Lukas 2
2
Meheyey va maŋgal ŋgwal te Yesu
1Yaw, dapa pas ana hay ŋgesey, Agustus, gwevernel dapa vavara ta Rawma, ke vec cəvey kad bay hay dapa vavara tata fakwanay, aca ra vinda ndana hay fakwanay. 2Ŋgesey, mavində vaw macaaca ana masa Kiriniyus aŋga gwevernel da yaŋ vavara te Siriya. 3Dapa ŋgesey ana, ndana hay fakwanay ac ke dey pe mevindek vaw ana. Kwa waawa ke dey pa wunam tata masa tərsam tec zleezle dapa. 4Zezef may, ke zleftek dapa pe berne Nezeret kad Gelile dapa berne te Deevet mezel Betəlehem dapa vavara te Zudey, afa aŋga da hwaɗ ta way va dapa tərsam te Deevet. 5Aca də kad arŋga ana sə, ke te vindek vaw ava ŋgwaza Maaray, masa aŋga ava hwaɗ. 6Mahusa tec e Betəlehem sə, pas te mehey ta Maaray ka husakata cay. 7E heyek cəvandaw tata sə, wat mawal. Ka paɗa wat ana ava rəkwat, ka nahaɗ pa karkaslah ta mandə jene ta gənaw hay, afa dapa way ta manah məlaŋ ana hay sə, slam kad eceŋ ɓasabay.
8Dapa vavara ana ŋgesey, gwala jene hay ɓa, ece pə ndey fa gənaw tec hay faŋga dapa səɓak ta vaɗ. 9Maskəla ta Bay Mazlakava ke ŋguzdecen vaw fəma teceŋ, meweɗ ta Bay Mazlakava ke səretec avəda ara slam mawaɗa, ac ke ŋgə zidaw macəkuma bay. 10Maskəla sə, gege: «Akwa ŋgə zidaw bay, afa ye dek sə, ka ta sləfakwaɗ Labara mambəla ana, ta mawaslda ndana hay fakwanay. 11Tefes ta vaɗ nesey, Nda mambəla nda masa aŋga Kəristi Bay Mazlakava sə, ka hayata dapa berne ta bay Deevet. 12Mawala, akwar ta ɗaliya sə, fe jene hay nesey: Akwar ta ŋgat wat gwendez mapaɗa ava huba, aŋga manaha dapa karkaslah ta mandə jene ta gənaw hay.» 13Faŋga faŋga ana, miya ta maskəla hay mabay ec ke dekey, ac ka tulaka Maskəla medek macaaca ana, ac ka hahəm Zlavay ava laway. Dapa law teceŋ ana, ec ke gweɗ, gege:
14«Membeɗey de ŋgə kad Zlav da wudam da baymaləvaŋ.
Metehey de ŋgey kad ndah masa e weleceŋ dapa vavara.»
15Ava dəɓa ana, maskəla hay sə, ec ke vehec a baymaləvaŋ. Gwala jene hay ec ke gweɗ dapa taɓa tec, gege: «Amcakwa e Betəlehem ana, ma ta wuzaɗakwaɗ jə masa aŋga te ŋgey masa Bay Mazlakava ta ŋguzdandakwaɗay.»
16Gwala jene hay sə, ec ke dey ava mavas vaw, mahusa teceŋ e Betəlehem sə, ac ka yahaw, ac ka ŋgat Maaray, Zezef va wat sə, manaha dapa karkaslah. 17Ava dəɓa ta mawala sə, ec ke ŋguzdecen ma masa maskəla te gweɗec da yaŋ wat. 18Ndana hay fakwan macəna ma ta gwala jene hay masa ec te ŋguzdeceney sə, ec ke rəzleceŋ. 19Ta Maaray sə, ka sləkaɗ ma ana fakwanay pe leŋgesl tata, ka yah macəna ma da yaŋ ana. 20Ava dəɓa ana, gwala jene hay sə, ac ke vehec kad vara gənaw tec hay ava mahahəm Zlavay, ac ka hahəlan yaŋ mabay. Ac ka hahəmaw a yaŋ jene hay masa ac ka cəna, ac ka wala eve ndey teceŋ, afa ece welek sə, ara masa maskəla te gweɗeceŋ. 21Ava dəɓa ta luma amta, pas ta maŋgal ŋgwal ta wat ana, ac ka pafa mezel Yesu ara masa maskəla ta ŋguzdan kad mamaŋ dapa masa ke ŋgə ava hwaɗ bay heley.
