Luk 8
8
Ayey mbənə mbə́ mə́ yeŋ aboʼo Yeso
1Cha amaʼ di saray, Yeso ŋu chigə ungɨŋ usin nanaʼ. Wə mə yeŋ yə ghayn ukən uchuŋ da anó ufon Nwiye. Mbə məŋə-anó ma ighum cho bigə ŋu nə uŋwən. 2#Mat 27.55, 56; Mak 15.40, 41; Luk 23.49Mbə ayey moʼ nu yə́ chi uzugə iboŋ inyo ma nə uchini mbənə yə nibi chi isɨgə inyo uma. Mbə́ mə́ nibə yeŋ nə uŋwən. Mbə ayey wu mə Meri ŋunə mbə́ mə́ tiya uŋwən akə Magdalen nu Yeso fuw uzugə iboŋ isambigə inyo ma. 3Jowana ŋunə unóm ma mə Chuza wa nu umə faʼa abú Herod nə Susana nə mbə ayey chini nanaʼ. Ayey wu mə́ yə́ ywere Yeso nə mbə məŋə-anó ma nə u aghəy moʼ akaʼa u aghəy mbənə mbə́ mə́ abú úŋwən.
Inayn maʼa da wa imbayn
(Mat 13.1-9; Mak 4.1-9)
4Amaʼazənə unóŋ ba kyayn nu unoʼo usin usin ŋú fere asin zənə Yeso mə awu, yə ghayn inayn maʼa zəŋ abú úŋwən kwi 5wa mbayn moʼ du iŋu ikon itɨŋ, umugə yə mə imiy itɨŋ wu, imoʼ fwayn igun ji anigə ba mə chigə yə təʼe, inen zaʼa bɨŋi miya. 6Imoʼ fwayn igun akwaʼ anigə amaʼazənə tə buwate, izom damugə amə cha une asin asey wu. 7Imoʼ fwayn ungɨŋ injəŋ. Injəŋ wu kwey ifed aghəy wu. 8Itɨŋ moʼ fwayn ungɨŋ isey chuŋ, tə kwey ikuw ukɨ itɨŋ chigə ma umugə mbə́ kono. Anigə Yeso ghayn anó zəŋ imara kwi ayə ghayn kwi, “Wa ŋunə umə nə atoŋ uzəw.”
Aton akə inayn maʼa zəŋ
(Mat 13.10-17; Mak 4.10-12)
9Mbə məŋə-anó Yeso biri aton akə inayn maʼa zəŋ abú uŋwən. 10Yeso ywiri kwi, “Nwiye si naʼ iwe inen kwi mbən kyay unó mbənə u noy da anó ufon Nwiye asɨmə abú u moʼ, a yə inayn unó mbəŋ amə akə inayn maʼa boʼo umi mə iney cha umi zən, umi mə zəw cha umi ikyay.”
Yeso ghayn aton akə inayn maʼa da wa mbayn
(Mat 13.18-23; Mak 4.13-20)
11Aton akə inayn maʼa wu amə kwi, itɨŋ tənə mbə́ miy amə inayn Nwiye 12Itɨŋi tənə tə́ fwayn iguni ji, amə ba mbənə u bə zəw inayn wu anigə Azugə iboŋ zaʼa chi inayn wu ungɨŋ fiŋ uma boʼo ka u beni ma idu angəʼ 13Itɨŋi tənə tə́ fwayn igun akwaʼ amə ba mbənə u bə́ zəw inayn wu, u num ni iwuʼi. Anigə cha imə inyi ma afiŋ uma. U mbə mbeni inayn wu aba akə amaʼ moʼ anigə akwaʼara bə zaʼa u chi fiŋ ma akə anó zənə mbə beni. 14Itɨŋi tənə tə́ fwayn akaʼa injəŋ amə ba mbənə u bə zəw inayn wu, aba umugə umə iyeŋ ŋuw, unó mbənə umə akə igun isəg, anó ni zi fiŋ akə ukab nə ighəy anó zənə nyə̂ inyo mə kaba umbə zaʼa ifed inayn wu. Cha ibeni ma mə ikay. 15Itɨŋi tənə tə́ fwayn ungɨŋ isey chuŋ amə ba mbənə u zəw inayn wu i zi ungɨŋ fiŋ ma ni faʼa akə asiʼ anigə iyimə fiŋ pey Amaʼazənə umi aghəy unó mbənə Nwiye kaba.
