Luk 9
9
Yeso tom mbə məŋə-anó ma ighum cho bigə
(Mat 10.5-15; Mak 6.7-13)
1Yeso tiya mbə məŋə-anó ma ighum cho bigə inaʼ ikay abú úŋwən imə chiyə uzugə iboŋ ujum nə imə izwey ba. 2Wə tom úŋwən kwi uni yeŋ yə ghayn anó fon Nwiye yə zwey ba isɨgə. 3Wə ghayn abú úŋwən kwi, “Umugə mbən mə ŋuw, mbən inum ngwen aghəy moʼ kə imbaŋ kə abam kə aghəy jəgi kə ukab. Ka mbən num ngwen ndwi chini.” 4Mbən bə pey yə nyi ungɨŋ na moʼ, u bə num ngwən anji chuŋ, mbən chomo aba awu ungɨŋ na wu pey aney zənə mbən mə noʼo. 5#Ifa 13.51Mbən bə nyi asin moʼ u ki num ma ngwen anji chuŋ, mbən duw ungɨŋ asin wu. Umugə mbən mə duw, mbən koro imbuy umbən ughəw zigə ayi tey anwini kwi mbə ton ukən uchuŋ.
6Umugə yə ghayn nigə, mbə məŋə-anó du iŋu chigə ungɨŋ usin nanaʼ yə ghayn ukən uchuŋ nibi yə zwey ba akə isɨgə.
Atəw Herod buw
(Mat 14.1-12; Mak 6.14-29)
7 #
Mat 16.14; Mak 8.28; Luk 9.19 Amaʼa zənə Herod nu yə mə tumə ba Galeli zəw unó ujum mbənə mbə́ mi duw, atəw ma buw damugə ba moʼ mə ghayn kwi Jon ŋunə yə́ mə́ naʼa une si zəmə. 8Umoʼ mə ghayn kwi Elayija si wene zaʼa u chini ghayn kwi wa ukən Nwiye moʼ akaʼa umbi mey si gha zəmə. 9Herod biri kwi, mə́ səg atəw Jon anóm ŋunə asi mə zəw unó mbəŋ da uŋwən amə ngiya? Wə́ mə́ kaba inji izən Yeso.
Yeso jəy ba ichuʼ itəŋ
(Mat 14.13-21; Mak 6.30-44; Jon 6.1-14)
10Amaʼazənə ba tom wu wene zaʼa, mbə pey yi ghayn abú Yeso unó ujum mbənə mbə́ aghəy. Wə num úŋwən u ŋú asin moʼ umə tiya akə Betsayida. 11Amaʼazənə ikwiy ba zəw kwi umbə awu ungɨŋ, mbə́ ŋú aboʼo uŋwən. Wə num úŋwən anji chuŋ ni ghayn anó da anó ufon abú úŋwən. Wə zwey u mbənə mbə́ ŋú kwi u zwey úŋwən.
12Amaʼazənə injəʼ mə́ sə chəgə, mbə məŋə-anó ma ighum cho bigə ŋu ghayn abú uŋwən kwi, “Ghayn ikwiy ba zəŋ ŋuw ungɨŋ usin mbənə umə iyad iyad iŋu ungɨŋ imbayn ikab aghəy moʼ ijəg nə asin iney damugə asin zəŋ cha ba awu.”
13Yeso ghayn abú úŋwən kwi, “Mbən naʼa aghəy moʼ abú úŋwən ujəg.” Úŋwen ywiri abú uŋwən kwi, “u aghəy ujum mbənə umə abú úŋwən aba ubimi ingəŋ ukara itiŋ nə su bigə. Ngwə mə kaba kwi mba ŋuw izon aghəy jəgi abú ikwiy ba zəŋ ujum?” 14(Anom mbənə mbə́ mə́ awu amə ka ichuʼ itəŋ).