Aca ŋguzad Yesu dapa way ta kwakwas
22Mehusek ta pas masa ma majawa ta Muyiz te gweɗey da yaŋ mapan vaw ta Maaray sə, ka husakata cay. Ac ka hwadaɗ wat sə, pe berne te Zeruzelem ka ta ŋguzdan kad Bay Mazlakava. 23Ara masa mavinda dapa ma majawa ta Bay Mazlakava, gege: «Wudeh mawulah cəvandaw#Mzv 13.2, 12, 15; Mgf 18.15-16. fakwanay sə, ac ta paɗ ha wal kad Bay Mazlakava.» 24Maaray va Zezef ec ke dey ka ta ŋgə kwakwas ara masa magwaɗa dapa ma majawa ta Bay Mazlakava, ava mahwɗagwam hay mawula va ŋgwaziya ana, daha aabay mahwdakwar hay kweskweske mawula va ŋgwaziya ana.
25Ndana ɓa de Zeruzelem mezel Simeyaŋw, aŋga nda mambəla ana, nda manaha yaŋ kad Zlavay. A ɓal nda masa Zlav e te zlərek ka ta mbəl Isreyel hay. Mesfen Mavəna ka njah ava aŋga cəɗem cəɗem. 26Mesfeney ana, ka ŋguzdan kad Simeyaŋw, a ta mac aabay, say aŋga ta wala Kəristi, masa Bay Mazlakava e te zlərekey. 27Ava dəɓa ana, Mesfeney ana ka hwadaɗ Simeyaŋw sə, pə Way ta kwakwas. Dapa pas ana ŋgesey, papaŋ va mamaŋ te Yesu ac ke hwedek wat kufiyaŋ sə, kad pə Way ta kwakwas ka ta ŋgə jə masa ma majawa te gweɗey da yaŋ wat ana. 28Simeyaŋw ka wala wat ana, ka kəsaw pa ha tata, ka ŋgana wasay Zlavay, gege: 29Təlam nesey, Bay Mazlakava, jə masa ka ka gwaɗa sə, ka ŋgata cay, ka zlafa magərda nda maŋga mezlər takaa da məc dapa metehey. 30Afa ya ka wala Nda ma ta mbəla nda sə, eve ndey aɗaw cay. 31Nda masa ka ta ləmadiya ka ta mbəl ndana hay fakwanay. 32Aŋga sə, slam mawaɗa kad masa aca sənakaa bay fakwanay, a ta vana gədaŋ takaa kad ndah takaa Isreyel. 33Ac papaŋ va mamaŋ te Yesu, ac ke rəzlec da yaŋ ma masa Simeyaŋw te gweɗey da yaŋ wat ana. 34Simeyaŋw ke pəsefec ma, ka gwaɗa Maaray mamaŋ sə, gege: «Wat ana nesey aŋga mapa sə, te metəɗdec ndah te Isreyel kad pe mebərey, dərziya hay ke te mbəley. A ta njah ke jə te meɗel jene ta Zlavay masa ndana hay ac ta ŋgwadafa dəɓa Zlavay. 35E te ŋguzdek mawulak yaŋ hay maraɓa dapa rav ta ndana hay gaa. Kaa, mamaŋ sə, rav a ta ndalakaa ara ndana tatawa kaa ava kafaya.»