Inayn maʼa da anam
(Mak 4.21-25)
16 #
Mat 5.15; Luk 11.33 Cha wa moʼ awu nu umə chəw anam iŋu zi inyi uku kə iŋu zi inyi ukon. U yi num iŋu niŋi igun asin zənə umə isiy anam awu boʼo ba mbənə u nyi na umbi mə zənə usin. 17#Mat 10.26; Luk 12.2Cha anó moʼ awu unóy nu chama ami du asaŋ kə cha anó moʼ ukəbərə nu cha ba umi kyay kə nu cha ami du asaŋ. 18#Mat 25.29; Luk 19.26Mbən num amaʼ umugə mbən mə zəw damugə ba mbənə umə nə aghəy moʼ umbi naʼ uchini anigə ba mbənə cha aghəy moʼ abú úŋwən kaba ŋwə̂ aghəy ŋənə yə mə abú uŋwən umbi num.
Ingo nə unya anóm Yeso
(Mat 12.46-50; Mak 3.31-35)
19Ingo nə unya anóm Yeso ŋu izən uŋwən anigə amə cha ma inji iŋu iyad ma da unoŋ ba kyayn ŋənə yə mə iyad ma. 20Wa moʼ ghayn abú Yeso kwi ungwə ingwo nə umbə unya anóm tem isəg umbə kaba izən ayə. 21Yeso ghayn abú úŋwən kwi, “Uŋu ingwo nə unya anóm amə ba mbənə umə zəw inayn Nwiye isə́ ighəy.”
Yeso təmənə afirm
(Mat 8.23-27; Mak 4.35-41)
22Aney moʼ, Yeso ŋu inyi ungɨŋ uku ugwi nə mbə məŋə-anó ma. Wə nyi nigə ighayn abú úŋwən kwi, “Mba kwenə iŋu anjin animini zi.” Mbə́ zəw nigə koʼ nyi u ti ni ŋuw. 23Umugə mbə́ mə́ ŋuw, Yeso fwayn ambuni. Afirm kaka moʼ ti ni chigə igun animini wu ighəy une ni koʼo nyi ungɨŋ uku ugwi wu akə inji zənə úŋwən mə ungɨŋ ingəʼ kyayn. 24Mbə məŋə-anó wu ŋu noʼ Yeso ambuni ighayn abú uŋwən kwi, “Masa masa! Mba yə sə baʼa iŋu iku.”
Yeso noʼ atey ghayn abú afirm foro abú imbəʼ ugwi kwi i bó, imbayn ŋaʼa zuw nyəm anigə usin boro 25Anigə Yeso ghayn abú mbə məŋə-anó ma kwi, “Injən ibeni fiŋ izayn?”
Asɨmə mbə́ mə́ məŋərə uma ni goro ighayn akaʼa uma kwi, “A mə ukudu wa ngiya uŋunə nu umə inayn abú afirm nə imbəʼ ugwi ini zəw uŋwən?”
Yeso zwey anóm nu uzugə iboŋ mə ungɨŋ inyo ma
(Mat 8.28-34; Mak 5.1-20)
26Yeso nə mbə məŋə-anó ma ŋu pey aba abey Gerasenes nu amə anjim animini Galeli zi. 27Umugə Yeso mə duw ungɨŋ uku ugwi itəʼ aghəw ma asey, anóm moʼ ungɨŋ asin wu nu Azugə iboŋ mə ungɨŋ inyo ma ŋu kuw uŋwən. Akə agha sa, cha anóm wu mə zi ma ndwi kə chomo ungɨŋ na. Yə́ mə́ chomo ungɨŋ utəw isey nu mbə́ chomo ni ikəb nu umə itwayn ba awu ungɨŋ 28amaʼazənə yə zən Yeso yə kyayn igəw ifigi ma ikyayn akə igəg ika ka ighayn kwi, “Yeso Ŋwə̂ Nwiye achigə isəg ngwə mə kaba ngiya inyi injim? Mə boʼo ubugə inigə kwi izi yə ingəʼ inyi igun.” 29Wə ighayn nigə damugə Yeso ghayn Azugə iboŋ wu du ungɨŋ inyo wa wu. Azugə iboŋ wu si yimə anóm wu itum asey ighari nanaʼ. Ka nə mbə́ mə́ nəmə uŋwən koro ubugə ma nə ughəw ma akə indəŋ, yə mə́ tənə indəŋ wu anigə Azugə iboŋ wu mə aghəy uni noro ŋuw abam ungɨŋ imbayn zomo.