Yeso ghayn abú mbə məŋə-anó ma kwi, “Mbən aghəy uchomo asiy akə ikwiyi ikwiyi ba mə akə ikwiy feyn ka ighum itəŋ.” 15Mbə ghəy nigə anigə ba wu ujum chomo asey. 16Amaʼazənə mbə́ chomo, Yeso num ubimi ingəŋ ukara wu itəŋ nə su bigə iney aneŋ Ichaʼara Nwiye. Wə bɨʼiri inaʼ abú mbə məŋə-anó ma kwi ughaba abú ba. 17Mbə́ num ighaba anigə úŋwən uma ujum jəg ikod. Mbə məŋə-anó were ikəg tənə tə́ buʼe isugi ungɨŋ usəŋ ighum cho bigə.
Pita ghayn wa ŋunə Yeso mə uŋwən
(Mat 16.13-19; Mak 8.27-29)
18Aney moʼ nu Yeso mə chaʼara Nwiye ma zeʼe, mbə məŋə-anó ma ŋu abú uŋwən. Anigə yə biri abú úŋwən kwi, “ba mə ghayn kwi amə ngwa?”
19 #
Mat 14.1, 2; Mak 6.14, 15; Luk 9.7, 8 Mbə ywiri kwi, “Ba moʼ mbə ghayn kwi ngwə mə Jon ŋunə yə mə naʼa une, umoʼ ghayn kwi ngwə mə Elayija, uchini ghayn kwi ngwə mə wa ukən Nwiye moʼ akaʼa umbi imbey nu usi zəmə.”
20 #
Jon 6.68, 69 Umugə mbə ghayn nigə, yə biri abú úŋwən kwi, “Amə umbən mbən ghayn kwi amə ngwa?” Pita ywiri kwi, “Ngwə mə wa ŋunə Nwiye zoʼo.”
Yeso ghayn kwi iyi zəw ingəʼ iku
(Mat 16.20-28; Mak 8.30–9.1)
21Anigə Yeso chere úŋwən kwi ka ughayn ma anó zəŋ abú wa moʼ. 22Wə ghayn abú úŋwən kwi, “Ŋwə̂ Wa yi zəw ingəʼ, ba kyayn ungɨŋ abey, ba kyayn ambəŋ Nwiye ni mbə taʼa unoʼo umbi ton uŋwən. Umbi zwere uŋwən asə igun unəy ta Nwiye yi zəmə uŋwən.”
23 #
Mat 10.38; Luk 14.27 Wə ghayn abú úŋwən uma ujum kwi, “Wa moʼ bə mə kaba izaʼa aboʼo inyi u ton unó mbənə inyə̂ inyo ma mə fəna beʼe azad baʼara ma niŋe inji injim unəy ujum. 24#Mat 10.39; Luk 17.33; Jon 12.25Mbə ghayn kwi wa moʼ ŋunə u mə kaba isiy itəni ma u yi isam ichomo wu. Wa moʼ ŋunə u sam itəni ma da aŋu u yi isiy itəni wu. 25Injim zənə wa mi jəg amə ngiya ighari umbə mə nə u ghəy ujum aki igun isəg anigə isam itəni ma? 26Atəw wa moʼ bə sə dere da aŋu foro da inyi inayn, atəw Ŋwə̂ Wa yi mə dere da uŋwən fən Amaʼazənə umi zaʼa nu ufon foro nə ika zənə Nwiye naʼa abú uŋwən nə iwumini zənə mbə angəd zayn zayn mi naʼ abú uŋwən. 27Ayə ghayn asiʼ inen kwi, ba moʼ mbə akəŋ nu cha umi iku pey aney zənə umi zən anó ufon Nwiye.”
