ettheene yaakhalla ya Farao. 21Yosefe ahaatthattusa akaporo athwaayo orive weko mu ellapo ya Iguputo. 22Ellapo ahikullalleeye yaari ya allupa mukuthove. Alliwaayo kheyaakullihalle ellapwiiwa kaambiiwa Farao aanaavaha ddoocha. 23Vano Yosefe ahaalleella athu wi, “Onani vano kohuukullani ni emata ddanyu, omukullella Farao. Vano kusani mmiddoolla, mwaalle m'matani mwanyu. 24Va enthawi yoohata muneerovelleella wa Farao erive yaneetthanu ya ddoohata ddanyunnddo nave ddittheddene ddoohallannddo ddinaakhalle ddaanyu. Ddimodda muddisunge mmiddo koma ddimoddannddo muche ni mabanjaanyu mattheene.”
25Athwaayo yaamwaakhulla wi, “Apwiya, moonivullusa. Mooneerella echifundo nave nineerokhalla akaporo a Farao.” 26Sika Yosefe aakeraatthiha lamulo mu ellapo ettheene ya Iguputo wi erive yaneetthanu ya ddoohata enaakhalle ya Farao. Lamulo nenna nookhallawove ophiyera ollellova. Koma ellapo dda allupa mukuthove khaaddikusalle wi ddikhalle dda Farao.
Yakobo anamullupelliha Yosefe voomallihella
27Aisraele yaakeraattheya o Iguputo nave yaakhalla ni eyuuma yinchichi navettho yahaayara anamwani anchichi. 28Yakobo aakhalla o Iguputo miyakha 17, miyakha dda okumaaye ddaakwakhwana 147. 29#Gen 49.29-32; 50.6Vano ari vakhuviru okhwa, aamwiithana Yosefe amulleella wi, “Waarimi okikondaka, okiphare muwari mwa kasambaraakammu nave ollupelle wi oneerokeerella echifundo ni ororomelleya navettho wi mutembwaaka ohivitthiwe o Iguputo wuno. 30Kinapaalla kakone nko okonne makhollwaaka. Mutembwaaka owutukhulle o Iguputo wuno wawuvitthe mu mahame a makhollwaaka.”
Yosefe ahaakhulla wi, “Kineereweera wonanko mullotellaanyummo.” 31Yakobo aamulleellattho Yosefe wi, “Llupella vamiitthoni vaka wi oneereweera ddenndda.” Sika Yosefe aallupella nave Yakobo aawaramella moollapella omuruni wa bedaaye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.