30Yeso biri abú uŋwən kwi, “ungwə ukum amə ngwa.” Wə ywiri kwi, “Uŋu ukum amə unóŋ.” Wə ghayn nigə damugə uzugə iboŋ nanaʼ si inyi ungɨŋ inyo ma. 31Uzugə iboŋ wu boʼo ubugə abú Yeso kwi ka u fuw ma úŋwən icha ungɨŋ ubəg nu cha inwi.
32Unoŋ ingwey kyayn moʼ mə jəgə abam ugum awu asin wu anigə uzugə iboŋ wu boʼo ubugə abú Yeso kwi u sayn úŋwən u nyi awu ungɨŋ ingwey wu anigə yə beni. 33Anigə uzugə iboŋ wu du ungɨŋ inyo wa wu iŋu nyi ungɨŋ ingwey wu. Unuŋ ingwey wu ujum nod swiʼi ukoŋ ugum, mbə ŋu fwayn ungɨŋ animini ikoŋ.
34Anigə ba mbənə mbə́ mə́ ney ingwey wu zən anó zənə yə aghəy anigə mbə́ nod iŋu saŋa ukən wu ungɨŋ abey foro ungɨŋ usin mbənə mbə́ mə́ iyad wu. 35Ba du iŋu zən anó zənə yə aghəy. Amaʼazənə mbə pey aboʼo Yeso, mbə́ zən anóm ŋunə uzugə iboŋ du ungɨŋ inyo ma. Wə chomo iyad ughəw Yeso izi ndwi. Iwe ma si zayn anigə mbə mə goro uma ujum. 36Ba mbənə mbə́ zən anó zəŋ ghayn umugə Yeso zwey anóm uŋu. 37Ba ujum awu ungɨŋ aba abey Gerasenes ghayn abú Yeso kwi u noʼo ŋu ma damugə mbə́ mə́ goro azəd. Anigə yə nyi uku ugwi wene ŋu ma.
38Ki yə sə ŋu noʼ, anóm ŋunə uzugə iboŋ du ungɨŋ inyo ma boʼo ubugə iŋu nə uŋwən. Anigə Yeso ton ighayn kwi, 39“Wene iŋu unuʼ pey yi ghayn anó kyayn zənə Nwiye aghəy inigə.” Anom wu ŋu ungɨŋ usin wu ujum yeŋ saŋa anó kyayn zənə Yeso aghəy abú uŋwən.
Yeso zəmə ukwere Jairus i zwey ayey nu yə bira ndwi ma
(Mat 9.18-26; Mak 5.21-43)
40amaʼazənə Yeso wene iŋu aba animini izi ba nanaʼ num uŋwən anji chuŋ damugə mbə mə nəmə uŋwən uma ujum. 41Anom moʼ ukum ma mə Jairus ni amə wa kyayn ungɨŋ na ibumi ba Jû ŋu yi gow ughəw Yeso iboʼo ubugə abú uŋwən kwi Yeso a na ma, 42damugə ukwere ma nu abəma uyugə ufeyn abú uŋwən mə baʼa iku. Akwere wu mə ituʼ ighum cho bigə.
Umugə Yeso mə́ iyeŋ iŋuw ba mə ifere uma iyad ma. 43Ayey moʼ mə akaʼa ba wu nu u si zənə ingəʼ akə imbayn bene akə ituʼ ighum cho bigə, yə si chiŋe u aghəy mbənə mbə́ mə́ abú uŋwən ujum inaʼ abú ba ifuʼ anigə cha moʼ di si zwey ma uŋwən. 44Wə yeŋ anjim Yeso pey yi bira iyad ndwi ma. Imbayn bene ma məy. Aba ighara wu, 45Yeso biri kwi, “Amə ngwa bira aŋu?”