36Dapa Way ta kwakwas ana sə, ŋgwaz mehwedek ma ɓa mezel Hana. Aŋga dəm te Fenəwel da hwaɗ ta way ta gwalay Aser, aŋga ava mavay gaa cay. Dapa medə tata kad a way ta mawal sə, ke ŋgə mavay tasəla ac ava mawula fa slam ana. 37Ava dəɓa ta maməc ta mawula, ŋgwaz ana, ka njah ŋgwa macəhwandaw. Mavay tata fakwanay ke ŋgə kwakwar cahkar va faɗ. Cəɗem cəɗem aŋga dapa Way ta kwakwas, a kəɗana ha Zlavay hwavavaɗ, hwapapas, jaka pe meŋgə dalyama hay va macə mbahw hay. 38Masa Simeyaŋw ke pəsefec ma cay sə, faŋga faŋga ana, Hana sə, ke ŋgucefec vaw Zezef va Maaray, ka zlar mahahəm Zlavay mafay ta wat ana. Ava dəɓa ana, ke gweɗ da yaŋ wat ana kad ndana hay fakwanay de Zeruzelem masa aca ɓal Zlav e de pəlec avəda. 39Masa ac Zezef va Maaray ka ndəvda meŋgə kwakwas ana fakwanay ara ma majawa ta Bay Mazlakava te gweɗey sə, ec ke vehec pe berne teceŋ de Nezeret dapa vavara te Gelile.
Manjah te Yesu dapa wat
40Ta wat sə, ke gəley, ka ŋgat gədaŋ va leŋgesl fəma fəma. Mapəsma ta Zlavay ka njah da yaŋ ana.
Ma hay macaaca ana te Yesu dapa way ta kwakwas
41Fa mavay fa mavay, Zezef va Maaray ece dey e Zeruzelem ka ta ŋgə macunam ta Pak. 42Masa Yesu aŋga ava mavay kuraw dapa yaŋ ana ecew sə, papaŋ va mamaŋ ac ka kəsaw kad pa macunam ara ma majawa tec te gweɗey. 43Masa macunam ɓasabay sə, ec ke vehec kad a wunam, amaa te Yesu sə, ka njahata ava dəɓa de Zeruzelem. Ac papaŋ va mamaŋ sə, ac ka wala aabay. 44Ac ka wulakaw, gəla aŋga ava mandala tata hay dapa cəvey. Ac ka ŋgə manah amta dapa cəvey sə, ac ka yahaw dapa taɓa ta ndah teceŋ va ndah masa ece səneceŋ. 45Amaa ac ka ŋgataw aabay. Mafay ana, ec ke vehec Zeruzelem ke te yehekey. 46Dapa manah mamahkar ana sə, ac ta ŋgatafa aŋga dapa Way ta kwakwas, manjaha dapa taɓa ta ndah mesesərekecen ma majawa kad ndana hay, e cəkefec zləmay, e nəkefec ma hay. 47Ndana hay fakwanay faŋga ac ka cəkafa zləmay, ec ke rəzley da yaŋ mesen jene hay tata va mavah ma tata mambəla ana kad pa ma ta ndah masasəraka ndana hay. 48Masa papaŋ va mamaŋ ac ta wala sə, ec ke rəzlec fətiya mabay. Mamaŋ ka gwaɗa, gege: «Wat aɗaw, ka ŋgandaw ara nesey sə, mafay te mey? Andaw ava papakw cuweeney zidaw ka kəɗandaw ta mayahakaa.» 49Yesu gege: «Akwa yehiyey ara nesey sə, mafay te mey? Akwa sən masa ya ta njah dapa way ta papa ara nesey sə, bay geyey?» 50Amaa Zezef va Maaray ac ka cəna ma da yaŋ ma masa Yesu te gweɗec sə, aabay. 51Yesu ke veh eveceŋ kad Nezeret ana. Ke cənecen ma ta papaŋ va mamaŋ. Mamaŋ sə, ka sləkaɗ ma ana fakwanay pe leŋgesl tata. 52Yesu, e gəley, e dey fəma fəma eve leŋgesl meven jene hay mambəla ana, fa yam te ndey ta Zlavay va ta ndana hay.