Yeso beŋe sə məŋərə
(Mat 17.1-8; Mak 9.2-8)
28Uney ifeyn chigə Amaʼazənə Yeso ghayn unó mbəŋ, yə num Pita, Jon foro nə Jems mbə koʼ iŋu igun ugum iŋu chaʼara Nwiye. 29Umugə yə mə chaʼara Nwiye, ifigi ma kaba ndwi ma sə ifuw məŋərə. 30Asin sə ŋu naʼa, mbə zən anóm bigə umə inayn nə uŋwən. Mbə anóm wu mə Mose nə Elayija. 31Mbə buw ni məŋərə ni unoʼo azobo mbə́ pey ni inayn nə Yeso umugə umi iku a Yerusanem anji zənə Nwiye tana isiy. 32Pita nə ba mbənə mbə mə́ nə uŋwən fwayn ambuni. Amaʼazənə mbə́ noʼo, mbə́ zən umugə Yeso mə məŋərə nə anóm bigə mbənə mbə́ tən nə uŋwən. 33Amaʼazənə anóm wu siyn Yeso, Pita ghayn abú uŋwən kwi, “Masa yə boŋ umugə mba mə akəŋ. Mba yi chim usɨgə uta afeyn inigə afeyn abú Mose afeyn abú Elayija.” Wə ghayn ney anigə yə ki kyayn ma anó zənə yə mə ghayn. 34Amaʼazənə yə mə bugə inayn, ipaʼ moʼ zaʼa ikəbərə úŋwən mə məŋə-anó wu mə goro umugə ipa wu kəbərə úŋwən. 35#Mat 3.17; 12.18; Mak 1.11; Luk 3.22Igəg moʼ du awu ungɨŋ ipaʼ ighayn kwi, “Amə uŋu ŋwə̂ ŋunə a choʼo mbən ni zəw anó zənə umə ghayn.” 36Amaʼazənə igəg wu inayn imara, mbə́ zən Yeso abəma zeʼe mbə́ chuʼizi akə unó mbəŋ. Amaʼa wu, cha mbə di ghayn ma anó zənə mbə zən abú wa moʼ.
Yeso fuw uzugə iboŋ ungɨŋ inyo ŋwə̂ moʼ
(Mat 17.14-18; Mak 9.14-27)
37Aney kuŋ umugə mbə́ mə́ swiʼi ugum wu, ikwiy ba kyayn ŋu kuw úŋwən. 38Wa moʼ kyay akaʼa ikwiy ba wu ighayn kwi, “Ataʼa unó mə boʼo ubugə inigə kwi ngwə ney uŋu ŋwə̂ anóm ayə aba nə uŋwən yugə! 39Azugə iboŋ ayə yimə uŋwən uni kyay akə ikay, ayə ibiya uŋwən itum asey ajəw ni duw uchəw ma Azugə wu ayə chow uŋwən akə ingəʼ cha amə beni ma isayn uŋwən. 40Mə si boʼo ubugə abú umə məŋə-anó kwi u chiyə Azugə zəŋ anigə cha u kyay uma umugə ichi.”
41Yeso ghayn abú úŋwən kwi, “ba akə amaʼ zəŋ yimə cha mbən mə zi ngwen fiŋ inyo Nwiye, cha mbən mə aghəy unó ni ukəʼərə amə unun amaʼ ngiya ami mə nə umbən? Imə bə yimə fiŋ nə?” Amaʼazənə yə ghayn nigə, yə ghayn abú anóm wu kwi, “Num ungwə ŋwə̂ zaʼa akəŋ.”
42Amaʼazənə ŋwə̂ wu mə iyeŋ ŋuw, Azugə iboŋ wu yimə uŋwən itum asey ni ŋeʼere uŋwən. Anigə Yeso kyay abú Azugə iboŋ wu izwey ŋwə̂ wu anigə inaʼa uŋwən abú mbaʼ ma. 43Ba mbənə mbə́ mə́ awu ujum yere umugə mbə zən ikay Nwiye.
Yeso inayn ghari chini da iwu ma
(Mat 17.22, 23; Mak 9.30-32)
Umugə ba mə́ bugə məŋərə uma akə uyere unó ujum benə Yeso aghəy, yə ghayn abú mbə məŋə-anó ma kwi, 44“Mbən zəw anó zənə amə iŋu ghayn inen izi ungɨŋ umbən utəw. Inayn wu amə kwi umbi fənə Ŋwə̂ Wa abú ba.” 45Mbə məŋə-anó ma zəw inayn zəŋ anigə cha utəw ma di zayn damugə Nwiye noy inayn wu abú úŋwən kwi ka úŋwən kyay uma anigə mbə mə́ goro uma ibiri inayn wu abú Yeso.