Ba jum aton anigə Pita ghayn kwi, “Masa unuŋ ba kad ayə kumə yə fere uma inji inyo.” 46Anigə Yeso ghayn kwi, “Wa moʼ bira aŋu. Mə kyay amaʼazənə ikay du inyi inyo.” 47Amaʼazənə ayey wu zən kwi cha inji abú uŋwən ipaʼa, yə́ sə́ neŋere igəw imbey Yeso ifigi ba ujum i toʼo aton zənə yə bira Yeso nə inji zənə isɨgə ma mey aba ighari awu. 48Yeso ghayn abú uŋwən kwi, “Uŋu ukwere inji beni fiŋ aghəy injə isɨgə imey. Ŋuw akə aborobod.” 49Amaʼazənə Yeso mə bugə inayn, wa moʼ du ungɨŋ na wa kyayn nu yə mə faʼa ungɨŋ na ibumi ba Jû yi ghayn abú Jairus kwi, “Ungwə ukwere si ku imə naʼa ayə ingəʼ abú ataʼa ba.” 50Yeso zəw anó wu anigə ighayn abú Jairus kwi, “Imə goro yə, ngwə bə beni isɨgə ungwə ŋwə̂ iyi mey.” 51Amaʼazənə Yeso pey a na Jairus, cha yə di beni ma kwi wa moʼ nyi awu chigə akə Pita, Jon, Jems foro nə mbaʼ nə ingo mbi ŋwə̂ wu 52Ba ujum mbə́ mə́ idey kənə da ŋwə̂ wu. Yeso ghayn abú úŋwən kwi mbən mə́ dey ngwen chama u di si ku ma u yə bunə amə bunə. 53Anigə ba wu mə chiʼe Yeso damugə mbə́ kyay kwi ŋwə̂ wu si ku 54Yeso yimi abugə akwere wu ighayn akə igəg kaka kwi, “uŋu ŋwə̂ noʼo atey.” 55Azugə ŋwə̂ wu gha zaʼa anigə yə noʼ atey aba ighara wu. Yeso ghayn kwi ú kaba aghəy moʼ naʼ abú uŋwən u jəg. 56Mbaʼ ŋwə̂ ayey wu ni ingwo ma yere anigə Yeso chere úŋwən kwi ka u ghayn ma anó zənə aduw abú wa moʼ.
Currently Selected:
Luk 8: NGI
Highlight
Share
Copy
Want to have your highlights saved across all your devices? Sign up or sign in
© 2023 CABTAL
Luk 8
8
Ayey mbənə mbə́ mə́ yeŋ aboʼo Yeso
1Cha amaʼ di saray, Yeso ŋu chigə ungɨŋ usin nanaʼ. Wə mə yeŋ yə ghayn ukən uchuŋ da anó ufon Nwiye. Mbə məŋə-anó ma ighum cho bigə ŋu nə uŋwən. 2#Mat 27.55, 56; Mak 15.40, 41; Luk 23.49Mbə ayey moʼ nu yə́ chi uzugə iboŋ inyo ma nə uchini mbənə yə nibi chi isɨgə inyo uma. Mbə́ mə́ nibə yeŋ nə uŋwən. Mbə ayey wu mə Meri ŋunə mbə́ mə́ tiya uŋwən akə Magdalen nu Yeso fuw uzugə iboŋ isambigə inyo ma. 3Jowana ŋunə unóm ma mə Chuza wa nu umə faʼa abú Herod nə Susana nə mbə ayey chini nanaʼ. Ayey wu mə́ yə́ ywere Yeso nə mbə məŋə-anó ma nə u aghəy moʼ akaʼa u aghəy mbənə mbə́ mə́ abú úŋwən.
Inayn maʼa da wa imbayn
(Mat 13.1-9; Mak 4.1-9)
4Amaʼazənə unóŋ ba kyayn nu unoʼo usin usin ŋú fere asin zənə Yeso mə awu, yə ghayn inayn maʼa zəŋ abú úŋwən kwi 5wa mbayn moʼ du iŋu ikon itɨŋ, umugə yə mə imiy itɨŋ wu, imoʼ fwayn igun ji anigə ba mə chigə yə təʼe, inen zaʼa bɨŋi miya. 6Imoʼ fwayn igun akwaʼ anigə amaʼazənə tə buwate, izom damugə amə cha une asin asey wu. 7Imoʼ fwayn ungɨŋ injəŋ. Injəŋ wu kwey ifed aghəy wu. 8Itɨŋ moʼ fwayn ungɨŋ isey chuŋ, tə kwey ikuw ukɨ itɨŋ chigə ma umugə mbə́ kono. Anigə Yeso ghayn anó zəŋ imara kwi ayə ghayn kwi, “Wa ŋunə umə nə atoŋ uzəw.”