Currently Selected:
Lukas 2: CUVnt
Highlight
Share
Copy
Want to have your highlights saved across all your devices? Sign up or sign in
© 2022 CABTAL
Lukas 2
2
Meheyey va maŋgal ŋgwal te Yesu
1Yaw, dapa pas ana hay ŋgesey, Agustus, gwevernel dapa vavara ta Rawma, ke vec cəvey kad bay hay dapa vavara tata fakwanay, aca ra vinda ndana hay fakwanay. 2Ŋgesey, mavində vaw macaaca ana masa Kiriniyus aŋga gwevernel da yaŋ vavara te Siriya. 3Dapa ŋgesey ana, ndana hay fakwanay ac ke dey pe mevindek vaw ana. Kwa waawa ke dey pa wunam tata masa tərsam tec zleezle dapa. 4Zezef may, ke zleftek dapa pe berne Nezeret kad Gelile dapa berne te Deevet mezel Betəlehem dapa vavara te Zudey, afa aŋga da hwaɗ ta way va dapa tərsam te Deevet. 5Aca də kad arŋga ana sə, ke te vindek vaw ava ŋgwaza Maaray, masa aŋga ava hwaɗ. 6Mahusa tec e Betəlehem sə, pas te mehey ta Maaray ka husakata cay. 7E heyek cəvandaw tata sə, wat mawal. Ka paɗa wat ana ava rəkwat, ka nahaɗ pa karkaslah ta mandə jene ta gənaw hay, afa dapa way ta manah məlaŋ ana hay sə, slam kad eceŋ ɓasabay.
8Dapa vavara ana ŋgesey, gwala jene hay ɓa, ece pə ndey fa gənaw tec hay faŋga dapa səɓak ta vaɗ. 9Maskəla ta Bay Mazlakava ke ŋguzdecen vaw fəma teceŋ, meweɗ ta Bay Mazlakava ke səretec avəda ara slam mawaɗa, ac ke ŋgə zidaw macəkuma bay. 10Maskəla sə, gege: «Akwa ŋgə zidaw bay, afa ye dek sə, ka ta sləfakwaɗ Labara mambəla ana, ta mawaslda ndana hay fakwanay. 11Tefes ta vaɗ nesey, Nda mambəla nda masa aŋga Kəristi Bay Mazlakava sə, ka hayata dapa berne ta bay Deevet. 12Mawala, akwar ta ɗaliya sə, fe jene hay nesey: Akwar ta ŋgat wat gwendez mapaɗa ava huba, aŋga manaha dapa karkaslah ta mandə jene ta gənaw hay.» 13Faŋga faŋga ana, miya ta maskəla hay mabay ec ke dekey, ac ka tulaka Maskəla medek macaaca ana, ac ka hahəm Zlavay ava laway. Dapa law teceŋ ana, ec ke gweɗ, gege:
14«Membeɗey de ŋgə kad Zlav da wudam da baymaləvaŋ.
Metehey de ŋgey kad ndah masa e weleceŋ dapa vavara.»
15Ava dəɓa ana, maskəla hay sə, ec ke vehec a baymaləvaŋ. Gwala jene hay ec ke gweɗ dapa taɓa tec, gege: «Amcakwa e Betəlehem ana, ma ta wuzaɗakwaɗ jə masa aŋga te ŋgey masa Bay Mazlakava ta ŋguzdandakwaɗay.»
16Gwala jene hay sə, ec ke dey ava mavas vaw, mahusa teceŋ e Betəlehem sə, ac ka yahaw, ac ka ŋgat Maaray, Zezef va wat sə, manaha dapa karkaslah. 17Ava dəɓa ta mawala sə, ec ke ŋguzdecen ma masa maskəla te gweɗec da yaŋ wat. 18Ndana hay fakwan macəna ma ta gwala jene hay masa ec te ŋguzdeceney sə, ec ke rəzleceŋ. 19Ta Maaray sə, ka sləkaɗ ma ana fakwanay pe leŋgesl tata, ka yah macəna ma da yaŋ ana. 20Ava dəɓa ana, gwala jene hay sə, ac ke vehec kad vara gənaw tec hay ava mahahəm Zlavay, ac ka hahəlan yaŋ mabay. Ac ka hahəmaw a yaŋ jene hay masa ac ka cəna, ac ka wala eve ndey teceŋ, afa ece welek sə, ara masa maskəla te gweɗeceŋ. 21Ava dəɓa ta luma amta, pas ta maŋgal ŋgwal ta wat ana, ac ka pafa mezel Yesu ara masa maskəla ta ŋguzdan kad mamaŋ dapa masa ke ŋgə ava hwaɗ bay heley.