Wa ŋunə amə ukyayn kyayn
(Mat 18.1-5; Mak 9.33-37)
46 #
Luk 22.24
Mbə məŋə-anó Yeso mə taŋa akə wa ŋunə amə ukyayn akaʼa uma. 47Yeso kyayn anó zənə mbə́ mə́ kono ungɨŋ fiŋ uma anigə yə num ŋwə̂ kuŋe isey iyad ma, 48#Mat 10.40; Luk 10.16; Jon 13.20ighayn abú mbə məŋə-anó ma kwi, “Wa ŋunə u num ŋwə̂ kuŋe uŋu anji chuŋ akə uŋu ukum, yə num aŋu anji chuŋ anigə wa ŋunə u num aŋu anji chuŋ yə num wa ŋunə yə cha aŋu anji chuŋ. Wa ŋunə amə ukuŋe injən kaʼa amə uŋwən mə ukyayn.”
Wa ŋunə cha uton ma ngwen u yə nə mbən
(Mak 9.38-40)
49Jon ghayn kwi, “Masa mba zən wa moʼ umə chiyə uzugə iboŋ akə ungwə ukum mba kaba ikən uŋwən da mugə cha uŋwən mə wa moʼ inja akaʼa.” 50Yeso ghayn abú uŋwən kwi, “Mbən kənə ngwen uŋwən damugə wa ŋunə cha uton ma ngwen uyə nə umbən.”
Ba asin moʼ Samariya ton i num Yeso
51Amaʼ mə sə tinə nu Nwiye mi num Yeso azobo yə beni ungɨŋ fiŋ ma kwi iyi ŋu a Yerusanem. 52Anigə yə cha ba ukən imbey ma kwi uŋuw asin moʼ Samariya itana u aghəy ujum abú uŋwən ki usə iŋuw. 53Anigə cha ba mbənə mbə́ mə́ num uma uŋwən anji chuŋ damugə mbə zən kwi uyə ŋuw ma a Yerusanem. 54Amaʼazənə Jems nə Jon zən anó zəŋ, mbə biri abú Yeso kwi, “Asɨyisəg ngwə waʼa kaba kwi mba ghayn Nwiye cha uwəd azobo u zaʼa itoŋ úŋwən nə?”#9.54 Ayə ungɨŋ aŋwaʼanayn kwi umugə Elayija aghəy.
55Umugə mbə ghayn nigə, Yeso kyayn abú úŋwən.#9.55 Ayə ungɨŋ uŋwaʼanayn moʼ kwi cha ngwə di kyay Azugə zənə ami inen damugə cha Ŋwə̂ Wa di zaʼa ma ichi ichomo ba. Wə zaʼa ichi úŋwən angəʼ. 56Anigə mbə chigə iŋu asin chini.
57Amaʼazənə Yeso nə mbə məŋə-anó ma mə iyeŋ iŋuw, wa moʼ ghayn abú Yeso kwi, “Ayi niŋe injə injim usin ujum mbənə ngwə mə iŋuw awu.”
58Yeso ghayn abú uŋwən kwi, “kyayn kwi isiyn tə nə ibəg inen tə nə ikəŋ anigə cha Ŋwə̂ Wa nə asin moʼ i niŋe atəw ma awu.”
59Wə ghayn abú wa chini kwi, “Niŋe inyi injim.” Anigə wa wu ghayn abú uŋwən kwi, “Masa səw adi ŋuw itwayn uŋu mba.”
60Yeso ywiri abú uŋwən kwi, “Siyn uwu ba u twayn uwu ba mbi. Amə́ akə ungwə, ngwə ŋuw sə ghayn ukən uchuŋ da anó ufon Nwiye.”
61Wa chini ghayn abú Yeso kwi, “Ayi niŋe injə injim Asɨyisəg anigə siy a ŋuw chaʼara uŋu unebey.”
62Yeso ghayn abú uŋwən kwi, “Cha wa ŋunə u yimi asugə mə faʼa ni gha ma ney anjim ukəʼərə inyi ungɨŋ anó ufon Nwiye.”