Aton akə inayn maʼa zəŋ
(Mat 13.10-17; Mak 4.10-12)
9Mbə məŋə-anó Yeso biri aton akə inayn maʼa zəŋ abú uŋwən. 10Yeso ywiri kwi, “Nwiye si naʼ iwe inen kwi mbən kyay unó mbənə u noy da anó ufon Nwiye asɨmə abú u moʼ, a yə inayn unó mbəŋ amə akə inayn maʼa boʼo umi mə iney cha umi zən, umi mə zəw cha umi ikyay.”
Yeso ghayn aton akə inayn maʼa da wa mbayn
(Mat 13.18-23; Mak 4.13-20)
11Aton akə inayn maʼa wu amə kwi, itɨŋ tənə mbə́ miy amə inayn Nwiye 12Itɨŋi tənə tə́ fwayn iguni ji, amə ba mbənə u bə zəw inayn wu anigə Azugə iboŋ zaʼa chi inayn wu ungɨŋ fiŋ uma boʼo ka u beni ma idu angəʼ 13Itɨŋi tənə tə́ fwayn igun akwaʼ amə ba mbənə u bə́ zəw inayn wu, u num ni iwuʼi. Anigə cha imə inyi ma afiŋ uma. U mbə mbeni inayn wu aba akə amaʼ moʼ anigə akwaʼara bə zaʼa u chi fiŋ ma akə anó zənə mbə beni. 14Itɨŋi tənə tə́ fwayn akaʼa injəŋ amə ba mbənə u bə zəw inayn wu, aba umugə umə iyeŋ ŋuw, unó mbənə umə akə igun isəg, anó ni zi fiŋ akə ukab nə ighəy anó zənə nyə̂ inyo mə kaba umbə zaʼa ifed inayn wu. Cha ibeni ma mə ikay. 15Itɨŋi tənə tə́ fwayn ungɨŋ isey chuŋ amə ba mbənə u zəw inayn wu i zi ungɨŋ fiŋ ma ni faʼa akə asiʼ anigə iyimə fiŋ pey Amaʼazənə umi aghəy unó mbənə Nwiye kaba.
Inayn maʼa da anam
(Mak 4.21-25)
16 #
Mat 5.15; Luk 11.33 Cha wa moʼ awu nu umə chəw anam iŋu zi inyi uku kə iŋu zi inyi ukon. U yi num iŋu niŋi igun asin zənə umə isiy anam awu boʼo ba mbənə u nyi na umbi mə zənə usin. 17#Mat 10.26; Luk 12.2Cha anó moʼ awu unóy nu chama ami du asaŋ kə cha anó moʼ ukəbərə nu cha ba umi kyay kə nu cha ami du asaŋ. 18#Mat 25.29; Luk 19.26Mbən num amaʼ umugə mbən mə zəw damugə ba mbənə umə nə aghəy moʼ umbi naʼ uchini anigə ba mbənə cha aghəy moʼ abú úŋwən kaba ŋwə̂ aghəy ŋənə yə mə abú uŋwən umbi num.
Ingo nə unya anóm Yeso
(Mat 12.46-50; Mak 3.31-35)
19Ingo nə unya anóm Yeso ŋu izən uŋwən anigə amə cha ma inji iŋu iyad ma da unoŋ ba kyayn ŋənə yə mə iyad ma. 20Wa moʼ ghayn abú Yeso kwi ungwə ingwo nə umbə unya anóm tem isəg umbə kaba izən ayə. 21Yeso ghayn abú úŋwən kwi, “Uŋu ingwo nə unya anóm amə ba mbənə umə zəw inayn Nwiye isə́ ighəy.”
Yeso təmənə afirm
(Mat 8.23-27; Mak 4.35-41)
22Aney moʼ, Yeso ŋu inyi ungɨŋ uku ugwi nə mbə məŋə-anó ma. Wə nyi nigə ighayn abú úŋwən kwi, “Mba kwenə iŋu anjin animini zi.” Mbə́ zəw nigə koʼ nyi u ti ni ŋuw. 23Umugə mbə́ mə́ ŋuw, Yeso fwayn ambuni. Afirm kaka moʼ ti ni chigə igun animini wu ighəy une ni koʼo nyi ungɨŋ uku ugwi wu akə inji zənə úŋwən mə ungɨŋ ingəʼ kyayn. 24Mbə məŋə-anó wu ŋu noʼ Yeso ambuni ighayn abú uŋwən kwi, “Masa masa! Mba yə sə baʼa iŋu iku.”