Aca ŋguzad Yesu dapa way ta kwakwas
22Mehusek ta pas masa ma majawa ta Muyiz te gweɗey da yaŋ mapan vaw ta Maaray sə, ka husakata cay. Ac ka hwadaɗ wat sə, pe berne te Zeruzelem ka ta ŋguzdan kad Bay Mazlakava. 23Ara masa mavinda dapa ma majawa ta Bay Mazlakava, gege: «Wudeh mawulah cəvandaw#Mzv 13.2, 12, 15; Mgf 18.15-16. fakwanay sə, ac ta paɗ ha wal kad Bay Mazlakava.» 24Maaray va Zezef ec ke dey ka ta ŋgə kwakwas ara masa magwaɗa dapa ma majawa ta Bay Mazlakava, ava mahwɗagwam hay mawula va ŋgwaziya ana, daha aabay mahwdakwar hay kweskweske mawula va ŋgwaziya ana.
25Ndana ɓa de Zeruzelem mezel Simeyaŋw, aŋga nda mambəla ana, nda manaha yaŋ kad Zlavay. A ɓal nda masa Zlav e te zlərek ka ta mbəl Isreyel hay. Mesfen Mavəna ka njah ava aŋga cəɗem cəɗem. 26Mesfeney ana, ka ŋguzdan kad Simeyaŋw, a ta mac aabay, say aŋga ta wala Kəristi, masa Bay Mazlakava e te zlərekey. 27Ava dəɓa ana, Mesfeney ana ka hwadaɗ Simeyaŋw sə, pə Way ta kwakwas. Dapa pas ana ŋgesey, papaŋ va mamaŋ te Yesu ac ke hwedek wat kufiyaŋ sə, kad pə Way ta kwakwas ka ta ŋgə jə masa ma majawa te gweɗey da yaŋ wat ana. 28Simeyaŋw ka wala wat ana, ka kəsaw pa ha tata, ka ŋgana wasay Zlavay, gege: 29Təlam nesey, Bay Mazlakava, jə masa ka ka gwaɗa sə, ka ŋgata cay, ka zlafa magərda nda maŋga mezlər takaa da məc dapa metehey. 30Afa ya ka wala Nda ma ta mbəla nda sə, eve ndey aɗaw cay. 31Nda masa ka ta ləmadiya ka ta mbəl ndana hay fakwanay. 32Aŋga sə, slam mawaɗa kad masa aca sənakaa bay fakwanay, a ta vana gədaŋ takaa kad ndah takaa Isreyel. 33Ac papaŋ va mamaŋ te Yesu, ac ke rəzlec da yaŋ ma masa Simeyaŋw te gweɗey da yaŋ wat ana. 34Simeyaŋw ke pəsefec ma, ka gwaɗa Maaray mamaŋ sə, gege: «Wat ana nesey aŋga mapa sə, te metəɗdec ndah te Isreyel kad pe mebərey, dərziya hay ke te mbəley. A ta njah ke jə te meɗel jene ta Zlavay masa ndana hay ac ta ŋgwadafa dəɓa Zlavay. 35E te ŋguzdek mawulak yaŋ hay maraɓa dapa rav ta ndana hay gaa. Kaa, mamaŋ sə, rav a ta ndalakaa ara ndana tatawa kaa ava kafaya.»
