Levitiko 20
20
Ollakiwa ekaamba ya ohiiwellella
1Apwiya yaallota ni Mose wi 2aalleelle Aisraele wi, “Arive Muisraele apaalle mulleto ookhalla variyari vanyu aaheraatthi mukutho anaaye wa mulluku Moleki, iiphiwe, athu attheene emuvokhe malluku. 3Muthu yooyo kineeromureya etulli nave kineeromuvenyiha variyari va Aisarele akhwaaye, ekaamba yawi ohaaheraatthi anaaye wa Moleki ni oripiha nipuro naweella navettho ooripiha nnddina naka naweella. 4Athu yakhalla wonanko khenamoona muthooyo amuheraatthiki mmodda mwa anaaye wa Moleki, emuhiya woohimwiipha, 5miyaano kineeromureya etulli yooyo ni nibanja naye nittheene. Kineerewaavenyiha variyari va Aisraele akhwiiwa ni attheene enaddoonihella ohiroromelleya wa miyaano voomullapellani Moleki.
6“Muthu oollota ni minepa dda athu ookhwa apaalle amanyaka, anaddoonihella ohiroromelleya wa miyaano voowaathwarani alliwaayo, kineeromureya etulli nave kineeromuvenyiha variyari va Aisraele akhwaaye. 7Sika vano muddeellihe nave mukhalle aweella vawi mi tti Apwiya Mullukwaanyu. 8Muthwareke malamulwaaka mattheene nave mwiiwellelleke moollikana ni mmo kuulamulelleemini mi tti Apwiya oyo anaweellihani.
9 #
Eks 21.17; Mat 15.4; Mrk 7.10 “Arive muthu anaatembelela attiitthinnya ni amennya iiphiwa vawi nikhame niwa ninaakhalle vamuruni vaye.”
10 #
Eks 20.14; Lev 18.20; Deu 5.18 “Muthu araruwa ni mwaara amwaneena, mullopwanooyo ni mutthiyanooyo attheene yiiphiwe. 11#Lev 18.8; Deu 22.30; 27.20Muthu ookona ni mwaara attiitthinnya, ohaarulla attiitthinnyaayo nave attheenaayo yiiphiwe. Nikhame niwa ninaakhalle va muru viwa. 12#Lev 18.15Muthu akona ni mwaara a mwanaye, attheenaayo yiiphiwe. Alliwaayo aararuwa voobaleni, nikhame niwa ninaakhalle va muru viwa. 13#Lev 18.22Muthu akona ni mullopwana mukhwaaye wonanko anakona ni mutthiyana, attheenaayo aheera ello yoonanara wunchichi nave yiiphiwe. Nikhame niwa ninaakhalle va muru viwa. 14#Lev 18.17; Deu 27.23Muthu amutthella mutthiyana, aatthellattho amennya a mutthiyanooyo wenko tti weera ello yoonanara wunchichi. Attheenaayo enaphwanella eshellellihiwe, mullopwanooyo ni atthiyanaayo wi ello yoonanara wunchichi yawi ddiidda ehiphwanyeye variyari vanyu. 15#Eks 22.19; Lev 18.23; Deu 27.21Mullopwana akona ni enama iiphiwe ni enameeyo. 16Mutthiyana akona ni enama iiphiwe ni enameeyo nave nikhame niwa nikhalle va muru va mutthiyanooyo ni enameeyo.
17 #
Lev 18.9; Deu 27.22 “Muthu amutthella murokoriye, mwaana aamutthiyana a attiitthinnya apaalle mwaana aamutthiyana a amennya, eelliinaayo aheera ello yoowulliha muru, vano attheenaayo evenyihiwe vamiitthoni va Aisraele attheene. Kaambiiwa kheyiiwellelle malamulo yaalla nave eneerollakiwa. 18#Lev 18.19Muthu akona ni mutthiyana oonille mweeri sika wi oorulla woona mweeri waye nave mutthiyanooyo ohiirulla. Athu eellaalla evenyihiwe variyari va Aisraele akhwiiwa. 19#Lev 18.12-14Muhinamurulla mwanamunniwa a amennyu apaalle murokoriwa a attiitthaanyu vawi wenko tti omurulla mbalaanyu. Eelliinaayo eneerophwanella ollakiwa. 20Muthu akona ni mwaara a mwanamunniwa a attiitthinnya, oomurulla mwanamunniwa aattiitthiinnyooyo. Eelliinaayo eneerewiireya va muru machimwiiwa nave eneerokhwa ehinna anamwani. 21#Lev 18.16Muthu amutthella mwaara a mwanamunne, ohiiripiha. Oomurulla mwanamunnooyo nave eelliinaayo khekhalla ni anamwani.
22“Sika vano muthwareke malamulwaaka nave mwiiwellelleke ddittheddene kinuulamuleemini wi ellapo munayeenyu wi mwakhallekemweeyo ehuurapheyeni. 23Muhinattakiheraka makhallello a mutundu wa athu ayo kinawiikariheemi nyuwaano mwaaphiyaka. Alliwa yaaneera ddenndda sika ekaambiiwa kananariweemina. 24Koma kahuulleellani wi muneerewaakhella ellapo wi ekhalle yaanyu, ellapo yooddalla mukaka ni enwi. Mi tti Apwiya Mullukwaanyu oyo uupatulalleni variyari va mitundu ddittheddene. 25Sika vano muhiyaniheke variyari va enama ddooripihiwa ni ddaweellihiwa, variyari va epallame ddooripihiwa ni ddaweellihiwa. Muhiiripihe voochani enama apaalle epallame apaallettho ddirive ddeko ddawaapadda nnddo kidditthoonlleemi wi muddidduwelle wi tti ddooripihiwa. 26Mukhalleke aweella vamiitthoni vaka vawi miyaano tti aweella nave kohuupatulani variyari va athu attheene wi mukhalle athwaaka.
27“Mullopwana apaalle mutthiyana oollota ni minepa dda athu ookhwa apaalle amanyaka yiiphiwe voovokhiwani malluku nave nikhame niwa nikhalle va muru viwa.”
Currently Selected:
Levitiko 20: MW2019
Highlight
Share
Copy
Want to have your highlights saved across all your devices? Sign up or sign in
The Bible in Elhomwe © The Bible Society of Malawi, 2019.