Yeso noʼ atey ghayn abú afirm foro abú imbəʼ ugwi kwi i bó, imbayn ŋaʼa zuw nyəm anigə usin boro 25Anigə Yeso ghayn abú mbə məŋə-anó ma kwi, “Injən ibeni fiŋ izayn?”
Asɨmə mbə́ mə́ məŋərə uma ni goro ighayn akaʼa uma kwi, “A mə ukudu wa ngiya uŋunə nu umə inayn abú afirm nə imbəʼ ugwi ini zəw uŋwən?”
Yeso zwey anóm nu uzugə iboŋ mə ungɨŋ inyo ma
(Mat 8.28-34; Mak 5.1-20)
26Yeso nə mbə məŋə-anó ma ŋu pey aba abey Gerasenes nu amə anjim animini Galeli zi. 27Umugə Yeso mə duw ungɨŋ uku ugwi itəʼ aghəw ma asey, anóm moʼ ungɨŋ asin wu nu Azugə iboŋ mə ungɨŋ inyo ma ŋu kuw uŋwən. Akə agha sa, cha anóm wu mə zi ma ndwi kə chomo ungɨŋ na. Yə́ mə́ chomo ungɨŋ utəw isey nu mbə́ chomo ni ikəb nu umə itwayn ba awu ungɨŋ 28amaʼazənə yə zən Yeso yə kyayn igəw ifigi ma ikyayn akə igəg ika ka ighayn kwi, “Yeso Ŋwə̂ Nwiye achigə isəg ngwə mə kaba ngiya inyi injim? Mə boʼo ubugə inigə kwi izi yə ingəʼ inyi igun.” 29Wə ighayn nigə damugə Yeso ghayn Azugə iboŋ wu du ungɨŋ inyo wa wu. Azugə iboŋ wu si yimə anóm wu itum asey ighari nanaʼ. Ka nə mbə́ mə́ nəmə uŋwən koro ubugə ma nə ughəw ma akə indəŋ, yə mə́ tənə indəŋ wu anigə Azugə iboŋ wu mə aghəy uni noro ŋuw abam ungɨŋ imbayn zomo.
30Yeso biri abú uŋwən kwi, “ungwə ukum amə ngwa.” Wə ywiri kwi, “Uŋu ukum amə unóŋ.” Wə ghayn nigə damugə uzugə iboŋ nanaʼ si inyi ungɨŋ inyo ma. 31Uzugə iboŋ wu boʼo ubugə abú Yeso kwi ka u fuw ma úŋwən icha ungɨŋ ubəg nu cha inwi.
32Unoŋ ingwey kyayn moʼ mə jəgə abam ugum awu asin wu anigə uzugə iboŋ wu boʼo ubugə abú Yeso kwi u sayn úŋwən u nyi awu ungɨŋ ingwey wu anigə yə beni. 33Anigə uzugə iboŋ wu du ungɨŋ inyo wa wu iŋu nyi ungɨŋ ingwey wu. Unuŋ ingwey wu ujum nod swiʼi ukoŋ ugum, mbə ŋu fwayn ungɨŋ animini ikoŋ.
34Anigə ba mbənə mbə́ mə́ ney ingwey wu zən anó zənə yə aghəy anigə mbə́ nod iŋu saŋa ukən wu ungɨŋ abey foro ungɨŋ usin mbənə mbə́ mə́ iyad wu. 35Ba du iŋu zən anó zənə yə aghəy. Amaʼazənə mbə pey aboʼo Yeso, mbə́ zən anóm ŋunə uzugə iboŋ du ungɨŋ inyo ma. Wə chomo iyad ughəw Yeso izi ndwi. Iwe ma si zayn anigə mbə mə goro uma ujum. 36Ba mbənə mbə́ zən anó zəŋ ghayn umugə Yeso zwey anóm uŋu. 37Ba ujum awu ungɨŋ aba abey Gerasenes ghayn abú Yeso kwi u noʼo ŋu ma damugə mbə́ mə́ goro azəd. Anigə yə nyi uku ugwi wene ŋu ma.