36Dapa Way ta kwakwas ana sə, ŋgwaz mehwedek ma ɓa mezel Hana. Aŋga dəm te Fenəwel da hwaɗ ta way ta gwalay Aser, aŋga ava mavay gaa cay. Dapa medə tata kad a way ta mawal sə, ke ŋgə mavay tasəla ac ava mawula fa slam ana. 37Ava dəɓa ta maməc ta mawula, ŋgwaz ana, ka njah ŋgwa macəhwandaw. Mavay tata fakwanay ke ŋgə kwakwar cahkar va faɗ. Cəɗem cəɗem aŋga dapa Way ta kwakwas, a kəɗana ha Zlavay hwavavaɗ, hwapapas, jaka pe meŋgə dalyama hay va macə mbahw hay. 38Masa Simeyaŋw ke pəsefec ma cay sə, faŋga faŋga ana, Hana sə, ke ŋgucefec vaw Zezef va Maaray, ka zlar mahahəm Zlavay mafay ta wat ana. Ava dəɓa ana, ke gweɗ da yaŋ wat ana kad ndana hay fakwanay de Zeruzelem masa aca ɓal Zlav e de pəlec avəda. 39Masa ac Zezef va Maaray ka ndəvda meŋgə kwakwas ana fakwanay ara ma majawa ta Bay Mazlakava te gweɗey sə, ec ke vehec pe berne teceŋ de Nezeret dapa vavara te Gelile.
Manjah te Yesu dapa wat
40Ta wat sə, ke gəley, ka ŋgat gədaŋ va leŋgesl fəma fəma. Mapəsma ta Zlavay ka njah da yaŋ ana.
Ma hay macaaca ana te Yesu dapa way ta kwakwas
41Fa mavay fa mavay, Zezef va Maaray ece dey e Zeruzelem ka ta ŋgə macunam ta Pak. 42Masa Yesu aŋga ava mavay kuraw dapa yaŋ ana ecew sə, papaŋ va mamaŋ ac ka kəsaw kad pa macunam ara ma majawa tec te gweɗey. 43Masa macunam ɓasabay sə, ec ke vehec kad a wunam, amaa te Yesu sə, ka njahata ava dəɓa de Zeruzelem. Ac papaŋ va mamaŋ sə, ac ka wala aabay. 44Ac ka wulakaw, gəla aŋga ava mandala tata hay dapa cəvey. Ac ka ŋgə manah amta dapa cəvey sə, ac ka yahaw dapa taɓa ta ndah teceŋ va ndah masa ece səneceŋ. 45Amaa ac ka ŋgataw aabay. Mafay ana, ec ke vehec Zeruzelem ke te yehekey. 46Dapa manah mamahkar ana sə, ac ta ŋgatafa aŋga dapa Way ta kwakwas, manjaha dapa taɓa ta ndah mesesərekecen ma majawa kad ndana hay, e cəkefec zləmay, e nəkefec ma hay. 47Ndana hay fakwanay faŋga ac ka cəkafa zləmay, ec ke rəzley da yaŋ mesen jene hay tata va mavah ma tata mambəla ana kad pa ma ta ndah masasəraka ndana hay. 48Masa papaŋ va mamaŋ ac ta wala sə, ec ke rəzlec fətiya mabay. Mamaŋ ka gwaɗa, gege: «Wat aɗaw, ka ŋgandaw ara nesey sə, mafay te mey? Andaw ava papakw cuweeney zidaw ka kəɗandaw ta mayahakaa.» 49Yesu gege: «Akwa yehiyey ara nesey sə, mafay te mey? Akwa sən masa ya ta njah dapa way ta papa ara nesey sə, bay geyey?» 50Amaa Zezef va Maaray ac ka cəna ma da yaŋ ma masa Yesu te gweɗec sə, aabay. 51Yesu ke veh eveceŋ kad Nezeret ana. Ke cənecen ma ta papaŋ va mamaŋ. Mamaŋ sə, ka sləkaɗ ma ana fakwanay pe leŋgesl tata. 52Yesu, e gəley, e dey fəma fəma eve leŋgesl meven jene hay mambəla ana, fa yam te ndey ta Zlavay va ta ndana hay.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 CABTAL