Currently Selected:
Luk 9: NGI
Highlight
Share
Copy
Want to have your highlights saved across all your devices? Sign up or sign in
© 2023 CABTAL
Luk 9
9
Yeso tom mbə məŋə-anó ma ighum cho bigə
(Mat 10.5-15; Mak 6.7-13)
1Yeso tiya mbə məŋə-anó ma ighum cho bigə inaʼ ikay abú úŋwən imə chiyə uzugə iboŋ ujum nə imə izwey ba. 2Wə tom úŋwən kwi uni yeŋ yə ghayn anó fon Nwiye yə zwey ba isɨgə. 3Wə ghayn abú úŋwən kwi, “Umugə mbən mə ŋuw, mbən inum ngwen aghəy moʼ kə imbaŋ kə abam kə aghəy jəgi kə ukab. Ka mbən num ngwen ndwi chini.” 4Mbən bə pey yə nyi ungɨŋ na moʼ, u bə num ngwən anji chuŋ, mbən chomo aba awu ungɨŋ na wu pey aney zənə mbən mə noʼo. 5#Ifa 13.51Mbən bə nyi asin moʼ u ki num ma ngwen anji chuŋ, mbən duw ungɨŋ asin wu. Umugə mbən mə duw, mbən koro imbuy umbən ughəw zigə ayi tey anwini kwi mbə ton ukən uchuŋ.
6Umugə yə ghayn nigə, mbə məŋə-anó du iŋu chigə ungɨŋ usin nanaʼ yə ghayn ukən uchuŋ nibi yə zwey ba akə isɨgə.
Atəw Herod buw
(Mat 14.1-12; Mak 6.14-29)
7 #
Mat 16.14; Mak 8.28; Luk 9.19 Amaʼa zənə Herod nu yə mə tumə ba Galeli zəw unó ujum mbənə mbə́ mi duw, atəw ma buw damugə ba moʼ mə ghayn kwi Jon ŋunə yə́ mə́ naʼa une si zəmə. 8Umoʼ mə ghayn kwi Elayija si wene zaʼa u chini ghayn kwi wa ukən Nwiye moʼ akaʼa umbi mey si gha zəmə. 9Herod biri kwi, mə́ səg atəw Jon anóm ŋunə asi mə zəw unó mbəŋ da uŋwən amə ngiya? Wə́ mə́ kaba inji izən Yeso.
Yeso jəy ba ichuʼ itəŋ
(Mat 14.13-21; Mak 6.30-44; Jon 6.1-14)
10Amaʼazənə ba tom wu wene zaʼa, mbə pey yi ghayn abú Yeso unó ujum mbənə mbə́ aghəy. Wə num úŋwən u ŋú asin moʼ umə tiya akə Betsayida. 11Amaʼazənə ikwiy ba zəw kwi umbə awu ungɨŋ, mbə́ ŋú aboʼo uŋwən. Wə num úŋwən anji chuŋ ni ghayn anó da anó ufon abú úŋwən. Wə zwey u mbənə mbə́ ŋú kwi u zwey úŋwən.
12Amaʼazənə injəʼ mə́ sə chəgə, mbə məŋə-anó ma ighum cho bigə ŋu ghayn abú uŋwən kwi, “Ghayn ikwiy ba zəŋ ŋuw ungɨŋ usin mbənə umə iyad iyad iŋu ungɨŋ imbayn ikab aghəy moʼ ijəg nə asin iney damugə asin zəŋ cha ba awu.”
13Yeso ghayn abú úŋwən kwi, “Mbən naʼa aghəy moʼ abú úŋwən ujəg.” Úŋwen ywiri abú uŋwən kwi, “u aghəy ujum mbənə umə abú úŋwən aba ubimi ingəŋ ukara itiŋ nə su bigə. Ngwə mə kaba kwi mba ŋuw izon aghəy jəgi abú ikwiy ba zəŋ ujum?” 14(Anom mbənə mbə́ mə́ awu amə ka ichuʼ itəŋ).