38Ki yə sə ŋu noʼ, anóm ŋunə uzugə iboŋ du ungɨŋ inyo ma boʼo ubugə iŋu nə uŋwən. Anigə Yeso ton ighayn kwi, 39“Wene iŋu unuʼ pey yi ghayn anó kyayn zənə Nwiye aghəy inigə.” Anom wu ŋu ungɨŋ usin wu ujum yeŋ saŋa anó kyayn zənə Yeso aghəy abú uŋwən.
Yeso zəmə ukwere Jairus i zwey ayey nu yə bira ndwi ma
(Mat 9.18-26; Mak 5.21-43)
40amaʼazənə Yeso wene iŋu aba animini izi ba nanaʼ num uŋwən anji chuŋ damugə mbə mə nəmə uŋwən uma ujum. 41Anom moʼ ukum ma mə Jairus ni amə wa kyayn ungɨŋ na ibumi ba Jû ŋu yi gow ughəw Yeso iboʼo ubugə abú uŋwən kwi Yeso a na ma, 42damugə ukwere ma nu abəma uyugə ufeyn abú uŋwən mə baʼa iku. Akwere wu mə ituʼ ighum cho bigə.
Umugə Yeso mə́ iyeŋ iŋuw ba mə ifere uma iyad ma. 43Ayey moʼ mə akaʼa ba wu nu u si zənə ingəʼ akə imbayn bene akə ituʼ ighum cho bigə, yə si chiŋe u aghəy mbənə mbə́ mə́ abú uŋwən ujum inaʼ abú ba ifuʼ anigə cha moʼ di si zwey ma uŋwən. 44Wə yeŋ anjim Yeso pey yi bira iyad ndwi ma. Imbayn bene ma məy. Aba ighara wu, 45Yeso biri kwi, “Amə ngwa bira aŋu?”
Ba jum aton anigə Pita ghayn kwi, “Masa unuŋ ba kad ayə kumə yə fere uma inji inyo.” 46Anigə Yeso ghayn kwi, “Wa moʼ bira aŋu. Mə kyay amaʼazənə ikay du inyi inyo.” 47Amaʼazənə ayey wu zən kwi cha inji abú uŋwən ipaʼa, yə́ sə́ neŋere igəw imbey Yeso ifigi ba ujum i toʼo aton zənə yə bira Yeso nə inji zənə isɨgə ma mey aba ighari awu. 48Yeso ghayn abú uŋwən kwi, “Uŋu ukwere inji beni fiŋ aghəy injə isɨgə imey. Ŋuw akə aborobod.” 49Amaʼazənə Yeso mə bugə inayn, wa moʼ du ungɨŋ na wa kyayn nu yə mə faʼa ungɨŋ na ibumi ba Jû yi ghayn abú Jairus kwi, “Ungwə ukwere si ku imə naʼa ayə ingəʼ abú ataʼa ba.” 50Yeso zəw anó wu anigə ighayn abú Jairus kwi, “Imə goro yə, ngwə bə beni isɨgə ungwə ŋwə̂ iyi mey.” 51Amaʼazənə Yeso pey a na Jairus, cha yə di beni ma kwi wa moʼ nyi awu chigə akə Pita, Jon, Jems foro nə mbaʼ nə ingo mbi ŋwə̂ wu 52Ba ujum mbə́ mə́ idey kənə da ŋwə̂ wu. Yeso ghayn abú úŋwən kwi mbən mə́ dey ngwen chama u di si ku ma u yə bunə amə bunə. 53Anigə ba wu mə chiʼe Yeso damugə mbə́ kyay kwi ŋwə̂ wu si ku 54Yeso yimi abugə akwere wu ighayn akə igəg kaka kwi, “uŋu ŋwə̂ noʼo atey.” 55Azugə ŋwə̂ wu gha zaʼa anigə yə noʼ atey aba ighara wu. Yeso ghayn kwi ú kaba aghəy moʼ naʼ abú uŋwən u jəg. 56Mbaʼ ŋwə̂ ayey wu ni ingwo ma yere anigə Yeso chere úŋwən kwi ka u ghayn ma anó zənə aduw abú wa moʼ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 CABTAL