Yeso ghayn abú mbə məŋə-anó ma kwi, “Mbən aghəy uchomo asiy akə ikwiyi ikwiyi ba mə akə ikwiy feyn ka ighum itəŋ.” 15Mbə ghəy nigə anigə ba wu ujum chomo asey. 16Amaʼazənə mbə́ chomo, Yeso num ubimi ingəŋ ukara wu itəŋ nə su bigə iney aneŋ Ichaʼara Nwiye. Wə bɨʼiri inaʼ abú mbə məŋə-anó ma kwi ughaba abú ba. 17Mbə́ num ighaba anigə úŋwən uma ujum jəg ikod. Mbə məŋə-anó were ikəg tənə tə́ buʼe isugi ungɨŋ usəŋ ighum cho bigə.
Pita ghayn wa ŋunə Yeso mə uŋwən
(Mat 16.13-19; Mak 8.27-29)
18Aney moʼ nu Yeso mə chaʼara Nwiye ma zeʼe, mbə məŋə-anó ma ŋu abú uŋwən. Anigə yə biri abú úŋwən kwi, “ba mə ghayn kwi amə ngwa?”
19 #
Mat 14.1, 2; Mak 6.14, 15; Luk 9.7, 8 Mbə ywiri kwi, “Ba moʼ mbə ghayn kwi ngwə mə Jon ŋunə yə mə naʼa une, umoʼ ghayn kwi ngwə mə Elayija, uchini ghayn kwi ngwə mə wa ukən Nwiye moʼ akaʼa umbi imbey nu usi zəmə.”
20 #
Jon 6.68, 69 Umugə mbə ghayn nigə, yə biri abú úŋwən kwi, “Amə umbən mbən ghayn kwi amə ngwa?” Pita ywiri kwi, “Ngwə mə wa ŋunə Nwiye zoʼo.”
Yeso ghayn kwi iyi zəw ingəʼ iku
(Mat 16.20-28; Mak 8.30–9.1)
21Anigə Yeso chere úŋwən kwi ka ughayn ma anó zəŋ abú wa moʼ. 22Wə ghayn abú úŋwən kwi, “Ŋwə̂ Wa yi zəw ingəʼ, ba kyayn ungɨŋ abey, ba kyayn ambəŋ Nwiye ni mbə taʼa unoʼo umbi ton uŋwən. Umbi zwere uŋwən asə igun unəy ta Nwiye yi zəmə uŋwən.”
23 #
Mat 10.38; Luk 14.27 Wə ghayn abú úŋwən uma ujum kwi, “Wa moʼ bə mə kaba izaʼa aboʼo inyi u ton unó mbənə inyə̂ inyo ma mə fəna beʼe azad baʼara ma niŋe inji injim unəy ujum. 24#Mat 10.39; Luk 17.33; Jon 12.25Mbə ghayn kwi wa moʼ ŋunə u mə kaba isiy itəni ma u yi isam ichomo wu. Wa moʼ ŋunə u sam itəni ma da aŋu u yi isiy itəni wu. 25Injim zənə wa mi jəg amə ngiya ighari umbə mə nə u ghəy ujum aki igun isəg anigə isam itəni ma? 26Atəw wa moʼ bə sə dere da aŋu foro da inyi inayn, atəw Ŋwə̂ Wa yi mə dere da uŋwən fən Amaʼazənə umi zaʼa nu ufon foro nə ika zənə Nwiye naʼa abú uŋwən nə iwumini zənə mbə angəd zayn zayn mi naʼ abú uŋwən. 27Ayə ghayn asiʼ inen kwi, ba moʼ mbə akəŋ nu cha umi iku pey aney zənə umi zən anó ufon Nwiye.”
Yeso beŋe sə məŋərə
(Mat 17.1-8; Mak 9.2-8)
28Uney ifeyn chigə Amaʼazənə Yeso ghayn unó mbəŋ, yə num Pita, Jon foro nə Jems mbə koʼ iŋu igun ugum iŋu chaʼara Nwiye. 29Umugə yə mə chaʼara Nwiye, ifigi ma kaba ndwi ma sə ifuw məŋərə. 30Asin sə ŋu naʼa, mbə zən anóm bigə umə inayn nə uŋwən. Mbə anóm wu mə Mose nə Elayija. 31Mbə buw ni məŋərə ni unoʼo azobo mbə́ pey ni inayn nə Yeso umugə umi iku a Yerusanem anji zənə Nwiye tana isiy. 32Pita nə ba mbənə mbə mə́ nə uŋwən fwayn ambuni. Amaʼazənə mbə́ noʼo, mbə́ zən umugə Yeso mə məŋərə nə anóm bigə mbənə mbə́ tən nə uŋwən. 33Amaʼazənə anóm wu siyn Yeso, Pita ghayn abú uŋwən kwi, “Masa yə boŋ umugə mba mə akəŋ. Mba yi chim usɨgə uta afeyn inigə afeyn abú Mose afeyn abú Elayija.” Wə ghayn ney anigə yə ki kyayn ma anó zənə yə mə ghayn. 34Amaʼazənə yə mə bugə inayn, ipaʼ moʼ zaʼa ikəbərə úŋwən mə məŋə-anó wu mə goro umugə ipa wu kəbərə úŋwən. 35#Mat 3.17; 12.18; Mak 1.11; Luk 3.22Igəg moʼ du awu ungɨŋ ipaʼ ighayn kwi, “Amə uŋu ŋwə̂ ŋunə a choʼo mbən ni zəw anó zənə umə ghayn.” 36Amaʼazənə igəg wu inayn imara, mbə́ zən Yeso abəma zeʼe mbə́ chuʼizi akə unó mbəŋ. Amaʼa wu, cha mbə di ghayn ma anó zənə mbə zən abú wa moʼ.
Yeso fuw uzugə iboŋ ungɨŋ inyo ŋwə̂ moʼ
(Mat 17.14-18; Mak 9.14-27)
37Aney kuŋ umugə mbə́ mə́ swiʼi ugum wu, ikwiy ba kyayn ŋu kuw úŋwən. 38Wa moʼ kyay akaʼa ikwiy ba wu ighayn kwi, “Ataʼa unó mə boʼo ubugə inigə kwi ngwə ney uŋu ŋwə̂ anóm ayə aba nə uŋwən yugə! 39Azugə iboŋ ayə yimə uŋwən uni kyay akə ikay, ayə ibiya uŋwən itum asey ajəw ni duw uchəw ma Azugə wu ayə chow uŋwən akə ingəʼ cha amə beni ma isayn uŋwən. 40Mə si boʼo ubugə abú umə məŋə-anó kwi u chiyə Azugə zəŋ anigə cha u kyay uma umugə ichi.”
41Yeso ghayn abú úŋwən kwi, “ba akə amaʼ zəŋ yimə cha mbən mə zi ngwen fiŋ inyo Nwiye, cha mbən mə aghəy unó ni ukəʼərə amə unun amaʼ ngiya ami mə nə umbən? Imə bə yimə fiŋ nə?” Amaʼazənə yə ghayn nigə, yə ghayn abú anóm wu kwi, “Num ungwə ŋwə̂ zaʼa akəŋ.”
42Amaʼazənə ŋwə̂ wu mə iyeŋ ŋuw, Azugə iboŋ wu yimə uŋwən itum asey ni ŋeʼere uŋwən. Anigə Yeso kyay abú Azugə iboŋ wu izwey ŋwə̂ wu anigə inaʼa uŋwən abú mbaʼ ma. 43Ba mbənə mbə́ mə́ awu ujum yere umugə mbə zən ikay Nwiye.
Yeso inayn ghari chini da iwu ma
(Mat 17.22, 23; Mak 9.30-32)
Umugə ba mə́ bugə məŋərə uma akə uyere unó ujum benə Yeso aghəy, yə ghayn abú mbə məŋə-anó ma kwi, 44“Mbən zəw anó zənə amə iŋu ghayn inen izi ungɨŋ umbən utəw. Inayn wu amə kwi umbi fənə Ŋwə̂ Wa abú ba.” 45Mbə məŋə-anó ma zəw inayn zəŋ anigə cha utəw ma di zayn damugə Nwiye noy inayn wu abú úŋwən kwi ka úŋwən kyay uma anigə mbə mə́ goro uma ibiri inayn wu abú Yeso.
Wa ŋunə amə ukyayn kyayn
(Mat 18.1-5; Mak 9.33-37)
46 #
Luk 22.24
Mbə məŋə-anó Yeso mə taŋa akə wa ŋunə amə ukyayn akaʼa uma. 47Yeso kyayn anó zənə mbə́ mə́ kono ungɨŋ fiŋ uma anigə yə num ŋwə̂ kuŋe isey iyad ma, 48#Mat 10.40; Luk 10.16; Jon 13.20ighayn abú mbə məŋə-anó ma kwi, “Wa ŋunə u num ŋwə̂ kuŋe uŋu anji chuŋ akə uŋu ukum, yə num aŋu anji chuŋ anigə wa ŋunə u num aŋu anji chuŋ yə num wa ŋunə yə cha aŋu anji chuŋ. Wa ŋunə amə ukuŋe injən kaʼa amə uŋwən mə ukyayn.”
Wa ŋunə cha uton ma ngwen u yə nə mbən
(Mak 9.38-40)
49Jon ghayn kwi, “Masa mba zən wa moʼ umə chiyə uzugə iboŋ akə ungwə ukum mba kaba ikən uŋwən da mugə cha uŋwən mə wa moʼ inja akaʼa.” 50Yeso ghayn abú uŋwən kwi, “Mbən kənə ngwen uŋwən damugə wa ŋunə cha uton ma ngwen uyə nə umbən.”
Ba asin moʼ Samariya ton i num Yeso
51Amaʼ mə sə tinə nu Nwiye mi num Yeso azobo yə beni ungɨŋ fiŋ ma kwi iyi ŋu a Yerusanem. 52Anigə yə cha ba ukən imbey ma kwi uŋuw asin moʼ Samariya itana u aghəy ujum abú uŋwən ki usə iŋuw. 53Anigə cha ba mbənə mbə́ mə́ num uma uŋwən anji chuŋ damugə mbə zən kwi uyə ŋuw ma a Yerusanem. 54Amaʼazənə Jems nə Jon zən anó zəŋ, mbə biri abú Yeso kwi, “Asɨyisəg ngwə waʼa kaba kwi mba ghayn Nwiye cha uwəd azobo u zaʼa itoŋ úŋwən nə?”#9.54 Ayə ungɨŋ aŋwaʼanayn kwi umugə Elayija aghəy.
55Umugə mbə ghayn nigə, Yeso kyayn abú úŋwən.#9.55 Ayə ungɨŋ uŋwaʼanayn moʼ kwi cha ngwə di kyay Azugə zənə ami inen damugə cha Ŋwə̂ Wa di zaʼa ma ichi ichomo ba. Wə zaʼa ichi úŋwən angəʼ. 56Anigə mbə chigə iŋu asin chini.
57Amaʼazənə Yeso nə mbə məŋə-anó ma mə iyeŋ iŋuw, wa moʼ ghayn abú Yeso kwi, “Ayi niŋe injə injim usin ujum mbənə ngwə mə iŋuw awu.”
58Yeso ghayn abú uŋwən kwi, “kyayn kwi isiyn tə nə ibəg inen tə nə ikəŋ anigə cha Ŋwə̂ Wa nə asin moʼ i niŋe atəw ma awu.”
59Wə ghayn abú wa chini kwi, “Niŋe inyi injim.” Anigə wa wu ghayn abú uŋwən kwi, “Masa səw adi ŋuw itwayn uŋu mba.”
60Yeso ywiri abú uŋwən kwi, “Siyn uwu ba u twayn uwu ba mbi. Amə́ akə ungwə, ngwə ŋuw sə ghayn ukən uchuŋ da anó ufon Nwiye.”
61Wa chini ghayn abú Yeso kwi, “Ayi niŋe injə injim Asɨyisəg anigə siy a ŋuw chaʼara uŋu unebey.”
62Yeso ghayn abú uŋwən kwi, “Cha wa ŋunə u yimi asugə mə faʼa ni gha ma ney anjim ukəʼərə inyi ungɨŋ anó ufon Nwiye.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023 CABTAL